((( يدا بيد لمنتدى افضل )))

[الجوكر90]

السلام عليكم ورحمه الله وبركاته
شحالكم يالربع
ان شاء الله مرتاحين

المهم السالفه ومافيها نبي نوقف هالظاهره اعرض وواعد بعدين صكر تلفونك وترى السالفه سهله احنا نقدر نضبط هالاشكال بدون مانسوي استماره او يكون وسيط بينا بس نبي كل واحد يتعاون معانا

الي يبي يعرض رقم ولا سياره ولا اي شي السوم يكون ع العام والخاص يكون بعد السوم عشان تتواعدون واذا هون اشتك عليه عند الاداره وان شاء الله نحصل لون نكه متغير
واي سومه تكون ع الخاص ماتنقبل وحتى الي يطرش رقمه عشان تتفاهمون الي يبي يشتري يسوم ع العام عشان الكل يدري
واهم شي اذا واحد هون لاحد يتساهل معاه الا اذا عنده عذر مقنع لانه والله تاذينه من هالاشكال مب حاله كل يوم نروح المرور او كيوتل ونقعد ساعه ومانشوف حد
والله ان امس واحد مواعدني انه يشتري رقم خماسي وانا مب فالدوحه ورفيجي راح يخلصلي السالفه المهم الرجال قال حق رفيجي انا الحين بروح اسحب فلوس من البنك والوعد الساعه 2ونص والله انه اتصلي الساعه 3ونص يقولي صارلي ساعه واقف وقاعد اتصله ومايرد علي الحين لو انا مب مشكله بس رفيجي ومب مجبور انه يروح بس عشان يخدمني واخر شي يطلع ياهل ومب قد كلمته
والسالفه الي صارت حق اخونا الريان ترى الواحد يصبر مره ومرتين بس مب دوم كل واحد له طاقه معينه يعني القهر انهم مايردون ويعتذرون او انه يقول والله ماقدر اشتري والسموحه لا تتصل فيهم مايرودن عليك وبعدها بشوي يصكرون تلفوناتهم
والمشكله مب بس الصغار الي توهم حتى ناس كبار فالعمر بس واحد يقص عليه ويقوله الرقم مايسوى ويغير رايه شدعوه ماعندك شخصيه كل واحد يقولك شي تمشي وراه

المهم يالربع هالشي انتوا الي تقدرون تمحونه من المنتدى واذا تعاونتوا والله ماراح تحصلون هالاشكال هني والسموحه اني طولت بس هالكلام مانقدر نسكت عنه


اخوكم : الجوكر90

[بوسيف الهاجري]

تسلم يا الجوكر90 على الموضوع
والله انك صادق بس يمكن ها المشكله ما اتصير عندي بحكم اني صاحب معرض
واي واحدي يبي يشتري او يبيع اقوله يمرني المعرض وانا قاعد في معرضي انا جا جا وان ماجا ولا الله يحفظه

[المشتاقه الى الجنه]

كلامك صحيح أخوي

[arqahtani]

صادق وعلى فمك الشحم

واللي يسوم لا يسوم الا بعد ما يشاور ويسأل ويولم دراهمه .. ولا يكتفي بالتفرج من المدرجات احسن له .. لا يدخل في مزاد .. ولا يعرض في سوق المنتدى الا وهو صامل.. واللي يريد يجرب ممكن نفتح سوق تجريبي زي الفوركس :)

وفيه نمونة ثانية من الناس يعرض .. واذا اعطيته السعر المطلوب وقلت شريت قال (( انبااع ))

بصراحة احس وجهي وجه خير ... كل موتر ازاود فيه ينباع على طول ... فاللي عنده موتر غاثة ولا انباع يجيبه المنتدى يمكن ينباع على طول .... والله حالة :):)

موفقين

[بومشاري؟]

كلامك عين العقل بس حبيت ازيد حاجتين الاولى انه يمنع منعا باتا السوم تحت السومة الاولى وثانيا لازم تكون هناك عقوبات من المشرفين على المنتدى على المستهتريين مثل توقفه عن الكتابه لسبوع مثلا

[professonal]

كلامك صحيح اخوي الجوكر وفيه بعد احيانا يكون البائع مايرد على العام ولا الخاص يعرض في المنتدى وعقبها دوره ماتحصلة ولا يطلع لك عقب اسبوع يقولك الي عندي انباع والسموحه من الجميع لو فيه ردود على الاعضاء كان يمكن انصدق انه انباع لكن مافيه له ولا رد والله يعين على هالاشكال من البشر عموما موضوعك يستحق اخذ قرار فيه من ادارة المنتدى

[شحشوح]

يعطيك العافيه على الموضوع

[قطري 22]

الجوكر انا معك 100%

[الواصـل]

مشكور اخوي ان شاء الله تنحل المسأله

[الجوكر90]

تسلم يا الجوكر90 على الموضوع
والله انك صادق بس يمكن ها المشكله ما اتصير عندي بحكم اني صاحب معرض
واي واحدي يبي يشتري او يبيع اقوله يمرني المعرض وانا قاعد في معرضي انا جا جا وان ماجا ولا الله يحفظه

صح كلامك اخوي بس تصير حق وايد شباب فالمنتدى
بس مانقدر نسوي شي
المهم تسلم اخوي ع المرور ولاهنت عالرد

[الجوكر90]

كلامك صحيح أخوي

تسلمين ع المرور
ولاهنتي ع الرد

[الجوكر90]

صادق وعلى فمك الشحم

واللي يسوم لا يسوم الا بعد ما يشاور ويسأل ويولم دراهمه .. ولا يكتفي بالتفرج من المدرجات احسن له .. لا يدخل في مزاد .. ولا يعرض في سوق المنتدى الا وهو صامل.. واللي يريد يجرب ممكن نفتح سوق تجريبي زي الفوركس :)

وفيه نمونة ثانية من الناس يعرض .. واذا اعطيته السعر المطلوب وقلت شريت قال (( انبااع ))

بصراحة احس وجهي وجه خير ... كل موتر ازاود فيه ينباع على طول ... فاللي عنده موتر غاثة ولا انباع يجيبه المنتدى يمكن ينباع على طول .... والله حالة :):)

موفقين


اي والله يسومون واخر شي واحد يقولك انا سالت ناس وقالو لي وايد عليه انا بشتريه بالسعر الفلاني عيل ليش سمت
وتسلم اخوي ع المرور ولاهنت ع الرد

[الجوكر90]

كلامك عين العقل بس حبيت ازيد حاجتين الاولى انه يمنع منعا باتا السوم تحت السومة الاولى وثانيا لازم تكون هناك عقوبات من المشرفين على المنتدى على المستهتريين مثل توقفه عن الكتابه لسبوع مثلا

والله اخوي الشي الاول صعبه انهم يسوونه لان في ناس تطلب مبالغ خياليه فالسلعه فالي عنده سومه يحطها الا اذا هو كتب انه محد يسوم تحت هالسعر فلازم نسمع كلامه يا ان نسوم باعلى او نكتبله بالتوفيق
وثاني شي اصلا مب لازم اسبوع اقل شي شهرين لانهم ماراح يتعلمون اذا توقفوا اسبوع
وتسلم ع المرور ولاهنت ع الرد

[الجوكر90]

كلامك صحيح اخوي الجوكر وفيه بعد احيانا يكون البائع مايرد على العام ولا الخاص يعرض في المنتدى وعقبها دوره ماتحصلة ولا يطلع لك عقب اسبوع يقولك الي عندي انباع والسموحه من الجميع لو فيه ردود على الاعضاء كان يمكن انصدق انه انباع لكن مافيه له ولا رد والله يعين على هالاشكال من البشر عموما موضوعك يستحق اخذ قرار فيه من ادارة المنتدى

والله اخوي لازم الاداره تسوي لسته سوده حق هالناس عشان نعرف نتعامل مع من ونتجنب من لانه لو مايبي يرد ليش يتعب الاعضاء ويخليهم يردون وفي ناس تبيع الاسهم الي عندهم والي يبيع رقم عشان يدبر هالفلوس واخر شي يقول السلعه انباعت الله كريم
المهم تسلم اخوي ع المرور ولاهنت ع الرد

[الجوكر90]

يعطيك العافيه على الموضوع

الله يعافيك
وتسلم ع المرور
ولاهنت ع الرد

[الجوكر90]

الجوكر انا معك 100%

تسلم فديت خشمك
ومشكور ع المرور
ولاهنت ع الرد

[الجوكر90]

مشكور اخوي ان شاء الله تنحل المسأله

العفو
وان شاء الله تنحل ونفتك من هالاشكال
وتسلم ع المرور ولاهنت ع الرد

[Qatari2003]

والله هذا الموضوع طرحته على ادارة المنتدى في الاقتراحات والشكاوى وهذا كان موضوع النقاش

شباب عندي اقتراح ليش مانسوي نفس المواقع الاجنبية وخصوصا في مسائل البيع والشراء يعني كل عضو يكون له ملف اسمه ملف السمعة يمكن لاي شخص الاطلاع عليه مثال: انا عرضت رقم سياره لاعلى سعر واحد حط اعلى سومه وما شره او تراجع عن الشراء يحق لي انه اكتب تعليق انه الشخص هذا لم يقوم باتمام عملية الشراء ولا ننصح بتعامل معة لانه انسان غير جدي. ترسل الرسالة الى المشرف الذي يتاكد بمراجعة الموضوع على المنتدى و من ثم يقوم بادخال هذه المعلومة في الملف الخاص لهذا الشخص (ملف السمعة)

ايش ريكم يا شباب هذا بساعد وايد في التقليل عملية التخريب ؟؟؟


والرد كان


السلام عليكم ..

اقتراحك جميل اخوي .. ولكن اعتقد ان تطبيقه صعب شوي
انت تقصد ( السيرة الذاتية ) مثل الفيد باك في موقع الــ ebay
هذا يحتاج هاكات تضاف لنسخة المنتدى وما ادري اذا مثل هالهاكات موجودة فعلا ولا لا
عموما حبيت اشكرك على اقتراحك وحرصك على اضافة شي جديد للمنتدى
وحنا ان شاء الله بنبحث في الموضوع ..

جزاك الله خير

[ALRAYYAN]

موضوعك في محله .. وانا معاك في كل اللي قلته 100%

[سوق واقف]

قبل شهر تقريبا
اتصل علي شخص في المنتدى حتى عندي النك نيم ماله

يبي أغراض ساعات وتليفونات وغيره
قلت له وين مكانك قالي الشحانيه قلت اوكي عقب صلاة العشاء اوكي قالي اوكي
قلت له خلاص أذا وصلت الشحانية بتصلك قالي اوكي يوم وصلت اتصلت عليه قالي أخوي خلاص ما نبي شكرا ,,,على الأقل يتصل والله قهر ومشوار بعيد ساعه ونص من بيتي

[الجوكر90]

والله هذا الموضوع طرحته على ادارة المنتدى في الاقتراحات والشكاوى وهذا كان موضوع النقاش

شباب عندي اقتراح ليش مانسوي نفس المواقع الاجنبية وخصوصا في مسائل البيع والشراء يعني كل عضو يكون له ملف اسمه ملف السمعة يمكن لاي شخص الاطلاع عليه مثال: انا عرضت رقم سياره لاعلى سعر واحد حط اعلى سومه وما شره او تراجع عن الشراء يحق لي انه اكتب تعليق انه الشخص هذا لم يقوم باتمام عملية الشراء ولا ننصح بتعامل معة لانه انسان غير جدي. ترسل الرسالة الى المشرف الذي يتاكد بمراجعة الموضوع على المنتدى و من ثم يقوم بادخال هذه المعلومة في الملف الخاص لهذا الشخص (ملف السمعة)

ايش ريكم يا شباب هذا بساعد وايد في التقليل عملية التخريب ؟؟؟


والرد كان


السلام عليكم ..

اقتراحك جميل اخوي .. ولكن اعتقد ان تطبيقه صعب شوي
انت تقصد ( السيرة الذاتية ) مثل الفيد باك في موقع الــ ebay
هذا يحتاج هاكات تضاف لنسخة المنتدى وما ادري اذا مثل هالهاكات موجودة فعلا ولا لا
عموما حبيت اشكرك على اقتراحك وحرصك على اضافة شي جديد للمنتدى
وحنا ان شاء الله بنبحث في الموضوع ..

جزاك الله خير

السلام عليكم
اخوي حلك حلو بس احنا مانقدر نسوي شي لان هاي مب تخصصنه
بس الي نقدر نسويه ان اي واحد يخون ويسوم وبعدين مايرد عليك تشتكي عليه وع طول راح ينطرد هاي الي نقدر نسويه فالوقت الحاضر
وتسلم ع الحل المميز وان شاء الله يطبقونه

[الجوكر90]

موضوعك في محله .. وانا معاك في كل اللي قلته 100%

تسلم اخوي
ومشكور ع المرور
ولاهنت ع الرد

[الجوكر90]

قبل شهر تقريبا
اتصل علي شخص في المنتدى حتى عندي النك نيم ماله

يبي أغراض ساعات وتليفونات وغيره
قلت له وين مكانك قالي الشحانيه قلت اوكي عقب صلاة العشاء اوكي قالي اوكي
قلت له خلاص أذا وصلت الشحانية بتصلك قالي اوكي يوم وصلت اتصلت عليه قالي أخوي خلاص ما نبي شكرا ,,,على الأقل يتصل والله قهر ومشوار بعيد ساعه ونص من بيتي

والله ياخوي ادري انه قهر
انا يوم كنت ابيع ارقام تلفونات في ناس كانو يتصلون ويبون يشترون وبعض المرات اثنين يتصلون ويبون يشترون فنفس اليوم وانا احاول اني اسهل عليهم الدرب يعني ماعندي مشكله اروح الاند واخلص مع الاول وبعدها ع طول ارجع الوكره هاي مب عشان ابيع الرقم لا بس عشان ماتعب الناس معاي وابي اسهل عليهم ومثل ماقلت عادي يوم توصل يقولك خلاص انا مابي بس اذا انت رجعت فكلمتك خلاص تقوم القيامه ومافي شي مايقولك خلها ع الله واذا لك نصيب راح تاخذه
وتسلم ع المرور ولاهنت ع الرد