متى كانت اخر مره سقطت دمعه من عينيك ولماذا؟

[المشتاقه الى الجنه]

الحياة مليئه بالاحزان والافراح


مليئه بالامل والالم


مليئه بالحب والكره


مليئه بالضعف والقوه


فلا يوجد منا من لم يمر بهذه اللحضات

وخنقته العبارات فلم يستطيع اللسان عن التحدث او القول بما هو مفيد

وعندئذ تتحدث العيون هذه اللغه التي لاتكون مفهومه

فتتساقط دموع من تلك العيون

اصدقائي حبيت اسئل متى كانت اخر مره سقطت دمعه من عينيك(ي) ولماذا؟

[غزلان]

20 رمضان

السبب اختى ولدت شفت امي تبكي بكيت

شكرا للموضوع

[bohilal191]

6/11
وفاة المولود الثاني

يسلمووووووووووووووووو

[AmOuR]

اليوم ..

كنت متضاايقهـ ..

و بكيت ..

[المشتاقه الى الجنه]

20 رمضان

السبب اختى ولدت شفت امي تبكي بكيت

شكرا للموضوع

هذه دموع الفرح حبيبتي

[Smart]

امس وانا اسعف مصابين من حادث امام بيتى

[المشتاقه الى الجنه]

6/11
وفاة المولود الثاني

يسلمووووووووووووووووو

الله يعوضك خير حبيبتي

[المشتاقه الى الجنه]

اليوم ..

كنت متضاايقهـ ..

و بكيت ..

على كل حال حبيبتي الواحد لما يبكي برتاح وإن شاء الله يكون الموضوع الي مضايقك إنتهى بإذن الله تعالى

[المشتاقه الى الجنه]

امس وانا اسعف مصابين من حادث امام بيتى

بارك الله فيك أخوي ما شاء الله عليك قلبك قوي وتسعف مصابين
إن شاء الله يكون الي أسعفتهم صحتهم كويسه

[Smart]

بارك الله فيك أخوي ما شاء الله عليك قلبك قوي وتسعف مصابين
إن شاء الله يكون الي أسعفتهم صحتهم كويسه

الحمدلله
المرور والاسعاف جزاهم الله خير احضرو فى وقت خيالى

[shagrh]

30-10
مرور سنه على وفاة اخوى الله يرحمه

[الفارس]

كل يوم تسقط دموعي ...... واخرها فجر اليوم

( بسبة العدسات )

[PRINCESS]

الخميس الماضي
بكيت من شوقي لوالدي لما كلمني بالتلفون
ربي يفك اسره ومن معاه:weeping::weeping::weeping:

[طيوب]

بكيت لا شعوريا" على مناظر في هذا المقطع

http://www.************/watch?v=16nd_q_u27k&feature=related

[المشتاقه الى الجنه]

30-10
مرور سنه على وفاة اخوى الله يرحمه

لا حول و لا قوة الا بالله

انا لله و انا اليه راجعون

الله يرحمه و يغمد روحه الجنه .. ويجعل قبره روضه من رياض الجنه لا حفره من حفر النار

[LionFish]

ماتذكر :unsure:

[المشتاقه الى الجنه]

كل يوم تسقط دموعي ...... واخرها فجر اليوم

( بسبة العدسات )

هالعدسات مالهم لزمه يسوون حساسيه للعين

[المشتاقه الى الجنه]

الخميس الماضي
بكيت من شوقي لوالدي لما كلمني بالتلفون
ربي يفك اسره ومن معاه:weeping::weeping::weeping:

يارب يفكر أسره آمين يارب العالمين

[المشتاقه الى الجنه]

بكيت لا شعوريا" على مناظر في هذا المقطع

http://www.************/watch?v=16nd_q_u27k&feature=related

أخوي الرابط ما ينفتح لاكن أكيد المناظر تقطع القلب لأنك بكيت لا شعوريا

[المشتاقه الى الجنه]

ماتذكر :unsure:

ليش ما تتذكر الظاهر ما في شي قريب
الله يسعدك ويبعد عنك الهم والحزن

[ورقــة أمــل]

ليش مواضيعج هالايام عن الدمووع؟

بكيت امس عشان اخووي كاسر خاطرري وماقدرت اتحمل

[المشتاقه الى الجنه]

ليش مواضيعج هالايام عن الدمووع؟

بكيت امس عشان اخووي كاسر خاطرري وماقدرت اتحمل

يمكن أخوي هالأسهم جابتلنا الهم والحزن عشان هيك مواضيعي حزينه حسب النفسيه
ليش كاسر خاطرك أخوك خير خسران بالبورصه

[طيوب]

أخوي الرابط ما ينفتح لاكن أكيد المناظر تقطع القلب لأنك بكيت لا شعوريا

اوبريت الضمير العربي كامل وحصريا الجزء 4

youtube
"المناظر"

[المشتاقه الى الجنه]

معك حق أخوي المناظر تخلي الواحد يبكي

[عاشق الشهادة]

مشكوره أختي لطرحج لمثل هذه المواضيع ,,,

شبه يومي يدمي القلب قبل العين!!

[sendarala]

اليوم احاول اوقف وما اقدر من المرض العارض
الله يعطيكم الصحة والعافية

[فيزيائية]

دوووووووووم تنزل دموعي

خصوصا بالليل لما اتذكر ابوي الطيب

الله يرحمه :weeping:

[بنت^البحرين1]

3/11/2008
بعد وفاة جنين اختي الثاني ، الذي حملت به بعد انتظار سبع سنوات ولم تكتب له الحياة

الحمدلله على كل حال

[امل الحب]

:shy: من اسبوعين

لما كان قرار سفر اغلى ناسي مفاجيء ومو محسوب له اي حسااب :)

تحيااتي لج

[الملكة الام]

اختي المشتاقه الى الجنه


بكيت في صلاة القيام في العشر الاواخر كلها...انا واللي في المسجد كلهم...



الامام الله يكتب له الجنه تلاوته تصيح الحجر....



اختج العوده

[المشتاقه الى الجنه]

اليوم احاول اوقف وما اقدر من المرض العارض
الله يعطيكم الصحة والعافية

الله يشافيكي ان شاء الله
عن النبي – صلى الله عليه وسلم – أنه قال: (ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه.)

[المشتاقه الى الجنه]

دوووووووووم تنزل دموعي

خصوصا بالليل لما اتذكر ابوي الطيب

الله يرحمه :weeping:


اللهم اغفر له وارحمه وعافه واعف عنه وأكرم نزله ووسع مدخله واغسله بالماء والثلج والبرد ونقه من الخطايا كما ينقى الثوب الأبيض من الدنس وأبدله دارا خيرا من داره وأهلا خيرا من أهله وزوجا خيرا من زوجه وأدخله الجنة وأعذه من عذاب القبر ومن عذاب النار

[المشتاقه الى الجنه]

3/11/2008
بعد وفاة جنين اختي الثاني ، الذي حملت به بعد انتظار سبع سنوات ولم تكتب له الحياة

الحمدلله على كل حال

الله يعوضها عنه كل خير

[المشتاقه الى الجنه]

مشكوره أختي لطرحج لمثل هذه المواضيع ,,,

شبه يومي يدمي القلب قبل العين!!

الله يبارك فيك أخوي أكيد في الحياه هموم كثيره تدمي القلوب

[المشتاقه الى الجنه]

:shy: من اسبوعين

لما كان قرار سفر اغلى ناسي مفاجيء ومو محسوب له اي حسااب :)

تحيااتي لج

حبيبتي أمل الله يرجع كل غايب بالسلامه يارب

[المشتاقه الى الجنه]

اختي المشتاقه الى الجنه


بكيت في صلاة القيام في العشر الاواخر كلها...انا واللي في المسجد كلهم...



الامام الله يكتب له الجنه تلاوته تصيح الحجر....



اختج العوده

أختي بارك الله فيكي أحسن بكاء من القلب من كثرة الخشوع
أي مسجد جزاكي الله خير خلنا نصلي فيه رمضان الي جاي

[وثيقة قطرية]

من أسبوع تقريبا لأني

ماعندي هويه :weeping:

[لوردغاليري]

كانت اخر مرة بكيت من المرض وشدة الالم والله
ادعولي بالشفاء

[المخفي]

اليوم بحلقة اليوم من برنامج صباحك خير و كان موضوعهم عن الأم

[بوخالد911]

من أسبوع تقريبا لأني

ماعندي هويه :weeping:



الله يفرجها علييكم ان شاء الله


:secret::weeping::secret:

[بنت ذياب]

من أسبوع تقريبا لأني

ماعندي هويه :weeping:


فديييتج

ربج كررريم

اكثري من الاستغفار حبيبتي ..

والله اييسرها لكم ان شا الله ..

[بنت ذياب]

امس

لاني شفت شخص عزيز علي يصيح ومنكسر جداامي :weeping:

[!الشايمه!]

من اسبوع....تعرضت لموقف.....رغم ان كل التيجرز حفوني بطيبتهم
وصديقاتي حولي.......ولكن صعبت علي نفسي :(
اليوم الثاني تعرضت لنفس الموقف.....قلت بكون قويه....وبستحمل
احد التيجرز جاء يركض يطمن علي....ويحاول يطمني ويهديني....
عاد ماستحمل مثل هالمواقف....خريتها دموع :(

ماحب ابكي قدام الناس.....الله لايعودها...بس حسيت شكثر
رفيجاتي يحبوني....:)


تحية

[غناتي1]

سبحان الله

انا قوية قلب 00 وما تنزل دمهتي الا نادر

ومن تاريخ 25 -5 2006 وحبيبتي نورة مريضة

وانا ابكي لما اشوفها تتعذب

ومن تاريخ 11-12 توفت (( الله يرحمها ))

ومن هالتاريخ الى اليوم وانا ما احط راسي عالمخدة الا واتذكرها

وابكي غصب عني واترحم عليها

سبحان الله على اني كنت امسك نفسي واصبر غيري 00 الحين

كل شئ صار بالعكس دمعتي قريبة واجد على كل شئ

اتمنى اللي يمر ع الموضوع يدعي ل نوره بالرحمة والغفران

(( اللهم ارحم نوره رحمة كبيرة واغفر لها وتجاوز عن اخطائها

وابدل مرضها صحةً وعافية وابدلها بدار خير من هالدار وزوج خير

من هالزوج 00 واجمعنا بها وبمن تحب في جنة النعيم ))

[الخارجية]

امس يوم سمعت برنامج كيف اصبحت لعقيل الجناحي وعبدالرحمن الحرمي وكان الموضوع يتكلم عن الام الصراحة صيحونا من الصبح حتى عقيل كان يبغي ينهي البرنامج

[بنت الحرمي]

الشيء اللي ما احبه ،، ولكنه من الامور اللي لازم الواحد يمر فيها

(( الوداع ))

اخر مرة من كم من شهر لما سافرت وودعت من ودعت في المطار سالت دموعي التي لم استطع كتمانها او اخفائها

عادة انا ما ابكي ،،

ولكن الحياة والدنيا والمواقف والناس علموني الكثير علموني الصبر وقوة الاحتمل حتى في الشدة ،، حتى في اصعب المواقف ،،
حينها عندما اقارن نفسي باخرين احمد الله على مالدي من نعم كثيرة قد لا تتواجد عند البعض فيزول شيء من الهم



ولكن ولله الحمد بت اقوى من اي شيء ،،

لكم جزيل الشكر

[darkuae]

آخر دموع انزلت يوم الخميس

وأنا أشوف هالبوربوينت اللي في المرفقات

وصلني عن طريق الإيميل

مااااااااااااا أقسى أن ترى

قدوتك

ومثلك الأعلى

وأعز من خلق ربك

في حاااااااااااااااجه إليك

ويشكرك إذا حاولت بأن تعطيه جزء من وقتك

وتحس إنه مكسور

بعد ما انك كنت تراه أقوى ما خلق ربك

تراه الآن وقد بلغ من الكبر عتيا

وعصاه لا تحمله

وأجلكم الله لا يستطيع لبس نعله

لا حول ولا قوة إلا بالله


تصحيح للمعلومة التي في السطر الأول من موضوعي

آخر مرة نزلت دموعي الآن وأنا أكتب هذا الموضوع

اسأل الله العظيم رب العرش العظيم أن يشفي أبي ويعافيه
اسأل الله العظيم رب العرش العظيم أن يشفي أبي ويعافيه
اسأل الله العظيم رب العرش العظيم أن يشفي أبي ويعافيه
اسأل الله العظيم رب العرش العظيم أن يشفي أبي ويعافيه
اسأل الله العظيم رب العرش العظيم أن يشفي أبي ويعافيه
اسأل الله العظيم رب العرش العظيم أن يشفي أبي ويعافيه
اسأل الله العظيم رب العرش العظيم أن يشفي أبي ويعافيه

وأن يمده بالصحة والعافية وأن يرينا في مرضه عجائب قدرته
وأن يرينا كراماته في مرض الوالد

بأن يشفيه من كل سوء

[المشتاقه الى الجنه]

كانت اخر مرة بكيت من المرض وشدة الالم والله
ادعولي بالشفاء

الله يشفيك يارب وما تشوف شر

[المشتاقه الى الجنه]

بواسطة وثيقة قطرية



من أسبوع تقريبا لأني

ماعندي هويه




فديييتج

ربج كررريم

اكثري من الاستغفار حبيبتي ..

والله اييسرها لكم ان شا الله ..

إن شاء الله عن قريب يتحسن الحال ويصبح لديكي جواز موهويه آمين

[المشتاقه الى الجنه]

امس

لاني شفت شخص عزيز علي يصيح ومنكسر جداامي :weeping:

إن شاء الله يكون خير يارب

[المشتاقه الى الجنه]

من اسبوع....تعرضت لموقف.....رغم ان كل التيجرز حفوني بطيبتهم
وصديقاتي حولي.......ولكن صعبت علي نفسي :(
اليوم الثاني تعرضت لنفس الموقف.....قلت بكون قويه....وبستحمل
احد التيجرز جاء يركض يطمن علي....ويحاول يطمني ويهديني....
عاد ماستحمل مثل هالمواقف....خريتها دموع :(

ماحب ابكي قدام الناس.....الله لايعودها...بس حسيت شكثر
رفيجاتي يحبوني....:)


تحية

في ناس يفكروا البكاء ضعف
وأنا أقول بالعكس وخصوصا قدام أحد عادي
الواحده منا ماترتاح الا إذا بكيت

[المشتاقه الى الجنه]

سبحان الله

انا قوية قلب 00 وما تنزل دمهتي الا نادر

ومن تاريخ 25 -5 2006 وحبيبتي نورة مريضة

وانا ابكي لما اشوفها تتعذب

ومن تاريخ 11-12 توفت (( الله يرحمها ))

ومن هالتاريخ الى اليوم وانا ما احط راسي عالمخدة الا واتذكرها

وابكي غصب عني واترحم عليها

سبحان الله على اني كنت امسك نفسي واصبر غيري 00 الحين

كل شئ صار بالعكس دمعتي قريبة واجد على كل شئ

اتمنى اللي يمر ع الموضوع يدعي ل نوره بالرحمة والغفران

(( اللهم ارحم نوره رحمة كبيرة واغفر لها وتجاوز عن اخطائها

وابدل مرضها صحةً وعافية وابدلها بدار خير من هالدار وزوج خير

من هالزوج 00 واجمعنا بها وبمن تحب في جنة النعيم ))


(( اللهم ارحم نوره رحمة كبيرة واغفر لها وتجاوز عن اخطائها

وابدل مرضها صحةً وعافية وابدلها بدار خير من هالدار وزوج خير

من هالزوج 00 واجمعنا بها وبمن تحب في جنة النعيم ))




آمين يارب العالمين

[&بوشهد&]

الذكريات هي اللي تخنق العبرة عندي

[المشتاقه الى الجنه]

امس يوم سمعت برنامج كيف اصبحت لعقيل الجناحي وعبدالرحمن الحرمي وكان الموضوع يتكلم عن الام الصراحة صيحونا من الصبح حتى عقيل كان يبغي ينهي البرنامج

يا خساره ما سمعت البرنامج سمعت عنه كان رائع

[Er7m 3IoNy]

من شهر بالضبط

حالة وفاه عندنا بالعايله

[..er..]

ماعتقد البكاء نقطه ضعف ,,


ومن ناحيتي قبل يومين خنقتني العبره لمرض لواحد عزيز على قلبي :(


عسى رب البيت يشفيه ويخليه يارب :)

[المشتاقه الى الجنه]

أكيد البكاء مونقطة ضعف
بشكر كل الي مرو وأبدوا رأيهم

[سواد الليل]

5/11 يوم دفن الوالد الله يرحمه ويغمد روحه الجنة

[أمير المحبه]

قبل يومين هييييه شاقول بس

جاي من الدوام تعبان دشيت المطبخ وبكيت

ليش لان الخدامه كانت اتقطع بصل صج ترا ههههه

[أمير المحبه]

5/11 يوم دفن الوالد الله يرحمه ويغمد روحه الجنة

عسا مثواه الجنه يارب:)

[الخيميائي]

اذا ذكرت رصيدي بالحياة

وقارنته بالعمر المهدور والعمر الباقي الذي لا يعلمه الا الله

لازم تدمع عيني :(

الله يهدينا ويقوينا على جهاد انفسنا

[أمير المحبه]

انا بكيت تاسع او عاشر اواخر ارمضان واول مره والله صحت جني ياهل والله العضيم
مادري ليش انفجرت بكاء وخوي جنبي يطالع مستغرب لاني نادر ما ابكي والله
بس كان الامام يصيح وكان قت الدعاء بالضبط مسجد عبدالجليل
واخر مره ماقولج بكيت دمعت من حرقة قلبي لاني حبيت وحده من الاهل وهي عايشه بالايمارات
ونا في قطر وبعد 4 سنين محبه جيت اخطبها قالتلي امها مايصير ابيها تكون جنبي في الامارات
ومت قهر بس الحمدالله خلاص كملت حياتي وقلت قدر الله وماشاء فعل كانت بنت خالتي
عسا انت تكرهو شيئ وهو خيرا لكم (انا شكلي فضفضت اسف طولت )مشكوره اختي

[naklan]

اذا ذكرت رصيدي بالحياة

وقارنته بالعمر المهدور والعمر الباقي الذي لا يعلمه الا الله

لازم تدمع عيني :(

الله يهدينا ويقوينا على جهاد انفسنا

الله يعطيك الصحه و طوله العمر

[qqaattaarr]

من زمان
بس ماادري متى

[!الشايمه!]

الله يصبرج ويمسح على قلبج.....يا غناتي


(( اللهم ارحم نوره رحمة كبيرة واغفر لها وتجاوز عن اخطائها

وابدل مرضها صحةً وعافية وابدلها بدار خير من هالدار وزوج خير

من هالزوج 00 واجمعنا بها وبمن تحب في جنة النعيم ))

الله يرحمها...ويغمد روحها الجنة

تحية

[m&m &Qatar]

أبكى عندما أرى شابا فى مقتبل العمر ويضحى بنفسه من أجل وطنه والطفل اللى لا حول له ولا قوة يصاب برصاص من العدو أبكى عندما أرى أم تبكى على فقدانها للأبنائها أبكى عندما أرى الأرض وهى تغتصب وتحتل على أيدى الحاقدين أبكى عندما أرى الظلم وأعيش به أبكى عندما أرى أستغلال الناس الى أصحاب النفوس الضعيفه . أبكى على أيش وأيش وأيش ولكن ما قول الا الحمد لله على السراء والضراء.

وشكرا لكم مع أنكم حركتوا بداخلى جروح ومشاعر كدت أنساها من زمان

[ذيبه مزاجيه]

اصعب و اكثر موقف اثر في حياتي و غيرني كليا هو وفاة امي .. بالذات في اللحظه اللي شفتها فيها جسد بلا روح .. وكنت اشوف كل اخواني و خواتي يصيحون بحرقه عليها مثل اليههال رغم انهم كلهم اكبر مني ..

صحت صياح عمري ما صحت مثله .. فقدت امي واللي كانت حياتي .. الله يرحمها و يغمد روحها الجنه

من يوم وفاتها و انا ابكي عليها كل يوم تقريبا .. الله يصبرنا

وادعوا لها بالرحمة و المغفره و بالجنه جزاكم الله خير

الله يرحمج يا يمه و يغمد روحج الجنه و يجعل قبرج روضه من رياض الجنه لا حفره من حفر الناااااار آآآآآآآآآآمين ..

[اسعاف]

الحياة مليئه بالاحزان والافراح


مليئه بالامل والالم


مليئه بالحب والكره


مليئه بالضعف والقوه


فلا يوجد منا من لم يمر بهذه اللحضات

وخنقته العبارات فلم يستطيع اللسان عن التحدث او القول بما هو مفيد

وعندئذ تتحدث العيون هذه اللغه التي لاتكون مفهومه

فتتساقط دموع من تلك العيون

اصدقائي حبيت اسئل متى كانت اخر مره سقطت دمعه من عينيك(ي) ولماذا؟

اليوم في خطبة الجمعة

لما دعا الخطيب لأهل غزة المحاصرين حيث لا كهرباء ولا خبز ولا منافذ مفتوحة وووو

[أمير المحبه]

اصعب و اكثر موقف اثر في حياتي و غيرني كليا هو وفاة امي .. بالذات في اللحظه اللي شفتها فيها جسد بلا روح .. وكنت اشوف كل اخواني و خواتي يصيحون بحرقه عليها مثل اليههال رغم انهم كلهم اكبر مني ..

صحت صياح عمري ما صحت مثله .. فقدت امي واللي كانت حياتي .. الله يرحمها و يغمد روحها الجنه

من يوم وفاتها و انا ابكي عليها كل يوم تقريبا .. الله يصبرنا

وادعوا لها بالرحمة و المغفره و بالجنه جزاكم الله خير

الله يرحمج يا يمه و يغمد روحج الجنه و يجعل قبرج روضه من رياض الجنه لا حفره من حفر الناااااار آآآآآآآآآآمين ..

الله يرحمهااااااا ويغمد روحها الجنه
وكلنا لها مردنا كلللللللللللللللللنا انموت:weeping:
فنعمل خير فالدنيا لان الدنيا عباره عن بنك للاخره فلنجمع رصيد موب من الافلوس
لا رصيد من الحسناااااااات عشان يكون عندنا رصيد كافي في اخرتنا
وموفقه انشالله:(

[فلفل حار]

اصعب و اكثر موقف اثر في حياتي و غيرني كليا هو وفاة امي .. بالذات في اللحظه اللي شفتها فيها جسد بلا روح .. وكنت اشوف كل اخواني و خواتي يصيحون بحرقه عليها مثل اليههال رغم انهم كلهم اكبر مني ..

صحت صياح عمري ما صحت مثله .. فقدت امي واللي كانت حياتي .. الله يرحمها و يغمد روحها الجنه

من يوم وفاتها و انا ابكي عليها كل يوم تقريبا .. الله يصبرنا

وادعوا لها بالرحمة و المغفره و بالجنه جزاكم الله خير

الله يرحمج يا يمه و يغمد روحج الجنه و يجعل قبرج روضه من رياض الجنه لا حفره من حفر الناااااار آآآآآآآآآآمين ..

كلامج عور قلبي والله

الله يرحمها ان شاء الله

[فلفل حار]

دريت بشي ماكان لازم أعرفه وضايقني وايد ودمعت عيني شوي

ومن الضيقه ماستحملت اقعد بالبيت طلعت من البيت الساعه 2 و ضربت خط لي الخور ورحت قعدت صوب البحر هناك وتوني راد من شوي

مع العلم انه الموضوع الي ضايقني ماله علاقه بالخور بس شلون رحت وليش مادري :)

[Smart]

اليوم الصح وانا اسمع وطنى الحبيب وبنت اتصلت عمرها 17 واختها 15 واخوهم 10 وابوهم كبير فى السن 74 سنه وامهم ميته ولا عندهم معين الا راتب الشوؤن
شى محزن من قلب

[بنت ذياب]

اليوم الصح وانا اسمع وطنى الحبيب وبنت اتصلت عمرها 17 واختها 15 واخوهم 10 وابوهم كبير فى السن 74 سنه وامهم ميته ولا عندهم معين الا راتب الشوؤن
شى محزن من قلب

قطرررية ؟:omg:

[بنت ذياب]

انا بكيت تاسع او عاشر اواخر ارمضان واول مره والله صحت جني ياهل والله العضيم
مادري ليش انفجرت بكاء وخوي جنبي يطالع مستغرب لاني نادر ما ابكي والله
بس كان الامام يصيح وكان قت الدعاء بالضبط مسجد عبدالجليل
واخر مره ماقولج بكيت دمعت من حرقة قلبي لاني حبيت وحده من الاهل وهي عايشه بالايمارات
ونا في قطر وبعد 4 سنين محبه جيت اخطبها قالتلي امها مايصير ابيها تكون جنبي في الامارات
ومت قهر بس الحمدالله خلاص كملت حياتي وقلت قدر الله وماشاء فعل كانت بنت خالتي
عسا انت تكرهو شيئ وهو خيرا لكم (انا شكلي فضفضت اسف طولت )مشكوره اختي


:eek5: بس جي !

لو تبيها صج كان خطبتها مرة ومرتين و 3..

رد اخطبها مرة ثانيه .. علشان يحسون انك صج شاريها !!

[بنت ذياب]

اصعب و اكثر موقف اثر في حياتي و غيرني كليا هو وفاة امي .. بالذات في اللحظه اللي شفتها فيها جسد بلا روح .. وكنت اشوف كل اخواني و خواتي يصيحون بحرقه عليها مثل اليههال رغم انهم كلهم اكبر مني ..

صحت صياح عمري ما صحت مثله .. فقدت امي واللي كانت حياتي .. الله يرحمها و يغمد روحها الجنه

من يوم وفاتها و انا ابكي عليها كل يوم تقريبا .. الله يصبرنا

وادعوا لها بالرحمة و المغفره و بالجنه جزاكم الله خير

الله يرحمج يا يمه و يغمد روحج الجنه و يجعل قبرج روضه من رياض الجنه لا حفره من حفر الناااااار آآآآآآآآآآمين ..


الله يصبررررررركم يارب

ادمعت عيني وانا اقرى كلامج ..

:weeping::weeping:

اللله يرحمها يارب ويغمد روحها الجنه ..

:weeping:

[Smart]

قطرررية ؟:omg:

قطريه وساكنين فى السيليه حتى راتب الشوؤن ما يقدرون ياخذونه كل شهر فى وقته لان ابوهم كبير ومريض وهم صغار

[بنت ذياب]

قطريه وساكنين فى السيليه حتى راتب الشوؤن ما يقدرون ياخذونه كل شهر فى وقته لان ابوهم كبير ومريض وهم صغار

:weeping: حرااااااااام ,, اهلها ويين

الله يعينهم والله ,, :(

ويشفي ابوهم ..

[المركزي]

ابكي دائمأ اذا شفت احد يبكي

[الكولونيل]

في شهر رمضان وفاة خالي

[شمعة المنتدى]

انا آآآآآخر مره بكيت ..

أمس ..

والسبب ..

مشاكل متراااكمه .. وضغط .. أدى اني أبكي ..

و شي ثااني .. تعرفه روز ..

" عليه العوض "

:)

[روح قطريه]

امس..حلمت بيدتي الله يرحمها

[فلفل حار]

حزات الانسان تجيه لحظات وده يفضفض ويبكي حتي علي اتفهه الاسباب

بس والله لي فكرتوا فيها

الدنيا ماتستاهل والي نخسره نعوضه بالأحسن ان شاء الله :)

[أمير المحبه]

:weeping:

:eek5: بس جي !

لو تبيها صج كان خطبتها مرة ومرتين و 3..

رد اخطبها مرة ثانيه .. علشان يحسون انك صج شاريها !!

يالغاليه خلاااااص لان هاي والله ثالث مره اخطبها ومها اتقول والله انك زين
ومن هالسوالف بس الابنيه ابيها اتكون جنبي في دبي قلت الله يوفقها
خلاص شاسوي قسمه ونصيب:(:weeping::(

[فهد111]

انا ادمع كل ماشوف ابوي يشيل جدي يوديه ويجيبه ويقعد معاه طول اليووم يلبي طلبااته ويرقد جنبه وتارك كل شغله مهم ولا مب مهم عشان ابوه
الله يحفظه ويخليه لنا يارب

[بنت ذياب]

:weeping:

يالغاليه خلاااااص لان هاي والله ثالث مره اخطبها ومها اتقول والله انك زين
ومن هالسوالف بس الابنيه ابيها اتكون جنبي في دبي قلت الله يوفقها
خلاص شاسوي قسمه ونصيب:(:weeping::(


:( ربك كريم ..

يمكن خير لك .. ماتدري

الله ايوفقك اخوي ..

[أمير المحبه]

:( ربك كريم ..

يمكن خير لك .. ماتدري

الله ايوفقك اخوي ..

ويوفقج اختي الغاليه
الحين قاعد سرششششنغ عن المره ههههههه:shy:
الوالده اتقولي مابيكمل 3 او 4 اشهور وسولك
داونلود للمررره انشالله ههه عليها سوالف
الله يطول في عمرهاااا يارب :)

[vimto]

يمكن صار لي فوق 4 او 5 سنوات ما بكيت

مات الي مات وصار الي صار ولا شي ولا دمعه

بس من قبل رمضان بكم يوم صاار شي

خلاني كل يوم ابكي

واذا جد جد ضاقت فيني الدنياا

أمسك خط قطر واسرع حد ما اقدر وارجع بعدين

الانه ما فيه فايده

[أمير المحبه]

يمكن صار لي فوق 4 او 5 سنوات ما بكيت

مات الي مات وصار الي صار ولا شي ولا دمعه

بس من قبل رمضان بكم يوم صاار شي

خلاني كل يوم ابكي

واذا جد جد ضاقت فيني الدنياا

أمسك خط قطر واسرع حد ما اقدر وارجع بعدين

الانه ما فيه فايده

يالغالي مافهمت اشلون تمسك خط قطر وتسرع وليش تسرع حدك يعني
يالغالي الدنيا زواله والله اسال اخوك ترا وربي شاهد اني تعنيت وايد
وماحب اتكلم بس ابينلك ان مافي شي يسوى اتزعل نفسك عليه ونا اخوك:(