رساله لخفر السواحل القطريه

[الوجبه]

السلام عليكم

البارحه وانا راجع من البحر من مكان (اضرب واشرد) الحمدلله توفقنا بصيد زين

لكن لفت نظري طراد صغير تقريبا 21 قدم او اقل مكينه وحده (سطحه) بدون مظله

فيه مليون الف قطري يحدقون .. ما ادري وين الخفر عنهم مش من ضمن التعليمات

التوجيه والتنبيه ليه ما يتاكدون من اداوت السلامه في

الطراريد قبل من اصحابها .. ولا بس يقولون انت وين رايح ومكانك .. يا اخواني في الخفر

تاكدو من الناس قبل ..بعظهم اغشمه وبعظهم في طراد مش ملكهم (يزران)اصغار اول

مره يدخلون البحر ..

يعني تخيل واحد حصلناه في مكان يبعد عن فرضه الوكره 3 ساعات بداخل البحر

عنده طراد 16 قدم 75 ياماها مكينه وحده .. احسبها انا عندي مكينتين في (مكان) اوصله

في ساعه ونص على مكاين 250 * 2 وهذا عنده 75 متى يوصل عاد اذا فيه هوا او موج

متى بيرجع .. غير هذا طراده مليان من البشر ..

ما ادري هذا لو يقوم عليه هوا ويرتفع الموج مثل البارحه ما اعتقد بيوصل ...

اذا طرادنا 38 قدم ومكينتين 250 نركب الموج كنها جبال من علوها ما بالك

بطراد صغير ...

بلغنا المركز ان هناك طراد صغير داخل البحر والله يحفظهم وتوصل لهم الدوريه .. يعني اذا

رجعو هذي والله اعجوبه ..

بعد ما تحركنا قام هوا مع موج كنها جبال ما قدرنا نرجع لهم لان قطعنا مسافه .. بس بلغنا

المركز واتمنى انهم اتخذو الاجراء وابحثو عنهم ..

انا اتمنى من خفر السواحل القطريه انها تنبه المراكب الصغيره او (تمنعهم) من

دخول البحر وتحدد شروط معينه لدخول البحر ..

(الاسياف ) الاسياف والمناطق القريبه من البحر تكون المراكب الصغيره من (الدنقي حتى 23 قدم)

(عمق البحر ) : من 23 قدم فاكثر وهناك شروط لها :

1. فيها مكينتين

2. خزان بترول كافي

3. معدات السلامه من لايف جاكيت لكل شخص بوزنه

4. طفايات الحريق

5. الاسعافات الاوليه (البحريه) ,, لان هناك نوعين من الاسعافات خاصه للبر والبحر

6. مسدسات طلقات الاناره اذا وجدت

ما دور خفر السواحل القطريه ؟

1. منع اي شخص من دخول البحر بدون هذه الشروط

2. فرض غرامات ومخالفات ضخمه على كل من يخالف

3. وضع شروط في عدد من يكون في الطراد .. البعض يركب معاه 10 والطراد ما

بشيل الا 5 وهذا خطر وياثر على توازن الطراد

4. في حال تسجيل (القول) في المركز هناك الموفقه في ان الطراد حق سيف او عمق ..

انا ما ادري اذا الطراد الصغير اللي شفته (واتمنى) انهم رجعو بالسلامه والله يحفظهم ..

في النهايه

لا تنسون تاخذون معاكم (تمر) لان التمر فيه كل المكونات الغذائيه لاسمح الله

اذا تعطل عليكم الطراد .

http://farm4.static.flickr.com/3034/2541751142_7791d890d6_b.jpg

والله يحفظ الجميع :)

[قطرالعز]

الله يحفظ الجميع ان شاءالله

[فتى الجود]

نقطة مهمة منك
ونتمنى منهم تجاوب يأخذ بعيين الأعتبار
وجزاك الله خير على التعليمات والنصايح
ومر على هالرابط طال عمرك

http://qatarshares.com/vb/showthread.php?t=208984

http://qatarshares.com/vb/showthread.php?t=209620

[بوخالد911]

صح

المفرووض يمنعوونهم

ولك تحية مني للصييد الحلووو

[غناتي1]

يا زين منظر السمك وهو طاااازج في ايدينك

تسلم ع النصيحة

[هداف]

اذا المكان اللي تعنيه صوب جزيرة حالول ,,, للاسف فيه طراد طبعان وجاري البحث عنهم هذا عهدي با لموضوع من امس اخر الليل !! ونفس المواصفات المحركات 75 حصان يعني ما ينغزا بها

[ورده]

ياربي


الله يحفظهم ويردهم سالمين

[قطرية بعيون]

اذا المكان اللي تعنيه صوب جزيرة حالول ,,, للاسف فيه طراد طبعان وجاري البحث عنهم هذا عهدي با لموضوع من امس اخر الليل !! ونفس المواصفات المحركات 75 حصان يعني ما ينغزا بها
لقوهم وكلهم سالمين

[ورده]

لقوهم وكلهم سالمين



الحمدلله


الله يبشرج بالخير

[نووون]

الله يجزيك الخير.. معلومات وافية كافية ماشاءالله
نتمنى على عيالنا مايرخصون بارواحهم تراكم غاليين

[هدهد سليمان]

http://farm4.static.flickr.com/3034/2541751142_7791d890d6_b.jpg

والله يحفظ الجميع :)


ما شاء الله صيد طيب يا الوجبه .. وين المكان اضرب واهرب الله يسلمك؟؟

http://img411.imageshack.us/img411/8807/73208tu3.gif

[القارمن]

وصحيح بعضهم مايدري شالي يصير يوم يدور الهوى

وعباله طراده مافوقه فوق ويغامر فيه ويروح اماكن تبعد 30 كيلو

والمشكله انهم توهم عليميه وماعندهم خبره

الله يحفظهم بس

[naklan]

البحر خطير للي يتبع اجراأت الامن والسلامه شلون الي يروح بطراد صغير ومش فاهم الطبخه

[الوجبه]

المشكله في الخفر اذا جيت عندهم قالو لك ..

وين رايح واسمك ومن معاك ..

ما عنده صلاحيات يقولون لك طرادك (خارج الخدمه)ا و مافيه امن وسلامه

يعني واحد مر جنبي والله مكينته 25 حصان يقول له الشرطي وين رايح قال له

(البويات الاربع)

ما ادري هذا من صجه ومركب معاه شباب (قصات) وشعور وشباب صغار لي السن ..

.. ماادري هذا رايح يحدق ولا يتشوق ..

والله يااخوان والله اني صادق مره رحت (شراعوه) وانتم عارفين الجزيره مش قريبه

نصبنا شروخنا وجلسنا.. رايحين طراد وسنبوق يعني الحمدلله مجهزين كل حاجه .. الجزيره

فاضيه مافيها احد الا احنا .. يوم جات الساعه 10 الا شباب عندهم خيمه اللي تتركب بسرعه

الا نسمع طبول وطيران وصفقه الجزيره مقطوعه من الناس والجو بارد ..

مافيها الا واحد عنده (كوخه) ايراني للشيخ (....) .. قلت حق اللي معاي روح شوف

الشباب اذا ناقصهم شي او يبون شي واعزمهم على العشا .. راح ورجع .. قلت له فلان

بلغتهم

قال لي قلت لهم بس هذيلا مش شباب ؟؟؟

قلت له جن يعني ..

قال لا معاهم بنات ..

شباب وبنات في شراعوه ..

طبعا من جنسيات ( الله يستر عليهم) مش قطريه (عربيه) ..

طالعين من الوكره على طراد (مكشوف ) ياليت فيه غرفه او يخت ..

اليوم الثاني الصباح نزلنا نغاوص ونباري شروخنا الا هم مارين جنبنا في طرادهم ..

البنات حول 3 جدام (صدر الطراد) والشباب في الخلف .. تخيل المنظر ..

ما ادري هذيلا ما يمرون على الشرطه يبلغون انهم طالعين ..

اتمنى تشديد الاجراءات على هذي النوعيه من الشباب لان اللي بيركب في الطراد

ما عنده معرفه عن امكانيات صاحب الطراد هل هو جيد في البحر عارف للملاحه

البحريه يعرف للبويات والمداخل عنده ادوات السلامه ولا مش حالك هي رحله ..

مشكورين على المرور ..

[هتـان قطر]

قال تعالى (( ظهر الفساد في البر والبحر بما كسبت أيدي الناس ليذيقهم بعض الذي
عملوا لعلهم يرجعون ))


الله يكافينا الشر ..ما كفاهم الفساد اللي في البلد رايحين للجزر..على بالهم محد بشايفهم

ونسوا ان عين الله ما تنام ولا تغفل..سبحان الله ..الله يهديهم وينور بصيرتهم


الوجبه موضوعك خطير من كل الجهات..من جهة الخطر على الارواح

ومن جهة الفساد اللي عم المكان ومحد قادر يضبطه..ومن جهة حفظ الامن

سواء للارواح او لامن البلد ..

[الرايــق]

الله يحفظ الجميع

[auto body]

مشكور على الموضوع الهام