إستفسارات صغيرة....

[هجمة مرتدة]

يا جماعة وحدة من الأهل تبي تفتح محل للعبايات
ايش المطلوب منها من الألف للياء؟؟
وكم تقريبا راس المال لازم يكون
وعدد الموظفين؟؟

مشكورين مقدما

[هجمة مرتدة]

فوووق.....

[لوليتا قطر]

انشاااء الله الاعضاااء يفيدووونك

[البائع]

للاسف ماعندي خبرة



بس عندي نقطة قبل البدء // اليوم وايد محلات للعبايات في الدوحة أكثر من البيوت الشعبية
المهم ،، اذا تنوي تفتح محل عبايات ، لازم تفكر انه يكون مميز ، يعني شي تتميز فيه في هالمحل غير عن غيرها من المحلات
السجل التجاري ، الترخيص
موقع المحل يكون مناسب مب في مكان صعب الوصول له او مكان ماعليه الدوس
الجودة في العرض والسعر

احس هذي امور لازم الواحد يفكر فيها

وربي يوفقها

[هجمة مرتدة]

مشكورين يا جماعة

السجل التجاري والترخيص مقدور عليهم....

لكن ابي باقي المعلومات...

تسلمون

[هجمة مرتدة]

لرفع.....

[هجمة مرتدة]

فووووووق

[>>> غــمـــوض <<<]

ان شاء الله الباقي يفيدونك

[هجمة مرتدة]

ان شاء الله

[مشتاقة لقطر]

انا بافكر معاج الحين وحدة وحدة

اول شي واهم شي
خياط فنان وخياطته نظيفة يفصل المقاسات بطريقة راقية ونظيفة
وواحد ثاني للتطريزات والشك وما الى ذلك
وحبذا لو يكون عندج مصمم او تتفقين مع مصممة قطرية من البيت تشترين منها تصاميم على الورق تقريبا 50 ريال او 100 للتصميم المبتكر

ثاني شي
المحل وين ؟؟ وكم اجاره ؟ لانه بيكسر ظهرج اذا كان الاجار غالي

ثالث شي
سوي ديكور حلو للمحل يعطيه منظر راقي وممكن تستعينين بورق الجدران رخيص ومنظره فخم

رابع شي
الخامات اللي هي الخام الاسود بانواعه دوري مصدر رخيص لج يورد لج بالجملة

خامس شي
الكلف والاكسسوارات والخيوط والطبشور والقصات والمساطر والطاولة ومعدات الشك والتطريز

وقبلهم المكاين لاتاخذين جديدة بتلقين مستعملة استعمال نظيف وارخص واوفر لج

سادس شي
الفواتير والاختام والقرطاسية من والى ..


سابع شي
تبدأين باسعار حلوة كدعاية لنفسج وتكونين قاعدة ثابتة من الزباين
تسوين اعلانات على الوسيط وبوشرات ممكن تتوزع مع راعي الجرايد

ثامن شي
تابعي شغلج بنفسج خطوة خطوة لان المال السايب يعلم السرقة بتنباقين من العمال

تاسع شي
جددي بتصاميمج ولا تكون تقليد للموجود بالسوق لان هالشي لاعت جبدنا منه
والله صرت اخيط بالالالاف عشان القى تصميم جديد مش مقلد

عاشرا حطي ببالج الربح يجي بعد السنة الاولى تقريبا

لانه السنة الثانية عندج كل شي متوفر ما بتصرفين الا على الاجار والعمال والخامات البسيطة الجديدة

اما الباقي بيكون كلها ثوابت

اخيرا اي نقطة تبين اوضحها لج ممكن افكر معاج اكثر


نصيحة مبدئية
ابدي بالبيت وكثفي الدعاية بالبداية ولما يزيد الضغط سوي المحل
ويااااهلا



نقطة اذا صارت لا قدر الله

لو ما عجبج المشروع او اذا كنتي خسرانة لا قدر الله

لان خلو المحل بيغطي لج الاجار في ظل انعدام المحلات وغلاء اسعارها والخياط ممكن نقل كفالته واسترجاع تكاليفج