حصريا Bmw الفئة السابعة 2009 تصل الدوحة !!!!!!!!!!!!!!!!!!!!!!!!!!!!!!!!!!!!!

[PoBox]

بسم الله الرحمن الرحيم

BMW الفئة السابعة 2009 الجديده كليا من الداخل والخارج
جاهزة للتسليم لأصحابها في اسطبلات البيئم :rolleyes2:
وبالهنا والشفا

* القزوز كوبي من اللكزس
والخلفية اجمل من القديمة
لكن المقدمة فيها شوية عمليات شد


تصوير:: PoBoxing
الكاميرا :: Nokia N95
اترككم مع الصور





http://images.1aauto.com/models/BMW_Logo.jpg





http://www.qatarshares.com.qa/data/11/13/storm_1350826201_202853004.jpg





http://www.qatarshares.com.qa/data/11/13/storm_2032972623_1662123967.jpg





http://www.qatarshares.com.qa/data/11/13/storm_1213705077_935690635.jpg





http://www.qatarshares.com.qa/data/11/13/storm_370725667_475970510.jpg





http://www.qatarshares.com.qa/data/11/13/storm_1582012505_749750002.jpg





http://www.qatarshares.com.qa/data/11/13/storm_1150839875_2126202445.jpg






http://www.qatarshares.com.qa/data/11/13/storm_784912119_852546533.jpg





http://www.qatarshares.com.qa/data/11/13/storm_227514161_634798248.jpg





http://www.qatarshares.com.qa/data/11/13/storm_992569766_226585838.jpg





740Li

http://www.qatarshares.com.qa/data/11/13/storm_1528011693_1501587641.jpg



750Li

http://www.qatarshares.com.qa/data/11/13/storm_994954906_471862344.jpg

[moschino8]

الله يعطيك العافيه .. ماعندك فكره عن الاسعاار ؟

[بومشاري؟]

مشكور والله يعطيك العافية

[إنتعاش]

الله يعطيك العافيه يامستر بوكسنق الرهيب

تصوير حلو ومشكور عليه عطيتنا فكرة عن البي ام الجديدة

الرأي :

1- القزوز كوبي من ليكزس LS 460
2- الاسطاب الخلفي ايضا من لكزس LS 460

شوف معاي :

http://www.finddoug.com/lexus/ls460-2.jpg

http://www.qatarshares.com.qa/data/11/13/storm_1350826201_202853004.jpg



3- السعر مبالغ فيه الحقيقة
يعني اقل نوع 740 تكون 6 سلندر تون تيربو
سعرها بعد الخصم 420 الف ريال !

ليش ؟
حق شحقه ؟


مع الخيارات الاخرى المتاحه المنافسه :

1- مرسيدس S350 : حدود 370 الف ريال >> 6 سلندر
2- AUDI A8 : حدود 260 الف ريال >> 6 سلندر
3- ليكزس LS 460L : القيمة 300 الف ريال >> 8 سلندر


الخلاصة : تتربى بعزهم ان شاءالله :)

[6611]

صرراحه ما عليها كلام

واذا ارتفعت الاسهم خذت وحده ^_*


يعطيك العافيه اخوي عالموضوع

[المشتاقه الى الجنه]

شكلها ما تغير كثير أنا بنتظر نزولها وقالوا تنافس المايبخ ولا تنافسها ولا شي

[ساحر برشلونة]

الله يعطيك العافيه

[lwsail]

شكلها حلو وتحتاج وقت للتعود على شكلها......لكن الاسعار مبالغة وغير منافسة ......يعطيكم العافيه

[bu hadi]

مشكور اخوي على الصور ويعطيك العافية
بس فعلا مثل ماقال مديرنا انتعاش السعر مبالغ فية وااااااااجد

[Villagio]

من صجهم هالاسعار؟ عيل وين الاسعار بتطيح والازمة المالية واليورو نازل وهالكلام
s:

[أم الزين]

عساك سالم اخوي على هالتصوير والتغطية

بس الصراحه رأيي الشخصي ان الشكل كلش ماتغير وااااااااجد يعني

اقصد ما يعتبر تغيير شاااااااامل

ترا فيها من القديمه

يعني مش التغيير اللي يحدني اشتريها الصراحه

بكل امانة

هذا يشيخ عليها بمليون مره

http://farm3.static.flickr.com/2326/2059288639_546297e0b1.jpg

[بن درهم]

صحيح تشبة الكزس بس ترى هذي بي ام الاماني مو ياباني

[Abdulla86]

بصراحه مبالغ فيها جدا بالسعر

ومقارنه بالأمارات فرق السعر كبير جدا

لأن توني محصل BMW 750LI انديفيجول لونها احمر ومن الداخل احمر وفيها شاشات ورا وموديل 2009

مطلوبة 500 انا لو كانت هالمواصفات في الدوحه ماتوقع تقل عن 580 الف

والـ 740 محصلها في الأمارات بـ 420 فيها شاشات ورا و 8 سلندر ولوكانت في الدوحه شو كم بتكون واصله

بصراحه انا من عشاق الألماني bmw ومافكر اسوق غير هالموتر وانا اتوقع ان هالشكل مراح ينجح في البداية وخاصة الأسعار جدا جدا مبالغ فيها صحيح ان فيها رفاهيه تفوق عن كل السيارات اللي موجوده حاليا بس حتى ولو مب يرفعون سعرها للسما

إذا 750 بـ 500
و 740 بـ 420

طيب الـ 730 بكم ؟؟!!

وهذا رأيي وشكرا

[ابن قطر]

لازم ينزلون الاسعار عشان نشتري
او
كيفهم

[ذيب البورصة]

صحيح ان السعر مبالغ فيه لكن

فيها مواصفات ولا في اي سياره ثانية من التكنولوجيا

انا رحت وشفت السيارة وركبتها وكانت في المعرض اللي خلف السيتي وبصراحه الموتر

ماعليه كلام رهييييييييييييييييييييييييييييييييييييب

ومن مواصفاتها :

-وجود كاميرات جانبيه + خلفيه + امامية ورؤيه ليليه
-عند الانحراف بالسيارة من غير قصد يهتز السكان للتنبيه
- التصفح بالانترنت .
-يوجد هارد ديسك يستطيع ان يحفظ لك 100 البوم من الاغاني والصور بمعنى انك لما تحط السي دي تقدر تسويله save بالاغاني الموجوده وبعدها قط السي دي وايضا تقدر تحفظ وتصفح الصور الخاصة اللي عندك الكاميرا .
-اذا دخلت السيارة الوكاله وعندك صور خاصه تقدر تحط فلاش ميموري وتسحب كل اللي في الهارد ديسك وبعد ماتستلم السيارة ترجع كل شي لمكانه بضغطة زر .
التلفزيونات اللي ورى تقدر تشغل فيها البلاي ستيشن وغيرها من الالكترونيات .
- السيرفس المجاني للسيارة مثل الموديلات اللي قبل .
- السيارة طولوها اكثر من اللي قبلها بشوي وصارت اوسع .
- نظام الخرائط ثلاثي الابعاد .
وغيره الكثير من المواصفااااااااات

بالنسبه لي احرقت المرسيدس .. :)

ويعطيكم العااااااااااافيه

[alwahesh]

مشكور والله يعطيك العافية

[شورت تايم]

انا اللي سمعته من الوكاله ان سعر
740 بينزل سعرها لين 380 الف مع بداية 2009
انا ما جبت شي من عندي هذا على حسب كلامهم

[إنتعاش]

صحيح ان السعر مبالغ فيه لكن

فيها مواصفات ولا في اي سياره ثانية من التكنولوجيا

انا رحت وشفت السيارة وركبتها وكانت في المعرض اللي خلف السيتي وبصراحه الموتر

ماعليه كلام رهييييييييييييييييييييييييييييييييييييب

ومن مواصفاتها :

-وجود كاميرات جانبيه + خلفيه + امامية ورؤيه ليليه
-عند الانحراف بالسيارة من غير قصد يهتز السكان للتنبيه
- التصفح بالانترنت .
-يوجد هارد ديسك يستطيع ان يحفظ لك 100 البوم من الاغاني والصور بمعنى انك لما تحط السي دي تقدر تسويله save بالاغاني الموجوده وبعدها قط السي دي وايضا تقدر تحفظ وتصفح الصور الخاصة اللي عندك الكاميرا .
-اذا دخلت السيارة الوكاله وعندك صور خاصه تقدر تحط فلاش ميموري وتسحب كل اللي في الهارد ديسك وبعد ماتستلم السيارة ترجع كل شي لمكانه بضغطة زر .
التلفزيونات اللي ورى تقدر تشغل فيها البلاي ستيشن وغيرها من الالكترونيات .
- السيرفس المجاني للسيارة مثل الموديلات اللي قبل .
- السيارة طولوها اكثر من اللي قبلها بشوي وصارت اوسع .
- نظام الخرائط ثلاثي الابعاد .
وغيره الكثير من المواصفااااااااات

بالنسبه لي احرقت المرسيدس .. :)

ويعطيكم العااااااااااافيه


احترم رايك اخوي الغالي

لكن ولكن ولكن

لما يكون سعرها = سعر المرسيدس
هنا صح الواحد يفكر فيها

لكن اغلى من المرسيدس !
اعتقد انها بتوقف في كبود الوكلاء

خصوصا في هالتوقيت السيء من ناحية مشاكل القوة الشرائية وتداعياتها

يعني الوكلاء في كل مكان يواجهون ضغوط كبيرة من الشركات الأم بتصريف الكميات
يعني في ازمة وفي مصانع بتفلس و و و و ..

فتوقيت طرحها الصراحه بيخذلها في تقديري واكبر عامل بيواجهها سعرها المرتفع
المفروض يكون هناك شفافيه لسعر السيارة باليورو وكوتيشن يتقدم بسعر اليورو
عشان الواحد يقدر يراقب سعر العمله ويعرف كم نزل من سعر السياره
مثل شركة الدانة للسيارات تسوي هالشي اللي هم وكلاء بنتلي
لكن البي ام ما يسوونه حسب كلامي مع موظف مبيعات يقول لأ صعبه !
يعني اشكره ... نبي نبيع بالسعر اللي احنا نبيه .. وسكتوا !
الناس فتحت الحين وصارت تقرأ وتعرف و تراقب الاخبار مش مدمغه مثل اول ..

ارجع لهالموضوع وشوف
http://www.qatarshares.com/vb/showthread.php?t=216567

[أكتتاب]

شكرا على الموضوع .. بصراحه البي ام وسواقتها لا يعلى عليها نهائيا
وتكنولوجيا ورفاهيه اكثر من كل المواتر المنافسه
لعل السعر مبالغ فيه وخصوصا مع هالوقت
لكن السياره ماعليها كلام .. بس ماصار تغير كبير اشوف ! ! لكن تظل البي ام جميله

الف شكر على الصور

:)

[شورت تايم]

أذا ضل الدهور لفتره مش اقل من 6 شهور
اتوقع ان بينزل البي أم لين تحت 300 الف
ويمكن 250 الف وطبعآ معظم السيارات الالمانيه
واليابانية

ومن الدراسات والتحاليل الاقتصاديه العالميه
الصادره من الدول الاوروبيه ان الركود والكساد
بيستمر لفترة سنتين يعني 24 شهر

وحتى اذا انتهت فتر الكساد مستحيل كل شي يرجع
نفس قبل بسهوله

[سهم طويل الأجل]

مهما كانت أسعارها غالية
عندنا ناس تموت في شي أسمه تميز
على فكرة الدفعة الأولى عبارة عن 600 سيارة محجوزة بالكامل حسب تصريح مسؤول بالشركة يوم التدشين نسيت اسمه بصراحة :unsure:

[إنتعاش]

مهما كانت أسعارها غالية
عندنا ناس تموت في شي أسمه تميز
على فكرة الدفعة الأولى عبارة عن 600 سيارة محجوزة بالكامل حسب تصريح مسؤول بالشركة يوم التدشين نسيت اسمه بصراحة :unsure:

نعم اخوي بالفعل ( كانت ) محجوزة بالكامل
لكن الآن ابشرك ان موظفي المبيعات
يزورون مكاتب رجال الاعمال تسويق للسيارة
تخيل ؟
..

وانا كنت ادور حجز .. قبل على ايام شهر 6 و 7
وكانو يقولون مافيه انسى كل شي محجوز ..

كلمتهم من اسبوعين تقريبا
قال الصراحه مافي بالدفعه الاولى ولا الثانيه ولا الثالثه
قلت : اففف خساره ..
قال : بس انت اي لون تبي ؟
قلت له : يعني لون رسمي اسود او رصاصي غامق او يعني هالشكل
قال : لحظه اشيك .. تشك تشك تشك . ..
اووووه .. لحظه .. قلت : هلا
قال : حظك لقيت لك سيارة لونها اسود بأول دفعه ..
قلت : ماشاءالله !
قال : اي نعم
قلت : ممتاز خلاص اجيكم ان شاءالله >> هاي ويهي
قال : ممكن اسمك الكريم ورقمك
قلت : تفضل ...فلان الفلاني ..
شكرا
شكرا ..
http://www.qatarshares.com/vb/showpost.php?p=3346205&postcount=3

هههههههههه :nice:

[سهم طويل الأجل]

قال : ممكن اسمك الكريم ورقمك
قلت : تفضل ...فلان الفلاني ..
شكرا
شكرا ..


هههههههههه :nice:


خذوا رقمي مرة وسندروني اتصالات
إلا تشتري غصب ..

وبالنسبة للإعلان أن الدفعة محجوزة فمثل ماقلت حضرتك أن السالفة ومافيها أنك يوم تروح ويلقون لك موتر تحس أنك محظوظ وتخلص معاهم بسرعة :anger1:

[وحيد-الشوق]

حلوة السيارة

بس السعر مبالغ فيه والخلفيه تقليد للكزس ويقولون الالماني والالماني :rolleyes2:

يعطيك العافية بوبوكسنج :rolleyes2:

[شورت تايم]

معروف شغل الوكالات والمعارض
شغل سمسرة يبون يمشون مبيعاتهم
ويبينون لك انه اذا ماخذت في الف واحد
بياخذ
حسبي الله ونعم الوكيل

[auto body]

مشكور على التصوير الحصري يابوكسنج

[همر]

اولا.. ال 730 وقفوه وماراح ينزل الا 740 و 750

بس مكينة ال 740 اصلا 3000 سي سي 6 سلندر ... يعني معنويا هي 730 بس خارجيا 740...


للمقارنة مع المرسدس .... :nono:

اعتقد انه اطقع من المرسدس بواجد واخالف اخوي انتعاش لما قال المرسدس في حدود ال 370 الف... ما اعتقد ان في شباب ياخذون مرسدسات ستاندر الا حق دريوليه

واذا بتاخذ الفل ابشن مع كت اي ام جي كم بيطلع عليك المرسدس ؟!!!

لاتنسى ان البي ام توين تيربو 330 حصان تقريبا يعني يملع الكبت تملع ... قصدي المرسدس...


واضيف على كلام اخوي ذيب البورصه ان السياره تلف باربع تواير !!!

على سرعات فوق الستين التواير اللي ورى تلف بنفس اتجاه التواير اللي قدام للتجاوز
على سرعات تحت الستين التواير اللي ورى تلف عكس اتجاه التواير اللي قدام لتكويعه سريعه ومميزه... وهذي ميزه في شوارعنا الوسيعه ما شاء الله... غير التقنيات الاخرى التي لاتعد ولا تحصى ... مصختها شوي هاه :nice:


وبعدين أكذب من مندوبين مبيعاتهم انا ماشفت...

امس رحت المعرض القديم وقالي المندوب مافي الا سياره وحده بتوصل اخر الشهر طلبيه جايبينها بطياره واللي بعدها على شهر واحد !!!!

والسيارات مكوده في البرج :anger1:

بس هذا مايمنع ان السياره بتغطي على المرسدس وبذكركم :discuss:

[خريج اعلام]

خايف من المرور حتى في الطياره !

l0o0o0o0o0o0o0o0o0o0o0o0o0oo0o0o0o0o0o0o0o0l
:) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :)

[بن لادن]

المرسيدس S500 من الصفر لين 60 ميل = 5 ثواني و 4 اجزاء من الثانية ( السرعة القصوى 261 كيلو)

البي أم 750 من الصفر لين 60 ميل = 5 ثواني و3 أجزاء من الثانيه (السرعة القصوى 250 كيلو)

المرسدس اللي بـ 370 مب ستاندر ، الستاندر يبتدي من 285 الف ريال ، هالكلام من سنة ، يمكن ارخص الحين ، اللي بـ 370 الف فل ابشن بدون نفقيشن وحجم المكينة 350 . يعني ( 3.5 ليتر ) مب 3.0 ليتر مثل البي أم !

وأخيراً في أحد الردود لاحظت كلمة ماتنقال لافي المجالس ولا في البيوت . يمكن في الفرجان تنقال . ( الرجاء أحترام العامة وعدم التلفظ بألفاظ بذيئة )

مع تحياتي للجميع والله يعزكم ويكرمكم عن هالكلمات .

الرجاء من المراقب مسح الكلمة البذيئة .

[ذيب البورصة]

احترم رايك اخوي الغالي

لكن ولكن ولكن

لما يكون سعرها = سعر المرسيدس
هنا صح الواحد يفكر فيها

لكن اغلى من المرسيدس !
اعتقد انها بتوقف في كبود الوكلاء

خصوصا في هالتوقيت السيء من ناحية مشاكل القوة الشرائية وتداعياتها

يعني الوكلاء في كل مكان يواجهون ضغوط كبيرة من الشركات الأم بتصريف الكميات
يعني في ازمة وفي مصانع بتفلس و و و و ..

فتوقيت طرحها الصراحه بيخذلها في تقديري واكبر عامل بيواجهها سعرها المرتفع
المفروض يكون هناك شفافيه لسعر السيارة باليورو وكوتيشن يتقدم بسعر اليورو
عشان الواحد يقدر يراقب سعر العمله ويعرف كم نزل من سعر السياره
مثل شركة الدانة للسيارات تسوي هالشي اللي هم وكلاء بنتلي
لكن البي ام ما يسوونه حسب كلامي مع موظف مبيعات يقول لأ صعبه !
يعني اشكره ... نبي نبيع بالسعر اللي احنا نبيه .. وسكتوا !
الناس فتحت الحين وصارت تقرأ وتعرف و تراقب الاخبار مش مدمغه مثل اول ..

ارجع لهالموضوع وشوف
http://www.qatarshares.com/vb/showthread.php?t=216567

يعطيك العافية اخوي الغالي انتعاش .. :)

انا معاك في ان السعر مبالغ فيه ولو رجعت لردي السابق لرأيت باني كتبت

بان السعر مبالغ

لكن ولكن ولكن :nice:

في التكنولوجيا والتقنية السيارة لا منافس لها

واخيرا يعطيك العافية انت وجميع الاخوان وصاحب الموضوع على تزويدنا بالمعلومات المفيده

:nice: وكلنا قطر

[بوعلي2]

وايد مبالغ بالسعر انا اقول المرسدس S زين تاخذه بانوراما شحلاته وشزينه => وارخص ههههه

[محمد عبدالرحمن]

ما أنصح فيها،

تصميم فقد الرونق و الصلابة الألمانية
تصميم اعتيادي من الداخل و ممل كأنها إكس5 بس صالون
السعر مناسب كنزول اولي مع مواصفات قياسية جيدة، لكن الوقت غير مناسب مع الركود الاقتصادي العالمي و الذي اعلنت تورطها المانيا فيه
إذا كانت هذه السيارة صنعت في شهر يوليو ٢٠٠٨ على أساس سعر اليورو كان تقريبا ٥.٥ ريال قطري و كان برميل النفط ١٤٠ دولار، فكيف سوف يكون سعرها مع سعر اليورو ٤.٥ ريال قطري ، برميل النفط مادون ٥٧ دولار، و اتوقع ان يصل البرميل إلى ٣٧ دولار في الربع الأول من ٢٠٠٩ و سعر اليورو ٣.٧ ريال قطري
اتوقع أن سعر انتاجها + الربح المصنع + ربح الوكيل في قطر سوف يكون = ٢٦٠،٠٠٠ ريال قطري في الربع الثاني من ٢٠٠٩ أو أقل


أنا أسوق بي إم من أيام الثانوية لين السنة قبل الماضية (١٢ سنة)، و امتلكت الفئة الثالثة مرتين - كشف - السابعة ٣ مرات و الفئة الثامنة، فعلا قيادة البي إم أفضل من كافة السيارات للي ماجرب البورش، و اللي يجرب البورش، يلغي البي إم من حياته و انا الغيتها، لأنها مع المقارنة، البورش جودة من الداخل و الخارج، صيانة فعلا أرخص بكثير من البي إم، البورش قمة في القيادة و الأمان و تحافظ على سعرها و جمالها، و في رأيي إنه مافي سيارة لين الحين تعلى عن البورش

السيارات اغلبها صارت نفس الشي، المرسيدس قلدو البي ام من الداخل في ٢٠٠٦، لكن تصميم المرسيدس رجع رونق المرسيدس ايام الثمانينات و التسعينات "ايام الشبح" بعد فشل الحوت، البي ام مع الاسف مللتنا من تصميم الخشم المفصول لانه مافي تجديد تعطيك شعور الفخامة في التصميم و الفن، اعتقد ان موضة البي ام انتهت و رجعت مثل ايام الثمانينات سيارة غير مرغوبة و مايركبونها إلى فئة من نفس فئة موظفي مبيعات شركة الفردان نفس أيام شركة الشيخ غانم بن علي

اللي يفكر يشتري سيارة علشان الفخامة و القيادة و المواصفات و أكيد السعر، اعتقد ان لكزس، جاغوار و مرسيدس افضل الخيارات من حيث السعر و الاسم و الفخامة و متعة القيادة و الصيانة.

واللي يفكر يشتري سيارة مب الكل يركبها و الهدف الأول متعة القيادة، انصحه في المازيراتي، افخم و ارقى من البي ام و اجود و ماقد سمعنا عن مازيراتي موديل ٢٠٠٦ مطلوب فيها اقل من ٢٠٠ الف، بس سمعنا عن البي ام مطلوب فيها ١٣٠ الف.

تحياتي،
الديان

[S A L M A N]

طبعاً الموتر اكثر موتر فيه مواصفات خياليه

واحلى اوبشن .. هو الانترنت داخل السياره !

ولاتنسون قوة السياره .. يعني تشق المرسيدس شق

[بـــاروود]

المرسدس ولابلااااااش

[بن لادن]

مقارنة بين المرسيدس والبي أم دبليو على السريع (للي قاعدين يقارنون بين السيارتين من حيث السرعة) :

مقارنة أقوى سيارة من بي أم دبليو وأقوى سيارة من مرسيدس بنز :

أقوى سيارة من شركة BMW هي الـ M6 : ( عدد الأسطوانات 10 ، الأحصنة 507 ، التسارع من الصفر لين الـ 60 ميل 4.1 ثواني ، السرعة القصوى 261 كيلو متر بالساعه )

أقوى سيارة من مرسيدس بنز هي SLR McLaren : ( عدد الأسطوانات 8 ، عدد الأحصنة 650 ، التسارع من الصفر لين الـ 60 ميل 3.7 ، السرعة القصوى 334 كيلو متر بالساعة )

مقارنة اصغر سيارات رياضية 4 أبواب بين المرسيدس والبي أم دبليو :

أصغر سيارة رياضية 4 أبواب من شركة بي أم دبليو هي M3 Sedan : ( عدد الأسطوانات 8 ، عدد الأحصنة 418 ، التسارع من الصفر لين الـ 60 ميل 4.9 ثواني ، السرعة القصوى 260 كيلو متر بالساعة )

أصغر سيارة رياضية 4 أبواب من شركة مرسيدس بنز هي C 63 : ( عدد الأسطوانات 8 ، عدد الأحصنة 451 ، التسارع من الصفر لين الـ 60 ميل 4.3 ثواني ، السرعة القصوى 260 كيلو متر بالساعة )

مقارنة بين أقوى سيارات دفع رباعي بين المرسيدس بنز والبي أم دبليو
أقوى سيارة دفع رباعي من شركة بي أم دبليو هي الـ X5 4.8i : ( عدد الأسطوانات 8 ، عدد الأحصنة 350 ، التسارع من الصفر لين الـ 60 ميل 6.4 ثواني ، السرعة القصوى 242 كيلو متر بالساعة )

أقوى سيارة دفع رباعي من شركة مرسيدس بنز هي الـ ML 63 : ( عدد الأسطوانات 8 ، عدد الأحصنة 510 ، التسارع من الصفر لين الـ 60 ميل 4.8 ثواني ، السرعة القصوى 260 كيلو متر بالساعة )

للعلم أقوى مكينة 8 سلندر في العالم بدون سوبرجارج ولاتيربو هي مكينة المرسيدس بنز 63 ، عدد الأحصنة وهي مقفولة 510 حصان .

وثاني أقوى مكينة 8 سلندر فالعالم هي للكورفيت ZO6 ، وعدد الأحصنة 505 حصان .


محد ينكر ان الـ BMW مب ( جيدة جداً ) ، لكن ماتتقارن مع المرسيدس بنز . لا من طولة العمر ولا من سعر مابعد البيع ولا من الأداء ولا من الخراب ولا من سعر قطع الغيار ولاحتى من سعرها الأصلي .


مع تحياتي للجميع

[PoBox]

*


شكرا جميعا على المرور والمقارنات الجميلة والمبدعة منكم فردا فردا نفرا نفرا :nice:

[ابن الذيب]

مقارنة بين المرسيدس والبي أم دبليو على السريع (للي قاعدين يقارنون بين السيارتين من حيث السرعة) :

مقارنة أقوى سيارة من بي أم دبليو وأقوى سيارة من مرسيدس بنز :

أقوى سيارة من شركة BMW هي الـ M6 ........


مع تحياتي للجميع

أحلى رد قريته هالأسبوع :victory:
يعطيك العافيه

[بن لادن]

أحلى رد قريته هالأسبوع :victory:
يعطيك العافيه

ياخي انا كاتب هالرد كله ، لجل عيونك بس :nice:

[قطـ VERTU ـر]

ماشووف فيها ذاااك الزود يعني ..

أمس في اللؤلؤه كآن في وحده مطلوب فيها 525 الف ..

750 فل اوبشن .. ذهبيه ..

[المغامر2]

ياعينى عليك يالديان وعلى المازيراتى

[suلtan]

احلى من اللكزس صراحه :victory:

[hamada316]

مشكور علي الموضوع

[DEMAC]

الله يعطيك العافيه يامستر بوكسنق الرهيب

تصوير حلو ومشكور عليه عطيتنا فكرة عن البي ام الجديدة

الرأي :

1- القزوز كوبي من ليكزس LS 460
2- الاسطاب الخلفي ايضا من لكزس LS 460

شوف معاي :

http://www.finddoug.com/lexus/ls460-2.jpg

http://www.qatarshares.com.qa/data/11/13/storm_1350826201_202853004.jpg



3- السعر مبالغ فيه الحقيقة
يعني اقل نوع 740 تكون 6 سلندر تون تيربو
سعرها بعد الخصم 420 الف ريال !

ليش ؟
حق شحقه ؟


مع الخيارات الاخرى المتاحه المنافسه :

1- مرسيدس S350 : حدود 370 الف ريال >> 6 سلندر
2- AUDI A8 : حدود 260 الف ريال >> 6 سلندر
3- ليكزس LS 460L : القيمة 300 الف ريال >> 8 سلندر


الخلاصة : تتربى بعزهم ان شاءالله :)

هاهاههاهاهاهاهاهاهاهاهاهاه

[المعنى]

السياره غير متوفره... انا واحد من اللي حاجزين واليوم كنت في الوكاله وقالي ممكن تتاخر لحد شهر واحد مع ان قالوا في البدايه ان موعد التسليم بيكون في نصف ديسمبر..
اما بالنسبه لمقارنة السياره باللكزس فمن وجهة نظري لا يوجد مقارنه على الاطلاق...

[ABC]

تسلم على الصور
الشكل روعة بصراحة

بس لو السقف باناروما احلى بوايد صح ؟؟

[ابن عجلان]

اخوي صج السيارة مو موجوده بس بحد علمي انه خدمة المبيعات مسندرين اللي حاجزين سيارات وجايتهم كميات متوهقين فيها وانا ركبتها وضيقه من قدام يعني السايق ماياخذ راحته فيها ولاكن الشكل ماعليه كلام

[Boeing777]

مشكور على الصور

[صغيرون قطر]

صرراحه ما عليها كلام

واذا ارتفعت الاسهم خذت وحده ^_*





وانا بعد بس اذا ارتفعت انا بشتري مفتاح الموتر مافيني شدة الصيانه الدوريه

[The Master]

ممممم
من ورا فيها من اللكزس
بس بالنسبة لي اللكزس وبس
ويعيطك العافية

[الفـ@ــــد]

انا معاك ان السعر غالي

لكن الصرااحه موتر@