المساعد الشخصي الرقمي

مشاهدة النسخة كاملة : هل فنون قطر العرضه بس... سؤال يطرح نفسه...؟


عبودي قطر
16-11-2008, 04:07 PM
السلام عليكم اخواني خواتي ..

انا مستغرب من شي واحد يصير ف المجلس الوطني الثقافي ...

انه اي سفره تجيهم..برع البلاد .. ويطلبون فنون قطر ...

انا اللي مستغرب منه انه ماعندهم الا فن العرضه ...

شي لازم يكون في عيون الناس انه قطر مو بس بر .....تراها بر وبحر ..

يعني وين راحت فنون البحر.. الفجري والصوت و....اخ..
والصراحه اللي انشوفه كله فن العرضه ف البلاد او خارج البلاد..

وانا اتمنى من المسؤالين اللي ف المجلس الوطني .. اللي مسؤال عن ها الامور ..

انه يكون فاهم شنو فنون قطر وله تراث قطر ويعرف انه فنونها بر وبحر والصراحه اختفت
فنون البحر ف قطر ... ولاتنسون انه اهلنا قبل ف الغوص .. يعني معتمدين ع البحر ..

والصراحه انا استانست لما شفت فنون البحر امس ف مهرجان البحر ...
وانتو اشرايكم...
فارس الكلمة
16-11-2008, 04:31 PM
عبودي ..

العرضة ليست من فنون البر فقط .. هي بر و بحر أيضاً ..
أثر الفراشة
16-11-2008, 04:47 PM
أنا فقط أتساءل .. كيف أناديك ؟!! :secret:
يعني ما أدري "كيف يتكلم رجل معين عن حضارة وغوص وبر"
واسمه "عبودي" ؟! مجرد تساؤل يعني وملاحظة بسيطة أتمنى أن لا تكون ثقيلة عليك :)

شكراً لك



<< تتنبأ بقدوم ابن قطر وبنكي ولا يهون العم اسعاف بيجي يقرا علي
فارس الكلمة
16-11-2008, 04:52 PM
معليش .. فراشة .. لازم نعقد جلسة صلح و فك إرتباط

و أكسب أنا - في نفس الوقت - أجر إصلاح ذات البين ..

هذا أسم الدلع عبودي .. و الله يخليه لاهله ..
Darco
16-11-2008, 05:22 PM
العرضة مالها علاقة بالبر أو بالبحر .. الموضوع لايؤخذ هكذا. العرضة هي في الأصل عرض عسكري يستعمله العرب في غالبية الجزيرة العربيّة لأظهار أنفسهم و "فتل عضلاتهم" أمام الآخرين. هذه هي العرضة وليست منحصرة بأهل البر والصحيح أن العرضة هي اللي تشمل هلقطر كلهم من أهل مدر ووبر.
فارس الكلمة
16-11-2008, 05:44 PM
أخي داركو ..

أنت تحدثت عن جانب من العرضة الحربية ..

لكن فن العرضة يستخدم في كثير من المناسبات مثل حفلات الزواج .. و أيام العيد .. و غيرها ..
عبودي قطر
16-11-2008, 06:47 PM
أنا فقط أتساءل .. كيف أناديك ؟!! :secret:
يعني ما أدري "كيف يتكلم رجل معين عن حضارة وغوص وبر"
واسمه "عبودي" ؟! مجرد تساؤل يعني وملاحظة بسيطة أتمنى أن لا تكون ثقيلة عليك :)

شكراً لك



<< تتنبأ بقدوم ابن قطر وبنكي ولا يهون العم اسعاف بيجي يقرا علي



مشكور ع تعليقك اخوي ...
بس انا ماقتلك تعال علق على اسمي ...
اانا اناقشكم ف موضوع .. مالك ومال اسمي ...اسمي وكيفي حر انا فيه ...
وياليت اللي بيقر الموضوع يفهمه قبل لايقراء
hich
16-11-2008, 06:51 PM
أخوي هناك فنون أخرى مثل المحاورة وتكون بصفين وشاعريين يرد كل واحد على الثاني وهي مشهوره أكثر عند هل البر حتى أكثر من العرضه ولكن لا تقام الأن الا في الأعراس وتكون بدون أدوات عزف فقط حناجر الصفين
عبودي قطر
16-11-2008, 06:54 PM
أخوي هناك فنون أخرى مثل المحاورة وتكون بصفين وشاعريين يرد كل واحد على الثاني وهي مشهوره أكثر عند هل البر حتى أكثر من العرضه ولكن لا تقام الأن الا في الأعراس وتكون بدون أدوات عزف فقط حناجر الصفين

اخوي الفنون واااايد من فنون قطر ...

بس اللي نشوفه احنا هو العرضه ...

اوكي حتى لو العرضه هي فنون بر وبحر ...

عاد ف كل مكان عرضه عرضه عرضه ...

ف قطر وله خارج قطر ...
Darco
16-11-2008, 09:28 PM
أخي داركو ..

أنت تحدثت عن جانب من العرضة الحربية ..

لكن فن العرضة يستخدم في كثير من المناسبات مثل حفلات الزواج .. و أيام العيد .. و غيرها ..




صحيح الله يسلمك ما أختلفنا.. أنا قلت "أصل العرضة" ..
شكري وتقديري
16-11-2008, 10:06 PM
حتى فن العرضة لم يسلم من التحوير وإدخال حركات عليه ليست من العرضة أو الرزيف في

شيء .

العرضة الحالية لم تحتفظ بالشيلات الأصلية .

كما أن الكثيرين طوروا إسمها وسموها : رقصة العرضة .

فمتى كان الرجال الذين على شدها وعدها يرقصون ؟؟؟؟؟؟؟؟؟؟!!!!!!!!!!!!!!!!!!!!!
ريال قطري
16-11-2008, 10:18 PM
فمتى كان الرجال الذين على شدها وعدها يرقصون

مافيه شي اسمه رقصة العرضه واظن وكل حسب بيئته 00 هي اسمه اللعب بالسيف واسمه يتحيل او تحيل بالسيف وكلامك صحيح مافيه شي اسمه يرقصون
شكري وتقديري
16-11-2008, 10:26 PM
مافيه شي اسمه رقصة العرضه واظن وكل حسب بيئته 00 هي اسمه اللعب بالسيف واسمه يتحيل او تحيل بالسيف وكلامك صحيح مافيه شي اسمه يرقصون

الصحافة كانت ولا زالت تنص بالحرف :

رقصة العرضة

ولم يصحح لهم أحد إلى :

الرزفة والرزيف والعرضة.

وإلى :

أهل قطر يرزفون ويعرضون .

شكرا لك أخي الفاضل ولكن لابد من التصحيح للصحفيين