سؤال ضروري يا الربع

[نو لمت]

السلام عليكم
يا اخوان عندي سؤال ضروري
ويا ريت احصل جواب شاافي!!
الحين من الي يحدد ان الاسهم تنزل او ترتفع؟؟
يعني عندي سهم في شركه ماااا اليوم 10 ريال بكرة 11؟؟؟ شمعنى زادت ريال؟؟؟ شاللي صار عشان تزززيد؟؟؟ ابي اعرف شلون الدنيا ماشيه في الاسهم :eek5:

شي ثاااني علممموني شلون المضاربه؟؟؟ هي تنفع صغار المستثمرين؟؟ تراني مو فاهمه بالسوووق وحابه اتعلم

[بوجبر]

هذا تلاعب المحافظ لاغراء الافراد لرفع السهم

حاسب ليصيدونك ّّّ!!!

[الديرة]

السلام عليكم
يا اخوان عندي سؤال ضروري
ويا ريت احصل جواب شاافي!!
الحين من الي يحدد ان الاسهم تنزل او ترتفع؟؟
يعني عندي سهم في شركه ماااا اليوم 10 ريال بكرة 11؟؟؟ شمعنى زادت ريال؟؟؟ شاللي صار عشان تزززيد؟؟؟ ابي اعرف شلون الدنيا ماشيه في الاسهم :eek5:

الجواب الشافي : إذا كان هناك طلب على السهم يزيد سعره ، وإذا هناك بيع كثير على السهم ينزل سعره .

هذه نظرية معروفة اسمها : العرض والطلب

[مساهم عادي]

ماشية بالفهلوة....
ومرات بالكذب والخداع..

نادر ما تحصل سهم ماشي صح

انا بإذن الله اذا طلعت براس مالي....مب راجع لهذا الجو المفعم بالغش والكذب والخداع والضحك على الناس..بلا حسيب او رقيب..

[محمد بن حمد]

هلا وغلا

اللي يحدد سعر السهم هم الناس نفسهم .. انتي تعرضين سهمج على السعر اللي تبينه وانا احط سعري اللي ابي اشتري فيه

مثال
انتي عرضتي سهمج على سعر 11

وانا طالب اشتري سهمك على سعر 10

اذا حد شرى من العرض مالج بصير سعر السهم 11

واذا حد باعني على حسب طلبي اللي هو ب 10 بصير سعر السهم 10

وهذا ابسط تمثيل وطبعا ينطبق ها الشي على جميع الاسهم وعلى اسعار متفاوته وكل يوم الناس تغير اسعارها وتحط سعر يناسبها واكثر الناس مع الخيل يا شقره تشوف حد عارض على سعر 10 يقومون يعرضون بسعر اقل منه عشان تنباع اسهم قبل وينزلون الاسعار

فهمتي ولا اعيد

تحياتي