أه يا راسي

[أم ريليه]

وقد أدانت المحكمة الابتدائية المتهم في الدعوى المرفوعة من النيابة العامة ضده بعد أن اطمأنت هيئة المحكمة إلى توافر أركان جريمة الإعتداء على موظف عام أثناء تأدية وظيفته .

وتعود تفاصيل الواقعة إلى العام الماضي حيث قررت المجني عليها أنه أثناء وجودها على رأس عملها بالمختبر التابع لمركز خليفة الصحي حضر المتهم وطلب منها إجراء فحص سكر فطلبت منه إحضار ورقة من الطبيب حسب الإجراء المتبع فرفض وقام بالإمساك بذراعها ودفعها للخلف فارتطمت رأسها بالجدار وتجمع المتواجدون وقتها وحولت الواقعة إلى قضية ، وثبت بعد توقيع الكشف الطبي على الموظفة المجني عليها إصابتها بكدمات متعددة في الرأس والذراع الأيمن مع وجود سجحات في الذراع . وجاء هذا الحكم وفقاً لنص المادة 167 من قانون العقوبات والتي تنص على أنه يعاقب بالحبس مدة لا تجاوز ثلاث سنوات وبالغرامة التي لا تزيد على عشرة آلاف ريال كل من تعدى على موظف عام أو مكلف بخدمة عامة أو قاومه بالقوة أو العنف وذلك أثناء أو بسبب تأدية وظيفته أو خدمته .

ومن جانبها تهيب مؤسسة حمد الطبية بالسادة المراجعين ضرورة الإلتزام باللوائح والأنظمة التي تنظم طرق حصول الجمهور على الخدمة العلاجية ، وعدم إهانة أي من موظفي المؤسسة أثناء تأدية مهام عمله الرسمي وذلك ضماناً لحقوق الطرفين وتنفيذا ً لبنود القانون الذي يحكم العلاقة بين الجمهور والموظف العام في أي من مواقع العمل .


المصدر: إدارة التسويق والعلاقات العامة بمؤسسة حمد الطبية.

رجاء لا تضربون موظفي مؤسسة حمد:nice:

[!قطريـة بنت القمـر!]

وصلت للضرب ؟؟؟؟؟؟؟؟؟؟؟؟؟؟؟؟

[وطن]

ما يحق له يضربها

[المزن الرياني]

بأي حق يضرب ؟
المفروض يجلد ويسجن

[أم ريليه]

الحكم اسبوعين سجن وغرامة الف ريال ..........ههههههههههههههه

[!قطريـة بنت القمـر!]

الحكم اسبوعين سجن وغرامة الف ريال ..........ههههههههههههههه

شدعوه :eek5: ....

[بنت الحرمي]

في ناس عليهم تصرفات ،، اعوذ بالله

كانا للحين قاعدين في كهوف ايام العصر الحجري كل واحد وياه العصا الغليظة

تعرفون اشكالهم :secret:

يمكن الشكل يختلف حاليا لكن التعامل والاسلوب ما اختلف

الله يهديهم بس ويصلح حالهم

[Abu Deeb]

أصلا غير أنه مايحقله أنه يمد يده على موظفة
شنو هالوقاحه بأنه يمد يده على حرمه صج مايستحي مفروض تشدد علية العقوبة لانها حرمه بعد

[LionFish]

اعجبتني كلمة "سجحات" :nice:

[أم ريليه]

شكرا لمروركم ......................بصراحة بيني وبينكم في موظفين يستفزون المرضى بطريقة محترفة مو يستاهلون رضخ الراس وسجحات يستاهلون اعدام :discuss:

[بنت^البحرين1]

وايد تحصل عندنا، الحين من تدشون مركز صحي عند الاستقبال كله ملصقين عقوبات الاعتداء على الموظفين

[sh50]

مهما كان 00ماله حق يضربها 00وذا كلش خلاص واصل حده من الزعل يروح يشتكيها للمسؤؤل00:anger1:

[!الشايمه!]

دايماً ينذكر نصف الحدث في مثل هالمواضيع....نعم كلنا ضد هالتصرفات
الهمجية ....وضد ان رجال يرفع يده على امراءة ....لكن كلنا لنا مواقف ويا
هالاشكال اللي تشتغل هناك....اذا اقلها الذربه فيهن .....بتفر الكرت في وجهك
وتقول لك روح الغرفة الفلانية......عسى ماشر جايين نشحذ منج.....
تصرفاتهن الحمدلله والشكر اللي تفتقد اقل قدر من الادب.....والاخلاق....هي التي
جنت عليهن.....
يعني معقوله بكل بساطه الرجال بيفقد اعصابه لهدرجة انه يضرب امرأة غريبة عنه
الا هي طلعته عن طوره........

لما قرات السالفة....تذكرت سالفة واحد......

ولده حرارته مرتفعه.....خذه الساعه 3 الفجر.....من الربشة والخوف على الطفل
نسى البطاقة الصحية.....والموظفه راسها والف سيف ماتدخله روح جيب البطاقة وتعال...
طيب شيكي الكبيموتر .....وهي معنده.....المهم الرجال قال لها انا بدخل غصب......
ودخل على الدكتور.....والدكتور يحاول يهدئ الرجال عشان لايشتكي على الموظفة...
تصوروا وهو طالع ...... من الخبال اللي براسها......لحقته لين السيارة وهي تسب
وتشتم في الرجال..... يقول لو ماقلت لها ردي والا والله لادعمج بالسياره...
جان ماردت.......
بذمتكم هذي تبي سجحات والا يحط راسها تحت التاير........

انا اقول تستاهل ومن قلب.

تحية

[بوحارب]

الصراحة سالفه غريبه :eek5:

وفي مركز خليفة بعد ؟؟؟؟؟ :secret:






لما قرات السالفة....تذكرت سالفة واحد......

ولده حرارته مرتفعه.....خذه الساعه 3 الفجر.....من الربشة والخوف على الطفل
نسى البطاقة الصحية.....والموظفه راسها والف سيف ماتدخله روح جيب البطاقة وتعال...
طيب شيكي الكبيموتر .....وهي معنده.....المهم الرجال قال لها انا بدخل غصب......
ودخل على الدكتور.....والدكتور يحاول يهدئ الرجال عشان لايشتكي على الموظفة...
تصوروا وهو طالع ...... من الخبال اللي براسها......لحقته لين السيارة وهي تسب
وتشتم في الرجال..... يقول لو ماقلت لها ردي والا والله لادعمج بالسياره...
جان ماردت.......
بذمتكم هذي تبي سجحات والا يحط راسها تحت التاير........

انا اقول تستاهل ومن قلب.

تحية

هذي يبيله تحطين راسها تحت التاير وتخلي السيارة واقفه ( تعذيب ) :victory:

[حبر سري]

لو ان كل(ن)ينال مناه بذراعه
خذيت حقي من اقصاها ودانيها

[ذيبه مزاجيه]

بصراحة بيني وبينكم في موظفين يستفزون المرضى بطريقة محترفة مو يستاهلون رضخ الراس وسجحات يستاهلون اعدام

اي و الله !!!

المشكله ان الواحد ماله حق انه يمد يده مهما كان .. بس و الله امس انا كنت تعبانه في الطواري وحده كنت احس انها بتموت وما عطوها ويه

شقول بس !!!!!!!! يستاهلون الضرب و الا لا ؟!

[أم ريليه]

احييكي اختي ذيبه ........اسم على مسمى :nice:

اختي الشايمة .....عندتش علامات الساديه بدت ههههههههه امزح

اخوي بو حارب اعجبني خيالك الخصب :eek5:

حبر سري ........بتاخذ حقك انا متاكد :)

الساحر .........موظف او موظفة لازم يحترمون مشاعر المرضى لا ن المريض ياتي بحالة ضعف ووظيفتهم يوقفون بجانبه مو يستفزونه انا مع المريض دائما على حق حتى يثبت العكس

اخوي ليون سجحات حسب علمي مكتوبة غلط اهيا سحجات بالفصحى :nice:
يعني اصابات سطحيه شكله السكر عنده كان عالي وما سدد الضربات صح ههههه

بنت البحرين الله يحميكم جميعا انشالله .........انتوا هل البحرين لسانكم حلو ما تزعلون حد
انتي في امان انشالله هههههههههه
بارك الله فيكم وفي جميع من شارك :nice:

[غناتي1]

كل واحد يخطئ -- يجد نتيجة عمله

[السامـي]

مهما يكن،لابد ان نحتكم للقانون جميعاً،ولا سادت شريعة الغاب.

[الدوحه%]

الحين دفره بيد وحده سوا فيها جذيه سحجات وكدمات وفلعات ومادري وشو ,,
اكيد هي اللي جنت على نفسها ماعتقد الريال متعمد ,,

[anything99]

سبحان الله .. موقف غريب والاغرب تأييد الناس للموقف .. واحد يتخيل زوجته او اخته تنضرب في مكان عام حتى لو ما سبب لها اي ألم .... والله اهانة وقلة أدب .. المشكلة الناس تتكلم عن مستشفى حمد وتسب وتستخدم الفاظ عنيفة منها تكفخ و حمير واغبياء .. والكل ينساق مع الموجهه .. من كم يوم سمعت واحد رايح يسأل دكتورة يقول من الحمار اللي سوا لولدي العملية !!! شهالاسلوب !!!! اعتقد ردت عليه بانه الحمير يسألون على بعض .. !!!
يا ليت اشوف ناس تخاف ربها في عملها الا اغلب الموظفين ما شاء الله ما يداومون .. وبس ما عندهم الا اشغال وحمد .. بس لو كل موظف خاف ربه في وظيفته ..ما اعتقد بنتظر حد يحاسب الثاني ....