عندي خلية نحل وابي من يصفي العسل منها

[saranay1]

السلام عليكم ورحمة الله وبركاته
عندي صندوق به نحا يعني امربيته
بس ابي شخص يشيلها ويصفي العسل منها

لو حد يعرف واحد رجاء اطرش لي رقمه على الخاص
شكرا

[professonal]

اختي شيكي الخاص

[لوليتا قطر]

انشاااء الله الاعضاااء مااا يقصررروون معاااج

[غناتي1]

ولعي تحتها شوية جرايد 00 ومن الدخان بيطيرون

وعقب اخذي الخلية وخطيها على مشخالة ضيقة

وغطيها بشاش او غترة وبينزل العسل على راحته

[saranay1]

والله الحكاية سهلة ..
وجان نتفوج النحل .. هم اللي بيطيروني من الدنيا مو بيطيرون.

شكرا لج

[النــادر]

أختي الاغذيه حق النحل وشو ؟؟ على زهور او كيف .. حبيت اعرف المكان اللي يتغذاء عليه

او من وين جبتيهم ..

أتمنى تفيديني بارك الله فيك

[saranay1]

شريتهم من مناحل العسل بس غشوني كثير
لانهم يحطن الخلية وياخذون افلوسك ثم يراجعونك كم مرة ويتركونك
طبعا انت ما تقدر اتسوي شي بالخلية من غير واحد يشرف عليها ويصفي لك العسل كل 6 اشهر
هذه الخلية عقب ما حطيتها اول مرة مات النحل وتهاوشنا مع المصري فحط لنا خلية ثانية من غير اشراف .
وشريت من شركة ثانية مصرية جابوهم في احد المعارض ثم فتحوا لهم محل بالدوحة .. وعقب ما قصوا على الناس سكروا وسافروا لبلادهم .
اما غذائها فمالك شغل بيهم .. نفسهم يدبرون حالهم من الاشجار في الصيف والور في الشتاء
شكرا

[محمد بن حمد]

ترا حاضرين حق الفزعه انا ومعاي كم واحد من المنتدى بنتلثم وبنقتحم هاهاهاهاهاهاها

ها شقلتي

[النــادر]

كم شريتي الخليه وكم النحل ؟

[كرستال]

شريتهم من مناحل العسل بس غشوني كثير
لانهم يحطن الخلية وياخذون افلوسك ثم يراجعونك كم مرة ويتركونك
طبعا انت ما تقدر اتسوي شي بالخلية من غير واحد يشرف عليها ويصفي لك العسل كل 6 اشهر
هذه الخلية عقب ما حطيتها اول مرة مات النحل وتهاوشنا مع المصري فحط لنا خلية ثانية من غير اشراف .
وشريت من شركة ثانية مصرية جابوهم في احد المعارض ثم فتحوا لهم محل بالدوحة .. وعقب ما قصوا على الناس سكروا وسافروا لبلادهم .
اما غذائها فمالك شغل بيهم .. نفسهم يدبرون حالهم من الاشجار في الصيف والور في الشتاء
شكرا



كانت عندي نفس المشكلة

وتغلبت عليها بان خليت الي يتابع النحل متعهد محلي

واحد متخصص بالنحل ولكنه لا يتبع شركه معينه

واهم شي انه ما يحط بالخليه ماي مع سكر
بيطلع العسل سكري زيادة عن اللازم

والنحل يموت احيانا من الحر الشديد واحيانا من تغير المكان عليه اذا ما حبسته فترة كافيه اول ما تنقله للبيت


هالله هالله بالورد والزهور الي حول الخلايا
واذا فيه برسيم ( جت) خلاص ما فوقك فوق


الله يوفقك

[saranay1]

ممكن رقم اللي يتابع خليتك
احتمال يتابع خليتي بعد
وكم تعطيه

كم شريتي الخليه وكم النحل ؟

شريتها تقريبا 600 ريال مع متابعة سنوية وصندوق بيه 5 الواح
بس ضروري المتابعة لانه النحل ابنفسه ما يسوه شي اذا مافي حد يتابعة ويعصر العسل من

شكرا

[النــادر]

أخوي كرستال يعطيك العافيه .. ممكن رقم الشخص اللي يتابع الخليه . ومن اي جنسيه !!

أختي الخليه 600 طيب تذكرين حجمها ؟ وكم عدد النحل ؟؟؟

وهل للحين موجود المكان اللي شريتي منه ؟

احترامي

سبحانك اللهم وبحمدك أستغفرك واتوب إليك

[saranay1]

600 ريال فيها 5 براويز اما عدد النحل فما لي علم .
بس المشكله انهم يحطون الخلية ويشرفون عليها كم شهر ويروحون ولا ييرجعون .
مثل ما قلت المرة الاولى حط لنا المصري الخلية وبعد ما ماتت حط غيرها بشرط عدم الاشراف .
اما الخلية الثانيه فحطيتها من قبل شركة مصرية .. حطوها وسكروا شركتهم وسافروا .
بعد اشوي بجي لي واحد يتعامل مع واحد من الاهل ويمدحه وايد يقول ان الخلية 5 براويز 450 ريال
بس اشراف شهري .
للحين ما ادري كم اشرافة .
اذا تبيه اعطيك رقمة بس قولي علشان يسوي لنا خصم .
باقوله انك اخوي .. اذا كنت جاد .. وفي وين بيتكم .
شكرا

[النــادر]

اختي saranay1 تسلمين وماقصرتي ...

انا اليوم رحت لمحل حق العسل والنحل ... وجزاه الله خير تعامله طيب معي ..

وخذت رقم مهندس علشانك ... قالي هذا المهندس معروف جداً وللأسف يقول مايجي للبيوت بس للمزارع ومجاناً يشوف خليته ويطلع العسل ويشرف عليها .. من الزراعه .. خاص بالدوله..

اذا حبيتي اعطيك رقمه مب مشكله ..

وبخصوص

الخلية 5 براويز 450 ريال والله شي حلو .. اهم شي النوع وانا جاهز ..

اذا تبيه اعطيك رقمة بس قولي علشان يسوي لنا خصم . طيب مب مشكله ارسلي لي رقمه على الخاص

[saranay1]

يبت واحد وشل لي العسل من الخلية 250 ريال
بس يقول سعر النحل اب 450 اذا عندك صندوق واذا هو اييب الخلية ابصندوقها 850 ريال
انا اشوف سعرة غالي وايد\هذا من غير الاشراف
الاشراف 100 ريال شهريا .. ايي 3 مرات في الشهر .
اذا ممكن اعرف اسم المحل واطرش لي رقم المهندس
للمره القادمة .
شكرا وجزاك الله خير

[eXpert*]

من وين اقدر اشتري ؟

[النــادر]

يبت واحد وشل لي العسل من الخلية 250 ريال
بس يقول سعر النحل اب 450 اذا عندك صندوق واذا هو اييب الخلية ابصندوقها 850 ريال
انا اشوف سعرة غالي وايد\هذا من غير الاشراف
الاشراف 100 ريال شهريا .. ايي 3 مرات في الشهر .
اذا ممكن اعرف اسم المحل واطرش لي رقم المهندس
للمره القادمة .
شكرا وجزاك الله خير


والله سعره شوي غالي .. لكن مجبوره ..

450 النحل اختي لازم تعرفين عددهم .. والعدد يتراوح من 5000 إلى أكثر

نعم سعره مرتفع .. ومايستاهل

لكن عندي أثنين من الاصدقاء من خارج الدولة واحد من اليمن والثاني من المغرب .. ولكهم خبراء في انتاج العسل صديقي اللي في اليمن عنده أكثر من 200 خليه واللي بالمغرب كذلك ... وان شاء الله بجيب من عندهم شي مميز والافضل .. وبإذن اكيد بيكون أسعارهم مناسبه جداً ووقت ماجيب بعطيك خبر ..

واكيد افضل لك تاخذ شي من شخص يعرفك راح يجيب لك الشي العدل ولا الشخص اللي تاخذ منه بس يبي يحرك تجارته

[النــادر]

من وين اقدر اشتري ؟


أخوي أبشر يالغالي .. لكن شاللي تبي تشتري ..

وبإذن الله راح اعطيك نصيحتي ..لك من أخ يحب لك الخير


سبحانك اللهم وبحمدك أستغفرك واتوب إليك

[saranay1]

نصيحة
مع احترامي للأخوة المصريين
تحمل تتعامل مع نحال مصري .......................تحمل
غشوني مرتيين , ايحطون الخلايا ويضربون على الفلوس ويروحون .
وكل ما يجي لك اطلع لك شغلات بس ادفع ...

عموما طلعت العسل من الخلية امس واب ابيع نصفه
يعني كيلو او اقل
للي يبي يشتري يراسلني
شكرا

[saranay1]

يا جماعة
ترجع لي نفس المشكلة مع موسم جني العسل
ممكن رقم اي حد يشل لي العسل من خليتي
شكرا

[excited]

ولعي تحتها شوية جرايد 00 ومن الدخان بيطيرون

وعقب اخذي الخلية وخطيها على مشخالة ضيقة

وغطيها بشاش او غترة وبينزل العسل على راحته




:nice::nice::nice::nice::nice:


انا بعد اسوي كذا

[saranay1]

اختي ام صالح
من صجج ولا تتغشمرين
ماتخافين من النحل

[00soma00]

موفقه ان شاء الله

[لولوتي]

عندي في البيت خلية في الحوش من الله :)

وكل نحله فيها طولها تقريبا اثنين سم وشوي :eek5:

اشلون اتخلص منها :)

[saranay1]

يبيلج واد يشيلها ويعطيج عسلها مضمون انه طبيعي
ممكن اي زراع يشيلها لج
اذا هي في الشجر