( دخلــوك اهلك الشرطه وسجنوك ) تسامحهم أم لأ؟

[ذوق]

السلام عليكم ورحمة الله وبركاته اخواني وأخواتي الكرام...

تحية طيبه وبعد...

دعوه لمناقشة موضوع حساس قد تختلف فيه الأراء...وتتوجه فيه نظريات نحو تفرعات عديده تعكس فيها مرأى الأشخاص حسب نفسياتهم المختلفه...

قصة سمعتها منذ فتره أثرت فيني جدآ من شرطيه..حيث أن أم أدخلت أبنتها مركز الشرطه وسجنتها بسبب ان ابنتها لاسنتها وبدأت في الصراخ..والأخ ساعد الأم كذلك..ولا نستطيع ان نحكم اسرار البيوت من غلاف كتبها....
ولكن هل تصل الجرأه في نظركم أن يدخل الأهل أبنائهم وبالتخصيص بناتهم الى هذا المكان المشبوه مهما تصل الأمور...!!

وفي حال إنك دخلت في خلاف وفراق مع ناس قرايب منك لسبب من الأسباب...سواءآ مشاكل كبيره ام صغيره
( أهلك - عائلتك - جماعتك) أيــآ كان من الأفراد....

ولا ننكر أنها تصل وقد تكاد تعج بها مراكز الشرطه في مثل هذه القضايا المؤسفه والمخزيه

وتسببوا في جرح عميق في قلبك من ناحية ظلمهم لك وتسبيل الأذى لك والقلق النفسي والتشهير في السمعه...وجرجرة المراكز والقضايا...

هل تسامحهم...ماذا تفعل..؟



للمناقشه....المنطقيه :)


أختكم

ذوق

[الـمـحـنـك]

لو الرجل بقول معليه لانه اذا كان رجال فيده امؤر كثيره مش في يد البنت


وخاصا اذا كان رجل غافل في المعاصي


ومزعج وعاق للوالدين


لكن من وجهة نظري في البنت


احاول قد ماقدر اوصل لحل يكون مناسب


وحاول جاهد ان افهمها ان الي تسويه غلط


وان الله اوصى في بر الوالدين


وان الجنة تحت اقدام الامهات


لكن شوفي اختي


الحين مع كثرة القنوات

وأخص فيها القنوات الكويتيه


والمسرحيات الكويتيه


تفسد الشباب والبنات الي في عمر الزهور


لازم الابناء يكونون في بيئة محافظه

على اساس مانلوم احد عند الكبر


ونقول وين الخطا في التربيه


لازم اول شي نكون البيئة الصالحه لمثل هولاء


لكي نتجنب امؤر كثيره منها عقوق الوالدين


تقبلي مروري وتحياتي


اخوك المحنك

[بن يوسف الثقفي]

بيني وبينهم صحراء مقطوعه الى الابد

[bus3od]

عن نفسي بزعل من قلب بس فالنهايه برضى لأنهم هلي و مالي غنى عنهم
بس بحاول أبتعد شوي و علاقتي معاهم مابتكون مثل قبل لأني ما توقعتها منهم

[بدور]

مقدر استوعب الموضوع ام تسجن بنتها ... ما صارت عند الاجانب شلون تصير عندنا

مبالغه في السالفه اللي وصلت لج القصه واذا انسجنت البنت بسبب موضوع آخر وليس سبب الملاسنه

ما فيه ام ترضى على ابنتها بالسجن او دخول المراكز .. الولد نقول يمكن وبنبلعها .. البنت مستحيل

[!قطريـة بنت القمـر!]

ضد هالشي وبشدة ؟؟ فهنالك من اساليب تاديبية اخرى اجدى وانفع .... يعني لو انا ام وبنتي مثلا لاسنتني افضل ضربها على ان افعل بها شيئا كهذا ؟؟ امعقول ان تاتي ام وتدخل ابنتها مثل تلك الاماكن ؟؟ بغض النظر عن السبب وبغض النظر عن حنان الام وحبها فليس هذا وجه النقاش ولكن شوفاتنا تدخل مراكز شرطه لا اعتقد بذلك اي منطق .... البنت سمعة .... دخولها مركز الشرطة شيء كبير ولا يغتفر .... للاسف ليس هذا من (سلومنا) .... لكن استغفر الله العظيم من اين اتت تلك الافكار المريضه .... لو افترضت ان ابي مثلا قام بضربي او اخي او احد من اهلي فلن افكر لحظه بأن ادخله مراكز شرطه بسبب ذلك فالاهل تحصل بينهم خلافات والاكيد اكثر ان هنالك من سيتدخل ويحل الموضوع بشكل سلمي (مع العلم هؤلاء رجال ويستطيعون الخروج بدون التاثير بشكل كبير على سمعتهم) ولكن ان اشتكي وادخله مركز الشرطة فلن يدور في تفكيري ذلك من باب انهم ارحامي ولا بد لي منهم مهما حصل والدم عمره ما يصير ماي ومصيرهم بيوم يقفون معي ضد الغريب وهذا هو الحال .... فكيف بتلك الفتاة وقد بدر من امها والف خط تحت كلمة امها تدخل ابنتها بسب سلاطة اللسان ؟؟؟؟؟؟؟؟ لا استطيع تاييد الموقف فكله خاطيء خاطيء خاطيء تمااااااما وليس جدير بالام فعل ذلك والاخ الذي وقف مع امه الم يستطع تاديب اخته وذلك اولى من ادخالها الــ ؟؟؟؟؟؟؟؟؟؟ عجبي :eek5: .....

وفي النهاية .... اعتقد مستحيل احد يفكر يدخلني السجن بيوم من الايام فلذا لا استطيع الاجابه لاني لا استطيع استيعاب هالفرضية في حياتي ولكن ان حصل (الله لا يقول) سأسامحهم لانهم اهلي ومن دمي ولحمي وليس لي بملجأ بعد الله الا اليهم :) ....

[ذوق]

حياكم الله اخواني وخواتي على المرور....لكن استوقتني مشاركه اختي بدور


مقدر استوعب الموضوع ام تسجن بنتها ... ما صارت عند الاجانب شلون تصير عندنا

مبالغه في السالفه اللي وصلت لج القصه واذا انسجنت البنت بسبب موضوع آخر وليس سبب الملاسنه

ما فيه ام ترضى على ابنتها بالسجن او دخول المراكز .. الولد نقول يمكن وبنبلعها .. البنت مستحيل


على فكره يالغاليه..السالفه وصالتني من شرطيه :)

وأحسدج على عدم خوضج في معمه هذي السوالف الي تكدر الخاطر....ولو تسمعين سوالف الشكاوي الي من الأهالي...يشيب راسج وياليته على امور تستاهل...اذا تعرفين حد ضابط..سأليه وبيفيدج

والله يبعد هالسوالف عن طريقنا

اسعدتني مشاركة الجميع

[بدور]

....لكن استوقتني مشاركه اختي بدور
على فكره يالغاليه..السالفه وصالتني من شرطيه :)

وأحسدج على عدم خوضج في معمه هذي السوالف الي تكدر الخاطر....ولو تسمعين سوالف الشكاوي الي من الأهالي...يشيب راسج وياليته على امور تستاهل...اذا تعرفين حد ضابط..سأليه وبيفيدج

والله يبعد هالسوالف عن طريقنا

اسعدتني مشاركة الجميع

افتر راسي يا ذوق معقوله عندنا امهات يسجنون بناتهم والله ما عندي فكره ولا اعرف هالنوعيه

من الناس ولا سمعت اكيد هالبيئه مو طبيعيه اللي تسجن بناتها وتفضحهم ..

أجل مانلوم انحراف الابناء والمشاكل اللي تصير لهم اذا الام تقط بناتها وعيالها بالسجون

يارب تستر علينا وعلى عيالنا وتهدينا وتصلح امورنا ويبعدنا عن رفقة السوء وتبعدهم عنا

[امـ عبدالله]

الله العالم اشكان بين الام وبنتها

يمكن القصه امتبله وامبهره

ويمكن صج بس اكيد في شي

الام خاشته و البنت خاشته

الله العالم شنو

والله يستر على بناتنا وايحفظهم

[naklan]

اعتقد ماتوصل الى الشرطه الى من سالفه كبيره يا مخدرات يا انحراف كبير والي توصل الى هالامور محلها السجن---- والسجن اصلاح وتهذيب

[ام الحلوين]

لاحول ولاقوة الا بالله
لكن وش الي حد الام للشرطه؟؟والاخ خاصه انه قطر صغيره والاخ بينفصح واتوقع ماحدهم الا شي كايد
القصه ناقصه اختي ذوق طبعا الناقص الاهل مستحيل يقولونه!!!
وتقبلي مروري

[بولينجر]

والله اختي ذوق بصراحة صعب جدا هالموقف وصعب اني اتصور حدوثه.... الام تسجن بنتها هذا غلط اكبر من غلط البنت على امها بالملاسنة.... يعني تصحيح الخطأ لا يكون بخطأ اكبر منه.... شلون بتآمن على بنتها في السجن واللي ممكن يجري عليها هناك او حتى تتشوه سمتها ويضيع مستقبلها وكله بسبب ملاسنة.... اللي سوته البنت اكيد انه عقوق ولكن اللي سوته الام ضياع للبنت للأبد والعياذ بالله... لو ولد بنقول السجن بيربيه لكن البنت الف مليون لا.....
وبالنسبة لأخو البنت اقول له غلط اللي سماك رجال.... كان وقفت ومنعت من ان الامور تكبر وخليت اختك تحب امها على راسها وتستسمح منها!!! الله امرنا بالاصلاح مب بالفساد.....

استغفر الله العظيم من كل ذنب....

[ذوق]

حياكم اخواني على المرور..

وبخصوص رأي الشخصي...انا اشوف ان مهما وصل الأمر حتى لو المخدرات او الخمور او حتى الزنـا....المفروض الأهل ماينسون ان بنتهم تحمل أسمهم وأسم عائلتهم...والي بيمسها بيمس الباقين كل ابوهم...


وحياكم على المشاركه اعزائي....



لكن هنــاك بعض الأعضاء ماجاوبني...هل ستسامح اهلك ام لآ؟؟

[سوق واقف]

لاتعليق بس أكيد البنت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[سبع قطر]

السجن اسمه الصحيح

مؤسسه عقابيه واصلاحيه

[سبع قطر]

وما اظن لو بنت مدت يدها على امها او ابوها

بيكون مصيرها من مصير هالبنت

وصحيح قطر فيها بلاوي اكبر من هالشي لكن ما توصل للدرجة ان تشتكي علشان ملاسن

وماخفي اعظم

[ورقــة أمــل]

بنت جيرانا اشتكت على امها لانها ضربتها
ويابت لها الشرطة للبيت
و ولدهم ضرب ابوه وهو مش في وعيه

مهما كان قلب الام والاب ارحم من قلوب الابناء والاهل اللي يودون عيالهم السجن لاسباب تافهه مافيهم خيرر

بالنسبة لي ماراح اسامح اهلي اذا دخلوني السجن لا سمح الله الا اذا انا كنت صج غلطانة

[حقيقه]

اذا هم غلطانيين
وانا مظلومه
مستحيل اسامح مهما صار

[شويهينــه]

اكيد صاير شي انتوا ماتعرفونه وحتى الشرطيه اللي نقلت الخبر ماتعرفه

وهذي تربيه الام لبنتها

والا اي ام هذي اللي بتحبس بنتها؟؟

الله اعلم بخوافي البيوت

والله يستر علينا وعلى جميع المسلمين

[بورصجي_جديد]

موضوع جميل ويستحق الطرح

من وجة نظري اني ادخل بناتنا السجون بصراحه اشوفها صعبه شوي

لاكن بنسبة لشباب انا اأيد الشي هذا خاصه اذا كان الولد همجي ماينفع معاه اي اسلوب يعني في شباب الله يهديهم بايعينها مع ابهاتهم واخوانهم ومحد يقدر عليهم مافيها شي لو تبلغ عنه ويقعد في التوقيف ثلاث اربع ايام عشان يتأدب
وانا اقترح ومادري اذا فيه؟ مركز متخصص لهالحالات غير الشرطه

يعني مثلا اعرف واحد الله يستر عليه ولد جيرانه امبهدل اهله اخر بهدله جميع انواع العقوق استخدمها مع ابوه وامه واخوانه االكبار ومافي فايده فيه لما بلغو عنه وقعدوه كمن يوم اعتدل وصلح حاله

هذي وجه نضري وسمحولي على رداءة قلمي الانشائي

تقبلو تحياتي

[باقيـﮧ على ذ ڪرآڪ]

اى نعم بسامحهم اهلى وان جاروا على كرام بس ماراح انساها بيظل طعمها مر بحلقى

[بلاهويـــــة]

لااااااااااااا ماراح أسامحهم لأنهم بيضيعون مستقبلي

[ذوق]

حياكم الله أخواني وأخواتي على المرور...ونحترم أراءكم...

[ذوق]

ننتظر رأي الجماعه الأخرين :)

[هدهد سليمان]

بصراحه صعب الحكم على القصة وخصوصا التفاصيل ليست واضحه .. مستحيل ان الأم تضع بنتها في السجن مهما كانت .. ثاني شيء اتوقع ان الشرطة ليست مكانا مشبوها بالعكس اكثر مكان آمن لكن واقعنا العربي فرض علينا هذا الشيء .. فمهما فعلته امك فهي امك ثم امك ثم امك إذا غضبت فقد اغضبنى الله .. وإذا انتي غضبتي فلن تغضبي الله .. واعتذر على الإطاله

[ذوق]

حيــــــاكــمــ اللـهـ منورين الموضوع

[&بوشهد&]

يمكن البنت تعبت امها والام ماقدرت عليها
لو الابناء يبروون والديهم ماصاركذا
( بروا ابائكم تركم ابنائكم )

[بنت ابوها 19]

حبيبتي ذوووق

انا اعرف السالفه وسامعتها من واحد من قرايبي في مركز الشرطة ...
والي اعرفه انه سالفتج الحين مب كامله لانه قلتي ملاسنه كلاميه
والسالفه اكبر بوووووووووووووووايد من ملاسنه كلاميه ..
شكلها الشرطية الي قالت لج السالفة ماقالتها لج كامله
اخذي السالفه كامله ويليتج تعدلين الموووضوع
لانه بتتاثمين عليه ..
ومايجوز تنقلين كلام حبيبتي غير صحيح ..



جزاج الله خير حبيبتي ..
يليتج تتقابلين مداخلتي :) ..

[جرير]

الموضوع غريب شوي .... ام تسجن بنتها انزين وين راح ابوها واخوانها .....

مقطوعه من شجره البنت يعني على شان تنسجن لا واللي تسجنها الام

في اعتقادي الظاهر ان الام غير طبيعيه فيها خلل .... ما اعتقد ام تسجن بنتها بسبه ملاسنه

الا وفيها خلل في هرمونات المخِ