سؤال عن البنك الاسلامي البريطاني

[المستثمر]

اخواني عندي استفسارعن البنك الاسلامي البريطاني انا اكتتبت في اسهم البنك عن طريق بنك الدوحه من سنتين تقريبا ولحد اليوم ماندري عن ارباحه ولا خسايره ولايطرشولنا تقارير ماليه ولا اي شي فاذا حد منكم ياشباب عندة معلومات تفيدنا يبلغنا وجزاكم الله خير

[Muslim Investor]

سعره حسب إقفال يوم الجمعة
6.13 بينس
يعني حوالي 35 درهم قطري

البنك منذ تأسيسه وهو يحقق خسائر عالية
لأن تكاليفه التشغيلية تفوق إيراداته بكثير

رابط متابعة الأسعار والأخبار من بورصة لندن

http://www.londonstockexchange.com/en-gb/pricesnews/prices/system/detailedprices.htm?sym=GB00B02KNV97GBGBXAIM B02KNV9IBB


وتقبل تحيتي

[المستثمر]

الله يرحم والديك على هالاجابه , بس سؤال مو من حقي كمستثمر انه توصلني تقارير من البنك ودعوات للجمعيه العموميه ولا لا بس استفسار

[Muslim Investor]

بالطبع من حقك
والبنك يرسل لي بياناته المالية
ودعوات حضور الجمعية العمومية على عنواني لأنني مقيم هنا في بريطانيا
ولا أعلم إن كان يرسل للمساهمين من الخارج أم لا

وتقبل تحيتي

[المستثمر]

تسلم اخوي بس سؤال ادري لعوزتك بس هل انت شايف في مستقبل لهالبنك بعد الازمه العالميه ولا بحكم انه اسلامي بيكون وضعه شوي مختلف ابي اجابة بحكم انك في بريطانيا وقريب من الوضع

[Muslim Investor]

والله سؤال صعب

بالنسبة للنتائج المالية للبنك بشكل عام
فإيراداته في تطور مستمر
لكن تكاليف تشغيله عالية
في السنة السابقة ، والسنة هذي، قدر البنك انه يحافظ على مستوى ثابت للتكاليف
وفي نفس الوقت رفع إيراداته
فقلت خسائره الفصلية
لكن ماعندي أي خلفية بالنسبة لاستثماراته
ولو انه من المتوقع انه ما تكون عنده استثمارات مباشرة في الأزمة المالية بحكم انه اسلامي

باختصار.. البنك كان متوقع انه يحقق أرباح في عام 2009 إذا ما خانتني الذاكرة
لكني أظن انه حتى في 2009 بتكون تكاليفه أعلى من إيراداته .. ويمكن يبدأ يحقق أرباح في الـ 2010
هذا مجرد توقع

وتقبل تحيتي

[المستثمر]

يعطيك العافيه اخوي والله يجزاك الخير على اجوبتك ( بس اقول اذا وزعوا ارباح علمني :victory::shy::telephone::nice: