لهدرجه متأثريين بلأزمة المالية - أستلم الموتر بعد 3 أيام جي أكس

[DEMAC]

وانا قاعد في المجلس الا مار ولدخالي سلام عليكم السلام وسوالف المهم لاحظت ميدالية تويوتا في أيده بركت له وسئالته شنوا السياره ومن قطر ولا من الخليج

قال لي السيارة جي أكس من عبدالغني قلت له مشالله تحجز سيارات من ورانا كم نطرت؟؟؟؟


قال لي 3 قلت له ياحضك 3 شهور مشالله غيرك نطر أكثر

قال لي الله يهديك 3 أيام على ماغسلوا السيارة وطلعوها من المخزن
قلت شنوا السياره قال جي أكس كامل الزيادات و سعره 167الف

المهم حلفت الرجال الا هو صادق طلعت برا الا الموتر مثل ماقال و الملكية ملكية اليوم

شسالفه الى هذه الدرجه السيارات متوفره كل من الأزمة المالية

شرايكم

[musel999]

طال عمرك من السعر عرفت ان المواتر قير عادي
وانا حالي حال ولد خالتك استلمت موتري في حدود 3 ايام على ماخلصت المعامله لاني ماخذه عن طريق البنك
ال 6 سلندر قير عادي متوفر ولو تبي مر معرض المشترك وبعيطك ارخص من الوكاله
انا ماخذ 2008 شهر 7 .....ب163 الف حساسات وبلوتوث جي اكس
ولما كنت في الوكاله ذاك اليوم سالته عن الالوان المتوفره للقير العادي قال اسود ولؤلؤي ورصاصي واسبير علاق لو تبي (بس خذته اسبير تحت ) يعني متوفر العادي بكثره

والطلب والحجز على الاتماتيك وانا بروحي حاجز تماتيك في اكس ارا يمكن يوصل بعد 4 او 5 شهور اذا الله راد

ارجو اني اكون فدتك في الموضوع
تقبل مروري

[DEMAC]

لا أخوي الموتر موجود شفته الليله اتومتييك, بس قال لي ان الوكالة يبي لهم رص شوي ولا بيقصون عليه وينطرونه هذا على كلامه والله يوفقنا كلنا

[DEMAC]

الي فهمته ان أسعار السيارات نزلت حسب التالي:

الياباني بين 20% الى 35%

الأمريكي بين 15%الى 20%

الأوروبي بين 25 % الى 35% بسبب سعر اليورو

الرنج روفر و الجاغور نزلت فوق ال 40% بسبب انتقال ملكيتها من فورد الى تاتا (الهندية)

[فهد24]

يبه الوكاله لم شافوا الازمه الماليه اللي اثرت على معظم شركات السيارات وحسوا انهم بيتأثرون قاموا وطلعوا المواتر اللي كانوا خاشينها (( ومخزنينها مايندرى ليش))....

ملاحظه((سمعت انهم خسروا مادري شكثر..يعني تأثروا))

[المخفي]

خسارة تويوتا 50 % في المبيعات في الربع الثالث يعني اخر 3 شهور لذلك الضاهر انهم رصوا عبدالغني عشان يزيد المبيعات و يعوض النقص في المبيعات في امريكا

[بوعلي-Qtr]

احنا حاجزين Gxr V8 من اخر شهر 5 .. ولين الحين ماوصل

حسبي الله عليهم

[mosahm]

لايوجد رخص اسعار

[المترجم]

فى خبر انة راح يفتح فى اول السنه فرع جديد لوكالة التيوتا واحتمال انةيكون بهوان وكيل البريمى

[ANONYMOUS]

الي فهمته ان أسعار السيارات نزلت حسب التالي:

الياباني بين 20% الى 35%

الأمريكي بين 15%الى 20%

الأوروبي بين 25 % الى 35% بسبب سعر اليورو

الرنج روفر و الجاغور نزلت فوق ال 40% بسبب انتقال ملكيتها من فورد الى تاتا (الهندية)


اخوي فهمته من وين..

يعني الرنج بو 300 الف .. بيصير ب 180 الف

وال جي اكس اللي كان ب 170 صار ب 127 الف !

حدث العاقل بما يعقل.. فإن صدقك.. فلا عقل له

[porsche]

خسارة تويوتا 50 % في المبيعات في الربع الثالث يعني اخر 3 شهور لذلك الضاهر انهم رصوا عبدالغني عشان يزيد المبيعات و يعوض النقص في المبيعات في امريكا

عبدالغني بيعوض نقص مبيعات التويوتا اللي في أمريكا؟؟

وواحد يقول ان الا سعار نزلت 40%؟؟؟؟

انتوا من وين تجيبون هالأخبار؟ من الانترنت ؟؟

[honey_uk]

ماقول الا ياناعس العود ياسيد الملاح :) هاهاها

اللي يقول 40 بالميه .. واللي يقول وكاله جديده واللي يقول واللي يقول ؟

شسالفه عسى ماشر شصاير ياشباب .. التأليف له حدود بس مب هالشكل :)

سوق السيارات بقطر "تحديداً" ماتغير ولا شي

الالماني مثل ماهو .. فرق السعر شوي بس " وماتحس بالفرق " الا اذا دفعت فلوسه وقت الحجز كامله .. يعني تبي بسعر اليورو اليوم .. تدفع فلوسه كاش كامله وتنطر .. او تحجزه ويجيك عقب 3 شهور او شهرين وبنفس سعر السوق حالياً ..

الياباني " تيوتا " نفس ماهو ماتغير ولا شي بالعكس اشوفه يرتفع بالمعارض والوكاله للحين بالقطاره تنزل السوق ؟

بالعربي مشو بوزكم مافي امل تنزل اسعار السيارات .. كل شي بيتأثر بهالازمه الا السيارات عندنا ترتفع ؟

تبون تضحكون زياده .. مبيعات تيوتا و البورش + الرنج مرتفعه الشهرين اللي راحوا .. وين تبونهم ينزلون هاهاهاها

حسبي الله على بليس :)

[mohammedhm]

الي فهمته ان أسعار السيارات نزلت حسب التالي:

الياباني بين 20% الى 35%

الأمريكي بين 15%الى 20%

الأوروبي بين 25 % الى 35% بسبب سعر اليورو

الرنج روفر و الجاغور نزلت فوق ال 40% بسبب انتقال ملكيتها من فورد الى تاتا (الهندية)


مبيعات السيارات أنخفضت بسبب الأزمة وليس السعر

[النعيمي***]

أنا سمعت أن عبدالغني بصدرون سيارات جديده حق أوكرانيا

[zeknon]

هههههههههههههههههههههههههههههههه
والله ضحكتوني
يوم قلتوا ان عبدالغني خسر

[ولد شرق]

بالعنة خله يخسر و لا وكالتكم ما تبونها تخسر الحين كلهم بيستون مطاوعة و انه ما يجوز التشمت بالناس

التشمت مالي خص فيه اخوي
لكن للأسف اطلب منك انك تستغفر ربك حسب التوقيع اللي انت حاطه تحت لأنه مايجوز تلعن الناس
سبحان الله توقيعك حلو اخوي...
اما بالنسبه لعبد الغني فخدماتهم للأسف مايقوم بها كافر فما بالك من بمسلم؟

[المخفي]

التشمت مالي خص فيه اخوي
لكن للأسف اطلب منك انك تستغفر ربك حسب التوقيع اللي انت حاطه تحت لأنه مايجوز تلعن الناس
سبحان الله توقيعك حلو اخوي...
اما بالنسبه لعبد الغني فخدماتهم للأسف مايقوم بها كافر فما بالك من بمسلم؟

بارك الله فيك و الله يجزيك خير

[المخفي]

الأزمة المالية تعصف بنصف أرباح تويوتا

http://www.aljazeera.net/mritems/images/2008/11/4/1_863963_1_34.jpg

توقعت شركة صناعة السيارات اليابانية تويوتا موتور -أكبر منتج للسيارات في العالم- هبوطا حادا في أرباحها هذا العام إلى ما دون النصف ليصل أقل مستوى في تسع سنوات جراء تأثير الأزمة المالية العالمية السلبي على الطلب وتقليص الائتمان وصعود الين.

وكانت تويوتا قد شهدت ثماني سنوات متتالية من نمو الأرباح ولكنها أجبرت على وقف عمل مصانع تابعة لها والاستغناء عن العمالة المؤقتة وقدمت حوافز غير مسبوقة للمشترين للتصدي لهبوط مبيعاتها.

وتواجه شركات السيارات المنافسة لتويوتا أيضا مرحلة صعبة حيث دار الحديث عن عمليات اندماج بين شركتي جنرال موتورز وكرايسلر لمواجهتهما هبوطا حادا في المبيعات وتكبدهما خسائر كبيرة.

وانخفضت أسهم تويوتا بنسبة 10% قبل إعلان نتائج أعمالها الخميس لتواكب هبوطا حادا في مؤشر أسهم قطاع النقل في طوكيو بعد نشر صحيفة تقريرا تضمن أن أرباح تويوتا هذه السنة ستكون دون نصف أرباحها للعام الماضي.

وتوقعت تويوتا تحقيق أرباح تشغيل للسنة المالية التي تنتهي نهاية مارس/آذار المقبل بقيمة 600 مليار ين (6.1 مليارات دولار) مقابل تنبؤات سابقة بتسجيل 1.6 تريليون ين، بينما أظهر استطلاع ضم 17 شركة سمسرة أن أرباح تويوتا ستبلغ 1.34 تريليون ين.

وسجلت تويوتا أرباحا في الربع الثالث من هذا العام بلغت 139.8 مليار ين (1.4 مليار دولار) منخفضة بنحو 69% عن الفترة المقابلة من العام الماضي.

وانخفضت المبيعات بنسبة 8% إلى 5.98 تريليونات ين (60 مليار دولار) في الربع الثالث من هذا العام مقابل 6.49 تريليونات ين قبل عام.

ووفقا لتقديرات تويوتا التي تنتج طرازات مختلفة من السيارات منها سيارات كامري وبريوس العاملة بالغاز والكهرباء وتوندرا وهي شاحنة بيك أب، ستحقق الشركة أرباحا صافية قيمتها 550 مليار ين (5.5 مليارات دولار) مقارنة مع توقعات سابقة لها بتسجيل 1.25 تريليون ين (12.6 مليار دولار) لتصبح هذه أقل سنة في أرباحها الصافية.

وامتدت تداعيات الأزمة المالية العالمية إلى الأسواق الناشئة كالصين والهند لتعصف بخطط صانعي السيارات الذين كانوا يتوقعون نموا قويا في المبيعات.

وانخفضت مبيعات تويوتا في الولايات المتحدة بنسبة 12% خلال عام حتى اليوم، الأمر الذي جعل الشركة تخفض توقعاتها الأسبوع الحالي للمرة الثانية في أربعة شهور.

الرابط يا أخوان

http://www.qatarshares.com/vb/showthread.php?t=216571

ورأى نائب الرئيس التنفيذي لتويوتا ميتسو كينوشيتا صعوبة كبيرة في التكهن بموعد لاستقرار مناخ الأعمال في ظل الأزمة المالية العالمية.

الرابط يا أخوان

http://www.qatarshares.com/vb/showthread.php?t=216571

[saud580]

يا شباب يا جماعه الخير

الجي اكس و الاستاندر موجود في الوكاله

لكن الجي اكس ار 8 سلندر و الفي اكس ار يبيلهم وقت لين مايوصلون لان عليهم ضغط

روحو المحطه الي على خط الوكره شوفو على اليمين في الحوطه متروسه مواتر تيوتا يداد

[وحش قطر]

[quote=النعيمي***;3353571]أنا سمعت أن عبدالغني بصدرون سيارات جديده حق أوكرانيا[/quote


وانت الصادق السودان مش اوكرانيا

[DEMAC]

يأخوان ان غدا لناظره قريب الأسهم ثم العقار واللحين السيارات

[naklan]

انشاله ينزل تحت 100 الف

[hich]

هل النزول في السيارات القطرية أم الخليجية

[بوسالم90]

ياحبكم للتأليف انا اليوم مطلع موتر من الوكاله حاجزه من شهر 5

ب172850 وماعمره صار ب167000 الا اذا كان فالاحلام

اذا كان سعره قبل الخصم 175500 +350 تأمين -3000 خصم

احسبها ويطلع لك الناتج

[سمو انسان]

في شركات خسرت بس مع ذلك ا نزلت اسعار مواترها

بس سمعت ان الـ بي ام نزلت من اسعار مواترها تقريباً ما بين الـ 30 الى 60 الف ريال

اما التيوتا اعتقد ان وضع الوكال في حرج .. الشركه خسرانه والمشكله الطلب زايد

فاعتقد بعد الضغط .. بدوو يطلعون اللي في الجيوب

[S A L M A N]

ماعتقد

انا حاجز جيكسار اسبير علاق من شهرين وللحين ماوصل

بالنسبه للخساره عبدالغني اكثر وكاله في الخليج ربحاً

بالنسبه للنزول في سعر السيارات .. مافي سيارات انزلت سعرها
الا الـ Bmw وتعتبر فرصه لعشاق البي ام

[الكاسر99]

والله أنا سمعت العكس أن أسعار السيارات راح يرتفع بالنسبة للكروزرات

[diab911]

الي حاب يعرف ان بعض السيارات نزل سعرها

يروح وكالة الدانه (( البنتلي ))

ويشوف شلون السعر نزل وحياتك انهار مب نزل

تقريبا من 200 الف ريال الى 250 الف ريال نزول

والي حاب يتأكد يروح عند :

المدير --- ساهر

مبيعات ---مالك

[بوعلي2]

والله ماينعرف حق تيوتا

[المخفي]

الي بيصير انه المصنع يصنع مليون سيارة و يبيع في امريكا 800 الف و في العالم 200 الف مثلاً فعند نقص الطلب على السيارات في امريكا فمثلاً اذا نقص بنسبة 50% اذا المبيعات في امريكا 400 الف و الفائض 400 الف فتتوزع على دول العالم و الذي حدث انه المصنّع ضغط على الوكلاء في العالم لزيادة المبيعات فيضطر الوكيل والذي يعلم حجم السوق لديه و على اساسه يطلب كمية السيارات و يحافظ على سعر سلعته لتنزيل السعر لأغراء الناس على الشراء من عنده و زيادة المبيعات و هذا الحاصل الآن

[بوحارب]

الي حاب يعرف ان بعض السيارات نزل سعرها

يروح وكالة الدانه (( البنتلي ))

ويشوف شلون السعر نزل وحياتك انهار مب نزل

تقريبا من 200 الف ريال الى 250 الف ريال نزول

والي حاب يتأكد يروح عند :

المدير --- ساهر

مبيعات ---مالك


شكلي بروح اخذلي واحد بكره :shy:

[DEMAC]

الي بيصير انه المصنع يصنع مليون سيارة و يبيع في امريكا 800 الف و في العالم 200 الف مثلاً فعند نقص الطلب على السيارات في امريكا فمثلاً اذا نقص بنسبة 50% اذا المبيعات في امريكا 400 الف و الفائض 400 الف فتتوزع على دول العالم و الذي حدث انه المصنّع ضغط على الوكلاء في العالم لزيادة المبيعات فيضطر الوكيل والذي يعلم حجم السوق لديه و على اساسه يطلب كمية السيارات و يحافظ على سعر سلعته لتنزيل السعر لأغراء الناس على الشراء من عنده و زيادة المبيعات و هذا الحاصل الآن

:nice:

[ذيب الباديه]

بالتوفيق انشاءالله

[سعد]

اسمع كلامكم اصدقكم

اشوف السوق استعجب !!!

[diab911]

شكلي بروح اخذلي واحد بكره :shy:



تستاهل يا بوحارب بس لا تنسى تاخذنا لفه عند الكرك