ترى عيالكم ما يروحون المدرسة الصبح...لحقوا عليهم

[دانـة قطـر]

السلام عليكم ورحمة الله وبركاته

اليوم الصبح كان عندنا مشوار

الساعه 7.30 ما بعد فتحت محلات التصوير نبي نصور صور شخصيه

قعدنا ننطر قدام المحل :omen2:

صفت سيارة فيها مراهق وسايق هندي طلبوا كرك وسندويش والولد داقها هذره وكركره مع السايق زين والمدرسة؟؟؟

قعدوا في مكانهم لين الساعه 8.30 مشينا وهم ما مشوا :rolleyes2:

وسيارة ثانيه فيها مراهق وسايق وموقفين سيارة ثانيه بعد فيها مراهق وسايق

ويسولفون :eek5:

ززززززين والمدرسة :anger1:

مسكتين هالسووايق بالكرك والسندويش ومفترين فيهم ززززززززين والمدرسة وينها؟؟؟

ليش السايق ما يقط الولد ويرجع السياره للبيت؟!!

والأهل ووينهم من عيالهم؟؟؟

ليش ما يدقون عالمدرسة ويشوفون عيالهم وصلوا ولا لا؟؟؟

3 حالات شفتها اليوم

حبيت انبهكم تنتبهون لعيالكم :victory:

[شاي كرك]

وين ..؟؟؟

[دانـة قطـر]

وين ..؟؟؟



عادي أقول ووين أخاف ممنوع :looking:

[عاشق الشهادة]

عادي أقول ووين أخاف ممنوع :looking:


عادي قولي:tease:

[دانـة قطـر]

عند سوق العلي :omen2:

أمي كانت بتهاوشهم :anger1:

بس قلت لها مالج دخل :rolleyes2:

[سهم مديون]

:omg: معقول هذا اللي يصير !!!

[بنت المنتدى]

الله يهديهم

الشباب اغلبهم يسون هالسوالف ويشقحون الطوفه بعد وعليه علينا احنا البنات كنا ناكل الكتب اكل فديت الشطاره اللي فينا بس ..


مشكوره يادندون ع التنبيه عادي خل يستانسون < نذله ماعندها عيال بالمدرسه خخخخخخخخخخخ

[دانـة قطـر]

:omg: معقول هذا اللي يصير !!!

كل شي معقول :looking:

[المزن الرياني]

الله يهديهم

الشباب اغلبهم يسون هالسوالف ويشقحون الطوفه بعد وعليه علينا احنا البنات كنا ناكل الكتب اكل فديت الشطاره اللي فينا بس ..


مشكوره يادندون ع التنبيه عادي خل يستانسون < نذله ماعندها عيال بالمدرسه خخخخخخخخخخخ



لهدرجه الجوع :weeping:

[دانـة قطـر]

الله يهديهم

الشباب اغلبهم يسون هالسوالف ويشقحون الطوفه بعد وعليه علينا احنا البنات كنا ناكل الكتب اكل فديت الشطاره اللي فينا بس ..


مشكوره يادندون ع التنبيه عادي خل يستانسون < نذله ماعندها عيال بالمدرسه خخخخخخخخخخخ

آمين

واعليه علينا أحنا نجي عالطابور ونتنافض خوف من المديره :rolleyes2:

والله يرزقج بالذريه الصالحه يا بت بت <<< دلع بنت لووووووووووول :secret:

العفو أختي ما سويت إلا الواجب :victory:

[lusail]

منتشره ذي الظاهره ولازم الاهل يراقبون الابناء والدريوليه بعد ..


ايههههههههههه ذكرتوني بايام التهريب ....:shy:

[صغيرون قطر]

عند سوق العلي :omen2:

:rolleyes2:

يــــــــــا الفتانه :omen2:

بعلم عليج :tease:

[المشتاقه الى الجنه]

مشكوره أختي على التنبيه لازم الجميع يتابعون أولادهم وخصوصا لمن يطلعون مع الدريول والخدامات
جزاكي الله كل خير

[قطريه ماركه]

لا حول ولا قوة الا بالله ..

صعبه ان الأهالي يوميا يتصلون بالمدرسه يتأكدون ان عيالهم وصلوا والا لا !!!!

لازم المدرسه تتصل اذا صار غياب متكرر او متواااصل ...

ولازم الطالب يكون قد الثقه اللي عطاها اياها ابوه ...

والسايق قد هالأمانه ...

بس هل من مجييييييب !!!

[دانـة قطـر]

ايههههههههههه ذكرتوني بايام التهريب ....:shy:

بس هذيلا ما هربوا :eek5:

أصلاً ما راحوا خير شر :anger1:

أنا منقهره من التعاون المتبادل بين السايق والولد :anger1:

[lusail]

بس هذيلا ما هربوا :eek5:

أصلاً ما راحوا خير شر :anger1:

أنا منقهره من التعاون المتبادل بين السايق والولد :anger1:

حنا كنا نخاف شوي هم شكلهم بايعينها الله المستعان ...:)

[بنت المنتدى]

بس هذيلا ما هربوا :eek5:

أصلاً ما راحوا خير شر :anger1:

أنا منقهره من التعاون المتبادل بين السايق والولد :anger1:




صدقيني انه يعطي السايق فلوس بس عشان مايفتن :anger1:

[lusail]

صدقيني انه يعطي السايق فلوس بس عشان مايفتن :anger1:

قلتيها بلسانك عشان كذا الرقابه مب على الابناء وبس على الدريوليه بعد ...:nice:

[دانـة قطـر]

يــــــــــا الفتانه :omen2:

بعلم عليج :tease:

جزاتي أبي مصلحة ورعانكم :weeping:


مشكوره أختي على التنبيه لازم الجميع يتابعون أولادهم وخصوصا لمن يطلعون مع الدريول والخدامات
جزاكي الله كل خير
العفو أختي :nice:
المشكله الأهل كله يذمون فالمدرس والمدرسة من نزول مستوى عيالهم وممكن يكون هالشي من ضمن الأسباب :victory:



لا حول ولا قوة الا بالله ..

صعبه ان الأهالي يوميا يتصلون بالمدرسه يتأكدون ان عيالهم وصلوا والا لا !!!!

لازم المدرسه تتصل اذا صار غياب متكرر او متواااصل ...

ولازم الطالب يكون قد الثقه اللي عطاها اياها ابوه ...

والسايق قد هالأمانه ...

بس هل من مجييييييب !!!

مادري أختي المشكله كلهم سيارتهم رزه ومبين عليهم أعيال هااااااي :secret:

عشان جذيه يمكن الدريوليه خايفين يتكلمون ويضطرون أنهم يجارونهم :con2:

أنااااا أقول أفضل علاج يركبون باصات المدرسة عشان يحرمون ثاني مره يزوغون منيه ولا مناك :omen2:

[بو فـهـد]

والله وايد

شفوهم عند محطة طيبه شكثرهم

:anger1::anger1::anger1:

[بلاهويـــــة]

أنا شفت اولاد بعمر 13 و15 يسوقون السيارة والدريول جنبهم وين الأهل عنهم

شفت الدريول يشتري سجاير ويعطيها إياهم

[لله الحمد]

تذكرينا بأيام اول هههههههههههههههاي

بس الحين دلع .. مع الدريول الشيخ هههاي

متلتهين لا قدرنا ندش المدرسه والا قدرنا نروح البيت عشان التلتله الصح

[شيزكيك]

تدرين انا كنت ادرس في مدرسه ثانويه ا البنات خير شر ما يدامون وكله غياب تبون الاولاد يداومون وبعدين احس هالشي على التعود اذا هم متعودين ان اهلهم عادي عندهم يغيبون
فهم اكيد بيستغلون هالشي

والحمدلله عيالي يروحون في الباص وهم في مدرسه مستقله حازمه

واصلا الحمدلله الغياب عندنا ممنوع الا للشديد القوي

مساكين حتى آخر الايام الي اليهال يغيبون بعد هم يداومون

[ذيبه مزاجيه]

شبابنا الله يحفظهم من استوو جذي مالهم في المدارس >_<

الله يهديهم

وبعض الاهل الله بالخير

[Bu Rashid]

لا حول ولا قوة الا بالله...
الله يحفظهم ان شاء الله...

[سوق واقف]

يمكن خاطرهم في كيـــــــــما وفلفل وجباتي خلوهم :nice:

[яέέⓜ]

كلكم راع ٍ وكلكم مسؤول عن رعيته

[Doha Land]

لا حول ولا قوة الا بالله . . .

الله يحفظهم ان شاء الله . . .

شكراً على التنبيه . . عسى كلامك يوصل للكل .

[التيما]

جزاج خير عالتنبيه .. وايد غافلين عن اعيالهم هادينهم للدريوليه .. الله يهدي الجميع

[دكتور قطر]

السلام عليكم ورحمة الله وبركاته

اليوم الصبح كان عندنا مشوار

الساعه 7.30 ما بعد فتحت محلات التصوير نبي نصور صور شخصيه

قعدنا ننطر قدام المحل :omen2:

صفت سيارة فيها مراهق وسايق هندي طلبوا كرك وسندويش والولد داقها هذره وكركره مع السايق زين والمدرسة؟؟؟

قعدوا في مكانهم لين الساعه 8.30 مشينا وهم ما مشوا :rolleyes2:

وسيارة ثانيه فيها مراهق وسايق وموقفين سيارة ثانيه بعد فيها مراهق وسايق

ويسولفون :eek5:

ززززززين والمدرسة :anger1:

مسكتين هالسووايق بالكرك والسندويش ومفترين فيهم ززززززززين والمدرسة وينها؟؟؟

ليش السايق ما يقط الولد ويرجع السياره للبيت؟!!

والأهل ووينهم من عيالهم؟؟؟

ليش ما يدقون عالمدرسة ويشوفون عيالهم وصلوا ولا لا؟؟؟

3 حالات شفتها اليوم

حبيت انبهكم تنتبهون لعيالكم :victory:

لا تعليق

[غناتي1]

اذا ما مروا المطاعم من صبح 000

مروا الدكاكين اللي عند المدرسة واللي فاتحه من صبح

ويا ليت حق سندويشات 00 الا حق الزقاير والسويكه

حسبي الله عليهم ونعم الوكيل

شبيلحقون عليه الاهالي دام 00 حاميها حراميها

[المهندي911]

البلد هذه بلدنا وعيالها عيالنا فأذا شفتوا شي لاتسكتون انا لما اشوف صبيان قاعدين عند دكان يدخنون على طول تلفون حق البلديه ومشتكي على كذا دكان وحرموا وبعضهم سكروا محلاتهم يستاهلون
اما بخصوص المدارس هاي مشكله كبيره مانعرف وين حلها حتى لو راحوا المدرسه وتأكد ولي الامر من دخولهم المدرسه عطوا الناطور بخشيش وطلعوا في سيارة واحد من الطلبه الي ابوه ماعطيه سياره او يحضر لين الحصه الخامسه وعقب يشرد لأن السادسه ماياخذون فيها الغياب اشتكينا في المدرسه ولا حياة لمن تنادي

[عـيـون قـطـر]

:eek5: يبيله نسوي تحريات جدام المدارس نشوف من الي يداوم ومن الي يشرد خاطري اشوف واحد يشرد ياويله مني

[eXpert*]

البركة في التربية والاهل ،، الاب مشغول في الدوام والام مايندرى مداومه ولا مكبره المخدة ونايمة ..

انا من فترة في الدوار كانت سيارة جنبي يسوقها دريول وجنبه واحد لم يتجاوز الـ 16 طلع زقارة وولعها وقاعد يدخن !! طبعاً لين اهنيه الشي عادي ، اللي مب عادي معاه في السيارة ورى اخته اكبر منه الظاهر !!

والدنيا ربيع !!يدخن واخته اكبر منه معاه بالسيارة !! وين الاهل ؟

ليش الحياة صارت اسكت عني و اسكت عنك !!!

[دلة الرسلان]

يداك اوكتا وفوك نفخ

اذا الولد نفسه ما عنده قناعة باهمية الدراسة لمصلحته نفسه فما فيه فايده حتى لو كلبشوه

لباب المدرسة ودخلوه بالغصب مردهم يندمون .

[eXpert*]

يداك اوكتا وفوك نفخ

اذا الولد نفسه ما عنده قناعة باهمية الدراسة لمصلحته نفسه فما فيه فايده حتى لو كلبشوه

لباب المدرسة ودخلوه بالغصب مردهم يندمون .


أكيد الولد ماعنده قناعة ،، دام الاب موفر له كل سبل الراحة من موبايلات ودفع فواتير
وسيارة اخر موديل يداوم فيها !!

المفترض الاب يحسس الابن بقيمة التعليم باستخدام اسلوب الجزاء والعقاب مب مخليه في بحبوحه من الحياة ..

[قطري vip]

والله زمن الولد يدخن واخته معاه وين الغيره المفروض ينمون فيه الغيره وبعد الاهل وينهم

ليش مايسالون يالشغل ماخذ وقته على الاقل اسال بكره عيالك اهم اللي بيشيلون اسمك

[ABDALAZiZ]

انا اشووف لوو يكون التوصيل للكل بالباص أفضل

منها تخف الزحمه ومنها تعرفون عيالكم وين ومنها يكون فيه انضباط

[الدوحه%]

ابي اعرف لييييييييييييش الاب مايودي ولده المدرسه !!!! يعني تبوون الدريول يكون حريص على الولد !!
ووين الام ليش ماتودي بناتها المدرسه تخليهم يروحون مع خدامه !!! يعني الخدامه راح تكون حريصه عليهم !!
المال السايب يعلم السرقه ,, اذا الولد بروحه مع السايق لازم بقوله لف يمين لف يسار كذلك البنت ,,

[!قطريـة بنت القمـر!]

ابي اعرف لييييييييييييش الاب مايودي ولده المدرسه !!!! يعني تبوون الدريول يكون حريص على الولد !!
ووين الام ليش ماتودي بناتها المدرسه تخليهم يروحون مع خدامه !!! يعني الخدامه راح تكون حريصه عليهم !!
المال السايب يعلم السرقه ,, اذا الولد بروحه مع السايق لازم بقوله لف يمين لف يسار كذلك البنت ,,

اقولج :) ....

[ROSE]

ابي اعرف لييييييييييييش الاب مايودي ولده المدرسه !!!! يعني تبوون الدريول يكون حريص على الولد !!
ووين الام ليش ماتودي بناتها المدرسه تخليهم يروحون مع خدامه !!! يعني الخدامه راح تكون حريصه عليهم !!
المال السايب يعلم السرقه ,, اذا الولد بروحه مع السايق لازم بقوله لف يمين لف يسار كذلك البنت ,,

وازيد على كلامج

وحتى لو ماكان عنده وقت يوصله على الاقل يسأل عنه وعن سلوكه وحضوره

ومستواه بين كل فتره وفتره كان ممكن يقدر يسيطر على عياله ويعرف شقاعدين

يسوون من وراه

استغرب اللامبلاه من صوب الاهل حق عيالهم الواحد يعتب من له مب لهم

زين اهتموا فيهم من النواحي الثانيه مب بس توفرون فلوس وخلاص

هذول اجيال المستقبل ومحد راح يتعب غير الام والابو لو طاحوا بجبدوهم

الله يستر على عيالنا ان شاء الله ونقدر على تربيتهم التربية الصالحة

[الوان]

اللي ماعنده عيال صبيان في سن المراهقه لا يتحجى
يعني اذا الولد شرد من المدرسه غلطة الأهل ولا المدرسه

[المهندس عبدالعزيز]

أيام المدرسة كان اللي المقصف ما يبيع شي والفلافل نصها ماي والسنوديشات أحسن لك ما تشوف اللي بداخلها (كل وانت مغمض)

فإذا عرف السبب بطل العجب

[مهل]

وين المدرسة عنهم .. المفروض الادارة تبلغ الاهل بتاخير ولدهم

[هسلان]

بعض السواقين يخرب العيال اكثر ماهم خربانين والاهل خبر خير
الله يعين هالعيال لا تربية زي الناس ولا أهل زي الناس