عندي 100 ألف واب استثمرها في الاسهم 000 وش تنصحوني به

[غناتي1]

السلام عليكم احواني واخواتي

هذا طلب للاستشاريين 00 وذوي الخبرة في البورصة

عندي 100 الف توني مدخلها في حسابي في المجموعة

واب اشتري فيها اسهم وانساها كم سنه

وش تنصحوني اشتري من اي اسهم 00 واي الشركات اللي فوايدها

في المستقبل زينه ومضمونة مع الله

اشوف الريان والخليجي نزلت اسعارهم الى سعر الاكتتاب تقريبا

ويمكن تنزل اكثرمثل بنك الدولي والمصرف والدوحة

تنصحوني اخذ منها 00 او من غيرها


وفالكم الجنة يا رب

[سلمان_1]

الدخول في هذا الوقت ... مغامرة

يمكن تربح ... و يمكن تخسر

ماحد يعرف إلى متى بتستمر الأزمة ... شهر شهرين ثلاثة او سنين !!!

[بو فهد]

اخوى لاتزعل مني اذا قلت لك مشوار واحد ع الحساء
والمائةالف الي عندك احسب الفايدة بعدها كم

انا جايب يوم الجمعة من الحساء ثلاث صناديق طماط على خمسة عشر ريال للواحد

[عنيــــد]

انا لا محلل و لا خبير في الاسهم و لكن نصيحة لا تدخل في الوقت الحالي ..

اصبر لين ينتهي التصحيح احسن لك و اضمن ..

الازمه ممكن تاخذ وقت طويل او قصير الله اعلم

[بــو فهــد]

انا حالي حال الاخوان لاني محلل ولاني خبير ..
لكن لو بغيتها استثمار طويل ؟ نفسك طويل وتقدر تصبر سنين .. اشوف سهم الريان " ممتاز " .. بنك اسلامي ..
لكن اللي يقدرون ينصحونك نصيحه " علميه " هم اخوانا المحللين والخبراء .. هم ابخص ..

بالتوفيق اخوي والله يبارك لك ان شالله وتشوف الـ 100 الف ملايين :victory:

[غناتي1]

الله يجزاكم خير 00 ويرحم والديكم

وقديماً قالوا النصيحة بجمل 00 عشن ذا ابغينصيحة الاخوان

المحللين والخبراء بسوق الاسهم

وش احسن وقت للشراء 00 وايش احسن الاسهم اللي ممكن اشتريها

وفالكم الجة والتوفيق يا رب

[khalid1975]

اخوي ..

كل يوم نقول انه اليوم افضل وقت للشراء ...
وللاسف!!!

نلقى السوق ينهار اكثر واكثر...

نصيحه ...


خلي فلوسك في مخباك احسنلك ... ولا تغامر في البورصه!!!

[المشرفي التم]

خذ في الريان وانساه كم سنة
وخاصة ان سعرة تقريبا" مثل الاكتتاب
واذا صار ما صار وفي اسوا الاحتمالات الخسارة ما راح تكون كبيرة
واذا تحسن الوضع راح تكون فايدتك كبيرة ان شاء الله
هذا والعلم عند الله

[Nahool]

نصيحة... خل فلوسك عندك لين توضح الصورة شوي. قبل سبوع حطيت 100 الف و اليوم صارت 45الف... يعني في خلال 5 ايام من السوق خسرت 65 الف ريال...... انتظر و راقب.

[vip-30003]

السلام عليكم

انصحك اشتر سبائك ذهب .. مع ان الذهب حاليا مرتفع بس راح يرتفع اكثر ..

الذهب هو الضماان حتى البنوك تشتري ذهب ..

سبحا ن الله صج اليهود هم التجار اكثر ناس تمتلك ذهب .. واكثر ناس اتجار من الذهب..

اليهود صفاتهم ذميمه الا في هالنقطه ..

[diab911]

السلام عليكم احواني واخواتي

هذا طلب للاستشاريين 00 وذوي الخبرة في البورصة

عندي 100 الف توني مدخلها في حسابي في المجموعة

واب اشتري فيها اسهم وانساها كم سنه

وش تنصحوني اشتري من اي اسهم 00 واي الشركات اللي فوايدها

في المستقبل زينه ومضمونة مع الله

اشوف الريان والخليجي نزلت اسعارهم الى سعر الاكتتاب تقريبا

ويمكن تنزل اكثرمثل بنك الدولي والمصرف والدوحة

تنصحوني اخذ منها 00 او من غيرها


وفالكم الجنة يا رب




من اسبوعين اودعت نفس المبلغ في حسابي بالمجموعه وكل يوم الناس تقولي احسن اسعار الحين بس انا عن نفسي محتار خاطري أعدل الاسعار الي عندي بالذات في الريان وبروه

بسسسسسسسسسسسسسسسس محتار والله


للعلم انا شاري الريان على 22 ريال

وبروه على 52 ريال

والله ورررررررررررررررطه

[غناتي1]

والله يا اخواني انا عطيت اوامر شراء لأسهم الريان

والخليجي ومواشي وقطر وعمان 00

وعلى الله سبحانه الاتكال والله يرزقنا

[ابن قطر]

الصبر زين

[غناتي1]

خوفتوني والله 00 تعتقدون هالاسهم بالذات بتنزل اكثرمن هالاسعار ؟؟

[r07]

اظن الخليجي وقطر و عمان والدوحه فيهم ربا وما يجوز التعامل بهم ...احسن تتاكد من قسم الفتوى قبل ما تشتري...

[غناتي1]

جزاك الله كل خير اخوي

لأصحاب الفتوى 000 افتوني

[سهم حار]

الله يصلحك

[alzaeem]

الوديعه افضل جزاك الله خير

[غناتي1]

ما يمديني اتهنا 000 ما شريت شئ

اليوم البورصة مولعة خضر على الاسهم الي نويت اني اشتريهم

المقرود --- مقرود

احنا مب وجه استثمار ولا وجه بورصة

[الامانه]

السلام عليكم
انصحك ابتعد عن البورصه
وافتح لك معصره على كم علبة همبورجر ونجتز
وكم كارتون بطاطا
وهنديين
وفالك طيب
السموحه

[غير عنهم]

خذ في الريان وانساه كم سنة
وخاصة ان سعرة تقريبا" مثل الاكتتاب
واذا صار ما صار وفي اسوا الاحتمالات الخسارة ما راح تكون كبيرة
واذا تحسن الوضع راح تكون فايدتك كبيرة ان شاء الله
هذا والعلم عند الله

:nice:

[المشتاقه الى الجنه]

نصيحه الريان -الأولى للتمويل -بروه سعرها نازل وايد

[Bo3oof_80]

السلام عليكم جميعا والله مشتاقلكم ومشتاق حق المنتدى وحق مواضيعكم المتداوله
واسمحلي اخوي اطرح عليك اقتراحي المتواضع وانك تستثمر في الشركات الي قيمتها في السوق تقل عن قيمتها الدفتريه:)