تسجيل الدخول

مشاهدة النسخة كاملة : حااامد زيــــــــــــــــــــــد تفضلوا


(أم فيصـــل)
20-11-2008, 10:22 PM
عاااااتبوني ..


بعد ماقـابلتنـي عاتــبوهــا..

على شوف الحبايب حاسبوها..



خذوها وابعدوها غصب عني..

وعن وجهة طريقي جنبوها..


وشالوها عن عيوني غصيبه..

عواذل..واغصبوني واغصبوها..

خذوها من يديني شوف عيني..

وعن عيني تعدوا وحجبوها..


كلام وصدقوا بالبنت كذبه..

وهم اللي من اول كذبوها..


وهم وش دخلهم في مال بين..

لأبوها والخلايق طالبوها..

وفّيه..ماتخون ولاتعاند..

جسوره..والمواعيد ارعبوها..


ملاكً كامله والكامل الله..

ولكن العواذل عذربوها..


وهي كل مادعتني تشتكيلي..

عن اللي سالفتنا سربوها..

تخاف..وتلتفت مع كل كلمه..

تظن ان العواذل راقبوها..


تلفت من عقب ماهي جريئه..

شجاعه ماتهاب..وهيبوها..



واهديها وانا حاير وثاير..

مصيبه ياعذابً عذبوها..



وهم كل ماخذوها عن طريقي..

تراهم صوب قلبي قربوها..


وانا ماتعبت قلبي خيانه..

خيانه رتبوها واحسبوها..



ولايعجز خفوقي لايقابل..

جفا من حاربوه وحاربوها..

وانا لي عزةً تفرض عليه..

اخاطب بالجفا من خاطبوها..




واكسر لوحة الماضي وازيله..

واخربها مثل ماخربوها..
واذوقهم ندم ماصار فيها..

واشربهم من اللي شربوها..



وادلعها..واولعها بنفسي..

واشرقها بعد ماغربوها..



واعوضها عن اللي راح كله..

وعن ذيك اليالي ***وها..




غلاها بالحشا لازال ثابت..

ولو حتى بغيري حببوها..

وغلاي بقلبها مر وتعدى..

غلاها لأمها ولا لأبوها..
>>> غــمـــوض <<<
21-11-2008, 12:02 AM
الله عليج يالاميره ونعم الاختيار:)
من افضل الشعراء عندي حامد زيد

فعلا كلمات عجيييييبه من احدى روائعـه
لاتحرمينه من جديدج
بنت المنتدى
21-11-2008, 01:30 AM
حامد = كل الابداع بالدنيا


تسلمين حبوبه ع الاختيار وهذا يدل على ذوقج العالي واحساسج المرهف


لاهنتي
(أم فيصـــل)
21-11-2008, 06:02 PM
غمــــــــــــوض + بنت المنتـــــــــــدى


فرحانه بمروركم ...
la-3yonk
22-11-2008, 12:05 AM
وهم كل ماخذوها عن طريقي..

تراهم صوب قلبي قربوها..



هذا مو اي نقل ... هذا نقل ملكي ...لملك الشعر / حامد زيد

وخصوصا هالبيت الجميل ... يوصف احد درجات الحب مهما يغيب الحبيب ومهما يبعد فهو يزداد حبه بزيادة غيابه وبزيادة الايام

انتي اميره الشعر :) .... واميره في اخيارك ... تقبلي مروري اختي الغاليه
قطريه ماركه
22-11-2008, 12:37 AM
غلاها بالحشا لازال ثابت..

ولو حتى بغيري حببوها..

يسلموو ع النقل ...
شاهيناز
22-11-2008, 10:58 AM
روعه يسلو
خيتو على الاختيار الحلوو
(أم فيصـــل)
23-11-2008, 06:49 AM
وهم كل ماخذوها عن طريقي..

تراهم صوب قلبي قربوها..



هذا مو اي نقل ... هذا نقل ملكي ...لملك الشعر / حامد زيد

وخصوصا هالبيت الجميل ... يوصف احد درجات الحب مهما يغيب الحبيب ومهما يبعد فهو يزداد حبه بزيادة غيابه وبزيادة الايام

انتي اميره الشعر :) .... واميره في اخيارك ... تقبلي مروري اختي الغاليه


غلاها بالحشا لازال ثابت..

ولو حتى بغيري حببوها..

يسلموو ع النقل ...


روعه يسلو
خيتو على الاختيار الحلوو


la-3yonk + قطريه ماركه + شاهيناز


كلكم حلوين والله يسلمكم