ولا يزال مسلسل البراشيم مستمر ولا حسيب ولا رقيب

[سلفي]

مريت أمس الاستديو لتصور البطاقة الشخصية شفوت منظر

أنصعقت بصراحة :omg:

شفت الشباب يستعدون للأمتحان عن طريق تصغير

الاوراق (براشيم) للغش في الامتحانات

هل تعجز وزارة التربية والتعليم والمجلس الاعلى للتعليم

عن تعيين موظفين لمراقبة الاستديوهات والمكتبات

بدل ما يتم تحويلهم على بند الخدمات

[Qatar4all]

وأزيد على اقتراحك ::... اذا سمحت لي


الاستفاده منهم بزياده المراقبين في الامتحانات

[nor85]

ترى هذه مشكله عالميه حتى المدرسين الاجاني اللي كانواااااااااا يدرسونه قالوا مافي حل لذي المشكله

[الجافي]

خلهم مساكين ينجحون :victory:
ولو انا يخلوني مراقب عادي بخلي الصف كله يغش :nice:

[الكلدي]

دكتور ما عنده شهاده ثانويه(..........)اكمل

[الجافي]

دكتور وماعنده شهادة عاد هاذي قوية :omg:
البراشيم ماتسوي جذي:eek5: الواااااسطة يمكن وبعد صعبة :victory:

[الكلدي]

دكتور وماعنده شهادة عاد هاذي قوية :omg:
البراشيم ماتسوي جذي:eek5: الواااااسطة يمكن وبعد صعبة :victory:


لا تستغرب..كل شي يصير

[شسالفة...؟]

مسكيييييييين هالمدرس ما يدري يلحق شنو ولا شنو

مو باقي إلا يوقف عند كل استديوا ويراقب الطلاب

أنا (( للأسف )) مدرس واقولها لك الطالب بيضل يحاول يغش سواء براشيم او غيرها

المشكلة هنا مشكلة مفاهيم لدى الطلاب وأهاليهم ايضاً

فما بالك بطالب يمسك معاه براشيم ولما تتستدعي ولي امره يقولك عادي شفيها أحنا غشينا لم كنا طلاب !!!

وأزيدك من الشعر بيت انا ماسك طالب كاتب البراشيم على سرووووووووووووواله !


همسه :

شي قاهرني واللي هو ان ربعنا المدرسيين االلي من جنسيات اخرى واللي لما يراقب يسوي نفسه ما يشوف شي طبعاً ليش هالشي ؟
كله في سبيل الخصوصي يااااا خصوصي

[حسين بن عاقول]

ههههههههههههههههههههه

استغفر الله العظيم من كل ذنب عظيم

ذكرتني ايام زمان كنت اسوي براشيم وحالتي حاله وتعال اسمع صوت البراشيم بجيبي لين ادور على الاورقه المطلوبه خخخخخخخخخخخخخخخخ والمشكله كنت ادرس بس ما أرتاح الا لين ابرشم

ترا في مرحلة المراهقة والدراسة الواحد يغلط مثل هالغلطات

بس لين اتذكر احس بخجل ووناسه و ضحك بس شعور جميل والله مع اني الحين اعارض الغش وبقوه

[الرايــق]

عمري ما برشمت

الا مرة وحدة بس :shy:

[IPOD]

ذكرتوني بمدرس الرسم الي كان يراقب علينا بالصف بروحة لمادة العربي واحنا غش عيني عينك وهو يطل من الباب ويقول : شوي شوي ماتعلوش صوتكوا غش بأدب ياولا. . . ههههههه

[الدوحه%]

غش بأدب !! قويه
انا شفت منظر اللي يسون براشيم الصراحه يكسرون الخاطر ,, والواحد طالع كنه ماخذ الاول من فرحتهم ,,
على طاري البراشيم انا غشيت وانا في اعدادي مممم بس ماكنت ادري ان الغش حرام والرسول نهى عنه , 37361 , وبعدها صار الغش عندي شي كبير طبعا بعد مادريت ان منهي عنه ,,
بس الصراحه اللي يشجع على الغش المدرس ال...... مابي اذكر جنسيات .
تقبلو مروري
فمان الله

[aljuri]

اما انا اغشش غيري بس لكني ما اعرف اغشش نفسي افتح لكتاب او الدفتر لكني ما اعرف انقل الجواب للورقه , واللي يقهر انهم ياخذون درجات عاليه وانا انزل درجه ( قمة الغباء) .

سؤال

اللي يغشش غيره نفس اللي يغش ولا ما عليه ذنب ؟

[pure]

^
^

اييه كل الطرق تؤدي الى روووما


بخصووص الغش باال حركه قديمه والله

انا اعترف كنت قبل اغش بس والله من رداة الابلات ومن صعوبة المنهج

لين تسنعت واحيين حتى لو شنو انشالله ما الجأ للغش

عل العموم مثل ماقالو الاخوان

اهو سالفة مبدأ وتربييه

[وحيد-الشوق]

خلهم ينجحون ليش الحسد :anger1:

انا ادرس ليلي وان شاء الله راح اجهز البراشيم عدل هالسنة :telephone:

هههههه تذكرت العام الي طاف دخلت مذكره شكبرها الاستاذ يضحك علي يقول لي الواحد يغش بااوراق صغير مو مذكره شكبرها ههههههه

ارحمونا شوي شغل ودراسة وين في وقت حق الاثنين :weeping:

[الجافي]

خلهم ينجحون ليش الحسد :anger1:

انا ادرس ليلي وان شاء الله راح اجهز البراشيم عدل هالسنة :telephone:

هههههه تذكرت العام الي طاف دخلت مذكره شكبرها الاستاذ يضحك علي يقول لي الواحد يغش بااوراق صغير مو مذكره شكبرها ههههههه

ارحمونا شوي شغل ودراسة وين في وقت حق الاثنين :weeping:

الله يعينك اخوي صج صعبة الشغل والدراسة
اذا حاب حد يساعدك على البراشيم تراني حاضر :victory:
بالتوفيق ان شاء الله

[بنت المنتدى]

هههههههههههههههه

بال مساكين:funny::funny::funny: ..


الناس تطورت الحين يغششون بالجوال :telephone: وبالبلوتوث :eek5:


يا حليلهم والله .......


آنا على كثر شطانتي في المدرسه لكن عمري ما غشيت ولله الحمد .. كنت ما احب اضايق امي فديتها واخاف يصيدوني وتتضايق :shy: .....






جيل المستقبل عجيب :nice:

[بنت^البحرين1]

ههههههههههههههههههههههههههه مادري ليش اموت ضحك من هالموضوع

اول مرة غشيت أول ابتدائي امتحان الارقام بالانجليزي( بالرقم والحرف) نسيت رقم تسعه قمت اسوي روحي اطالع الساعه بلقط رقم تسعه واكتبه، بس صادتني وزفتني زف هههههههههههههههههههههههههههههههههههههه
بس الحين في الجامعة كل المواد ادرس لها والله بس أغش في المادة الوحيدة الصعبه علي(الفايننس) أتصفح الكتاب بريولي والعباة من فوق واختار يوم الامتحان اكبر شنطه عندي واوقفها على يمين واقعد يم الطووووووووف عشان تغطي الموجود واطالع اللي ابيه هههههههههههههههههههههههههههههههههههههههههه
انا اقول الصج عشان لحد يقول مثاليين الردود محد يغش كاني قلت عن روحي
بخصوص الجنسيات الي يخلون الطلبة يغشون، هالشي موجود في الجامعه وعيني عينك يشوفني يصد يسوي نفسه مفهي،عاد انا انخبص من الخوف هههههههههههههه ، لين يقولي بس عاد كفاية اقوم اسلم الورقة

[الجافي]

ههههههههههههههههههههههههههه مادري ليش اموت ضحك من هالموضوع

اول مرة غشيت أول ابتدائي امتحان الارقام بالانجليزي( بالرقم والحرف) نسيت رقم تسعه قمت اسوي روحي اطالع الساعه بلقط رقم تسعه واكتبه، بس صادتني وزفتني زف هههههههههههههههههههههههههههههههههههههه
بس الحين في الجامعة كل المواد ادرس لها والله بس أغش في المادة الوحيدة الصعبه علي(الفايننس) أتصفح الكتاب بريولي والعباة من فوق واختار يوم الامتحان اكبر شنطه عندي واوقفها على يمين واقعد يم الطووووووووف عشان تغطي الموجود واطالع اللي ابيه هههههههههههههههههههههههههههههههههههههههههه
انا اقول الصج عشان لحد يقول مثاليين الردود محد يغش كاني قلت عن روحي
بخصوص الجنسيات الي يخلون الطلبة يغشون، هالشي موجود في الجامعه وعيني عينك يشوفني يصد يسوي نفسه مفهي،عاد انا انخبص من الخوف هههههههههههههه ، لين يقولي بس عاد كفاية اقوم اسلم الورقة

ما شاء الله بديتي سيرتج المهنية في عالم الغش من اول ابتدائي :tease:
مااذكر متى بديت بس جنه من صف السادس :omen2:
وبعدين امتحانات الجامعة تعجيزيه يلا بالبراشيم حد ينجح
انا على ايام الجامعة مادة Visula Basic
كان معقد حياتي والله الف مليون كود يلا اتلحق تحفظ شي منهم
وعلى سالفة الجنسيات ايلج واحد زلمه جنه متهاوش وي مرته قبل مايدش القاعة ويطلع حرته في الطلاب
لا ولعبتهم في القاعة لعبة الشطرنج
مايمديك تتلفت الا شالوك ودوك يمين ويسار :tease:

[بوحارب]

اياااااااااااام البراشيم ^ ــ ^

[][ الوحيد ][]

بعطيك شوي من اللي كنا نسويه هههههههههه

1- براشيم قبل الامتحان بخمس دقايق
2- براشيم فليل قبل الامتحان
3- نتعلم حركاات قبل الامتحان (( صح و غلط )) اذا رفع صبع يعني صح واذا صبعين يعني غلط
4- ضع دائرة .. يعطيك الرقم على طول 3321123

:):)

[Breakaway]

في الحياة العملية إذا كان الشخص يستطيع الحصول على المعلومة المطلوبة بفتح كتاب أو تصفح إنترنت أو سؤال شخص فهو إنسان ناجح، ولا يشترط منه أن يحفظها فالحفظ ليس دليلا على النجاح فنحن لا نطالب بإن يكون الإنسان آله حافظة للمعلومات كالكمبيوتر!. طبعا هذا الكلام ليس على إطلاقة وإنما ربما هناك مواضع يشترط في الشخص بإن تكون معلوماته حاضره في دماغه.

هذا الكلام ينطبق على الطلاب في المدارس فالمدارس تحضير للحياة العملية.

نتمنى إعادة النظر في هذا الموضوع من قبل المؤسسات التعليمية.

[h2004]

مريت أمس الاستديو لتصور البطاقة الشخصية شفوت منظر

أنصعقت بصراحة :omg:

شفت الشباب يستعدون للأمتحان عن طريق تصغير

الاوراق (براشيم) للغش في الامتحانات

هل تعجز وزارة التربية والتعليم والمجلس الاعلى للتعليم

عن تعيين موظفين لمراقبة الاستديوهات والمكتبات

بدل ما يتم تحويلهم على بند الخدمات



الاخلاص في العمل هو الحل الوحيد

[وحيد-الشوق]

الله يعينك اخوي صج صعبة الشغل والدراسة
اذا حاب حد يساعدك على البراشيم تراني حاضر :victory:
بالتوفيق ان شاء الله

الله يعين الجميع يارب

هههههه لو تعرف مكتبه ولامكان يصغر الاوراق حق البراشيم تسوي خير :tease:

التوفيق للجميع ان شاء الله

[][ الوحيد ][]

الله يعين الجميع يارب
هههههه لو تعرف مكتبه ولامكان يصغر الاوراق حق البراشيم تسوي خير :tease:
التوفيق للجميع ان شاء الله

ههههههههههه

(( قرطاسيه الأنارة جنب سوبرماركت بومطــر ))

والمكان تعرفه انت هع

:victory:

[هدوء 2]

ولي يعافيك خليهم يغشون لين يعجزون بصراحة ماينلامون يبون يفتكون ترى كلنا مرينا باالمراحل الدراسية ونبي نفتك منها بأي شكل وبعدين ئلي يبيلهم مراقبة صج لجان التصحيح والمراقبين نفسهم :anger1: يعرفون يساعدون من ويخلون من؟؟؟؟؟ كوني عاصرت الشىء ومحد قالي

وعلى طاري لجنة التصحيح كوني من الناس ئلي منهم لكذا مادة الا الرياضيات والاشياء ئلي تدخل فيها الحسابات لاني ماأحبه ولا أفهم فيها :anger1:المهم بعد الانتهاء التصحيح وعملية الجمع الكلي الا الموجهات يسألون عن فلانة من هاذي ويبون يشفونها :victory: قلت ليش وغريبة لان مو موجهاتي ولا لي خص بالمادة وشوي الا عادوا التصحيح لغالبية المواد لبعض المراحل والسبب اني نجحت جميع الطلاب القائمة على تصحيهم لا وياليت درجة ودرجتين من سبع ال 15 درجة جان ردي يكون للمديرة والموجه زين اني نجحتهم خل ينجحون مساكين :):):

للعلم ان تم التوضيح اني في عملية الجمع ماأنحط فيها ............ فقط التصحيح ولكن ايش تقول

[PoBox]

هل تعجز وزارة التربية والتعليم والمجلس الاعلى للتعليم
عن تعيين موظفين لمراقبة الاستديوهات والمكتبات
بدل ما يتم تحويلهم على بند الخدمات


:eek5::eek5:
اقتراحك الصراحة يندرج تحت بند لاتعليق مكرر :rolleyes2:

[وحيد-الشوق]

[ الوحيد ][;3409010']ههههههههههه

(( قرطاسيه الأنارة جنب سوبرماركت بومطــر ))

والمكان تعرفه انت هع

:victory:

:eek5:

امتحان العام رحت له قالي مايصغر حسبي الله عليه :anger1:

بكره بروح له وبتأكد

ماقصرت يالسمي :nice:

[الرايــق]

[ الوحيد ][;3409010']ههههههههههه

(( قرطاسيه الأنارة جنب سوبرماركت بومطــر ))

والمكان تعرفه انت هع

:victory:

ههههه وينك من زمان انت بس يالوحيد

:victory:

[غناتي1]

الله على وقت البراشيم --- رديتنا لايام الدراسة

انا عمري ما برشمت الا في الجامعه 00 وصادني الدكتور

[pinky]

احب اقولكم ان اللي يغش يلحقه الشي في حياته الجايه لأن كل ريال من معاشه حرام ومافي حد مايعرف ان الرسول -صلى الله عليه وسلم- نهى عن الغش..

انا اول مادريت عن هالشي تبت ولله الحمد

يعطيك العافيهـ

[بورصجي_جديد]

ياخي خل الطلاب يعيشون مساكين المناهج صعبه :)

الطالب بلا براشيم كالسمكه بلا خياشيم خلهم يتنفسون

والطالب بلا غش كالطير بلا عش خلهم يستقرون معنويا :)

تقبلو تحياتي

[pure]

ياخي خل الطلاب يعيشون مساكين المناهج صعبه :)

الطالب بلا براشيم كالسمكه بلا خياشيم خلهم يتنفسون

والطالب بلا غش كالطير بلا عش خلهم يستقرون معنويا :)

تقبلو تحياتي


ههههههههههههههههههههههههههههههههه

خوووش حكم والله