كسر الروتين وتجاربكم تفضلو ...

[ســـهم]

السلام عليكم ورحمة الله وبركاته

امر بحالة روتين قاسيه وممله الى ابعد الحدود

وأحببت ان ارى تجاربكم لكسر هذا الروتين الممل ان سمحت أقلامكم

كل الشكر لكم مقدما ..

[ROSE]

اول شي قول لي شتحب تسوي وشنهي الاشياء اللي ماتحب تسويها عشان نقدر نفيدك

مثلا تحب القراءة تحب الطلعات تحب البحر ، شنهي هواياتك او شنهي الاشياء اللي تستهويك


ممكن تسويها انا عن نفسي اطلع لي شغلة من تحت الارض اسويها ان خلصتها بسرعه امسك لي كتاب

وان ماكان لي خلق لكتاب اطلع اروح البحر او اتصل على اختي ونطلع نروح لنا مطعم نتعشى فيه

الامور كثيره اللي ممكن تكسر فيها الروتين بس اهم شي نعرف شتسوي في هالايام

[السامـي]

خذ لك إجازة قصيرة،و دور لك جزيرة من هالجزر اللي بالمحيط الهادئ

وأحذف كل وسائل الأتصال مع العالم،وعيش على (الراحة والتأمل)،

ترجع صافي الذهن.

أتمنى أكون أفدتك.:)

[هتـان قطر]

سهم..اذا ما نعرف طبيعة حياتك وسنك وعملك وعلاقاتك بالناس..

اعتقد ما راح نفيدك بالدرجة المطلوبة..

ومع ذلك حاول تغير من نمط حياتك..استثمر طاقتك في شي يفيدك



نصيحة وليست رياء..ادخل حلقة تحفيظ قرأن وشوف الراحة اللي بتحس فيها

[ورده]

احس من كلماتك انك تمر بحزن او بداية اكتئآب (لاسمح الله )


وماراح تستفيد من حد فينا لأن كل واحد ظروفه ونفسيته تختلف عن الثاني


مثلا لو وحده فينا تبي تكسر الروتين تروح مطعم ( انت ماظن يريحك او يكسر روتينك الممل هالشي )


والحل ياعزيزي ياسهم : اسأل نفسك ( هل الي مضايقني فعلآ هو الروتين ؟ او اني متضايق من مشكله ومن

المفترض احلها لو بشكل مبدأي لانها بدت تنغص علي حياتي ؟ او .... او ....... او ....) اجابات هالاسئله

عندك .


ومافيه شي اسمه روتين ممل ...... يعني اغلبنا يعيش نفس الحياة من عمل والتزامات اسره وصلة رحم


واوقات للعباده , هذا نمط حياة مش روتين اما باقي الوقت كل منا له اهتماماته وهواياته : رسم , كتابه ,


بيزنس , رحلات , وغيره , حاول تمارس هواياتك .


سامحني تعمقت وايد ( الله يسامحه سهم طايش ولعنا مع علم النفس ! )


الله يريحك ويرتب امورك ياسهم

[ســـهم]

اول شي قول لي شتحب تسوي وشنهي الاشياء اللي ماتحب تسويها عشان نقدر نفيدك

مثلا تحب القراءة تحب الطلعات تحب البحر ، شنهي هواياتك او شنهي الاشياء اللي تستهويك


ممكن تسويها انا عن نفسي اطلع لي شغلة من تحت الارض اسويها ان خلصتها بسرعه امسك لي كتاب

وان ماكان لي خلق لكتاب اطلع اروح البحر او اتصل على اختي ونطلع نروح لنا مطعم نتعشى فيه

الامور كثيره اللي ممكن تكسر فيها الروتين بس اهم شي نعرف شتسوي في هالايام


مرحبا روز

كانت لي هوايات في السابق لكن مع الوقت تركت هذه الهوايات

وأصبح يومي هو abc

وغدا نفس الشي abc

سافرت في الويكند لعل وعسى ان نغير شيئا ولكن نفس الشي

انا بطبعي كسول ما احب استمر في هوايه معينه

نريد اضافه شي الى abc يغير من هذا الروتين ..

[شويهينــه]

اخوي سهم اولا ماتشوف شر

ثانيا مثل ماقالوا االخوات كل واحد وكل وحده تختلف طريقه كسره للروتين

انا عن نفسي اذا حبيت اكسر الروتين او اني ابي ارتاح اروح افرفر في التلفزيون هذا بالنسبه لي كسر روتين مع ان اعتقد ان اغلب الناس بيقولون هذا شي عادي بس لان انا ماتابع التلفزيون وايد

[بنت ذياب]

الله يهدااج وردة شنوو بداية اكتئاب

الله لا يقوووله :(

اخوي سهم ..

يمكن من الضغط الدوووام او الشغـل ,

في وايد اشيااا تقدر تكسر فيها الروتين

غير السفر

يعني تحتاج تقعد برووحك

روح الكورنيش اقعد برووحك في هالجو

اسال نفسك .. شاللي مضايقك ؟؟

شنو اخر موقف صار لك وخلاك جذي مالك خلق شي؟؟

انا دوم اسال نفسي .. واكون مب عارفه شاللي مضايقني وبعد هالاسئلة .. اعرف

بعدين اخوي انت ماوضحت شلون الملل ؟

يعني تحس بملل ؟؟ ومالك خلق حتى تسوي الاشيا اللي كنت تحب تسويهاا ؟؟

تحس بضيقة ولا بس ملل ؟؟

تعرف شنو اللي يرد الروح !

يمعة الررربع ..

اقعد ويا واااحد دمه خفيييف

علشان يضحكك خخخخخخخخخ

جربتها والله ..

بس ماانصحك تقعد في البيت جذي ,,

[لله الحمد]

على حسب الربع .. اذا كانوا ربعك اوكي .. ابشر بكسر الروتين

واذا .. لك عليهم .. يبيلك قرارات قويه

[ذيبه مزاجيه]

خاطري اعرف شلون اكسر الروتين !!!!!

اسفه على التدخل و لكن الصراحه طبيعة عملي تزيد من اكتآبي وأثر على نفسيتي وايد وايد شي يجيب المرض ومب عارفه شسوي لا انا من اللي يحب السفر و لا طلعات المطاعم لانها مب في قاموسي و لا السينمات و لا حتى اشوف التلفزيون كنت احب القراءه و الحين ما عندي وقت لها او على الاغلب كرهتها و تمللت منها @_@

حالتي صعبه ولا قادره اسوي شي عدل !!!!

الله يعين بس !!

ويعينك اخوي سهم على الروتين المملواللي اعتبره قاتل ..

تقبلوا مروري

[nooora]

افضل شي لكسر الروتين الرياضة بس انت كسول مثل ما تقول :) لازم تخصص وقتك للرياضة المشي سريع على الكورنيش وله فوائد كثيرة ومنها تتخلص من الكسل والشحوم في جسمك وثانيا اطلع رحلة صوب البحر مع أصحابك او مع الأهل والشي ثالث والمهم لو عازب تزوج وداوم على الأذكار صباح ومساء مفيده جدا

[яέέⓜ]

الله يعين
كلن يشتكي من حال الروتين
الروتين في الشخصيه اهم شي و اللي لازم يتغير
مو نمط الحياه

بس بفكر في شي مفيد وبقولك

[بنت ذياب]

خاطري اعرف شلون اكسر الروتين !!!!!

اسفه على التدخل و لكن الصراحه طبيعة عملي تزيد من اكتآبي وأثر على نفسيتي وايد وايد شي يجيب المرض ومب عارفه شسوي لا انا من اللي يحب السفر و لا طلعات المطاعم لانها مب في قاموسي و لا السينمات و لا حتى اشوف التلفزيون كنت احب القراءه و الحين ما عندي وقت لها او على الاغلب كرهتها و تمللت منها @_@

حالتي صعبه ولا قادره اسوي شي عدل !!!!

الله يعين بس !!

ويعينك اخوي سهم على الروتين المملواللي اعتبره قاتل ..

تقبلوا مروري


يبه عطي الشغل طااااااااااااااااف ..

صدقيني الصحة مااتتعوووض ,,

خذي اجاازة

او روحي البحر .. محد يكره البحر على مااعتقد :omen2:

[..الاميرة..]

والله نفس الاحساس اخوي سهم .. :(

توني اليوم الصبح في طريقي لشغل اكلم رفيجتي واقولها ودي اغير حياتي تعبت من الروتين

ادري بتقول حطيت الموضوع ابيكم عون ومب تقلبونها علي مناحه ..

:shy:

[ناصر العمادي]

هلا بالغالي ... والله كان ودي أفيدك لكن كلنا في الهم سوا ..:weeping::weeping:

سبحان الله الأنسان لو كان يشتغل يقول ملل وتعبت من روتين العمل ..

ولو جلس في البيت بيمل وبيقول تعبت من جلسة البيت ...

موضوعك عجبني وبأنتظار الردود من الأعضاء والعضوات وأسمحلي أستفيد من موضوعك بكسر الروتين القاتل اللي أعيشه ..

نوم .. بورصه ... منتدى .. جرايد .. منتدى ...نوم

الله يعينك أخوي الغالي ويعينا معاك ويعين جميع المسلمين يارب ..

أشرايك نروح الحسا يمكن نكسر الروتين ...:tease::tease:

الله المستعان ياخوي

[ورده]

هلا بالغالي ... والله كان ودي أفيدك لكن كلنا في الهم سوا ..:weeping::weeping:

سبحان الله الأنسان لو كان يشتغل يقول ملل وتعبت من روتين العمل ..

ولو جلس في البيت بيمل وبيقول تعبت من جلسة البيت ...

موضوعك عجبني وبأنتظار الردود من الأعضاء والعضوات وأسمحلي أستفيد من موضوعك بكسر الروتين القاتل اللي أعيشه ..

نوم .. بورصه ... منتدى .. جرايد .. منتدى ...نوم

الله يعينك أخوي الغالي ويعينا معاك ويعين جميع المسلمين يارب ..

أشرايك نروح الحسا يمكن نكسر الروتين ...:tease::tease:

الله المستعان ياخوي




ناصر انت متقاعد لازم تحس بالملل


لكن موقع بيتك ( قريب البحر ) يشرح الصدر


لو منك ماحس بملل :shy:

[ســـهم]

خذ لك إجازة قصيرة،و دور لك جزيرة من هالجزر اللي بالمحيط الهادئ

وأحذف كل وسائل الأتصال مع العالم،وعيش على (الراحة والتأمل)،

ترجع صافي الذهن.

أتمنى أكون أفدتك.:)

توني راجع من السفر حاولت اغير شوي لكن رجعت للروتين من جديد

شكرا لك اخوي ..

سهم..اذا ما نعرف طبيعة حياتك وسنك وعملك وعلاقاتك بالناس..

اعتقد ما راح نفيدك بالدرجة المطلوبة..

ومع ذلك حاول تغير من نمط حياتك..استثمر طاقتك في شي يفيدك



نصيحة وليست رياء..ادخل حلقة تحفيظ قرأن وشوف الراحة اللي بتحس فيها


هتان

طبيعة حياتي شخص مسالم :eek5:

انا جدولي اليومي في الصباح متابعة البورصه بعدها نوم

جلسه لين المغرب في البيت طلعه للمجلس بعد صلاة العشاء

اخيرا الرجوع الى البيت :)

مافيه شي جديد واليوم مثل الامس وهكذا ..

[فيزيائية]

ابتعد شوي عن البورصة يالمساهم بجد مب غشمرة
قوم من الفجر ....حضر احلى ريوق وتلذذ فيه
روح امش نص ساعة في الكورنيش او صوب سباير
ولا تنس وانت رايح الصبح تسمع برنامج ::::كيف اصبحت!!
في كل اسبوع خل لك زيارة لشخص مريض او شيبة
في كل اسبوع كلم عزيز طواه البعد
اقرأ كتاب<<<لاتحزن....وكتيبات التفاؤل شوف وين محاضرت احضر لو مرة بالشهر
ابتعد كن كل معلومة او خبر سلبي في الجرايد والتلفزيون
اعزم عزيز على سينما....او حداق..
تصدق...اسعد فقير...
حط لك ورقة واكتب فيها امور ماسويتها من قبل ...سوها..واشطب
خل عندك أهداف عالية في الحياة
والله يكون بالعون

[دلة الرسلان]

صراحة ياسهم انا شخصيا يكفيني شوفة المطر على قناة الصحراء واستغرب من الشباب

شلون صامدين للحين وقاعدين لو اقدر كان على طول طوف للمناطق الشمالية من السعودية

اتفرج يوم ولا يومين على المناظر اللي ترد الروح وتكسر الروتين الى اجزاء صغيرة :nice:

[السامـي]

توني راجع من السفر حاولت اغير شوي لكن رجعت للروتين من جديد
شكرا لك اخوي ..


زين يا سهم، أشترك في صالة رياضية،منها رياضة ومنها تتعرف

على ناس أجداد،يمكن هذا يكسر الروتين...ولا أشرايك؟.:discuss:

[الصارم]

السلام عليكم ورحمة الله وبركاته

نفس الحاله مريت فيها قبل فتره وتحديداً في الإجازه السنويه... حسيت بضيييق وهمم مع إني سافرت ديره ثانيه ورحت وييت أماكن غايه في الجمال لكن الكآبه كانت اتزيد لدرجة إنه مجرد إني أفكر في السفر أتضاااايق مع إني أحب السفر ،

وفليله تميت أفكر في الأسباب اللي خلتني أوصل لهالمرحله اللي المفروض مايعاني منها إلا إنسان بعيد عن الدين وقاطع الصله برب العالمين ،

أخبر أول ما من علي ربي بنعمة الالتزام ولله الحمد كنت فرحااااااااان وسدري منشرح ومستانس حدي لأنه ذيك الأيام كنت مشتط ، أذكار وتلاوة قرآن وحلقة تحفيظ واعتكاف وتمسك بأخلاق الدين وكنت ما أعرف شي اسمه اكتئاب ..، لكن مع الوقت صار عندي تساهل وضعف وقل الذكر والله المستعان...... صدقني أخوي سهم هذا هو السبب الرئيسي....

قال الله تعالى في سورة طه: ((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا))

لازم انجدد ايمانا أخوي سهم وانقوي صلتنا برب العالمين بتلاوة القرآن وكثرة الدعاء وعمل الطاعات ...

والكسل اللي فيك هو أحد أسباب حالة الاكتئاب اللي تمر فيها ، حاول تنشط جسمك وتخصص وقت تمشي فيه حتى لو نص ساعه في الفريج...

ما تشوف شر أخوي سهم ،

أسأل الله لك التوفيق

[LOLOO]

السلام عليكم ورحمة الله وبركاته

امر بحالة روتين قاسيه وممله الى ابعد الحدود

وأحببت ان ارى تجاربكم لكسر هذا الروتين الممل ان سمحت أقلامكم

كل الشكر لكم مقدما ..

انا اشوف ان طلعة لمطعم او بحر او سفرة هذه كلها حلول مؤقته...
يعني حتى الطلعات بتكون روتين ممل...

لكن من رأيي انك تفكر بمشروع صغير اذا عندك سيولة تفتح مكتب او تبني فيلا او تدخل بتجارة...يعني تستغل وقتك بشي يعود عليك بالفائدة...
وصدقني وبعدها بتشتكي ضيق الوقت...
والله يعينك ويوفقك لما فيه خير

[ضوى]

احلى شئ علاج للمل والروتين

استرخي عالسرير وتذكر شريط حياتك ومرره بالكامل جدام عينك ووقف عند نقاط الضعف ونقاط القوة اللي مريت فيها وصدقني ربع ساعة الا انت نايم وكاسر الروتين

[ناصر العمادي]

ناصر انت متقاعد لازم تحس بالملل


لكن موقع بيتك ( قريب البحر ) يشرح الصدر


لو منك ماحس بملل :shy:

:omg::omg::omg: ... صج أن البحر قريب من بيتي وكنت اروح دايما أجلس على البحر بس مع الملل صرت ماحب أروح مكان نهائي .. حتى البحر نسيته للأسف ..

انا لازم أشوفلي شغله أسويها مع سهم عشان نشجع بعض ونطلع من الملل اللي أحنا فيه ..

أختي التعود على الشي هو مشكلة كل أنسان ..يعني الأنسان اللي يتعود على الحركه من الصعب أنه يجلس ولكن لو جلس فتره طويله وتعود على الجلسه من الصعب أن أحنا نرجعه للحركه مره ثانيه ..

بصراحه أنا سكنت في منطقه هاديه والهدف أني أبعد الأزعاج والزحمه وووو ... ولكن للأسف حتى منطقتي اللي كانت هاديه صارت زحمه وأزعاج وممله ...

وين نعيش عشان نرتاح ...الله المستعان ..

والله يبعد الضيق عنج وعنا وعن جميع المسلمين ,,اللهم آمين

أسف أخوي سهم لأني شاركتك في موضوعك :shy::shy:

[ســـهم]

احس من كلماتك انك تمر بحزن او بداية اكتئآب (لاسمح الله )


وماراح تستفيد من حد فينا لأن كل واحد ظروفه ونفسيته تختلف عن الثاني


مثلا لو وحده فينا تبي تكسر الروتين تروح مطعم ( انت ماظن يريحك او يكسر روتينك الممل هالشي )


والحل ياعزيزي ياسهم : اسأل نفسك ( هل الي مضايقني فعلآ هو الروتين ؟ او اني متضايق من مشكله ومن

المفترض احلها لو بشكل مبدأي لانها بدت تنغص علي حياتي ؟ او .... او ....... او ....) اجابات هالاسئله

عندك .


ومافيه شي اسمه روتين ممل ...... يعني اغلبنا يعيش نفس الحياة من عمل والتزامات اسره وصلة رحم


واوقات للعباده , هذا نمط حياة مش روتين اما باقي الوقت كل منا له اهتماماته وهواياته : رسم , كتابه ,


بيزنس , رحلات , وغيره , حاول تمارس هواياتك .


سامحني تعمقت وايد ( الله يسامحه سهم طايش ولعنا مع علم النفس ! )


الله يريحك ويرتب امورك ياسهم


لله الحمد لا امر بحالة حزن

ولكن وبأختصار قتلني تشابه اليوم بالأمس فقــط

وحبيت اطرح هذا الموضوع لنستفيد من تجاربكم لتغيير النمط ..

شكرا لك ورده .


اخوي سهم اولا ماتشوف شر

ثانيا مثل ماقالوا االخوات كل واحد وكل وحده تختلف طريقه كسره للروتين

انا عن نفسي اذا حبيت اكسر الروتين او اني ابي ارتاح اروح افرفر في التلفزيون هذا بالنسبه لي كسر روتين مع ان اعتقد ان اغلب الناس بيقولون هذا شي عادي بس لان انا ماتابع التلفزيون وايد

وياج اختي

لا اشاهد في التلفزيون سوى الجزيرتين الاخباريه والوثائقيه ولست من عشاق الافلام :(

يبدو انني حتى الاصدقاء لابد من تغييرهم لانهم اصبحو من الروتين :)

شكرا لك اختي ..

[ســـهم]

:omg::omg::omg: ... صج أن البحر قريب من بيتي وكنت اروح دايما أجلس على البحر بس مع الملل صرت ماحب أروح مكان نهائي .. حتى البحر نسيته للأسف ..

انا لازم أشوفلي شغله أسويها مع سهم عشان نشجع بعض ونطلع من الملل اللي أحنا فيه ..

أختي التعود على الشي هو مشكلة كل أنسان ..يعني الأنسان اللي يتعود على الحركه من الصعب أنه يجلس ولكن لو جلس فتره طويله وتعود على الجلسه من الصعب أن أحنا نرجعه للحركه مره ثانيه ..

بصراحه أنا سكنت في منطقه هاديه والهدف أني أبعد الأزعاج والزحمه وووو ... ولكن للأسف حتى منطقتي اللي كانت هاديه صارت زحمه وأزعاج وممله ...

وين نعيش عشان نرتاح ...الله المستعان ..

والله يبعد الضيق عنج وعنا وعن جميع المسلمين ,,اللهم آمين

أسف أخوي سهم لأني شاركتك في موضوعك :shy::shy:

ولو

البيت بيتك يابو عبود :)

[bus3od]

السلام عليكم ورحمة الله وبركاته

نفس الحاله مريت فيها قبل فتره وتحديداً في الإجازه السنويه... حسيت بضيييق وهمم مع إني سافرت ديره ثانيه ورحت وييت أماكن غايه في الجمال لكن الكآبه كانت اتزيد لدرجة إنه مجرد إني أفكر في السفر أتضاااايق مع إني أحب السفر ،

وفليله تميت أفكر في الأسباب اللي خلتني أوصل لهالمرحله اللي المفروض مايعاني منها إلا إنسان بعيد عن الدين وقاطع الصله برب العالمين ،

أخبر أول ما من علي ربي بنعمة الالتزام ولله الحمد كنت فرحااااااااان وسدري منشرح ومستانس حدي لأنه ذيك الأيام كنت مشتط ، أذكار وتلاوة قرآن وحلقة تحفيظ واعتكاف وتمسك بأخلاق الدين وكنت ما أعرف شي اسمه اكتئاب ..، لكن مع الوقت صار عندي تساهل وضعف وقل الذكر والله المستعان...... صدقني أخوي سهم هذا هو السبب الرئيسي....

قال الله تعالى في سورة طه: ((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا))

لازم انجدد ايمانا أخوي سهم وانقوي صلتنا برب العالمين بتلاوة القرآن وكثرة الدعاء وعمل الطاعات ...

والكسل اللي فيك هو أحد أسباب حالة الاكتئاب اللي تمر فيها ، حاول تنشط جسمك وتخصص وقت تمشي فيه حتى لو نص ساعه في الفريج...

ما تشوف شر أخوي سهم ،

أسأل الله لك التوفيق

:nice::nice::nice:

هذا الكلام السليم

[ســـهم]

الله يهدااج وردة شنوو بداية اكتئاب

الله لا يقوووله :(

اخوي سهم ..

يمكن من الضغط الدوووام او الشغـل ,

في وايد اشيااا تقدر تكسر فيها الروتين

غير السفر

يعني تحتاج تقعد برووحك

روح الكورنيش اقعد برووحك في هالجو

اسال نفسك .. شاللي مضايقك ؟؟

شنو اخر موقف صار لك وخلاك جذي مالك خلق شي؟؟

انا دوم اسال نفسي .. واكون مب عارفه شاللي مضايقني وبعد هالاسئلة .. اعرف

بعدين اخوي انت ماوضحت شلون الملل ؟

يعني تحس بملل ؟؟ ومالك خلق حتى تسوي الاشيا اللي كنت تحب تسويهاا ؟؟

تحس بضيقة ولا بس ملل ؟؟

تعرف شنو اللي يرد الروح !

يمعة الررربع ..

اقعد ويا واااحد دمه خفيييف

علشان يضحكك خخخخخخخخخ

جربتها والله ..

بس ماانصحك تقعد في البيت جذي ,,

انا ما اداوم متفرغ <<< موب متكاعد بعدين تقولين شيبه

عموما الموضوع هو الروتين الحمدلله مافيه ضيقه كبيره سوى لان الروتين ذبحني

انا من محبين الرحلات ولكن كما قالو الاخوان انها وقتيه فقــط اي جرعه مسكنه

شاكر لج التواجد ..

[pure]

اممم بما انه احيين جوو حلوو ويصلح تخييم

تهور واطلع خيم ويا ربعك جم يوووم وتأمل الطبيعه والجوو الحلو يشرح النفس والله =)

اطلع اماكن غرييبه يديده مارحت لهااا

وبعديين لا تكثر من قولة ملل ملل عقب يترسخ بعقلك الباطن انه صج ملل وبتتملل

[بنت ذياب]

اممم بما انه احيين جوو حلوو ويصلح تخييم

تهور واطلع خيم ويا ربعك جم يوووم وتأمل الطبيعه والجوو الحلو يشرح النفس والله =)

اطلع اماكن غرييبه يديده مارحت لهااا

وبعديين لا تكثر من قولة ملل ملل عقب يترسخ بعقلك الباطن انه صج ملل وبتتملل

خخخخخخخخخخخخخخخخخخخخخ كلي... فديتج ترى مايحتااي يتهووور

خيم ويا ربعك بدون تهوور :tease:

صح والله .. ترى مافيك اكتئاب مثل مايقولون بعض الاعضااء

ساعات تمر ع الانسان لحظات

يكون خلاص زهق من الروتين !!

ويبي اكشششششن ف حياااته ,,

خصوصا اذا كنت فااااااااااضي ولادوام ولا شي !

تبي تكسر الروتين عدل :omen2:

قدم على وظيفه او كمل دراستك اذا ماكنت مكمل .. واذا كنت مكمل .. كمل الماجستير :nice:



والله ايوفقك خيو

[pure]

ههههههههه ماجستير عاد خووش طريقه لكسر الملل
انه تترس وقتك وتصير بزي حتى انك تتمنى الفراغ والركاده والروتين ليش لاء خخ


امممم تصدق ياتني فكره

هي كسر للروتين ومنها حسناات

تعرف ساعات بعض المراكز تطرح برامج تطوعيه

منها تتطووع وتغير عن الاجواء اللي تعرفها

ومنها تكسب اجر =)

[&بوشهد&]

اخوي سهم يقول الله تعالى ( ومن اعرض عن ذكري فإن له معيشة ظنكا ) فلا تظن ان السعادة تاتي بالامور الدنيوية مثل الرحلات والسفرات والطلعات ...
عليك اولا بطاعة الله عز وجل واجتناب نوهيه والالتزام بما امر الرسول صلى الله عليه وسلم عليك بالصلاة والنوافل وصلة الارحام والصدقة واكثر من الاستغفار
يقول النبي صلى الله عليه وسلم : من لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب ...
واخيرا يقول الله تعالى ( الا بذكر الله تطمان القلوب )

[الخيميائي]

عندي حبوب مضادة للاكتئاب :secret:

حدد مكان التسليم :omen2:









*ملاحظة:قد يكون لها اثار ضارة على المدى الطويل وبلاوي متلتله ...

[ورده]

عندي حبوب مضادة للاكتئاب :secret:

حدد مكان التسليم :omen2:


*ملاحظة:قد يكون لها اثار ضارة على المدى الطويل وبلاوي متلتله ...


يارب ياوافي العطا


جنبني دروب الخطا


واغسلني بثلج العفو


والبسني من سترك غطا ...

[Abu Deeb]

عندي حبوب مضادة للاكتئاب :secret:

حدد مكان التسليم :omen2:









*ملاحظة:قد يكون لها اثار ضارة على المدى الطويل وبلاوي متلتله ...


الله يسامحك اخوي الخيميائي الرجال متملل تنصحه نصيحه هالشكل

الله يعينك اخوي سهم انا بنفس الحاله وانتظر التوظيف من 3 شهور متملل حد

[الخيميائي]

يارب ياوافي العطا


جنبني دروب الخطا


واغسلني بثلج العفو


والبسني من سترك غطا ...

اللهم امين


الله يسامحك اخوي الخيميائي الرجال متملل تنصحه نصيحه هالشكل

الله يعينك اخوي سهم انا بنفس الحاله وانتظر التوظيف من 3 شهور متملل حد

:telephone:
هو طلب النصيحة انا عطيته النصيحة الكيميائية

مع التحذير :omen2:

[بن علان]

بالنسبة لي قايم بواجب هلي وواجب شغلي بكل جد وأمانه ومؤدي فرض ربي والروتين يكسره ربي

فالأعياد وشهر الصيام والمناسبات والزيارات والطلعات والتخييم كلها كسر للروتين

والافراح والأتراح والاسقام والإبتلاءات كلها كسر للروتين

والإنسان يمر بحالات خمول جسدي وخمول نفسي

الواحد يسوي اللي عليه والروتين يكسره ربي

متابعة البورصه هي أكبر روتين

يعينك ربي اخوي سهم

[ROSE]

اهم شي ياسهم تترك عنك السلبية

وتفكر بشكل ايجابي وحاول انك ترسم لك خطه وتحاول تطبيقها

شي فوق العادة شي عمرك ماسويته او من زمان خاطرك تسويه

بهالشي راح تكسر الروتين ان شاءالله


بس لاتبوق بنك وتقول روز قالت لي :secret:

[ســـهم]

اخوي سهم يقول الله تعالى ( ومن اعرض عن ذكري فإن له معيشة ظنكا ) فلا تظن ان السعادة تاتي بالامور الدنيوية مثل الرحلات والسفرات والطلعات ...
عليك اولا بطاعة الله عز وجل واجتناب نوهيه والالتزام بما امر الرسول صلى الله عليه وسلم عليك بالصلاة والنوافل وصلة الارحام والصدقة واكثر من الاستغفار
يقول النبي صلى الله عليه وسلم : من لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب ...
واخيرا يقول الله تعالى ( الا بذكر الله تطمان القلوب )

اولا جزاك الله خيرا

اخوي من قال اني مبتعد عن الله ؟

وللعلم ماقلت بنتحر :eek5:
لانني ما اشتكي من ضيقه بل اشتكي من تكرار البرنامج فقط

ولكن فعلا في التقرب الى الله فرجا لكل هم

بارك الله فيك


عندي حبوب مضادة للاكتئاب :secret:

حدد مكان التسليم :omen2:









*ملاحظة:قد يكون لها اثار ضارة على المدى الطويل وبلاوي متلتله ...


ترى انا احيانا بل أكثر الاحيان استنصح وممكن أخذ بنصيحتك لانك بمثابة اخوي الكبير

عموما المكان اشارات مدرسة حفصه :secret:

[وطن]

أنا اقترح عليك
تداوم

:)

[hich]

عندي حبوب مضادة للاكتئاب :secret:

حدد مكان التسليم :omen2:









*ملاحظة:قد يكون لها اثار ضارة على المدى الطويل وبلاوي متلتله ...


الله يهديك يأخي ماتوقعتها منك أدوية ومشاريب ............ هداك الله:shy:

[hich]

جرب الخروج برى قطر مع جماعة التبليغ ........... مسجد سارة في الصناعية

تغير مابعده تغير

[الراقية]

السلام عليكم ورحمة الله وبركاته


بونجور سهم :telephone:


كيف الحال ان شاء الله بخير يقولون عندك اكتئاب عسى ماشر ....ماتسوى علينا هالأزمة العالمية :secret:

عموما باعطيك تجاربي مع ال ABC


طبعا مثل كل الناس العمل صباحا( طوال ايام الاسبوع) وارجع

بعدها تبداء حياتي :ok:

عن نفسي عاملة لي جدول يوم اروح النادي ويوم امشي :strong

اخلص على الساعة 8 مساء وهي فترة ..... يا زيارة عائلية او جلسة عائلية ...او مشاهدة التليفزيون مع الاهل

بالنسبة لك:nice: اعتقد يبدا المجلس او كوفي او مطعم اوقهوة يعني خيارات اكثر

الويكند

العزبة او البر او البحر يعني اسوي لي جدول عشان اجدد روحي من داخل

وان لقيت نفسي خلاص :cry2:


جربت اسافر ففي السفر 7 فوائد وحاليا اشوفها 70000 فائدة مع ضغوطات الحياة


بس قبل السفر


الصحبة اللي يا تخليك فوق السحاب :thumbup:

او صحبة ترجع بعد السفرة بالضغط والسكري :anger3:

عموما اقتراحاتي :deal:


الانضمام لنادي رياضي


منها تتريض وتعدل جسمك وترفع عندك نسبة الادرينالين المسئول عن السعادة والراحة النفسية


او الانضمام الى ربع ( هذا ولد عم وهذا ولد خال وهذا رفيق مالقينا مثيلة ) مع دلة رسلان وشبة ضو واعتقد الجو الحين يساعد


او التخييم بحيث تشور على ربعك بالتخييم شمال او جنوب وممارسة كل اللي بخاطرك من رياضات بداية بالمقناص ونهاية بالتحفص والتزلج على :tease: الرمال :spider:


او

عندك المولات والمجمعات وما اشجع عليها لانها بروحها يبغي لها راس :tomato:


تحياتي لك


وتقبل تجربتي مع ال الروتين اللي كل يوم اكسر ابو خشمة:pioneer:

[وطن]

السلام عليكم ورحمة الله وبركاته


بونجور سهم :telephone:


كيف الحال ان شاء الله بخير يقولون عندك اكتئاب عسى ماشر ....ماتسوى علينا هالأزمة العالمية :secret:

عموما باعطيك تجاربي مع ال ABC


طبعا مثل كل الناس العمل صباحا( طوال ايام الاسبوع) وارجع

بعدها تبداء حياتي :ok:

عن نفسي عاملة لي جدول يوم اروح النادي ويوم امشي :strong

اخلص على الساعة 8 مساء وهي فترة ..... يا زيارة عائلية او جلسة عائلية ...او مشاهدة التليفزيون مع الاهل

بالنسبة لك:nice: اعتقد يبدا المجلس او كوفي او مطعم اوقهوة يعني خيارات اكثر

الويكند

العزبة او البر او البحر يعني اسوي لي جدول عشان اجدد روحي من داخل

وان لقيت نفسي خلاص :cry2:


جربت اسافر ففي السفر 7 فوائد وحاليا اشوفها 70000 فائدة مع ضغوطات الحياة


بس قبل السفر


الصحبة اللي يا تخليك فوق السحاب :thumbup:

او صحبة ترجع بعد السفرة بالضغط والسكري :anger3:

عموما اقتراحاتي :deal:


الانضمام لنادي رياضي


منها تتريض وتعدل جسمك وترفع عندك نسبة الادرينالين المسئول عن السعادة والراحة النفسية


او الانضمام الى ربع ( هذا ولد عم وهذا ولد خال وهذا رفيق مالقينا مثيلة ) مع دلة رسلان وشبة ضو واعتقد الجو الحين يساعد


او التخييم بحيث تشور على ربعك بالتخييم شمال او جنوب وممارسة كل اللي بخاطرك من رياضات بداية بالمقناص ونهاية بالتحفص والتزلج على :tease: الرمال :spider:


او

عندك المولات والمجمعات وما اشجع عليها لانها بروحها يبغي لها راس :tomato:


تحياتي لك


وتقبل تجربتي مع ال الروتين اللي كل يوم اكسر ابو خشمة:pioneer:


ما يداوم ما يداااااااوم

ما يبي
:)


برايفت :
الراقية
ترى وحشتينا
:)

[Riku3]

انا اعيش حياة روتينيه مثل غيري بس مرتاح لها نوعاً ما ..

ما احب السفر ولا دخول المجمعات واروح السينما كل اسبوع تقريباً وبالعادة اتعشى بالبيت لان احب ارتب وجباتي بشكل معين وبأصناف معينه .. والجيم هو مكان لازم اروحله 5 ايام بالاسبوع وهي هوايتي الرئيسية من سنة وغيرت حياتي بشكل كبير ..

انصحك تدخل جيم محترم .. (انا في الجولد جيم) .. يكون قريب من بيتك وتتدرب فيه وهذا بنفسه ياخذ من يومك ساعتين لو مب اكثر وبنفس الوقت بتستفيد ... واذا عجبتك النتائج راح تحب اللعبه والحديد .

واذا عندك ربع ممكن تصنف تشترون بانشيات وكل نهاية اسبوع تقضونها في الطعوس xD << على حسب عمرك عاد :] .

اما بالنسبة للتخييم فهذا يرجع لنفسيتك ونوعية الناس الي تطلع معاهم ... انا ما املك هالنوعية من الربع فما ادري مدى فعاليتها علشان افيدك .