حتى كرنكعو الامريكان وصل لنا وبقوة ..اين وزارة الاوقاف

[saranay1]

السلام عليكم ورحمة الله وبركاته
اللي يعرف كرنكعو الاجانب والمسيح
الهالوين

" عيد الهالوين " او " عيد القسيسين " ... وهالعيد يحتفلون فيه المسيحيين ليلة 31 اكتوبر من كل عام

لم تكتف المحلات وكارفور وغيرة ببيع القرع اللي يحتفلون فيه وبكل تحدي للمجتمع ..بل اصبحوا يطرقون البيبان علينا لمشاركتهم وطلب الحلوى في هذا اليوم
وهو ما حصل لأحدى صديقاتي في منطقة الدحيل
الى متى ...
الى متى....
الم يكتفوا باحتفالات الكرسمس وانتظروا شهر وبتشوفون الستي وباقي المجمعات والفنادق واحتفالاتهم التي تفوق وبشكل واضح عن احتفالات يومي عيد الفطر ولاضحى .
لانه وبكل بساطة .. اصبح المسيح والاجانب هم اللي ماسكين كل شي في البلاد فلم لا يلعبوا ويلهوا بكل ما يحلو لهم ؟
من سيقول لهم كفوا ؟
اين المسؤؤلين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ملاحظة :
رجال الدين نشروا في كل مكان وصرخوا باعلى صوتهم الكرنكعو يوم 14 رمضان حرام ...
ما موقفهم من كرنكعو المسيح ؟
انا ابصم بالعشرة محد كفو يتكلم

[الـمـحـنـك]

مرحبا اخي الكريم الموضوع


حساس

ولكن هناك في الدول الاوروبيه والغربيه


يوجد أناس تحترم ديننا


ولابد ان نكن لهم مايكنون ولكن نبقى محافظين

فأديننا دين تسامح


وعلى فكرة الموضوع مكرر


شكرا للتذكير للمره الثانية


تحياتي

[Muslim Investor]

ياخوي كارفور باع قرع مبطط
ماتييه لا تشتريه

ويهال طقوا عليك الباب
ماتبي تعطيهم شي لا تعطيهم

تراها مب قضية فلسطين !!

[juliet]

السلام عليكم

اول شي ذي اعياد لهم وتخصهم ومن حقهم يحتفلون فيها مثل ما يبون وبأي مكان

مثل ما احنا نصلي ونصوم عندهم في دولهم وهم ما امنعونه ,, وفي مسيح يحتفلون معانا

بالقرنقعوه كوني درست في جامعة اجنبيه ويفروحن بفرحتنا ,, ومثل ما تكرم اخوي وقال دينا

دين تسامح وعفو ,, لين متى بنتكلم اول ما افتحوا لهم كنيسه في قطر الكل احتج واحنا المسلمين

لنا مساجد مو مسجد في بريطانيا وامريكا ومحد سكرها ولا احد احتج

عالعموم في النهايه حرية الاديان محد يقدر يغيرها

كل واحد له حرية الاديان والتصرفات ومو من حقنا نمنعهم

[امـ عبدالله]

بس

انا سمعت انه حق اليهود مب المسيح

تعالوا فججوا الحين @@

[بوحارب]

انا ابصم بالعشرة محد كفو يتكلم

أبصم لك على العشرة :looking:

[naklan]

بس

انا سمعت انه حق اليهود مب المسيح

تعالوا فججوا الحين @@

:secret:escape:secret:

[hamoor4ever]

خلك ساكت ياريال لايطلع واحد يسندنا عن التسامح الديني شوي ويبونا نصير مسيحيين علشان نرضيهم ونراهم ان احنا متسامحين دينيا

والكرنكعوه حرام لكن الهالوين لا بالعكس مفروض نشاركهم افراحهم علشان التسامح الديني

[ام شهد قطر]

أشوف الفتره الاخيره منتشره سالفة التسامح بين الاديان الي ما أدري لوين بتوصلنا صراحة الي يقول هالكلام يقص على نفس لان مش معنى التسامح أن أحنا نسكت على المنكرت لانها مع الوقت راح تكون شي عادي وبنلاقي نفسنا نحتفل معاهم بعد وبالنسبه لمساجدنا الي في بلادهم وأحتفالاتنا الي عندهم ما راح يكون لها تأثير سلبي عليهم لانه اذا اسلم واحد منهم فبيكون هذا الصح وبتتغير حياته للأحسن أما اذا بدت ديانتهم تنتشر عندنا فبتكون هذه مصيبة على الفرد والمجتمع

[saranay1]

كل ما زادت المنكرات في البلد قالوا تسامح ديني وحرية شخصية
الله يرحمنا ويحفظ ابلادنا من هذا الفكر

[مساهم نت]

رجال الدين نشروا في كل مكان وصرخوا باعلى صوتهم الكرنكعو يوم 14 رمضان حرام ...
ما موقفهم من كرنكعو المسيح ؟
انا ابصم بالعشرة محد كفو يتكلم

لاتبصم بالعشرة ولا بالعشرين ، الدعاة والعلماء تكلموا بالموضوع قبل لاتولد وتطلع لك أصابع :nice: ويكفيك بحث في جوجل عشان تشوف العدد الكبير من الفتاوى الجديدة والقديمة قبل لايكون منتدى بورصة أو كنيسة

هذي فتوى من موقع الشبكة التابعة لوزارة الأوقاف القطرية

http://www.islamweb.net/ver2/Fatwa/ShowFatwa.php?lang=A&Id=78416&Option=FatwaId

أما استخدام لفظ صرخوا بأعلى صوتهم كأنهم قاعدين بمنصة تشجيع ماله داعي

تحياتي لك يالغالي

[saranay1]

فتوى الدعاة الكل سمعها بخصوص الكرنكعوة واللي هو بالفعل اطفالنا ينتظرونه من سنه لسنه
فقد حرمه بعض الدعاة رغم ان القصد منه فرحة الاطفال
اما الهالوين فلم نسمع بموقفهم والكرسمس وما يصير في الفنادق والمجمعات فلم نرى اي ردة فعل في الجرايد مثلا كما حصل للكرنكعو
والله شي يعور القلب ليما تشوف ابلادنا تحتفل بالكرسمس بهذه الطريقة واعيادنا ..... ولا حس ولا خبر
شكرا

[قطريه ماركه]

الله يرحمنا برحمته ....

[جوال 11]

من أمن العقاب ساء الأدب

[الدوحه%]

انا معاااج في كل كلمه ومانبي نشوف مظاهر لدين غير الاسلام في بلادنا ,,,,
بس السالفه اللي في دحيل احس انها قويه !!

[hich]

قرنبيطوا قربيطوه عطونا المسيح يعطيكم ........................................




بيت الأقصى يوديكم .... يا القدس يا المعموره

يا أم السلاسل والذهب يا إليزابيث :nice:

طبعا حقوق النشيدة لأطفال الاجانب محفوظه لي وللأخ دودي

مدام مافيه فايده الأمر الواقع واقع

[shagrh]

عيل احنا بالبحرين شنقوول ؟؟؟؟
ولا تدرون خلاص تعودنا على الوضع والله ان ساعات ادخل بيوت بحرينين وحاطين شجره الكريسمس ولما تحاول بادب تناقشهم يتورطون يقولون لك لالالالا مو عشان شى شكلها حلوو
وهالامور وهالاعياد صارت عااااادى بالنسبه لنا وفيك خير قوول لالالا طلعت انت ايلى متخلف وطلعت ماتعرف شى
يعنى الاجانب اذا سوى جذى نقول بعد عيدهم ودينهم لكن هذلين ايلى فاهمين التمدن غلط الواحد شيسوى فيهم

[بدور]

مالنا حق عليهم لكم دينكم ولنا دين .. لهم عادات وتقاليد ولنا عادات وتقاليد .. مانبي نجاملهم

ما اجبرونا .. بس لاتنسون بقطر نسبه من الاجانب مو قليله اكثر من القطريين :(

وربي لي موقف في مطار هيثرو طبعا كنا في رمضان وعند الجوازات

يسألنا الموظف انتوا مسلمين ترى الافطار الساعه 8,15 دقيقه يعني عارف انا صايمين

واحترمنا وخلصنا بسرعة البرق وتمنى لنا افطار شهياً .. ورحب فينا ويمدح قطر :)

وسالفة ان اليهال يطقون الباب في دحيييل صاروخ قووي :eek5:

[غــ Q6R ــلا]

ههههههههههههه حلوه كرنكعو امريكا

[الكواري 1972]

عشنا ياما بنشوف

تو النهار توا توا النهار

:)

[التيما]

كل شي تعلقه على التسامح الديني .. لاحول ولا قوة الا بالله .. شي يقهر صراحه

[saranay1]

وسالفة ان اليهال يطقون الباب في دحيييل صاروخ قووي :eek5:

اقولكم صارت لاحدى صديقاتي في الدحيل
لا ورحبت فيهم وعطتهم حلويات.. من باب انهم اطفال ..

[Srx]

في عز العصر الذهبي للدولة الأسلامية , كان المسيحين واليهود داخل الدولة يحتفلون بأعيادهم بكل حرية, والرسول صلى الله عليه وسلم ما منع لا يهودي او مسيحي بالقيام بشعائره الدينيه

[cartier]

خير يا طير

احتفلو وستانسو جعله عليهم مبارك

مادري وين المشكله ناس فاضيه ادور المشاكل

[saranay1]

خير يا طير

احتفلو وستانسو جعله عليهم مبارك

مادري وين المشكله ناس فاضيه ادور المشاكل

غيرتنا على ايلادنا تدعونا وتجبرنا على الكلام
مو انه احنا ناس فاضين
ما ناقشنا اخر صيحة في المكياج ولا اشناط سعرها فاقت العشرة الاف
ولا آخر اخبار نانسي عجرم وغيرهم

[jo0ory.56]

الله يسامحكم على تسامحكم .. والتسامح ليس معناه ان نفرط ويكون صوت غير صوت الاسلام هو الاعلى في

بلد اسلامي .. دينه الاسلام .. وأهله مسلمون .. فتنكمش احتفالاتنا بعيدينا الفطر والأضحى .. وتظهر احتفالاتهم

على السطح .. وتكون سمة مميزة للمجمعات والفنادق والاسواق ومستقبلا في كل مكان ..