شركة جديدة

[قطرية بعيون]

ليش الدولة ماتسوي شركة تختص بالدلاله على العقارات في الدوله وتكون هي المحتكره في السوق بدل تلاعب الدلالوه فينا بيت مايسوى المليون يبي يبيعه 4 ملايين
وتكون الشركه فيها عملية التمويل للمواطن القطري فقط لاغير وتساعد المواطن في هملية البيع او الشراء او البنيان باسعار مخفضه وتشجيعيه من الدولة وسموى الامير وتسمى الدولة الشركه ب دلالــــــــــــــــــــــــــــــــــــــــه العقارية
ويمنع البيع والشراء والتسجيل العقاري الا عن طريقها وهاي ترى فكرتي ولا تهظمون حقي ابي اكون عضو مجلس ادارة فالشركه هااا لا تنسوني .
وكل مكاتب الدلالوه تسكر ويبيعون بيض اشرايكم خخخخ امزح والله
المهم فكره ترى يديده وحلوه وكل فكره بسعر وحق الحماية الفكرية مب مقصر بااااي.

[بويوسف]

فكرة بس ليش الدولة تسوي ليش ماتكون في شركة قوية من القطاع الخاص او شركة مساهمة مفتوحة. لكن قبل هذا اختي قطرية احنا محتاجين قوانين واضحة في هذا المجال.

[قطرية بعيون]

اقولك ليش الدولة لانها هي اللي تسن القوانين والضوابط مع المواطن

[واقع]

لا اتفق معاك بهذا الخصوص حيث ان المشكلة لا تكمن في المكاتب العقارية وانما احيانا في الملاك انفسهم ووجود المكاتب بكثره افضل للتنافس ( البقاء للاقوى )
والمكتب اللي يلعب مرة او مرتين راح ينكشف امره . ولدينا هنا بالسوق العقاري مكاتب يشار اليها بالبنان
أي ان العلة ليس ( بالدلالوه ) توجد مجموعه عوامل
وفكرتك بها نوع من الاحتكار مما يميت المنافسه

تقبلي مروري :nice:
واقع

[qatari1]

الدلالوة كما أسميتيهم ليسوا هم السبب في غلاء الأسعار، فهم موجودون منذ قديم الأزل فلا لم ترتفع الأسعار إلا في السنوات الأخيرة.

ولا أؤيد تدخل الدولة في قطاع الوساطة العقارية، وما اقترحتيه لا يتناسب مع حرية النشاط الاقتصادي، والتجارة الحرة.

[قطرية بعيون]

انا ارى غير هذا الكلام انا مع دخول الدولة ووضع قيود وشروط وضوابط باصدار القوانين والتشريعات وتصبح شركة مساهمه قطريه وهي تحتكر السوق لمدة معينه زي كيوتل وسلامتكم

[واقع]

أحترم رأيك اختي بس ممكن تعددين لنا الاسباب من وجهة نظرك اللي تدعم هذي الفكرة ؟

والفوائد التي يمكن نجنيها كملاك للعقار وكمشترين ؟

وهل امكانية الاحتكار والتلاعب ضعيفه ؟


أما بالنسبة لكيوتل اعتقد بأنك ظلمتي المقارنة لانه من الصعب كل مكتب يفتح له شبكه اتصال ( ملايين $$$ ) :eek5: :eek5:

مجرد رأي... واقــــع :nice:

[قطرية بعيون]

حيكون هناك سعر موحد وكل العرض والطلب يكون في شركه وحده وتعمل شاشه لتداول الاراضي بالعرض والطلب ومنها المواطن يعرف اتجاه سوق العقار ولخ....
وتكون الشركه نفس دلاله للاسهم بشاشه وكل شي تقريبا عندها ممكن تعرف السوق طالع ولا نازل بناء على معطيات حقيقيه وليس تحليل واحد قاعد عالرصيف وقاعد يلعب بالاسعار او يظلم الناس بسعره وسلامتكم
حتى شكلها بيكون حضاري وايد ويفتحون مكاتب فيها لتسجيل العقاري والبنوك .

[abobassl]

تقصدين بورصه عقاريه فكره جيده على الأقل نتقاسم الخساير حنا وياهم

[قطرية بعيون]

أكيد مب صاحب العقار كله ربحان لازم شوي يذوق والسوق عرض وطلب وبورصة العقاااار أشوفها مطلب مهم وضروري لمصلحة جميع الاطراف ممكن ترتفع وممكن تنزل حسب

[بلا حدود!]

ليش الدولة ماتسوي شركة تختص بالدلاله على العقارات في الدوله وتكون هي المحتكره في السوق بدل تلاعب الدلالوه فينا بيت مايسوى المليون يبي يبيعه 4 ملايين
وتكون الشركه فيها عملية التمويل للمواطن القطري فقط لاغير وتساعد المواطن في هملية البيع او الشراء او البنيان باسعار مخفضه وتشجيعيه من الدولة وسموى الامير وتسمى الدولة الشركه ب دلالــــــــــــــــــــــــــــــــــــــــه العقارية
ويمنع البيع والشراء والتسجيل العقاري الا عن طريقها وهاي ترى فكرتي ولا تهظمون حقي ابي اكون عضو مجلس ادارة فالشركه هااا لا تنسوني .
وكل مكاتب الدلالوه تسكر ويبيعون بيض اشرايكم خخخخ امزح والله
المهم فكره ترى يديده وحلوه وكل فكره بسعر وحق الحماية الفكرية مب مقصر بااااي.




مرحبا اختي هذا الموضوع حاليا قيد الدراسه في احد الموسسات
(شبه حكومي) وقد يكون هناك قرار بهذا الشأن قريبا خصوصا ان الموضوع
اصبح في لمساته الاخيره ... وقد يجد صدى ايجابي للجميع والاداره فيها عمل
منظم وتفاصيله كثيره لا يمكن ان افصح عنها حتى يقترب موعدها وتتضح
الرؤيا النهائيه في هذا الشأن ...

وللأسف اعضاء مجلس الاداره موجودين خلاص يعني
اقدر اقووول هارد لك :) ((مداعبه))
بس عقبال مانشووفك عضوه في
احدى مجالس الادارات

موفقه اختي ..

[شورت تايم]

اضافه بسيطه

الحين الواحد اذا بغى يشتري فيلا عن طريق البنك
البنك يطلب منه مش أقل من 40% من سعر الفيلا
وثاني طلب يطلب اكثر من مثمن للبيت يبي يضمن
حقه لانه بعد اللي صار بأمريكا البنوك وايد شددت

يعني اذا الفيلا قيمتها 4 مليون وجا مثمن قال والله
ما تسوى إلا 3 مليون يعني ما في امل يشترون له الفيلا
يعني التمويل العقار صار وايد صعب

لي صديق عنده مكتب عقارات يقول ان البنك
طير عليه 7 صفقات شوفو لأيدرجه فيهم خوف

والناس او بعض اصحاب العقارات يكابرون بأن
العقارات للحين عليها طلب هاهاي

[ANONYMOUS]

وبالمره ليش ماتسوي دكان واحد موحد

ودوبي واحد

الله يبعد الخصخصه عنا