توقعاتكم ليوم غدا الاثنين

[x5x5]

على أمل ان يكون التداول يوم غد احسن حال من الايام الي مضت انشاء الله
وناس تمسك اعصابها وماتشرد

عطوني توقعاتكم

[سلطان]

اتوقع انه لن يفرق كثيرا عن اليوم , واعتقد يوم الثلاثاء سيبدأ الصعود

[ضايق الصدر]

انا اتوقع اطاحة قوية لسهم المتحدة وشوف الشاشة تبع السوق كم الطلب
وهذا يدل انة بكرة بيتزعزع السهم شوية

[اللورد]

الأسهم القويه والقياديه في قطاع البنوك والتأمين والخدمات غدا ستكون بداية الارتفاع ان شاء الله أما مسلسل الليمت داون فأنه سيستمر على شركات المخازن والمواشي و الإجاره والتخصصي.وذلك بسبب ضخامة الكميات المعروضه للبيع اليوم والتي تزيد عن 600 الف سهم معروضه بالحد الأدنى للبيع لأسهم هذه الشركات.

وكلي أمل ان لايتم عرض هذه الكميات غداً للبيع ايضاً

[الشقيان]

اخوووووي ضايق الصدر شكلك تبي اتنزل سهم المتحده علشااااان تشتري ;)

بس المتحدة مب حرام اسهمها اخوووووووووي :confused:

(( ههههههههههههههههههههههههههه)) :D :D

[deepbluesea]

من باجر المفرووض يبدأ الارتفاع
خلالالالالالالالاص مافيه وقت ، الناس تلعب الحين في الوقت الضايع
الاسهم بتروح فووووق بتروح فوووق
يعني بالعربي يمكن يكووون باجر اخر يوووم تلعب فيه الهوامير لعبتها قبل دخول الاجانب

بس ان شاء الله راح ترتفع الاسعااار

[الرمز]

اخوووووي ضايق الصدر شكلك تبي اتنزل سهم المتحده علشااااان تشتري

بس المتحدة مب حرام اسهمها وان شاء الله فووووووووووووووووووووووووووووووق

[موادع قطر]

اتوقع استمرار مسلسل النزول.....................؟

[احمد]

الله لا يقول
4 أيام نزول و خسارة 524 نقطة
أعتقد هذى كفاية

[سهم طايش]

من عشر ايام و السوق مب عدل كلش في خلل صاير من وين الله اعلم !

مع ان المفروض يكون الاسبوع هذا مرتفع لانه اخر اسبوع قبل تداول الاجانب و انا اشوف العكس

شالسبب ؟؟؟

[عبد الوهاب]

الصراحة ما ادري بيرتفع سعر السهم ولا بينزل ، لكن الى اعرفة ان الواحة لازم يشتري شىء قبل نهاية يوم الخميس0 [b]

[ضايق الصدر]

الشقيان والشرياص
شفيكم علي

[ولد الهلال]

اتوقع بكرة ان شاء الله ارتفاع بس خلاص زهقنا من الون الاحمر والله ايوافق سهم المتحدة روح والله واياك

[Alemadi]

انشالله بيكون ارتفاع بكره والي بعده ... روحي يالمتحده وانشالله بتكسر 150 ريال ... لاحظوا بعد ما السهم تخطى 100 ان في كميه اكبيره من اسهم انباعت وشروهم مستثمرين جدد في المتحده على امل في ارتفاع كبير ... والحمدالله السهم ليحين مقاوم الهبوط التصحيحي واتوقع ان لازم بيكون هبوط تصحيحي لفتره بسيطه

الله يوقق جميع المسلمين

[THE END]

انا اتوقع نزول خاصه المواشي والمخازن لانه اليوم لمت داون واصلا ارتفاعهم مش على اساس منطقي والله يعين انشاء الله وقريب نشوف الاخضر

[الوجيه]

انا اتوقع ان من يوم الثلاثاء او الاربعاء يبدأالارتفاع على الاقل ثلاثة ايام يكون لمت اب علشان ترجع لنا الروح و البسمه

واتمنا الربح و الفائده لجميع الشعب القطري

[الجوري]

الله لايجييب نزول

[المسكين]

التوقعات انشاء الله بيكون اول الصبح لمت داون


لاكن على الساعه 10.30 انشاء الله بحيل الله بيرجع السوق مثل ماكان واحسن قولو اااامين



(لمت داون على بعض الشركات مو الكل ) وانتو عارفينهم مايحتاج اذكرها )

[(.. عمله صعبه..)]

يالربع النزول هذا شي عادي وكان متوقع له ويمكن بعد ينزل السوق اكثر اذا ماارتفع بكره

وهذي الفتره الي يمر فيها السوق اول شي يغري المستثمرين الاجانب لشراء وبشكل قوي لان السوق

نازل ثاني شي لاتنسون انا الاجانب بيدخلون ب 25 % وهذي شي جيد لنا كصغار مستثمرين وبيدخلون بقوه كي ياخذون ها الكميه

وانا اوصيكم واقووول اشترا اي شي اتشوفه قدامكم

اللهم هل بلغت اللهم فأشهد

[الطيف المسافر]

ان شاء الله فوووووووووووووووووووووووق

[محمد بن حمد]

ياخي معقدين اعماركم بسالفة الهوامير والهوامير

على فكره السوق اقوى من الكل .. ويمكن انه يظيع الهامور ويغرقه وبعدين مب كل الهوامير يد وحده يعني هامور يبي يرفع السعر والثاني يبي ينزله فالسوق ماله تاثير واظح منهم

المشكله كل ابوها في صغار المستثمرين هم اللي عافسين السوق بخوفهم ويحسبون ان الهوامير متحكمين ضيعو نفسهم وضيعوا الهوامير معاهم

ملاحظه صغيره ... يوم يكون فيه 500 الف سهم مواشي معروضين على اللمت داون والطلب صفر اروح انا واجي وازيد الطين بله اعرض بعد اسهمي لين يوصل العدد قريب المليون سهم مواشي معروضين يعني في ذمتك من اللي راح يلمهم من السوق اي هامور راح يلمهم .. بعدين العرض كله كان من صغار المستثمرين اللي لا يطالع تحليل ولا يفكر ولا يعرف شلون يرفع السعر ويقلل العرض عشان يتعدل السعر والدليل انهم هم تقارن المعروض بعدد الطلبات وكل طلب كم سهم فيه يعني المساله مسالة جهل
الله يستر