ابي مساعده في تجهيز ثياب العيد

[الوان]

السلام عليكم و رحمة الله و بركاته

خواتي اللي عندهم بنات...

ابي فساتين او بدلات للعيد حق بناتي

من تعرف مكان عنده شغلات حلوه و سعرها معقول

مليت من المجمعات ما عندهم شي و اذا في شي نفس مال العام

و نفس العيد اللي راح موديلاتهم ما تتغير

غير ان لازم احصل حد لابس نفس الشي

ساعدوني... العيد قرب و انا ما جهزت شي

[اهل قطر]

الله يبارك فيهم
نصيحتي روحي الحساء قريبه
روحي الجمعه الظهر ورجعي السبت
بتلقين الي بغيتيه

[kare]

جربتي المحلات الي في سوق الجبر ؟ يقولون عندهم
واليوم شايفه فساتين للبنات في سوق واقف وايد حلوين ..
واذا تقدرين الحسا قريبه بضاعتهم روعه ومش غاليه مثل الي عندنا..

[الوان]

وشو اسماء المحلات و الجمعات انا مادل في الحسا

[QTR-SOUL]

شيلي قشارج وروحي الحسا على طول بدون تفكير ملابس اليهال تهبل عندهم روحي العثيم مول ولا مجمع البستان ولا شارع الماجد حتى لج بتلقين اشياء روووعه حتى جمعياتهم تهبل فيها اشياء غريبه عجيبه

[سوق واقف]

للأطفال

((( الإحســـــــــــــــــــــــــاء بس رجاء عدم السرعه واذا ما تبون الزحمة أطلعو الساعه 12الظهر عشان قلة الشاحنات في الشارع ...
أتمنى يكون مبيت بدل العوده في نفس اليوم واذا بتطلعون بعد يكون الظهر لتفادي أزمة الشاحنات وسرعتهم الجنونية

وربي يوفقكم

(( السكن الآمن في الإحساء فندق أنتر كونتنتال )) صج غالي بس مكان محترم

[المخفي]

نصيحتي روحي الحساء

[شيزكيك]

بقولك شي


الحسا فيها العثيم مول والبستان وبضاعتهم سوريه او تركيه بس الديزاين حلو وبعد غاليه


يعني بنفس اسعار ملابس اللاندمارك فانا افضل اشتري ماركه ولا اروح هناك وصدقيني

حتى ملابس الحسا بتحصلين وايد لابسينها


انا مره يبت حق بناتي للعيد من هناك وصدفه وحده من الاهل شاريه لبنتها نفس اللبس بالضبط


وبعدين احتمال العيد يكون الجو بارد روحي سيرجنت ميجر في اللاند واشتري لهم بدله

شتويه ومع القبعه وصدقيني راح يكونون فنتق

[لوليتا قطر]

الحسااا غير شاارع الماااجد لاتروووحين كل شي فية

[غناتي1]

اسمعي نصيحة اخونا سوق واقف

[ورقــة أمــل]

شبيصير لو وحده بنتها لابسة نفس بنت وحده ثانيه؟

[هجورة]

نفس مشكلتي اتعب وانا ادور حق العيد للعياال وخاااااااااااااااصه البنت مااا حصلها شي حلوو يدش الذوق

وكل شي يا متكرر او ماله حلى

بس انا اجهزللعيال اكثر شي من سعوديه
او اذا اسافر او اذا احد من هلي بيسافر حتى لو ماكان العيد قريب اشتري لهم وخشه للعيد ولا لويه والدواره ايام قريب العيد

[بنوته]

السلام عليكم ورحمة الله وبركاته

حبوبه روحي الحسا .........وبتلاقين نص قطر يتشرون هناك

[النــادر]

نعم الاحساء العثيم مول وعندك وسط الاحساء عند القيصريه القديم محلات لا تعد وراح تحصلين حق الكبير والصغير ..

وبخصوص السكن افضل مكان انتركونتيننتال الاحساء
Inter Contintal
سعر الغرفه .... تقريباً 800 حتى 1000 مع الفطور لكن يستاهل ..

وبخصوص المطاعم .. بالعثيم مول محلات ممتازه وفي نفس الوقت بالطابق الثالث فوق 15 مطعم اختاري المناسب ومقابل المطاعم اللعاب للأطفال يتراوح للاعمار من 5 حتى 18

وأسال الله ان يسهل عليكم دربكم وترجعون بالسلامه .... وبالتوفيق