شركة خاصة تمنع خادمات الموظفين

[قلب الدوحة]

السلام عليكم اليوم الصبح وانا رايح الدوام سمعت في اذاعة خليجية فقرة عن اخبار دول الخليج والخبر عن قطر يقول انه مدير احدى المؤسسات الخاصة اصدر تعميم بمنع دخول خادمات الموظفات حيث يقومون بمساعدتهم في انجاز المعاملات وعند سؤال احد الموظفات عن التعميم ان في السابق كانت الخادمة تساعدني في توصيل المعاملات او تصويرها او عمل الشاي،،،سؤالي صج في شركات كانت تسمح بالخدم وشكرا لكم

[التيما]

هالخبر نشر في جريده محليه من كم يوم .. واستغربت هالشي أصلا .. بس طلع موجود

[ANONYMOUS]

اليوم تسوي شاي
بكره توقع ع المعاملات

بعده الحرمه ترقد .. والشغاله تداوم

ولا عزاء لربات النوم

[ROSE]

اول مره اسمع عن هالشي معقوله :eek5:

[بنت المنتدى]

:eek5::eek5::eek5:

البنات اللي عندنا بالدوام يخلون الخدامه تشيل الشنطه وتنبط جبدي عليهم :anger1:

بعد تكمل معاملات .. لا بالله هذا الناقص :anger1:

[ضوى]

اللهم لك الحمد والشكر

لهالدرجة وصلت الاتكالية ؟؟؟ معقول هالكسل ؟؟؟ ويقولون عمالة وايدة بالبلاد ؟؟ من بيخدمكم لو قللتوا العمالة اذا حتى بوظايفكم تبونهم يساعدونكم

لا حول ولا قوة الا بالله

مااقول الا الحمد لله والشكر لله

[بلاهويـــــة]

http://www.qatarshares.com/vb/images/smilies/eek5.gif

[سيدة أعمــال]

:looking:


شكرا على الموضوع

:)

[ABDALAZiZ]

السلام عليكم

هالخبر صحيح ،، مره كنت منزل هلي أحدى البنوك ..
وتفاجأة يوم ركبوا السياره يقولون لي أن وحده من الموظفات جايبه خدامتها الهنديه..

تصور وتودي وهي قاعده ع كرسيها وتتكلم بالتلفون ومعطله الناس ..

[الألماسي]

أحد أخواتي مديره لأحدى مدارس البنات . . تقولي ان الفرّاشات القطريات يجيبون وياهم خداماتهم عشان يخمون و ينظفون الحمامات - وانتوا بكرامه -

يعني مثلاً هـ الفرّاشه راتبها تقريباً 4500 الى 5000 ريال شهرياً و الخدامه = 500 ريال :)

واقـع و حـاصل . .

ليـش الإستغراب :nice:

[عيد823]

ليش الأستغراب ؟؟؟


موظف قطري يحضر معه هندي (صبي) ليعمل له الشاي والقهوة في الدوام ويغسل الأكواب والفناجين (لأنه مايثق في فراشين الوزارة)

صدق أو لا تصدق

[الدوحه%]

معقوووووووووووله وصلت فيهم الموظفه تدخل مكان عملها بالخدامه ,,, والله عيب
دامها مب في حاجه الشغل في بنات احوج له

[السديم]

أحد أخواتي مديره لأحدى مدارس البنات . . تقولي ان الفرّاشات القطريات يجيبون وياهم خداماتهم عشان يخمون و ينظفون الحمامات - وانتوا بكرامه -

يعني مثلاً هـ الفرّاشه راتبها تقريباً 4500 الى 5000 ريال شهرياً و الخدامه = 500 ريال :)

واقـع و حـاصل . .

ليـش الإستغراب :nice:

تدري عاد هذي الحركة من يوم ماحنا كنا في المدارس ونشوف الفراشات القطريات يحضرن خداماتهم .. وتبي الصج مالومهم فقارة ومايقدرون يقعدون في البيت وكبيرات في السن وشغل المدرسة متعب !!
لكن موظفة ومعاها خدامة هذي عمرها ماصارت :secret:

[ام شهد قطر]

صراحة في بعض الحالات تحتاج خدامه تساعدها على الاقل مره في الاسبوع وأنا مريت في هذا الوضع وطلبت من المديره أجيب معاي الخدامه بس رفضت وباقول لكم السبب أن المكان عندنا في الشغل مغبر بطريقه مقرفة والله لدرجه أني بروحي أخذ الفوط وأمسح بس صار ما عندي وقت والعاملات كلهم يتهربون محد يرضى ينظف والي تنظف تنظيف خربوطي بدون ذمه وصراحة أنا ما أطيق القعده في مكان مش نظيف وكان الحل أني أجيب خدامتي لكن المديره ما رضت وأحنا موظفات مش عاملات عشان نقعد نخم وننظف.

[ابوالجازي]

اول مره اسمع عن هالشي معقوله :eek5:

تبين اصورهم لج :weeping:

[غناتي1]

زين سووا فيهم 000 الجزاء من جنس العمل

اللي تبي الراتب الزين خل تشتغل شوي