رأس بروق
10-11-2008, 12:18 AM
http://www.qatarshares.com.qa/data/306/309/storm_1060491277_1688708586.jpg
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني مـــن الصرخــــات
ابي اصحى ولكني عجزت القى الي يصحينـــي
فداك القلب يايمه ومهما قلت من كلمات
صغيره في كبر حقك بس اتمنى تعذرينــــي
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فينـــي
تجول عيونهم فيني تفصل مني قياسات
وتشيح وجوههم عني وكني غيرت دينـــي
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحتـــرق فيني
نقص قدري بعد موتك وغابت نشوة اللذات
وصار الهـــم عكـازي اباكيــه ويباكينـــــي
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات!!
واقبل ايدك ورجلك وافرش لك رمش عيني!!
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزينــي
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس .. لا تبكي اذا شفتي بي الدمعات
انا مقوى ابكيــــــــــك اذا انتــــــــي تبكيني
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني مـــن الصرخــــات
ابي اصحى ولكني عجزت القى الي يصحينـــي
فداك القلب يايمه ومهما قلت من كلمات
صغيره في كبر حقك بس اتمنى تعذرينــــي
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فينـــي
تجول عيونهم فيني تفصل مني قياسات
وتشيح وجوههم عني وكني غيرت دينـــي
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحتـــرق فيني
نقص قدري بعد موتك وغابت نشوة اللذات
وصار الهـــم عكـازي اباكيــه ويباكينـــــي
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات!!
واقبل ايدك ورجلك وافرش لك رمش عيني!!
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزينــي
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس .. لا تبكي اذا شفتي بي الدمعات
انا مقوى ابكيــــــــــك اذا انتــــــــي تبكيني