المساعد الشخصي الرقمي

مشاهدة النسخة كاملة : ادور على اغراض واتمنى اني الاقيها عند الشباب


بوغزلان28
19-11-2008, 06:01 PM
السلام عليكم ورحمة الله وبركاته

يا جماعة الخير انا كتبت الموضوع اهنيه لاني اشوف تفاعل الشباب اكثر من الاقسام الثانيه , فقلت اكتب طلبي لعلى وعسى الاقيه اهنيه


انا نصبت اخيام في سيلين وحطيت الكرافان مالي بس تنقصني اشياء ادور عليها , طقم جلسات ارضيه حق الخيام مش شرط اتكون كامله وجديده لو احد من الربع مثلا مجمعهم عنده بالاستور بالبيت او عنده بالخيمه وحاب يغيرها ويركب يدييده انا ممكن اشتريها منه بسعر مناسب لاني عجزت وانا ادور جلسات مستعمله بالسوق ,

يا ريت الاقي التجاوب من الشباب ومشكور لكم
لوردغاليري
19-11-2008, 06:35 PM
روح الحراج الله لايهينك

وشكثررررررررررر
بوغزلان28
19-11-2008, 07:39 PM
تسلم يا اللورد والله رحت يا ريال اسعارهم نااااار يدروون انه الناس يبيونهم حق الخيام والمخيمات
أميرااالذوق
19-11-2008, 09:11 PM
مرحبا اخوي
والله لو لك حد بيروح للسعوديه بقولك مافيه الا السنيدي اللي ببريده
بصراحه شئ غير طبيعي عنده شغلات بتعجبك وبتفيدك مستقبلا من الي
انا رحت له من قبل شئ عجيب والله يوفقك
المسافه بين الرياض وبريده حول 300كيلوتقريبا
بصارحه صج مسافه بس يستاهل العنوه:nice:
وسمعت انه له فرع بالرياض...
بوغزلان28
19-11-2008, 09:39 PM
يعطيك العافيه يالغالي
الواصـل
20-11-2008, 08:29 AM
ان شاء الله ايفيدونك الاعضاء
hxamad
20-11-2008, 08:34 AM
أنشالة تحصل مرادك
ALKUWARI-90
20-11-2008, 08:49 AM
الشيخ اذا ماخاب ظني فيه عقب جمارك قطر جنك رايح الحسى فيه جلسات وتكايات الكباااار من احسن مايكوون ورخااص

واذا تبي الشي الاكيد رووح الحسى
الايرباص320
20-11-2008, 09:10 AM
روح دوحه ستي عنده الاشكال والالوان الي تبيها واسعارهم وايد اوكي مثلأ المطرح الواحد ب 300 ريال

سعر معقول ولى بعد عندك سوق النجاده في

والله يوفقك
My Trip
20-11-2008, 09:18 AM
الشيخ انا اليوم رايح الرياض والقصيم
اجيب بضاعة واذا ودك بشي من هناك طرشلي على الخاص

وانشاالله بتوصلك مع الاغراض الى باجيبها حق المحل
الاغراض بتوصل على يوم الاحد وله الاثنين
وانا انشاالله بسافر بعد صلاة المغرب
بوغزلان28
20-11-2008, 12:37 PM
تسلمون يالربع لقيت واحد فيه الخير باعنياهم اللي عنده بالخيمه بسعر زهيد وما قصرتوا عالتفاعل الطيب
بن درويش
20-11-2008, 12:45 PM
الشيخ انا اليوم رايح الرياض والقصيم
اجيب بضاعة واذا ودك بشي من هناك طرشلي على الخاص

وانشاالله بتوصلك مع الاغراض الى باجيبها حق المحل
الاغراض بتوصل على يوم الاحد وله الاثنين
وانا انشاالله بسافر بعد صلاة المغرب

اتروح وترجع بالسرمه بس حاسب من الخط ايقولون انه في تحويله اللي اتوديك الامارات وعمان امسكره واتصير فيها حوادث بعيد الشر عنا وعنك وذكروا الشباب في المنتدى حالة وفاه حق واحد اقطري مع ولده ظني بن مقارح لكن ولده سلام والابو توفى الله يرحمه ويغفراه ومثواه الجنه انشاالله ويردك لنا سالم غانم باذن اللي ما تنام عينه والله ايحفظك