زواج الاخت الصغيرة قبل الكبيرة

[المشتاقه الى الجنه]

زواج الأخت الصغيره قبل الكبيــرهـ((نقــاش))


السلام عليكم ورحمة الله وبركاته

( زواج الاخت الصغيرة قبل الكبيرة )


مازالت أغلب العائلات العربية ترفض عندما يتقدم احد الشباب بخطوبة وزواج البنت الصغرى

قبل اختها الكبرى بحجة العادات والتقاليد وكذلك ربما لاتوفق الكبرى بالزواج لنظرة المجتمع

بانها فيها عذر شرعى او غير جميلة او عيبا او

جرح لمشاعر ابنتهم الكبرى وربما تسبب الغيرة والنفور بينهما وتتحطم الكبرى وتتاثر

نفسيا بل الطامة الكبرى لو تم

زواج الصغرى قبل الكبرى فاى خاطب للكبرى مستقبلا سوف تتسرع وتوافق عليه الكبرى

خوفا من كلام الناس ولا

تتوفق بزواجها ونتيجته الطلاق ....


اخى :

هل توافق لو تقدم شاب على دين وخلق بزواج ابنتك او اختك الصغيره قبل الكبيرة وجميعهن فى سن الزواج ؟؟


اختى :


ماهى شعورك لو تقدم شاب وطلب الزواج من أختك الصغيرة وانتى الكبيرة وكلاكما على سن الزواج..؟؟

[Bu Rashid]

مشكوووووره اختي على الموضوووع...
الجواب : نعم اوافق... لما لا
على قوله اخواننى المصريين " دى قسمه ونصيب "

[المشتاقه الى الجنه]

مشكوووووره اختي على الموضوووع...
الجواب : نعم اوافق... لما لا
على قوله اخواننى المصريين " دى قسمه ونصيب "



الله يبارك فيك أخوي رأي أعتز به

[شاهين]

أختي المشتاااقه الجنه

سااارت معااي
الأب والأخوان موافقين
بس الأم رافضهـ ..
قالت للوالده خل ينطر لين تتزوج أختها:(

[بنت^البحرين1]

سأوافق بالتأكيد، فربما يكتب لي الله تعالى نصيبي بعد زواجها ؟؟ وربما يكون هو نصيبها ونصيبي ان ابقى بلا زواج ؟
أعرف وحده هي واختها على سن زواج،كل ماتقدم احد لخطبة اختها الصغيرة لاحت ملامح الحزن والاسى على وجهها على الرغم من انها تحاول جاهده ان تخفي تلك المشاعر..
مرات تكون مشاعر يصعب اخفائها وهنا يكمن الموضوع نفسه

موضوع جميل جدا،وتعجبني هالنوعية من المواضيع

شكرا لك

[المشتاقه الى الجنه]

أختي المشتاااقه الجنه

سااارت معااي
الأب والأخوان موافقين
بس الأم رافضهـ ..
قالت للوالده خل ينطر لين تتزوج أختها:(

الله يعينك أخوي في ناس عقليتهم لحد الآن صعبه
المشكله أقولك أنتظر لكن إذا الكبيره تأخرت إنت إيش ذنبك الى متى الانتظار ويمكن يتموا البنتين بدون زواج

[المشتاقه الى الجنه]

سأوافق بالتأكيد، فربما يكتب لي الله تعالى نصيبي بعد زواجها ؟؟ وربما يكون هو نصيبها ونصيبي ان ابقى بلا زواج ؟
أعرف وحده هي واختها على سن زواج،كل ماتقدم احد لخطبة اختها الصغيرة لاحت ملامح الحزن والاسى على وجهها على الرغم من انها تحاول جاهده ان تخفي تلك المشاعر..
مرات تكون مشاعر يصعب اخفائها وهنا يكمن الموضوع نفسه

موضوع جميل جدا،وتعجبني هالنوعية من المواضيع

شكرا لك

بارك الله فيكي أختي كل واحده ويأتي نصيبها ولن نوقف نصيب الصغيره !!!
صارت معي تزوجت أختي الصغيره ولن أمانع وبعدها بثلاث شهور تزوجت كل وحده تاخد نصيبها بالدنيا

[ابن قطر]

شكرا اختي على الموضوع انا اقول كما قال اخونا المبدع بو راشد انها قسمة ونصيب
ولكن والله الموضوع صعب بعض الشي على البن الاصغر المراد خطبتها والاب

[المشتاقه الى الجنه]

شكرا اختي على الموضوع انا اقول كما قال اخونا المبدع بو راشد انها قسمة ونصيب
ولكن والله الموضوع صعب بعض الشي على البن الاصغر المراد خطبتها والاب

أنا متأكده أخوي موضوع صعب جدا والقرار فيه أصعب
الله يعين الأب في إتخاذ القرار الصائب
بارك الله فيك أخوي أسعدني مرورك

[دكتور قطر]

اوافق بكل تاكيد

[naklan]

تتزوج الصغرى والاكبر لها نصيبها

[!قطريـة بنت القمـر!]

هالموضوع في ناس للحين تاخذ به وفي ناس الحمدلله عقولها تفتحت وملاحظه وايد ناس عقولها تفتحت .... لي رفيجه كلمتها فاستغربت انها قالت لي اختي فلانه انملج عليها فقلت لها انزين وانتي واختج العوده ؟؟ ماقال ابوج شي ماعارض او امج مثلا ؟؟ قالت لا نصيبها وجاها شنسوي بعد حرام يوقف حالها قلت لها صدقتي .... وصديقة ثانية كانت حزينه فقلت عسى ماشر الغاليه قالت جايين لي خطاب لكن اهلي مو راضيين فقلت ليش؟ قالت اختي العوده للحينها ما تزوجت ويقولون العوده بالاول وبعدين نشوف الصغيره وهي خاطرها تتزوج وقالت لو اختي العوده عنست شنو مصيري اكيد بعنس وكسرت خاطري صراحة للغايه .... والادهى ان اختها العوده اساسا ماتبي الزواج واهلها يقولون لا بتتزوج وهي اللي ترفض اي متقدم انزين الاخت الصغيره اللي هي رفيجتي شنو ذنبها؟؟ والله استغرب للحين في تفكير بهالطريقة .... عن نفسي .... ماعندي الا اخت وحده وصغيره والحمدلله مافي مشاكل من هالناحية عندي والخطابين موجودين فما مريت بهالمشكله ولا بمر فيها ان شاء الله لكن لو كنت اتخيل نفسي بهالموقف بالعكس بقول خلها تتزوج واللي بخاطره الزواج يتزوج احسن له واستر ولا ينطر غيره في النهاية الزواج قسمة ونصيب وتوافيق من رب العالمين والمفروض لحد يربط مصيره بمصير اي شخص الزواج موضوع مستقل ويعتمد على النصيب درجة اولى .... يعطيج الف عافيه اختي الغاليه على طرح هالموضوع الحساس وعساج ع القوه :) .....

[المشتاقه الى الجنه]

اوافق بكل تاكيد

جزاك الله كل خير

[المشتاقه الى الجنه]

تتزوج الصغرى والاكبر لها نصيبها

بارك الله فيك

[فتى الجود]

عادى ومافيها شي

واعرف ناس بكثرة زواجوا من يجها نصيبها

[المشتاقه الى الجنه]

هالموضوع في ناس للحين تاخذ به وفي ناس الحمدلله عقولها تفتحت وملاحظه وايد ناس عقولها تفتحت .... لي رفيجه كلمتها فاستغربت انها قالت لي اختي فلانه انملج عليها فقلت لها انزين وانتي واختج العوده ؟؟ ماقال ابوج شي ماعارض او امج مثلا ؟؟ قالت لا نصيبها وجاها شنسوي بعد حرام يوقف حالها قلت لها صدقتي .... وصديقة ثانية كانت حزينه فقلت عسى ماشر الغاليه قالت جايين لي خطاب لكن اهلي مو راضيين فقلت ليش؟ قالت اختي العوده للحينها ما تزوجت ويقولون العوده بالاول وبعدين نشوف الصغيره وهي خاطرها تتزوج وقالت لو اختي العوده عنست شنو مصيري اكيد بعنس وكسرت خاطري صراحة للغايه .... والادهى ان اختها العوده اساسا ماتبي الزواج واهلها يقولون لا بتتزوج وهي اللي ترفض اي متقدم انزين الاخت الصغيره اللي هي رفيجتي شنو ذنبها؟؟ والله استغرب للحين في تفكير بهالطريقة .... عن نفسي .... ماعندي الا اخت وحده وصغيره والحمدلله مافي مشاكل من هالناحية عندي والخطابين موجودين فما مريت بهالمشكله ولا بمر فيها ان شاء الله لكن لو كنت اتخيل نفسي بهالموقف بالعكس بقول خلها تتزوج واللي بخاطره الزواج يتزوج احسن له واستر ولا ينطر غيره في النهاية الزواج قسمة ونصيب وتوافيق من رب العالمين والمفروض لحد يربط مصيره بمصير اي شخص الزواج موضوع مستقل ويعتمد على النصيب درجة اولى .... يعطيج الف عافيه اختي الغاليه على طرح هالموضوع الحساس وعساج ع القوه :) .....

أختى الموضوع صعب جدا وخصوصا على الأب لو وافق يخاف البنت الكبيره نفسيتها تتأثر
المفروض الأب يسال البنت الكبيره إذا وافقت يزوج الصغيره لأن الموضوع مش هين على الكبيره لكن إذا متفهمه خلاص
مشكوره حبيبتي على مرورك الذي أسعدني كثيرا

[قطريه ماركه]

مشكوره ع الموضوع الشيق .. واللي فيه حساسيه كبيره عند بعض العوائل ..

بالنسبه لي انخطبت قبل اختي الكبيره .. وعاااادي بس هي انخطبت بعدي على طوووول وتزوجنا بنفس الفتره ..

يعني هالشي عااادي مب لازم يوقفون نصيب الصغيره لين ايي نصيب الكبيره ..

يمكن يتمون الثنتين !!!

والله يوفق الجميع و يمحي هالافكار من عقول الناس ...

[لله الحمد]

انزين سؤال مسدوح !

لو انا تقدمت للبنت الصغيره .. واشترطوا علي لازم البنت الكبيره تتزوج

يعني قصدهم جيب معاك عريس ثاني .. ؟؟

خذ وحده والثانيه مجانا مثلا ؟؟


الدنيا تطورت وللحين في عوائل جذيه ؟؟

[المشتاقه الى الجنه]

عادى ومافيها شي

واعرف ناس بكثرة زواجوا من يجها نصيبها

بارك الله فيك على المرور وإبداء رأيك

[المشتاقه الى الجنه]

مشكوره ع الموضوع الشيق .. واللي فيه حساسيه كبيره عند بعض العوائل ..

بالنسبه لي انخطبت قبل اختي الكبيره .. وعاااادي بس هي انخطبت بعدي على طوووول وتزوجنا بنفس الفتره ..

يعني هالشي عااادي مب لازم يوقفون نصيب الصغيره لين ايي نصيب الكبيره ..

يمكن يتمون الثنتين !!!

والله يوفق الجميع و يمحي هالافكار من عقول الناس ...

مشكوره أختي سعدت جدا بمعرفة رأيك

[المشتاقه الى الجنه]

انزين سؤال مسدوح !

لو انا تقدمت للبنت الصغيره .. واشترطوا علي لازم البنت الكبيره تتزوج

يعني قصدهم جيب معاك عريس ثاني .. ؟؟

خذ وحده والثانيه مجانا مثلا ؟؟


الدنيا تطورت وللحين في عوائل جذيه ؟؟

سهله تدورك عريس بسرعه للكبيره ما فيها شي هههههههههه
مشكور على المرور

[سداوي&مدريدي]

اخى :

هل توافق لو تقدم شاب على دين وخلق بزواج ابنتك او اختك الصغيره قبل الكبيرة وجميعهن فى سن الزواج ؟؟





طبعا بوافق

في النهايه الزواج قسمه ونصيب :victory:

يعطيج العافيه أختي

[المشتاقه الى الجنه]

طبعا بوافق

في النهايه الزواج قسمه ونصيب :victory:

يعطيج العافيه أختي

مشكور أخوي على إبداء رأيك وبارك الله فيك

[ناصر العمادي]

انا كأب لازم أوافق لأني لو أشترطت زواج الكبيره قبل الصغيره ممكن أكون جنيت على الثنتين وبكون سبب تعاسة الثنتين ..
كل وحده يجيها نصيبها لما الله يكتب لها
صدقوني الأب اللي يصر على زواج الكبيره ويمكن يكون عنده اربع ولا خمس بنات اذا عنسوا ماراح يحس براحه لافي حياته ولا في قبره .... ايش بيكون شعوره لما يشوف نظرة بناته له وهم جالسين جدامه وفاتهم قطار الزواج ..
ايش بيكون شعوره لما يشوف وحده منهم تمسك دميه وتحضنها وتقوله يبا متى بصير أم ..
أيش بتكون ردة فعله لو شاف وحده منهم تسهر طول الليل ودموعها على خدها ..!!!!

الأب لازم يكون أنسان حكيم عاقل يعرف كيف يوزن الأمور ويعرف مصلحة أبنائه وسعادتهم ولايجعل أبنائه يكرهونه لتصرف غير مسؤول ..

الله يوفقج ويوفق جميع بنات المسلمين ويستر عليهم ويرزقهم الأزواج الصالحين والذريه الصالحه أن شاء الله

كل التحيه والتقدير والأحترام لج

[ذيبه مزاجيه]

هذا امر عادي جدا

عن نفسي انا الصغيره و طبعا للحين ما تزوجت .. رفضت الزواج اكثر من مره مع العلم ان خواتي كلهم اكبر مني و بعضهم ما تزوجوا ..

وكلهم يقولون لي يا الغبيه ليش ما تتزوجين اقول مابي لان ما احس براحه خبركم لازم استخاره :)

انا من ناحية خواتي ما عندهم اي مشكله في من تتزوج .. بالعكس اللي يجيها نصيبها تتزوج وحتى امي الله يرحمها وابوي و اخواني ما عندهم اي مشكله

والنصيب عند الله بالنهايه ..

وتحياتي على هالموضوع الحلو ^_^

[المشتاقه الى الجنه]

انا كأب لازم أوافق لأني لو أشترطت زواج الكبيره قبل الصغيره ممكن أكون جنيت على الثنتين وبكون سبب تعاسة الثنتين ..
كل وحده يجيها نصيبها لما الله يكتب لها
صدقوني الأب اللي يصر على زواج الكبيره ويمكن يكون عنده اربع ولا خمس بنات اذا عنسوا ماراح يحس براحه لافي حياته ولا في قبره .... ايش بيكون شعوره لما يشوف نظرة بناته له وهم جالسين جدامه وفاتهم قطار الزواج ..
ايش بيكون شعوره لما يشوف وحده منهم تمسك دميه وتحضنها وتقوله يبا متى بصير أم ..
أيش بتكون ردة فعله لو شاف وحده منهم تسهر طول الليل ودموعها على خدها ..!!!!

الأب لازم يكون أنسان حكيم عاقل يعرف كيف يوزن الأمور ويعرف مصلحة أبنائه وسعادتهم ولايجعل أبنائه يكرهونه لتصرف غير مسؤول ..

الله يوفقج ويوفق جميع بنات المسلمين ويستر عليهم ويرزقهم الأزواج الصالحين والذريه الصالحه أن شاء الله

كل التحيه والتقدير والأحترام لج
مشكور أخوي أسعدني مرورك

[!قطريـة بنت القمـر!]

أختى الموضوع صعب جدا وخصوصا على الأب لو وافق يخاف البنت الكبيره نفسيتها تتأثر
المفروض الأب يسال البنت الكبيره إذا وافقت يزوج الصغيره لأن الموضوع مش هين على الكبيره لكن إذا متفهمه خلاص
مشكوره حبيبتي على مرورك الذي أسعدني كثيرا

ويسعدني الرد بمواضيعج حبيبتي .... بس فديتج مافيها منطقية ان الاب يسال الكبيره عن موافقتها لان يمكن صج نفسيتها بتتاثر ويمكن تقول لا انا مب موافقه لكن شنو ذنب الصغيره ؟؟ هالموضوع ماهو بالشرع والله ما يرضى به ان جا للصغيره نصيب فخلها تتزوج واما الاخت العوده المفروض تحتسب وتصبر ولها الاجر ان شاء الله وهذا نصيبها وترضى به لان ممكن بعض الاخوات الكبار يكونون خبيثات وان سالهن الوالد عن موافقتها بتقول لا ما اوافق نفس حالة اعرفها زين وكانت تدعي على اختها وقدامها وكانت ترد عليها اختها العوده اهم شي عندي ما اتزوجين دامني ما تزوجت اي منطق هذا ؟؟ ان جاء للصغيره نصيب تتزوج والامور سهالات سواء جا للكبيره او لا .... وبارك الله فيج اختي العزيزه ومرور ثاني لموضوعج واسمحي لي عليه ^_^ ....

[المشتاقه الى الجنه]

هذا امر عادي جدا

عن نفسي انا الصغيره و طبعا للحين ما تزوجت .. رفضت الزواج اكثر من مره مع العلم ان خواتي كلهم اكبر مني و بعضهم ما تزوجوا ..

وكلهم يقولون لي يا الغبيه ليش ما تتزوجين اقول مابي لان ما احس براحه خبركم لازم استخاره :)

انا من ناحية خواتي ما عندهم اي مشكله في من تتزوج .. بالعكس اللي يجيها نصيبها تتزوج وحتى امي الله يرحمها وابوي و اخواني ما عندهم اي مشكله

والنصيب عند الله بالنهايه ..

وتحياتي على هالموضوع الحلو ^_^

مشكوره حبيبتي على المرور
بالنسبه للزواج اذا جاكي عريس كويس وأخواتك الأكبر موافقين توكلي على الله ولا تترددي حبيبتي مش دايما يجي إنسان كويس
الله يوفقك ورحمة الله على والدتك ويجمعك بها في جنات الفردوس

[غناتي1]

مع الوعي الحالي لكثير من الاباء والامهات صار موضوع زواج

الصغيرة قبل الكبيرة شئ عادي 00

فلا ننسى بأن التعليم والثقافة لها دور هام في الموضوع

[كويتى1]

جــــــــــــــــــزاج االله خير ع الموووضوع من راى مافي شي وووالشغله قسمه ووونصيب ؟؟

[صمت القلوب]

طبعا ...ماامانع زواج اختي الاصغر مني ...
لان هذا قسمه ونصيب ...
وكل تاخيره فيه خيره ... يمكن للي تاخر معاها الزواج شوي ..... يكون نصيبها اوفر حظ من خواتها ....
والله له حكمه في تاخير النصيب .... ومالنا اعتراض على هالشي ....
وكلام الناس مو مهم .... لايقدم ولاياخر .... والناس في كل الحالات تتكلم ..... المهم ايمانا بالله .... وبان كل واحد انكتب له شنو في حياته من المهد اللى اللحد ....

جزييييل الشكر الى اختي (المشتاقه الى الجنه) على طرح موضوع مهم ...
تقبلي مروري ..

اختج ..
صمت القلوب

[aziz92]

لا امانع ابدا ولاكن يجب الاخذ بعين الاعتبار مشاعر الاخت الكبرى
ويتم الموضوع بالنقاش والتفاهم

[أخت الغالي]

كل شي قسمة ونصيب

المشكلة ان للحين في عوائل تفكيرهم رجعي والدنيا تطورت ولين ماجى نصيب البنات يقولون ماجى نصيبهم

انزين انتوا اللي تردونهم ,,

واللي ربي كاتبة يصير

موضوع رائع تحياتي ,,

[sendarala]

عادي اوافق على طول
مثلما قالوا الاخوان دي قسمة ونصيب
ويمكن نصيبها يكون بعد اخواتها اللي اصغر منها ويمكن اتم بدون زواج

[(الفيصل)]

شخصياً
اتفائل من زواج الاخت الصغرى قبل الكبرى اذا جاء للاولى النصيب
اتعلمون لماذا؟
لأنه سوف يفتح باب على مصراعية لخطبة وزواج الاخت الكبرى
وهذا واضح لكل متابع خصوصاً عندنا نحن في قطر
وكلي رجاء ان
لاتوقفوا نصيب بناتكم وأخواتكم بمثل هذه الدعوات والمبررات التي ماانزل الله بها من سلطان.
تحياتي

[المشتاقه الى الجنه]

ويسعدني الرد بمواضيعج حبيبتي .... بس فديتج مافيها منطقية ان الاب يسال الكبيره عن موافقتها لان يمكن صج نفسيتها بتتاثر ويمكن تقول لا انا مب موافقه لكن شنو ذنب الصغيره ؟؟ هالموضوع ماهو بالشرع والله ما يرضى به ان جا للصغيره نصيب فخلها تتزوج واما الاخت العوده المفروض تحتسب وتصبر ولها الاجر ان شاء الله وهذا نصيبها وترضى به لان ممكن بعض الاخوات الكبار يكونون خبيثات وان سالهن الوالد عن موافقتها بتقول لا ما اوافق نفس حالة اعرفها زين وكانت تدعي على اختها وقدامها وكانت ترد عليها اختها العوده اهم شي عندي ما اتزوجين دامني ما تزوجت اي منطق هذا ؟؟ ان جاء للصغيره نصيب تتزوج والامور سهالات سواء جا للكبيره او لا .... وبارك الله فيج اختي العزيزه ومرور ثاني لموضوعج واسمحي لي عليه ^_^ ....

أسعدني كثيرا المرور الثاني لك وجزاكي الله كل خير

[المشتاقه الى الجنه]

مع الوعي الحالي لكثير من الاباء والامهات صار موضوع زواج

الصغيرة قبل الكبيرة شئ عادي 00

فلا ننسى بأن التعليم والثقافة لها دور هام في الموضوع

فعلا هالإيام أصبح الأهل أكثر وعي من الأول
جزاك الله كل خير

[المشتاقه الى الجنه]

جــــــــــــــــــزاج االله خير ع الموووضوع من راى مافي شي وووالشغله قسمه ووونصيب ؟؟

بارك الله فيك

[>>> غــمـــوض <<<]

تصدقين اختي ان هالموضوع كنت اتكلم فيه مع الوالده من كم يوم ،،،،
بما انه اختي توها متخرجه امي سألتني من باب الاستفسار لو اختج تزوجت قبلج بتزعلين
ورديت عليها من اعماق قلبي وفي قناعه تامه من كل حرف اقوله بالعكس ،،،
دام الخطاب اللي جانوا ماكان لي نصيب معاهم ،، فبالعكس لو جا نصيب اختي اول من بيفرح لها وبيجهز لعرسها انــه :) وبكون فرحانه من كل قلبي
واعتقد اهلي نفس الشي ماعندهم حساسيه من هالامور ،، لان الزواج قسمة ونصيب
واذا جا الزوج المناسب حرام الواحد يعارض عشان امور صغيره بتتلاشى مع الايام

تحياتي لطرحج المميز :victory:

[المشتاقه الى الجنه]

طبعا ...ماامانع زواج اختي الاصغر مني ...
لان هذا قسمه ونصيب ...
وكل تاخيره فيه خيره ... يمكن للي تاخر معاها الزواج شوي ..... يكون نصيبها اوفر حظ من خواتها ....
والله له حكمه في تاخير النصيب .... ومالنا اعتراض على هالشي ....
وكلام الناس مو مهم .... لايقدم ولاياخر .... والناس في كل الحالات تتكلم ..... المهم ايمانا بالله .... وبان كل واحد انكتب له شنو في حياته من المهد اللى اللحد ....

جزييييل الشكر الى اختي (المشتاقه الى الجنه) على طرح موضوع مهم ...
تقبلي مروري ..

اختج ..
صمت القلوب

جزاكي الله خير أختي تعجبني صراحتك وتفهمك للأمور
أسعدني مرورك كثيرا

[المشتاقه الى الجنه]

لا امانع ابدا ولاكن يجب الاخذ بعين الاعتبار مشاعر الاخت الكبرى
ويتم الموضوع بالنقاش والتفاهم

أهم شيء بالموضوع التفاهم شيء أكيد والله وانا معك في أن مشاعر الكبيره مهم جدا

[هسلان]

الكبيرة مهما تظاهرت بالرضا يبقى في القلب غصة وحسرة
لكن هو النصيب والمكتوب

[hxamad]

أوافق دين وخلق

[دلة الرسلان]

:shy: ليش يخطبون الصغيره قبلي اكيد انا شينة لذلك لن ارضى اختي الصغيرة تتزوج قبلي

خلينا نعنس مع بعض:cry2: .

[>>> غــمـــوض <<<]

:shy: ليش يخطبون الصغيره قبلي اكيد انا شينة لذلك لن ارضى اختي الصغيرة تتزوج قبلي

خلينا نعنس مع بعض:cry2: .


هههههههههههـــهههههههه

[المشتاقه الى الجنه]

الكبيرة مهما تظاهرت بالرضا يبقى في القلب غصة وحسرة
لكن هو النصيب والمكتوب

فعلا معك حق الله يعين الكبيره موضوع صعب
جزاك الله كل خير

[مطراش]

الله يعين

[المشتاقه الى الجنه]

أوافق دين وخلق

جزاك الله كل خير

[المشتاقه الى الجنه]

:shy: ليش يخطبون الصغيره قبلي اكيد انا شينة لذلك لن ارضى اختي الصغيرة تتزوج قبلي

خلينا نعنس مع بعض:cry2: .

حبيبتي ما يخطبون الأخت الصغيره لأنك شينه لأن الزواج قسمه ونصيب فجاء نصيب الصغيره
أو العريس أصغر من الكبيره فيبي وحده تصغره سنا, أو العريس طالب مواصفات تنطبق على الصغيره كل وحده يجي نصيبها بالوقت المناسب
بدل ما تعنسون مع بعض خلي الصغيره تمشي وانتي إن شاء الله نصيبك أحسن منها

[pure]

انا اقول يحترمون مشااعر الكبيره قدر المستطااع

لانه نظرة المجتمع للحين مو ذاك الزوود

يعني اتييج وحده تقول والله الكبيره ما انخطبت لانها شينه

ولانه فيها وفيها وفيهاا .. واذا مو مصدقين جووف حتى الخطاب ما ايوونهاا

اني وااي

اذا يا نصيب الصغيره قبل الكبيره اكيد ما يرفضونه دامه ما يتفوت بس يحترمون اولا واخيرا مشاعر الكبيره

والكبيره يايها نصيبها يمكن ما تدري نفسها باب الحاره

يصير نصيبها احسن من خواتها الصغااار

[عنابي 2010]

كل بنت ونصيبهاء مايصير ارد الاي جاني وهو يبي الصغيره علشان الكبيره ماتزوجت والزمن هذا لا الكبيره تزوجت والا الصغيره كلهم في البيت بسبب غلاء المهور والتكليف العاليه العرس اربع ساعات عرس الوحد الاي علي قد حاله اقل شي بيصرف من 120 الف الي 200 الف خلاص البنات عنسو والشباب اعرضوا عن الزواج متي بترخص تكليف الاعراس الاسهم نازله والعقار نازل والبترول نازل الاي الاعراس طالعه؟

[امل الحب]

الله يوفقها وين المشكلة!!!

مافيها اي حساسية ولازعل وهالشي قسمة ونصيب :)

تسلمين عالطرح

[المشتاقه الى الجنه]

انا اقول يحترمون مشااعر الكبيره قدر المستطااع

لانه نظرة المجتمع للحين مو ذاك الزوود

يعني اتييج وحده تقول والله الكبيره ما انخطبت لانها شينه

ولانه فيها وفيها وفيهاا .. واذا مو مصدقين جووف حتى الخطاب ما ايوونهاا

اني وااي

اذا يا نصيب الصغيره قبل الكبيره اكيد ما يرفضونه دامه ما يتفوت بس يحترمون اولا واخيرا مشاعر الكبيره

والكبيره يايها نصيبها يمكن ما تدري نفسها باب الحاره

يصير نصيبها احسن من خواتها الصغااار

مشكوره أختي على مرورك الذي أسعدني كثيرا

[مـراحـب]

بما أني مريت هذي التجربه :

الحمدلله والشكر لله ، ،

أنا أختي الصغيرة تزوجت قبلي ، ، الحمدلله ما في أي اعتراض
بالعكس فرحت لها من كل قلبي ، ، وجهزت معاها
بس زعلت ، ، تعرفون ليش ، ، لأنها بتفارقني
تعودت عليها ، ، على كل شي ( رقدتنا - قعدتنا - جلستنا - اكلنا ) كله واحد
فقط هالشيء اللي حزّني ، ،
لكن شي ثاني لا ، ، بالعكس ، ،

أنا من النوع اللي أحب الشيء لغيري قبل يكون لي ( مبدأي في الحياة )

وعندي من الأهل :

الأغلبية متزوجين وهم أصغر مني ، ،
الله يوفقهم ويسعهدم ويبارك لهم ، ،

وتسلمين على الطرح

[المشتاقه الى الجنه]

كل بنت ونصيبهاء مايصير ارد الاي جاني وهو يبي الصغيره علشان الكبيره ماتزوجت والزمن هذا لا الكبيره تزوجت والا الصغيره كلهم في البيت بسبب غلاء المهور والتكليف العاليه العرس اربع ساعات عرس الوحد الاي علي قد حاله اقل شي بيصرف من 120 الف الي 200 الف خلاص البنات عنسو والشباب اعرضوا عن الزواج متي بترخص تكليف الاعراس الاسهم نازله والعقار نازل والبترول نازل الاي الاعراس طالعه؟

جزاك الله خير على المرور

[بوحارب]

زواج الأخت الصغيره قبل الكبيــرهـ((نقــاش))


السلام عليكم ورحمة الله وبركاته




اخى :

هل توافق لو تقدم شاب على دين وخلق بزواج ابنتك او اختك الصغيره قبل الكبيرة وجميعهن فى سن الزواج ؟؟




وعليكم السلام

نعم بوافق ^ ــ ^

[المشتاقه الى الجنه]

بما أني مريت هذي التجربه :

الحمدلله والشكر لله ، ،

أنا أختي الصغيرة تزوجت قبلي ، ، الحمدلله ما في أي اعتراض
بالعكس فرحت لها من كل قلبي ، ، وجهزت معاها
بس زعلت ، ، تعرفون ليش ، ، لأنها بتفارقني
تعودت عليها ، ، على كل شي ( رقدتنا - قعدتنا - جلستنا - اكلنا ) كله واحد
فقط هالشيء اللي حزّني ، ،
لكن شي ثاني لا ، ، بالعكس ، ،

أنا من النوع اللي أحب الشيء لغيري قبل يكون لي ( مبدأي في الحياة )

وعندي من الأهل :

الأغلبية متزوجين وهم أصغر مني ، ،
الله يوفقهم ويسعهدم ويبارك لهم ، ،

وتسلمين على الطرح

الله يسلمك تعجبني صراحتك
وإن شاء الله يجيكي إبن الحلال إلي يستاهلك