سؤال يا شباب اللي حولو معاملته لبنك التنميه شنو المطلوب الحين؟

[ذكي جدااا]

يا شباب انا راجعت الاسكان وقالوا لي شيك مع بنك التنميه ؟ الحين شنو الاجراءات يعني بينزل لي القرض ؟ ولا شو السالفه وهل اقدر اخذ القرض كااش ؟ او اني اشتري فيلا جااهزه وادفع الفرق ولا لازم أبني ؟ وجزاكم الله خير

[anything99]

للرفع .. عندي نفس التساؤلات ..

[الخفي]

اذا كان عندك ارض تنتضر لين شهر 4 الجاي لين ينزل اسمك في الجريده

تراجعهم لتبدا البنيان بعد ماتكون خلصت الخرايط وماشابه

واذا حولوك بس للقرظ وماعندك ارض الله يعينك تشوف لك ارض

[ذكي جدااا]

ماقصرت اخووي المختفي بس سؤال ثاني هل يصير اني اشتري بالمبلغ فيلا جاهزة وادفع الفرق ؟ يعني لو طلع لي قرض مليون وميتين الف وحصلت فيلا بمليونين على سبيل المثال يصير اشتريها وحولها بأسمهم وادفع الفرق اللي هي ثمانمائة الف ريال وجزيتم خيراااا

[فويرط]

مرحبا اخوي ذكي جدا

انا راجعت بنك التنمية في رمضان .... وقالولي راجعنا في شهر 3 علشان تستكمل الاوراق المطلوبة ،،، علشان ينزلك القرض في شهر 4 الجاي ، عاد قالولي : عند أرض .... قلت لهم : أي .... قالولي : تقدر تبني من الحين وبعدين في شهر 4 نشوفك وين وصلت في البنيان ونعطيك الدفعات كلها لين المرحلة اللي انت فيها ونكمل معاك ...
مع العلم أن الخرايط جاهزة والارض جاهزة .....

وبخصوص السؤال الثاني ....

ماتقدر تاخذ فلوس كاش ،،، الفلوس على البنيان ،،، ويعطونك أياها على دفعات ،،، وكل مرحلة في البنيان تخلصها يطلع واحد من بنك التنمية يشوف البيت ويتم التوقيع على أوراق علشان تنزلك الدفعة ،،،،

وللعلم .... مجموعات الدفعات (10) فعات ، وكل دفعة (60.000) ( ستون ألف ريال قطري لا غير ) .....
وللعلم ... ما تقدر تاخذ القرضين مع بعض .... أول شي تاخذ القرض الاول .... وينزلونه لك على الدفعات الموضحة أعلاه .... وقبل مايخلص القرض الاول .... تروح تقدم على القرض الثاني .... ( هذه إجراءاتهم ) ....


والله يوفقك وييسر أمورك أنت وكل واحد يبني .....

[alzaeem]

يقولون تم تعين ادارة جديدة وانشاء الله يسهلون على الناس الامور جزاهم الله خير

[ذكي جدااا]

جزاكم الله خير يا شباب على ردودكم واللي عنده معلومات اكثر ياليت يخبرنااااا ولا يبخل عليناا

[سوق واقف]

شباب كم يسحبون على القرض الأول 600 الأولى

[حرقطر]

شباب كم يسحبون على القرض الأول 600 الأولى

الفين وخرده مادري 2500 :)