حسبي الله عليهم..خذوا اسهم الناس برخص التراب!!

[مساهم عادي]

منذا بداية الأزمة في آواخر شهر سبتمبر وإلى اليوم هبطت تقريبا جميع البورصات في العالم...
الا ان نسب هذا الهبوط كانت متفاوتة من سوق وآخر..

فمثلا البورصات الأمريكية الرئيسية
بورصة داو جونز......هبوط 25%
بورصة S&P ........هبوط 23%
بورصة ناسداك........هبوط 21%

البورصات الأوربية:
بورصة لندن...........هبوط 24%
بورصة باريس.........هبوط 25%
بورصة فرانكفورت.....هبوط 25%

البورصات الأسوية:
بورصة نيكاي اليابانية........اقصى هبوط 30% قبل 10 ايام ...والآن الهبوط حوالي 21% !!!
بورصة هونج كونج..........اقصى هبوط 31% قبل 10 ايام .... والآن الهبوط حوالي 18% !!

الآن لنأتي للبورصات الخليجية:
بورصة السعودية ....... هبوط 27%
بورصة الدوحة ......... هبوط 37%
بورصة دبي ............هبوط 48%


لاحظوا الفرق !!!!!!!!!!!!! :omg:

يعني المشكلة عندهم ... واحنا ننزل اكثر منهم ؟؟؟؟!!!

شركاتهم ارباحاها تتراجع ...واحنا ارباحنا تتزايد.... وننزل اكثر منهم ...؟؟؟!!!!

والله اللي صاير عندنا لعبة كبيرة...حسبي الله عليهم خذوا اسهم الناس برخص التراب واحتكروها والله يعلم في المستقبل كم بيرفعون اسعارها..

مقصة مابعدها مقصة...:weeping:


مصدر المعلومات http://www.bloomberg.com/markets/stocks/wei.html

[QATAR 11]

بورصة الدوحة ......... هبوط 37%


قطر والخليج بصفة عامة تأثرو بسبب أسعار النفط التي تراجعت من 147 دولارا للبرميل

الى أكثر من النصف حاليا خلال اقل من أربعة أشهر

قطر ليست مستثناة وتعتبر من الدول المنتجه للنفط لذالك 100 % بنروح فيها اذا كثر العرض ومافي طلب

يعني بدال الصفعه صفعتين
:weeping:

[مساهم عادي]

تراجعت الى كم ........ 50 دولار....؟؟؟؟؟؟؟؟؟

مب هاذي نفسها اسعار 2005 و2006....وكانت البورصة حزتها مولعة اكثر من يوم كان البترول على 140 دولار...؟

اصلا يوم وصلت الأسعار الى 140 دولار.....كانت مفاجأة حتى للدول المصدرة...وماكانوا مصدقين....حتى انهم ضخوا النفط في الأسواق بشكل لم يسبق له مثيل...علشان ينزل سعره..

[أبا خطاب الهلالي]

{وعسى أن تكرهوا شيئاً وهو خيرٌ لكم وعسى أن تحبّوا شيئاً
وهو شرٌ لكم والله يعلم وأنتم لا تعلمون}

[مساهم عادي]

الأسعار اللي وصلت له الأسهم حققت أحلام الكبار في الاستيلاء على اسهم الناس بسعر بخس وصلت الى اقل من سعر الاكتتاب......والله ماكانوا يحلمون انهم يحصلون عليها....

الحين فرصة جميلة لكل هامور انه يشتري الأسهم اللي يبي...ويقدر يصير عضو مجلس إدارة..ويمكن رئيس مجلس إدارة بأقل تكلفة... هذا اذا ماقدر يستولي على غالبية الأسهم لشركات وطنية لها امتيازات احتكارية في البلد ..يعني مليون في المية بتربح وارباح خيالية .....وتصير شركة خاصة فيه هو ولجماعته ويرفع السهم بعدين مثل مايبي..

يقولون الناس تشرد تبي الكاش....انزين شلون الناس تشرد...والأسهم تنشرى حتى لو بسعر رخيص...

لو صحيح انه الكبار يبون يشردون ....كان حصلتوا طلبات صفرية للأسهم....ولكن اللي صاير انه كل يوم في لم وكل ماتنزل الأسعار يزيد اللم...

[بوجبر]

الأسعار اللي وصلت له الأسهم حققت أحلام الكبار في الاستيلاء على اسهم الناس بسعر بخس وصلت الى اقل من سعر الاكتتاب......والله ماكانوا يحلمون انهم يحصلون عليها....

الحين فرصة جميلة لكل هامور انه يشتري الأسهم اللي يبي...ويقدر يصير عضو مجلس إدارة..ويمكن رئيس مجلس إدارة بأقل تكلفة... هذا اذا ماقدر يستولي على غالبية الأسهم لشركات وطنية لها امتيازات احتكارية في البلد ..يعني مليون في المية بتربح وارباح خيالية .....وتصير شركة خاصة فيه هو ولجماعته ويرفع السهم بعدين مثل مايبي..

يقولون الناس تشرد تبي الكاش....انزين شلون الناس تشرد...والأسهم تنشرى حتى لو بسعر رخيص...

لو صحيح انه الكبار يبون يشردون ....كان حصلتوا طلبات صفرية للأسهم....ولكن اللي صاير انه كل يوم في لم وكل ماتنزل الأسعار يزيد اللم...

الاسعاااااااااااار وصلت للناس الاذكيااااااااااء ممكن يكونون هوامير او ناس عاديين!!!!

[قناص الاسهم]

يعطيك العافية اخوي .. الخسران الحقيقي هو من باع في الايام القليلة الماضية .. الانتظار هو عين العقل والصواب في الفترة الحالية :)

[naklan]

ليش ما تحول الموضوع الى صالحك وتشترى بها لاسعار المتدنيه الي رخص التراب :omen2:

[مساهم عادي]

قاعد اشتري....من 10 ايام...
كل يوم حوالي 10 و 20 الف ريال...

وباوقف لين مايوقف النزول او لين تخلص ميزايتي المرصودة للشراء ....ايهما اسبق:nice:

وبعدها باسكر على الأسهم اللي شريتها وباحطهم في التجوري وبادفن المفتاح في مكان سري..ومب فاتح شاشة التداول ابدا ... يمكن بعد مدة من الزمن وبين فترة وفترة اتابع الأسعار من الجرايد بس.....اخوك مستثمر بعيد الأمد بالحيل..:victory:

[بوجاسم 11]

اخواني اللي باع ( باع عن طيب خاطر ) ماحد اقصبه علي البيع
واللي شراء هم كذلك اللي يبيع هو الخسران واللي متمسك في اسهمه
هذا ماخسر راح يجي يوم ويبيع بغالي وهو كسبان وياخذ ارباحه من التوزيعات
بعد ليش البيع بخساره . شوفوا سنة 2005 اخرها شريت دانه غاز 5.78
درهم بمبلغ 150 الف درهم وبعدها يوم وصل السهم الي 3.70 درهم بردت
عليه 150 الف درهم وكنت غلطان بالشريه الثانيه لاني للاسف كنت غشيم اسهم
لان الوالد يقولي والله راح تاخذ دانه بدرهم ماصدقته واستعجلت في الشراء ما سمعت
النصيحه ولكن اقسم بالله مبعت واسهمي عندي وراح اكون مستثمر الي ابعد الحدود
واخذارباحي سنوي والحمد لله ما اعتبرتها خساره لاني مابعت ونصيحتي لكم المضاربه
للي لايجيدها سوف يخسر الكثير والرزق من عند الله ( وادعو ربكم انه غفارا )

[السندان]

جزاك الله خير

[mubarak2000]

يعطيك العافية اخوي .. الخسران الحقيقي هو من باع في الايام القليلة الماضية .. الانتظار هو عين العقل والصواب في الفترة الحالية :)

الكلام الصحيح . هذا صار في نيويوركالمؤشر ضرب 7900 وراح 8800 نفس الجلسة , والي صار انة الي باع تحت حاول يلحق السوق بعد الارتفاع

[مساهم عادي]

شوفوا سنة 2005 اخرها شريت دانه غاز 5.78
درهم بمبلغ 150 الف درهم وبعدها يوم وصل السهم الي 3.70 درهم بردت
عليه 150 الف درهم


انا مكتتب في دانة غاز بالسعر الإسمي 1 درهم قبل ثلاث سنوات ..... والحين السهم واصل 1 درهم الا ربع.....

يعني خسران 25% من راس المال...وهذا وانا مكتتب بالسعر الإسمي..!!!

لكن والله اني ناسيهم من ذاك الوقت ...... وبانساهم اكثر واكثر..

[بوجاسم 11]

انا مكتتب في دانة غاز بالسعر الإسمي 1 درهم قبل ثلاث سنوات ..... والحين السهم واصل 1 درهم الا ربع.....

يعني خسران 25% من راس المال...وهذا وانا مكتتب بالسعر الإسمي..!!!

لكن والله اني ناسيهم من ذاك الوقت ...... وبانساهم اكثر واكثر..



الحمد لله اخوي مساهم عادي المسلم لازم يرضى بالنصيب
اللي الله كاتبه له ويدعو ربه بالرزق والصحه والدراهم ماهي
راس مال اهم شيء الصحه والعافيه وشكرا لك

[ANONYMOUS]

يعطيك العافية اخوي .. الخسران الحقيقي هو من باع في الايام القليلة الماضية .. الانتظار هو عين العقل والصواب في الفترة الحالية :)


انا رأيي عكس رأيك

اللي باع الايام الايام القليله الماضيه هو اكبر الرابحين..

مثلا باع الريان ب 12.. والحين يقدر يشتريه ب 9

باع الدولي ب 55 يقدر يشتريه ب 46


وهلم جرا بكل الاسهم..

[almo]

ليش ما تحول الموضوع الى صالحك وتشترى بها لاسعار المتدنيه الي رخص التراب :omen2:

هم خلو فلوس عندنا حتى نشتري!!!!!!!!!!! لا أقول إلا حسبنا الله ونعم الوكيل فيهم حسبنا الله ونعم الوكيل فيهم الله لايهنيهم فيها أسأل الله العظيم رب العرش الكريم أن تكون وبال عليهم في الدنيا والآخرة

[ahmeds]

very good topic

[فهـد]

محد ارغم النااس ع البيع

[mubarak2000]

هم خلو فلوس عندنا حتى نشتري!!!!!!!!!!! لا أقول إلا حسبنا الله ونعم الوكيل فيهم حسبنا الله ونعم الوكيل فيهم الله لايهنيهم فيها أسأل الله العظيم رب العرش الكريم أن تكون وبال عليهم في الدنيا والآخرة

انت تدعي على من.السوق عرض وطلب .العقارات راحت فوق والحين تحت ,محد قال انة السوق اشتر واربح .

[الخواض]

اللهم اعنا يا الله

[بوجبر]

هم خلو فلوس عندنا حتى نشتري!!!!!!!!!!! لا أقول إلا حسبنا الله ونعم الوكيل فيهم حسبنا الله ونعم الوكيل فيهم الله لايهنيهم فيها أسأل الله العظيم رب العرش الكريم أن تكون وبال عليهم في الدنيا والآخرة

ليش تدعي على عباد الله


محد اجبرك على الشراء انت شريت بقناعتك

وهذا سوق فية الربح وفية الخسارة

والله يعوضك خير

[العصامي]

الله يعوض كل خسران الدخول اصبح مغامره لانك لا تضمن ان السوق سيصعد والخروج اصبح مغامره لانك لو خرجت احتمال يصعد والمتعلق ماله الا الصبر والله يلطف بنا ان شاء الله.

[Gentleman]

ليش تدعي على عباد الله


محد اجبرك على الشراء انت شريت بقناعتك

وهذا سوق فية الربح وفية الخسارة

والله يعوضك خير

أوافقك على عدم جواز الدعوة على عباد الله المسلمين، ولكن لا أوافقك أخي العزيز على بقية كلامك.
ايش تعتقد شخص عادي مثلي راح يكون شعوره لما يشوف أشخاص قياديين ومهمين يصرحون بأننا بعيدين عن الأزمات واقتصادنا لن يتأثر وبعدين يشتري بكل فلوسه من البورصة ويخسر أكثرها بسبب تأثير الانهيار الاقتصادي؟. كلكم راعٍ وكلكم مسؤول عن رعيته- صدق رسول الله (صلى الله عليه وسلم)

[مساهم عادي]

بعيدين عن الأزمات واقتصادنا لن يتأثر وبعدين يشتري بكل فلوسه من البورصة ويخسر أكثرها بسبب تأثير الانهيار الاقتصادي؟

المشكلة انه كل يوم والثاني تتكرر سالفة انه الأسعار مغرية للشراء الأسعار مغرية للشراء...فالواحد منا يشتري ثم يتفاجأ انها لا مغرية ولاهم يحزنون... وانه خسر فلوسه...

ولكن الواحد ماله الا الصبر....فالصبر مفتاح الفرج..

[rashid700]

أخوي انت موب مساهم عادي
انت مساهم ذكي
بس عليك بالشركات القويه

[ذويبان]

اعتقد ان اللي بيلم اكثر بيكون كاسب اكثر في الفتره المقبله

الواحد منا لازم يفكر في الشي البعيد

يعني فكر ان عيالك يستفيدون من هالاسعار النازله الحين