الشركات وبعض المواطنين لا يخافون الله بالعمال المساكين

[محمد_ قطر]

في دولتنا قطر ازاده عدد الوافدين من العماله الاسويه او العربيه .. في جميع المجالات ..
للاسف تقوم الشركات بجلبهم والتذكر عليهم عندما يشتغلون لا تصرف لهم المبالغ التي المفروض يستلمها

وايضا بالشهور لا تصرف رواتبهم ويشتغلون اكثر من 12 ساعه وفي الاخير يلاقي نفسه ماعنده اكل ويعيش في مسكن اشبه بزريبه غنم ..

واذا حد تكلم من العمال بكل بروده اذا مب عاجبك ادفع لنا فلوس التذكره بنسفرك ... وماعندنا لك شي وين يدفعون وانتوا ماعطيتوه راتبه او ظلمتوه بالراتب المفروض يحصل 700 تعطونة 500 كمثال بسيط

وين الرحمة وين الانسانية وين دينا الحنيف ...(( والظلم ظلمات يوم القيامة ))

للاسف هذا العامل عنده اطفال واهل واب وام ينطرون الراتب بشغف وجوع وعطش .. وهو يشتغل اكثر من طاقته بس علشان يحصل كم ريال علشان يطرشه لهم .. وللاسف يتدين بس علشان يجي يشتغل وفي النهاااااااااااااااااااااايه تقوم الشركات بعدم صرف الرواتب لهم او التاخير في صرف الراتب اذا افلست الشركه تقوم بتسفيرهم بدون مايحصلون على مستحقاتهم ..

ماذا يحدث لهذا العامل ..

يهرب من الشركه او من الشخص المواطن .. مستحيل انه يرجع بلاده لانه خسرااان وهله ميتين من الجوع .. ينطرون يطرش لهم اي مبلغ بس علشان يعيشون

يتحول هذا العامل الذي جائه بغرض شريف ...ولكن ظلم الشركات وظلم بعض المواطنين

تحول الي عماله السائبة .. ويتحول الي حرامي والي سارق او سفاااح .. بغرض السرقه وجمع المال ..

وفي النهايه نقول العماله الوافده خطر في المجتمع ..

لو العامل ياخذ حقه او جزء من حقه مستحيل يشرد ويتحول الي عامل من عمال السائبه او يتحول الي سارق ..

للاسف الشركات التي ماتخاف الله هي التي حولت العمال الي سارقين

خافوا الله ولا تظلمون عمالكم ...