المساعد الشخصي الرقمي

مشاهدة النسخة كاملة : اليوم الاول في ( بروه ) ومالك اي فورمه بالبنك !


المخلب
04-12-2005, 01:56 PM
السلام عليكم


رحت اليوم بنك قطر الوطني فرع الجامعه سالتهم على الفورمات

طبعا ماتوقعت الرد مع اني رايح من الصبح حول الساعه 10.00 صباحا

قالي الموظف والله للاسف مالك اي فورمه الفورمات خلصت تعال بكره وانشاء الله خير

وكانت الزحمه واضحه في البنك مع انه بنك للجامعه لكن الزحمه من قبل المستثمرين كانت موجوده

فهل يا ترى يستمر مسلسل انتهاء الفورمات

ام انها مجرد اول يوم ! :o
زياد
04-12-2005, 01:59 PM
اليوم الاول في دلاله

تقصد بروة :)
Al@kuwari
04-12-2005, 04:09 PM
اي اخوي اكيد قصدك بروه....

والله مريت على البنوك الي عندنا في لفان ولقيتهم يكشون ذبان من الملل... :funny: :funny:

جان اطخ لي تسع طلبات.. :deal: :deal: :deal:

باجر ان شاء الله بتحصل...
JIJiiiJI
04-12-2005, 05:36 PM
اخوي العزيز

الاكتتاب مزال في اول يوم والفورمات من الطبيعي تخلص من زحمت الناس بكره ان شاءالله تحصل فورمات واذا ماحصلت لاتزعل روحك الايام كثيره

وسع صدرك

الله يوفقك
ولد الشيبة
04-12-2005, 05:45 PM
ذي شي لابد منه
لكن بعد 4 او خمس ايام تروح اي بنك بتحصل فورمات بالهبل
hamoor4ever
04-12-2005, 06:58 PM
اخواني انا اشتغل بأحد البنوك اللي صار اليوم شي طبيعي بس انتظرو كم يوم وكل واحد بياخذ اللي يبيه وبزياده بعد

بنك قطر قااعد يوزع فورمات بكميات كبيره بس اللي صار بسبب الضغط واذا اليوم ماحصلت باجر ولا اللي بعده بتلاقي وايد
nor85
04-12-2005, 07:00 PM
انا رحت الصباح الساعة 7\30 بنك الاهلي اللي في المرخية وكان في زحمة من الصبح والدولي الاسلامي خلصت الاوراق من الصبحاللي يبي مكان مافي زحمة يروح اللي في الفنادق
الحيزبون
05-12-2005, 12:10 AM
نور 85 يعطيج العافيه على الصورة اللي حاطتها ..... الحمد لله اللهم لك الحمد على ما اعطيتنا الله رحمتك يا رب
المخلب
05-12-2005, 02:23 PM
انشاء الله خير


نعم بروه اسف على الخطا المطبعي
أحزان قطر
05-12-2005, 02:36 PM
انا رحت الصباح الساعة 7\30 بنك الاهلي اللي في المرخية وكان في زحمة من الصبح والدولي الاسلامي خلصت الاوراق من الصبحاللي يبي مكان مافي زحمة يروح اللي في الفنادق



شموديج للفنادق :eek2:
diamondman
05-12-2005, 02:54 PM
انصحكم يا شباب انكم تروحون الاسبوع الجاي اذا البنك مفتوح يوم السبت 11/12 او الاحد؟؟ روح للفروع اللي بالمجمعات اعتقد مابيكون فيها زحمة وقتها وخصوصا اذا هم يفتحون العصر بعد وايد احسن !! هذي من تجربة شخصية كل الاكتتابات اللي راحت ما رحت للبنك الا بعد اسبوع او عشرة ايام وفعلا لافي زحمة ولاشيء والامور سهلة !! والاكتتاب في اقل من ربع ساعة !!

وارجو التوفيق للجميع ، والله يرزقكم من الحلال الطيب ..!
ولد الشيبة
05-12-2005, 05:59 PM
بس في بداية الايام
المخلب
06-12-2005, 06:56 AM
حسب علمي ترى اغلبيه المواطنين يخافون يحبسون فلوسهم من الحين ! واعتقد بيبتدون الاكتتاب على اخر يومين !

والوطني اشوفه مطول سعات دوامه علشان راحت المواطن و الوطن :)