زجاج السيارة

[جوال 11]

أتمنى حد يفيدنا على كراج أو محل لتركيب زجاج أمامي للسيارة ومضمون
وشاكر لكم

[غنام]

في كراج فالغرافه لما تطلع من الدوار المايل باتجاه دوار الغرافه اللي شماليه تتعداه شوي وبتلاقي حوطه على يمينك هذا كراج يركب الزجاج الامامي ومضمون واسأل مجرب مركب لموتر الوالد عنده gx2007 ولا تنسيم ولا تسريب هوا وباب الكراج يفتح شمال

[فلفل حار]

اخوي في واحد بالصناعيه في شارع 10 معروف حق هالشغلات عنده أصلي وعنده تجاري

بس نانسي اسمه والله ان شاء الله الاخوان يبلغونك فيه السموحه والله

بس نصيحه حق هالشغلات روح الوكاله احسن خاصة لو الموتر جديد عشان ماينسم عليك هوا ويلعوزك

[abdulla999]

اخوي في محل معروف في الدوحة اعتقد اسمة الزجاج الوطني هو دائيم يحط اعلان ف الوسيط مال الشرق
ومكانه عند المحلات لي جنب القطرية في دوار الصناعية قبل سال عنه المحلات وبتعرف مكانه لي هناك

[جوال 11]

جزاكم الله كل خير على معلوماتكم
وما قصرتوا والله ينفع بكم

[الـخـور]

في محل اسمه جلاس بمحطة بترول التيسير الي في طريق سلوى
هو متخصص ايضا بهالشغلات

[musel999]

طال عمرك تدل فارس اللى بالصناعيه مال بيع الزجاج
اظن شارع 23 او شي كذا اسال عنه اي محل قطع غيار بالصناعيه قوله فارس مال الزجاج بيدلك
في كراج جنبه على طول يعني تشتري الزجاج من المحل تركبه بالكراج اللى جنبه على طول
الكراج على يسار المحل وشغله رخيص وكويس

وبالتوفيق

[alwahesh]

على حسب نوع سيارتك يالطيب

اذا كروزر
عندك المستقبل شارع 27
الفارس عند دوار القلعه سابقا او عند مطعم البخاري والمندي
او في الدمام او الاحساء

احسن من الوكاله وعلى 200 - 400 ريال مع التركيب والضمان

وهلم جرا

[البيت بيتك]

الفارس فى الصناعيه قرب القلعه مقابل شركه المناعي من الامام

[cayenne s]

سوات لزجاج السيارات

الصناعيه

[مهاجر]

انا مركب عند الفارس في الصناعيه

وماشاءالله عليه شغله ممتاز

[qatar700]

السلام عليكم يا الطيب
عندك شارع الوكالات (19) جنب شركة العوضي التجارية لقطع الغيار في محل صغير متخصص فقط في تركيب الزجاج مشاهد وكالة المانع فورد وبيجو

[QA1AR]

الفارس عند دوار القلعه سابقا

[قطر70]

انا مركب عند الفارس في الصناعيه

وماشاءالله عليه شغله ممتاز

كلام سليم