انتــبـــــهــــوا من كــــــــــروهـ !!

[بنت الدوحه]

السلام عليكم ورحمة الله وبركاته


موقف حصل لأحد الأخوات وهي راكبه كروه وطالعه من احد الاماكن العامه ومتجهه لجهه اخرى قالت له ينتظرها لحد ماتخلص وتطلع البيت
اللي حصل لما وصلت الاخت لبيتها شافت العداد 30 ريال والسايق يطالبها تدفع اكثر لانه انتظرها
طيب العداد شغال ما وقف على اي أساس يطلب اكثر؟
وليش حتى سائقين الكروه يستغفلونا ؟
معقوله اللي صاير في البلد الكل ينهب وينصب من كل صوب !!طيب الاخت قدمت شكوى على اساس انها متعلمه وشافت العداد لو حصل وركب معاه شايب او حرمه كبيره في السن ماتعرف تقرا مو حرام انه ينصب عليهم وياخذ اكثر من حقه ؟؟؟؟
تخيلوا لما اعطته 50 ريال قال خلاص باخذها كلها !! لاني انتظرتكم

اشرايكم باللي صار ياجماعه ؟ ولين متى ينقص علينا واحنا ساكتين ؟

[زقرتي ومزاجي]

السلام عليكم ورحمة الله وبركاته


موقف حصل لأحد الأخوات وهي راكبه كروه وطالعه من احد الاماكن العامه ومتجهه لجهه اخرى قالت له ينتظرها لحد ماتخلص وتطلع البيت
اللي حصل لما وصلت الاخت لبيتها شافت العداد 30 ريال والسايق يطالبها تدفع اكثر لانه انتظرها
طيب العداد شغال ما وقف على اي أساس يطلب اكثر؟
وليش حتى سائقين الكروه يستغفلونا ؟
معقوله اللي صاير في البلد الكل ينهب وينصب من كل صوب !!طيب الاخت قدمت شكوى على اساس انها متعلمه وشافت العداد لو حصل وركب معاه شايب او حرمه كبيره في السن ماتعرف تقرا مو حرام انه ينصب عليهم وياخذ اكثر من حقه ؟؟؟؟
تخيلوا لما اعطته 50 ريال قال خلاص باخذها كلها !! لاني انتظرتكم

اشرايكم باللي صاير ياجماعه ؟ ولين متى ينقص علينا واحنا ساكتين ؟




ماله حق .. وعليها انها تشتكي عليه عند اداره المواصلات وتعطيهم رقم السياره والوقت
هذا شوري

[فارس الكلمة]

طيب .. الأخت لماذا لم تشتكي عليه .. عند مسؤولي كروة ..

بدلا من تركه دون محاسبة أو تحقيق ..

[بنت الدوحه]

الاخت اتصلت وقدمت شكوى وعطتهم رقم السياره بس لو احد مو متعلم شيسوي؟
بينقص عليه ولا يقدر يشتكي
البنت اعطته 30 فقط لكن انتبهوا من سائقين الكروه

[أمير المحبه]

المفروض تجلعييييين اعيونه
وبدال ال30 ريال تعطينه 20
وتادبينه

[بوحارب]

طرشيلي رقم السيارة والوقت واعتبري الموضوع خااااالص :)

[khaldoon]

سواقين كروه ينصبون على شركتهم بعد و يسوون اتفاقات توصيل يوميه مع الناس بدون علم الشركه

اذكر شفت موضوع برمضان لوحده من الاخوات تقول انه في سائق كروه يقول لهم انهم ممنوع يفطرون ساعة الافطار لانهم في ساعة عمل...طبعا هالكلام علشان تتعاطف معاه وتدفع له اكثر

طيب انا كنت اشوف المساجد اللي فيها افطار صائم قدامها خمس او ست سيارات كروه على الاقل..كله كذب و نصب

[diab911]

طرشيلي رقم السيارة والوقت واعتبري الموضوع خااااالص :)



والله شكلك واصل هناك:secret::secret::nice:

[eXpert*]

المفترض كل سيارة كروة يكون فيها نفس الوصل ينطبع ويكون فيها كل البيانات
مدة الرحلة بالدقائق
تكلفة الرحلة بالريال
طول الرحلة بالكيلومتر
مدة الانتظار
رقم سيارة كروة
اسم السائق

[الرايــق]

متى يجي اليوم اللي يتعلم فيه سائقي "كروه" اداب المرور
وعدم استغفال الركاب ومستخدمي الطريق!!


وموضوعك خالص مع بوحارب :d

[فرقة الصقور]

اذا دخول المبنى بالمعرفة والواسطة والتلفون مشغول او بنكلمك >>>>وين تشوفين الحل ولا الخدمة المميزة

ناس مالها خلق تسوي شغلها او تحل مشاكل غيرها

[الوعد2016]

كروه مخالفه في كل شي
وابسطها واقلها قوانين المرور واستثناء وقوف الباصات في نهر الطريق ولم يتم تكليفها برصف مكان مخصص لها للوقوف ولم يتم تاجير حتى المواقع عليهم وكل شي ببلاش لهم وفوق هذا خدمه متدنيه واسعار خياليه

[Ghost]

المال السايب يعلم السرقة ((((((( وبعدين يوقف للي على مزاجه ومن جنسيته والله كبيرة ))))))

[غناتي1]

وانا مع الاخ خلدون

الله يعينا عليهم وعلى اشكالهم الاستغلاليين

[مـــحـــمــد]

لازم يشتكون عليه في اقرب وقت

وبصراحه سائقين كروه سواقتهم الله بالخير

مايعرفون اسووقون

[بنت الدوحه]

لازم يشتكون عليه في اقرب وقت

وبصراحه سائقين كروه سواقتهم الله بالخير

مايعرفون اسووقون

اشتكوا عليه على طول



وانا مع الاخ خلدون

الله يعينا عليهم وعلى اشكالهم الاستغلاليين

المفروض انا كلنا ننتبه لان الكل صار يقص علينا ويمشي وسايق الكروه اكيد قال مافيه احد احسن من احد خلني اقص عليهم انا بعد :)



المال السايب يعلم السرقة ((((((( وبعدين يوقف للي على مزاجه ومن جنسيته والله كبيرة ))))))


ويتأفف بعد اذا قلت له مر مكان معين غير المكان اللي متوجه له كأنك رايح ببلاش



كروه مخالفه في كل شي
وابسطها واقلها قوانين المرور واستثناء وقوف الباصات في نهر الطريق ولم يتم تكليفها برصف مكان مخصص لها للوقوف ولم يتم تاجير حتى المواقع عليهم وكل شي ببلاش لهم وفوق هذا خدمه متدنيه واسعار خياليه


منا للمسؤولين يالوعد




اذا دخول المبنى بالمعرفة والواسطة والتلفون مشغول او بنكلمك >>>>وين تشوفين الحل ولا الخدمة المميزة

ناس مالها خلق تسوي شغلها او تحل مشاكل غيرها


الله يعين ويحمي بلادنا من النصابين



متى يجي اليوم اللي يتعلم فيه سائقي "كروه" اداب المرور
وعدم استغفال الركاب ومستخدمي الطريق!!


وموضوعك خالص مع بوحارب :d


جزاه الله خير ما يقصر بس خلاص قدموا الشكوى




المفترض كل سيارة كروة يكون فيها نفس الوصل ينطبع ويكون فيها كل البيانات
مدة الرحلة بالدقائق
تكلفة الرحلة بالريال
طول الرحلة بالكيلومتر
مدة الانتظار
رقم سيارة كروة
اسم السائق

تخيل اخوي يوم تقول له البنت بكلم المسؤول قال لها روحي خذي رقم السياره وسجليه



سواقين كروه ينصبون على شركتهم بعد و يسوون اتفاقات توصيل يوميه مع الناس بدون علم الشركه

اذكر شفت موضوع برمضان لوحده من الاخوات تقول انه في سائق كروه يقول لهم انهم ممنوع يفطرون ساعة الافطار لانهم في ساعة عمل...طبعا هالكلام علشان تتعاطف معاه وتدفع له اكثر

طيب انا كنت اشوف المساجد اللي فيها افطار صائم قدامها خمس او ست سيارات كروه على الاقل..كله كذب و نصب

النصابين كثار الله يحمينا



طرشيلي رقم السيارة والوقت واعتبري الموضوع خااااالص :)

جزاك الله خير تقدمت الاخت بشكوى حالأ والموظف كان معترض على اللي صار وقال لها امانه يا اختي اذا حصل معاكم اي شي من السائقين وانتوا بالسياره معاه كلمونا




المفروض تجلعييييين اعيونه
وبدال ال30 ريال تعطينه 20
وتادبينه


ماقصروا معاه :nice:

[الدوحه%]

حتى سواقتهم مب مثل سواقه الناس العدله والله ياطين جبدي كم مره يضرب بريك في وييهنا المكان اللي يعجبه يمين ولا يسار ولا نص الدوار اما يركب ولا ينزل عادي عنده هرانه الناس اللي وراه ماعنده مشكله ,,,
<<<<< مقهوره منهم

[Doha Land]

خلوا الطيبة الزايدة على جنب شوي ياجماعة الخير ،

ترى الاستغلال وصل حده . .

كتبوا رقم السيارة وقدموا بلاغ عليهم . .

اذا تحاسب اليوم واحد منهم ، باجر الكل يلتزم ويخاف ويرتدع . .

والله بيتسنعون ( صح ) . .

[بنت الدوحه]

حتى سواقتهم مب مثل سواقه الناس العدله والله ياطين جبدي كم مره يضرب بريك في وييهنا المكان اللي يعجبه يمين ولا يسار ولا نص الدوار اما يركب ولا ينزل عادي عنده هرانه الناس اللي وراه ماعنده مشكله ,,,
<<<<< مقهوره منهم


صدقتي والله مافيه احد ماحصل له موقف من كروه وسائقين كروه





خلوا الطيبة الزايدة على جنب شوي ياجماعة الخير ،

ترى الاستغلال وصل حده . .

كتبوا رقم السيارة وقدموا بلاغ عليهم . .

اذا تحاسب اليوم واحد منهم ، باجر الكل يلتزم ويخاف ويرتدع . .

والله بيتسنعون ( صح ) . .



هذا اللي صار اخوي بس حبينا ننبه الناس بهالموضوع ديروا بالكم من النصابين في كروه وغيرها
بس هل فعلا بيتحاسب السائق ؟؟ الله اعلم

[naklan]

اداره فاشله وتكاسي ما تحصل بسهوله :anger1: واذ الموضفين الفين والسواقين 1000 وين تنجح المفروض عدم الغا التكاسي القديمه لين يوفرون تكاسي للناس == وسلوك سائق بروه سيء لان ادارته ما اعرفت تربيه :tease:

[الجزيرة]

.......... بصراحه ... استهتار وتعامل في قلة الادب

,,,,,,, ليش مايكون هناك عقاب للمخطئ وتنحط صورة في الجرايد حتى ايخاف غيره من سواقين كروة والعكس يكافئ المجتهد وتنحط صورة في الجريده على حسن تعاملة وخلاقة

مجرد اقتراح

[هدهد سليمان]

وين البرتقاله يا حليله حتى هذا ما خلوه .. زين خلو الإثنين يكون هناك تنافس
http://www.pc4up.com/im3gif/N7t20945.gif

[كروه]

السلام عليكم ورحمة الله وبركاته


موقف حصل لأحد الأخوات وهي راكبه كروه وطالعه من احد الاماكن العامه ومتجهه لجهه اخرى قالت له ينتظرها لحد ماتخلص وتطلع البيت
اللي حصل لما وصلت الاخت لبيتها شافت العداد 30 ريال والسايق يطالبها تدفع اكثر لانه انتظرها
طيب العداد شغال ما وقف على اي أساس يطلب اكثر؟
وليش حتى سائقين الكروه يستغفلونا ؟
معقوله اللي صاير في البلد الكل ينهب وينصب من كل صوب !!طيب الاخت قدمت شكوى على اساس انها متعلمه وشافت العداد لو حصل وركب معاه شايب او حرمه كبيره في السن ماتعرف تقرا مو حرام انه ينصب عليهم وياخذ اكثر من حقه ؟؟؟؟
تخيلوا لما اعطته 50 ريال قال خلاص باخذها كلها !! لاني انتظرتكم

اشرايكم باللي صار ياجماعه ؟ ولين متى ينقص علينا واحنا ساكتين ؟

المفروض انها كانت تتصل على الشركه وهي في التاكسي واعطتهم رقم التاكسي كان السائق بيتعاقب وهي ماكانت بتدفع غير العداد فقط

[بنت الدوحه]

المفروض انها كانت تتصل على الشركه وهي في التاكسي واعطتهم رقم التاكسي كان السائق بيتعاقب وهي ماكانت بتدفع غير العداد فقط

الاخت فعلا ما دفعت ولا ريال زايد عن اللي شافته بالعداد لكن خذت رقم السياره وعلى طول اتصلت لكروه وبلغتهم باللي حصل والموظف أبدى استياءه من تصرف السائق




وين البرتقاله يا حليله حتى هذا ما خلوه .. زين خلو الإثنين يكون هناك تنافس
http://www.pc4up.com/im3gif/N7t20945.gif


فرق كبير بين الاثنين



.......... بصراحه ... استهتار وتعامل في قلة الادب

,,,,,,, ليش مايكون هناك عقاب للمخطئ وتنحط صورة في الجرايد حتى ايخاف غيره من سواقين كروة والعكس يكافئ المجتهد وتنحط صورة في الجريده على حسن تعاملة وخلاقة

مجرد اقتراح

اقتراح في محله وان شاء الله يتطبق او يتطبق قانون صارم يمنع عملية النصب اللي حاصله بالبلد



اداره فاشله وتكاسي ما تحصل بسهوله :anger1: واذ الموضفين الفين والسواقين 1000 وين تنجح المفروض عدم الغا التكاسي القديمه لين يوفرون تكاسي للناس == وسلوك سائق بروه سيء لان ادارته ما اعرفت تربيه :tease:


ولازم تكلمهم قبل بوقت عشان يتوفر لك سياره اما التاكسي الاصفر اطلع على اي شارع عام قريب لبيتك وتحصل لك تاكسي بكل سهوله
وياليتها وقفت على سواقين كروه اول الهندي مايتجرأ يرفع صوته عليك باي مكان والقطري له هيبه عندهم
الحين بكل محل وبكل زاويه تشوف قليل ادب ولسانه طويل ويرفع الصوت ولا هامه شي

[Revamp]

طرشيلي رقم السيارة والوقت واعتبري الموضوع خااااالص :)


لا يكون هاي انت الي كنت تسوق؟؟؟