مطلوب نصيحه بخصوص تشطيب بيت عظم

[hamoor4ever]

السلام عليكم اخواني شخباركم

اخواني طالب نصيحتكم بخصوص بيت عظم شنو الافضل اشطب انا بيدي وهل القى امكانيات او عاملين ممكن يساعدوني او افضل اني اخذ شركه تشطب لي كل شي . وهل يستاهل فرق المبلغ اللي بوفره لو بشطب بيدي او بيطلع علي اغلى من بيع السوق مثل مايقولون .

واذا حد عنده شركه يعطيني اسمها شرط ان تكون لها مكتب وسمعتها طيبه

[hamoor4ever]

وين بو حارب وين الناس الخبراء

[abu-nawaf]

اخي شطب بنفسك :rolleyes2:( لا للمصريين ) يخربو لشغلة ويقولو لك انت الغلطان :weeping:
اليوم عندك وشهر عندهم في اي شغلة:telephone: كلامهم حلو شغلهم سنة :(

[sad-o-bas]

أخوي شطب بنفسك أحسن، تعرف على الأقل الأنواع وتلف على أكثر من محل، وبالنسبة للسيراميك أنصحك بالبشري ترى عندهم المتوسط والممتاز وأسعارهم معقولة والله..
إذا تبي أرقام فورمن وعمال صبغ ثقة عطني خبر، وبدبر لك إن شاء الله..

الله يوفقك

[Doctor Mo]

التشطيب أنواع وأهمها الذي تقوم به بنفسك
أولاً تتعرف على الأسواق
ثانياً تعمل وفق ميزانية محددة
ثالثاً تشرف على العمال وترى إذا قاموا بالعمل الصحيح
والأهم من ذلك أن تتعلم شغلة جديدة قد تفيدك في المستقبل

[alwahesh]

ييعتمد على نوع التشطيب

وما اعتقد انك تحتاج عمال للتشطيب

لانك بتتعامل مع شركات يسمونهم سب كونتراكتور يعني مقاول بالباطن او

مثلا اذا تفكر تحد حجر للواجهه ما تحتاج للبلاستر وتوفر كثير من وقت وعناء بسبب الاسمنت

والباقي سهالات ادفع وبس

تحتاج يمكن نفس ميزانية البنيان ويمكن اكثر................. انت الي تقرر

[بويوسف]

وين بوحارب ان شالله يفيدك ياهامور

[غناتي1]

توكل على الله وشطب بنفسك 00 سواء تشطيب راقي او عادي

في الحالتين بتوفر نص سعر المقاول لو ركب لك

اخذ نصيحتي بما اني مقاول وعندي خبرة بهاالاشياء

والله يوفقك

[hamoor4ever]

مشكورين اخواني وبفكر في نصايحكم

[r07]

اذا بتشطب بنفسك...حط في بالك انه في ترتيب معين للتشطيب يعني اي شي فيه تكسير مثل الكهربا لازم يخلص اول شي... وتركيب بلاط الحمامات والأرضيات وبعدها الدرايش والأبواب واخر شي االصبغ الداخلي
وبعدها تركيب السوكتات والثريات والنعلات الخشب ... وخل العمال ينظفون المكان بعد كل مرحله ..ولازم يكون المكان مافيه اي غبار خصوصا لما يبدون في الصبغ..و لازم يغطون الأبواب والدرايش ببلاستك عشان ما تتعب في تنظيفها..
هذا اجتهاد خاص و اذا ترتيب المراحل فيه اي خطأ يا ليت تذكرونه حتى تعم الفائدة...

[راشد محمد]

اذا تبي اشطب لك طرش لي رقمك وبيعجبك السعر ان شاء الله

[Thamer_Qat]

وين بوحارب ان شالله يفيدك ياهامور

بوحارب كفو والله نشمي وخدوم وعنده خبره

بس تلقاه حاط في خاطره شوي من بعض الردود والمعايا

بوحارب... اطلع وبان وعليك الأمان وعطنا من خبرتك وانا اخوك ورانا بنيان

[alzaeem]

الاسعار شبه معقوله ولا تتعجل

[ماربيا ديكور]

الله يوفقك يارب واذا احتجت شي بخصوص الديكورات الخارجيه او الداخليه والجي ار سي ابشر بالخير انشالله

[hamoor4ever]

اذا تبي اشطب لك طرش لي رقمك وبيعجبك السعر ان شاء الله

بأنتظارك

[hamoor4ever]

اذا تبي اشطب لك طرش لي رقمك وبيعجبك السعر ان شاء الله

حاولت ابعث لك ماقدرت ، منتظر رقمك

[hamoor4ever]

اذا بتشطب بنفسك...حط في بالك انه في ترتيب معين للتشطيب يعني اي شي فيه تكسير مثل الكهربا لازم يخلص اول شي... وتركيب بلاط الحمامات والأرضيات وبعدها الدرايش والأبواب واخر شي االصبغ الداخلي
وبعدها تركيب السوكتات والثريات والنعلات الخشب ... وخل العمال ينظفون المكان بعد كل مرحله ..ولازم يكون المكان مافيه اي غبار خصوصا لما يبدون في الصبغ..و لازم يغطون الأبواب والدرايش ببلاستك عشان ما تتعب في تنظيفها..
هذا اجتهاد خاص و اذا ترتيب المراحل فيه اي خطأ يا ليت تذكرونه حتى تعم الفائدة...
مشكور اخوي للتوضيح

[ذكي جدااا]

بسم الله الرحمن الرحيم

اخوي العزيز احب ان اوضح لك ان المطلوب منك هو الوقت الكافي والصبر ليس الا .

بمعنى لا تستبعد انك بعد ما ترجع من الدوام تروح الشبره تدور على عمال ووووو او حتى يوم الجمعه الصبح تشتغل مع عمالك .

ثانيا اخي العزيز بالنسبه للفايده في حال انت اذا شطبت لحالك هناك ميزتين وهما :
اولا : توفر ما قيمته 15 الى 20 بالميه من سعر المقااول اللي كان بياخذها عليك فايده.
ثانيا : انت تضمن جوده المواد اللي تشتريها يعني مثلا يمكن تطلب من المقاول سيراميك ايطالي ويروح المقاول يجيب لك صيني بربع التكلفه وهنا يمكن يضرب عليك المقاول بالنوعيه والسعر بنفس الوقت .

في حال قيامك بالتشطيب لحالك عليك طبعا مراعاة الاولويات بالترتيب مثلا عندك شغل السيراميك بالغرف والحمامات والجبس والصبغ ايهما اولا وقس على ذلك مع الاشياء الاخرى .

بذكر لك بعض الاشياء عندك تركيب وشراء الحمامات والمطبخ والسيراميك والبلاستر الخارجي والداخلي والصبغ الداخلي والخارجي الدرابزين الابواب الدخليه والخارجيه صبغ الابواب الداخليه والخارجيه عمل الجبس والديكوور وووووو كل شغله بسيطه تحتاااج وقت مثلا لو اخذنا تركيب بلاط الحمامات كمثال فقط
فأنت تحتاج الى بيب فيتري يكون عمل لك التمديدات الصحيه تحتاج الى دفاان وتحتااج الى اسمنت ابيض ورمل وبعدين تجيب السيراميك وبعدين تدور العماال اللي يركبون لك وهكذا كل شغله بسيطه تحتاج شي

[حتى ضلي له مهابة]

مــــــــــــــــــوجود عندي رقم الشركة للتشطيب ومهندسين ديكور متمكنين في فن الديكور
على الخاص ... :)

[Doctor Mo]

يا حبكم على بعثرة الأموال
يا أخي العزيز
الطرق الحديثة للبنيان والتشطيب أن تقوم بوضع كمر دار ما دار البيت وعليه فتكون جميع الأسلاك من كهرباء وتلفونات وأنابيب ماء خارج الحائط حتى يسهل مراقبتها وصيانتها وما فيه داعي للتكسر في الجدران
الثاني أن تأخذ سيارة بيك أب وتروح السعودية أو الإمارات وتشتري الأغراض التي تحتاجها لأن الأسعار عندهم وللأسف أحسن من أسعار تجارنا اللي ما يخافون الله
وفي النهاية شمر عن ساعديك وأشتغل في البيت بنفسك مع عمال من السوق باليومية
مهنة مستقبلية ولا أحسن منها