اسبوع الشردة

[roadrunner]

السلام عليكم.


ياجماعة ... شسالفة ... شصار بالسوق ... ليش كل شي نازل مع قرب دخول الأجانب .. لا والي قاهرني الشركات الي اعلنت عن الأخبار الحلوة هي المتحدة, السلام, والعقارة ... نشوف احسن الفرص بالعقارية ... هذا المفروض ... لأنها بتوزع 5% اسهم مجانية و 95% اكتتاب خاص .. يعني المفروض انها تولع من قلب .. بس الحاصل العكس ... انخفاض من قلب .... هل يعتبر هذا الأسبوع والأسبوع الجاي اسبوع الشردة لصغار المستثمرين ... يعني .. الكل يبي يطلع بمبالغ حلوه كضمان عشان ما ينصدم اسبوع الجاي ويتم بالسيفتي سايد ... وهالشي خلى العرض اكثر من الطلب ..... والا شسالفة .... فهموني ...نوروني.

[سراب الامل]

رود رونر وانا معاك خاطر اعرف الوضع راح يستمر للاسوء والا هو فترة جني ارباح ماراح تطول ويرجع السوق ترد

عافيته احسن من الاول ياريت الاخوه انتعاش وسهم عتيج واليافعي وغيرهم من اهل الخبرة

ويعطيكم الف عافيه

[سراب الامل]

نبغي افاده وتحليل للوضع اللي يصير بالسوق هالايام والايام الجايه[b]

[ابـو مــحــــمـــــد]

والله انا قلت وضع السوق ما يطمئن وهذا شكله الي حصل

اعتقد ان الي بيصير هو عكس التوقعات وهذا ما حصل اواخر الاسبوع

الماضي وبداية ها الاسبوع واكيد ان كبار المضاربين لهم نظره في هذا الوضع

[سلطان]

انا اشوف يا شباب يوم الاربعاء راح يعطي انطباع عن الوضع في الاسبوع القادم

وما زلت عند رأيي اللي عنده اسهم قياديه او اسهم شركات عليها توزيع اسهم مجانيه او اكتتاب بعد دخول الاجانب لا

يفرط فيها وانتوا ابخص

[موادع قطر]

الناس حطت ريلها وتوهقنى..........؟

[المستثمر القطري]

والله ياجماعة الخير الظاهر انه الصغار بدوا يبيعون الي عندهم كي يحققون اكبر ربح يقدرون يحصلون عليه ومثل ماشفنا اليوم في المواشي كان العرض بشكل رهيب .... 490 الف سهم تقريبا و الطلب صفر فاهذا ان دل فنما يدل على تخوف الناس من اقتراب وقت دخول الاجانب و بعد الكلام الي يدور هاليومين بأن عدد العرض راح يفوق عدد الطلب مما يؤدي الا انخفاض السعر بشكل كبير ...

فالحين نشوف الناس قاعده تبيع عشان مايدشون في الاعصار الي بيصير الاسبوع الياي في وجهة نظرهم..

وانا اقول الي مافيه شدة السوق شله يدش و يخرب على الباقيين و محد مخرب هالسوق الا هالمستثمرين الي قلوبهم ضيعفه والي يتأثرون بأقل القليل من الشائعات

وانشالله الله يكتب الي فيه الخير والصالح للجميع

[ضايق الصدر]

انا معاك يا المستثمر القطري

[الشقيان]

فديت العقااااااارية والله :D :D :D :D

[المراقب]

الخوف الخوف الخوق هو السبب في كثرة العروض.

[الرمز]

بيبيعون اسهمهم وبعد اسبوع بيرجعون بيشترونها بسعر اعلى
مابقى اي واحد في قطر الا ودخل سوق الاسهم والحين بينت عيوبهم على انفسهم وعلى غيرهم .

[Chanel]

ياجماعة الخير بعت متحدة وشريت عقارية وتحسفت

[سهم طايش]

لالا ليش اتحسف اخوي على شراء العقاريه الصبر زين و بأذن الله الارتفاع جاي قول امين

بس اذا جاتك فرصه للبيع لا تردد و الخساره خسارة الروح

[مستثمر طموح]

واضح قلة الخبرة عندك يا شنل مو مشكلة الواحد يتعلم من اخطاءة ويبني نفسة من جديد وانشاللة

ما في خسارة


شرياص اللي باعوا باعو في العالي وبيردوا يشترون في النازل يا ذكي

والسوق نازل والمؤشر نازل والمعنويات نازلة واللة يستر

الاسبوع هذا اسبوع الشردة

والاسبوع الجاي الاسبوع الغامض

[roadrunner]

ياجماعة الخير بعت متحدة وشريت عقارية وتحسفت

حبيب قلبي ... لا تتحسف ولا شي ... الا اقول لك زين ما سويت ... نفرض ان عندك 1000 سهم بسعر 200 ريال ... على اسبوع الجاي من حقك تشتري 950 سهم + لك 50 سهم مجاني .. يعني راس مالك بيطلع 238000 .... يعني بيطلع السهم عليك ب 119 ريال ... يعني لو بعت اسهمك ب 120 بتكون طلعت راس مالك ... عني انا ناوي ابيع يوم 4/4 ... وباخلي فلوس على جنب حق الإكتتاب الخاص وباشتري بالمتحدة عشان استفيد من الإكتتاب الخاص الي بالمتحدة بعد .. وعقبها على باسوي نفس الحركة حق شركة السلام ... ولا تنسى ان الفترة بين انعقاد الجمعيات العمومية حق هالشركات متباعدة شوي ... وهذا من صالحنا ... والله المستعان.

ايش رايكم يا شباب... انطر رايكم بهالموضوع.