رايكم في بعض المدارس

[noor qatar]

السلام عليكم ورحمة الله وبركاته
حبيت اعرف اراء الاعضاء الكرام في بعض المدارس الخاصة اذا كانوا مجربينها اوسامعين عنها من حيث مستوى التعليم والمناهج -الاهتمام بالتربية الاسلامية- الاختلاط بين الاولاد والبنات - تدريس اللغات (الفرنسي) والمدارس هي:
مدرسة نور الخليج العالمية
مدرسة نيوتن
مدرسة المها الانجليزية
اكاديمية الارقم
مدرسة اقرا
اكاديمية الجزيرة
وجزاكم الله خير

[ANONYMOUS]

وانا بعد مستني آرائكم..

[الامير]

حلوة صوره

[pinky]

مدرسة نور الخليج العالميه صراحة روعة وقويه في تدريسها بس المدرسه اختلاط هاذا من تجربه الكلام
اخواني ادرسو فيها سنوات الروضه والتمهيدي بس طلعناهم بسبب البعد المكان والزحمه والشوارع والتصليحات

[toota]

انصحك نصيحة لوجه الله . من شخص مجرب . دخل ولدك مدرسة عادية . وياليت ما تكون مستقله .
دور مدرسه تدرس المنهج الحكومي القديم (ناصر وريم) .
ما اعرف حد حط اعياله في هالمدارس المستورده الا ومتحسف , ويمكن يقول لك لا والله مدارس زينه , بس
هو على علم انها ما تنفع .
اللغات لاحقين عليها . ترى انا درست لغة انجليزيه بعد الثانوية . ولغتي الانجليزيه ممتازه وهذا بشهادة الاجانب نفسهم . والحين انا عندي اسره وابناء وادرس لغة ثالثه والحمد لله . وان شاء الله ناويه على رابعه . ترى اهم ما عليك ان ولدك يفهم المواد اللي يدرسها . ولو ولدك درس اللغة العربيه وحفظ القرآن , راح يفهم باقي المواد بسهوله . القرآن يحفظ المخ من النسيان ويخلي الطفل ذكي . يبه خليكم من خرابيط هالمدارس الاجنبيه . يعني بذمتكم هالمدرسه الاجنبيه هي اللي بتربي عيالكم على الاخلاق الزينه . هالمدرسه اهلها طاردينها من البيت وعمرها 18 سنه , ما اظن انها تقدر تربي عيالكم التربيه الحميده. وانت حر.