خرجت من التطوع فالمتحف الإسلامي بعد يومين والسبب .....

[ديمقراطي]

السلام عليكم..

انقل لكم سبب خروجي من التطوع فالمتحف الاسلامي بعد يومين فقط ..
التطوع كان فقط للقطريين ويصعب على المقيمين لانه كان يتطلب حسن سيرة وسلوك وامور اخرى .. فكان التطوع في احد الفنادق وكان شفتي من الساعه 11 ليلاً وحتى السابعه صباحاً الجماعه ماقصروا وعطوني غرفة للمنام .. وفجأة تأتيني الأوامر وبأسلوب متعجرف بأنه سوف يتم اغلاق الهاتف في الغرفة ويمنع عنك الاتصالات والميني بار وممنوع تطلب أي شي على الغرفة ويمنع عليك استخدام الانترنت فالغرفة وحتى فاللوبي لأنه فاللوبي يتم الدفع على الانترنت .. وأي شي تطلبه يسجل عليك حتى القهوه والشاي طول الليل تسجل عليك واذا بغيت تاكل عندك البوفيه قلت لهم المطابخ فالفندق تسكر الساعه 10 ونص وانا دوامي 11 قالوا تعال قبل وتعشى .. قلت انا دوامي 11 يعني اذا جيت الساعه 10 بدوام 9 ساعات قالوا والله هذا عندك قلت .. الضيوف الي جايبينهم منهم سويتات وكل شي مفتوح من التنقل لين الطيران وكلنا نعرف التكلفه الكبيره على المتحف الله يوفقهم ان شالله بس جات علينا احنا الشباب الي حابين نخدم وطنا من غير مقابل ندفع حق كل شي وغيرنا ميسره عليهم.
الانترنت تكلفة 100 ريال فاليوم اذا كان مفتوح 24 ساعه يعني 500 ريال فهل 5 ايام ليش تسكره علينا مع العلم انه لازم نستعمله لمعرفه وقت وصول الناس قالوا احنا بندفع على النت.
فأول يوم جلسته تكلفة 500 ريال بين عشا وانترنت فهل هذا يعقل ان يحصل وانا متطوع؟
اداوم من 11 لين 7 الصبح.. والله الشباب يكسرون الخاطر الي شفتهم مداومين من الليل لين الصبح كل هذا في حبهم لوطنهم ولمساهمة في تحقيق انجاز مهم للدولة ان تبخلو على الناس الي تطعوا ماحبيتهم منهم كلش .. بس لأنهم شباب قطريين ستقويتوا عليهم .. احنا ماندور مقابل ولا شي .. بس تقدير لهذا العمل الخيري الي قمنا فيه فجأة ينقال لنا بالحرف ( ترى الانترنت ممنوع والمكالماات من الغرف ممنوعه و الميني بار مسكر واي شي يندفع غير اجار الغرفة انتوا تحملونه انتوا ) هل هذا جزاء المتطوع ؟؟؟؟

والسلام

[لوردغاليري]

لا تعليق

[حرقطر]

انا ودي اتطوع صراح بس ووووووووووين اروح

[بلاهويـــــة]

الله يكون في عون المتطوعين

[alwahesh]

احسن شي سويته ونعم القرار

خلهم يحسون شوي والله لو الي معاك سوو نفس الشي

كان جوكم يترجونكم

خوش تطوع هذا الي يكلف 500 ريال في اليوم

اصلا الهدف من التطوع هو تغيير جو والاحساس بالمسؤليه وتفريغ الطاقات المهدوره

[ابن قطر]

اهم شي انك نويت يالله مالك نصيب

[حقيقه]

شنو شروط التطوع
واللي يبي يطوع وين يروح

[بنت ذياب]

بل شالمعاملة

والله مايسوى عليك اخوي ,,

زين انك طلعت .. علشان يحسون ويعدلون في قوانينهم شوي ..


والله يعطيك على قد نيتك ..

[sh50]

والله عورت قلبي:weeping:


جزاك على الله

زين طلعت

[بـن عدوان]

احسن شي الكل يطلع :)

[فلفل حار]

اووه طلعت ويانا يالحبيب

غلطان انك طلعت راحت عليك المكأفاه

معوض خير فديت خشمك

[ديمقراطي]

مب مسأله مكافأة .. الموضوع مسأله مبدأ

[الهاجري 2]

يحمدون ربهم انه فيه شي اسمه التطوع يروحون يمصخونها ومايعطون اي امتيازات

وخوش قرار سويته انك طلعت

[ahn]

مرحبا
المفروض من البدايه يخبرونكم بنظامهم والمطلوب منكم

[أمير المحبه]

مايصير مافي ولاشي اشدعوه ابسجن انت اخوي زين انك طلعت خلي يحسون شوي
ليش ماجبت الابتوب اكيد عندهم وايرلس +_=
الله يعين المتطوعين والله
زين ريحت عمرك تذبح عمرك ولا 500 تنأخذ منك بعد

[ANONYMOUS]

مب مسأله مكافأة .. الموضوع مسأله مبدأ




انا أحترم الإنسان اللي عنده مبدأ


ارفع لك القبعه والله

:nice:

[سوق واقف]

لاتعليق

[um abdulla]

السلام عليكم..

انقل لكم سبب خروجي من التطوع فالمتحف الاسلامي بعد يومين فقط ..
التطوع كان فقط للقطريين ويصعب على المقيمين لانه كان يتطلب حسن سيرة وسلوك وامور اخرى .. فكان التطوع في احد الفنادق وكان شفتي من الساعه 11 ليلاً وحتى السابعه صباحاً الجماعه ماقصروا وعطوني غرفة للمنام .. وفجأة تأتيني الأوامر وبأسلوب متعجرف بأنه سوف يتم اغلاق الهاتف في الغرفة ويمنع عنك الاتصالات والميني بار وممنوع تطلب أي شي على الغرفة ويمنع عليك استخدام الانترنت فالغرفة وحتى فاللوبي لأنه فاللوبي يتم الدفع على الانترنت .. وأي شي تطلبه يسجل عليك حتى القهوه والشاي طول الليل تسجل عليك واذا بغيت تاكل عندك البوفيه قلت لهم المطابخ فالفندق تسكر الساعه 10 ونص وانا دوامي 11 قالوا تعال قبل وتعشى .. قلت انا دوامي 11 يعني اذا جيت الساعه 10 بدوام 9 ساعات قالوا والله هذا عندك قلت .. الضيوف الي جايبينهم منهم سويتات وكل شي مفتوح من التنقل لين الطيران وكلنا نعرف التكلفه الكبيره على المتحف الله يوفقهم ان شالله بس جات علينا احنا الشباب الي حابين نخدم وطنا من غير مقابل ندفع حق كل شي وغيرنا ميسره عليهم.
الانترنت تكلفة 100 ريال فاليوم اذا كان مفتوح 24 ساعه يعني 500 ريال فهل 5 ايام ليش تسكره علينا مع العلم انه لازم نستعمله لمعرفه وقت وصول الناس قالوا احنا بندفع على النت.
فأول يوم جلسته تكلفة 500 ريال بين عشا وانترنت فهل هذا يعقل ان يحصل وانا متطوع؟
اداوم من 11 لين 7 الصبح.. والله الشباب يكسرون الخاطر الي شفتهم مداومين من الليل لين الصبح كل هذا في حبهم لوطنهم ولمساهمة في تحقيق انجاز مهم للدولة ان تبخلو على الناس الي تطعوا ماحبيتهم منهم كلش .. بس لأنهم شباب قطريين ستقويتوا عليهم .. احنا ماندور مقابل ولا شي .. بس تقدير لهذا العمل الخيري الي قمنا فيه فجأة ينقال لنا بالحرف ( ترى الانترنت ممنوع والمكالماات من الغرف ممنوعه و الميني بار مسكر واي شي يندفع غير اجار الغرفة انتوا تحملونه انتوا ) هل هذا جزاء المتطوع ؟؟؟؟

والسلام

اخي الكريم
وش سالفة الميني بار ؟؟(مجرد استيضاح )
اشلون تطوع والاخ في المشاركة السابقة يقول راحت عليك المكافأة ؟
ايش كان المطلوب منكم بالضبط ؟ استقبال ام تواجد باللباس الوطني ام ماذا ؟؟
كم عدد المتطوعين القطريين ؟ وهل انتم من موظفي هيئة متاحف قطر ؟؟ ما شفنا اعلان التطوع لعموم القطريين بالصحف ؟
وماذا تعرفون كمتطوعين عن المتحف الاسلامي ؟

[&بوشهد&]

لو كان مسؤولكم واحد يخاف الله وعنده صلاحية
كان شفت الخير لانه الفلوس مب من جيبه من مال الدوله وانت تدري الحين كل له ميزانية

[صقر بلادي]

انا قدمت عندهم والحمد لله انهم موافقوه علي لنه عندي امتحانات الاسبوع الياي
في بعض الناس لين الحين حاطين في بالهم انه القطري مايشتغل

[اسعاف]

طلب مسئول كبير من مؤسسة خيرية

ان يشارك قسم النساء في التطوع لأفتتاح المتحف الأسلامي

والي بشارك يحصل على دورات ومكافئات وووووووووووووووووووووو

وجائتني المدام

تستأذني علشان بنتي تشارك في التطوع لافتتاح المتحف

فلما سمعت كلامها غضبت وقلت للأهل

بناتي ليسوا للبيع

وليس هم معرض ينظر إليهم الي يسوه والي مايسوه

البنات عيب عندنه نحن القبائل والعرب من هل قطر ان تقف في معرض والكل يشوفهه,

ويجونك بعض الشباب الصيّع ويخزونهم ويرقمونهم و يرمون عليهم كلمات وووووو

شرف المرأة أغلى من اي منصب او فلوس

والمرأة اذا اختلطت بالرجاجيل واعتادت الكلام معاهم فقد قل حيائها وطمع فيها اصحاب

القلوب المريضة

وسلامتكم

[أمير المحبه]

طلب مسئول كبير من مؤسسة خيرية

ان يشارك قسم النساء في التطوع لأفتتاح المتحف الأسلامي

والي بشارك يحصل على دورات ومكافئات وووووووووووووووووووووو

وجائتني المدام

تستأذني علشان بنتي تشارك في التطوع لافتتاح المتحف

فلما سمعت كلامها غضبت وقلت للأهل

بناتي ليسوا للبيع

وليس هم معرض ينظر إليهم الي يسوه والي مايسوه

البنات عيب عندنه نحن القبائل والعرب من هل قطر ان تقف في معرض والكل يشوفهه,

ويجونك بعض الشباب الصيّع ويخزونهم ويرقمونم يرمون عليهم كلمات وووووو

شرف المرأة أغلى من اي منصب او فلوس

والمرأة اذا اختلطت بالرجاجيل واعتادت الكلام معاهم فقد قل حيائها وطمع فيها اصحابالقلوب

المريضة

وسلامتكم


:victory::):victory:

[hamoor4ever]

طلب مسئول كبير من مؤسسة خيرية

ان يشارك قسم النساء في التطوع لأفتتاح المتحف الأسلامي

والي بشارك يحصل على دورات ومكافئات وووووووووووووووووووووو

وجائتني المدام

تستأذني علشان بنتي تشارك في التطوع لافتتاح المتحف

فلما سمعت كلامها غضبت وقلت للأهل

بناتي ليسوا للبيع

وليس هم معرض ينظر إليهم الي يسوه والي مايسوه

البنات عيب عندنه نحن القبائل والعرب من هل قطر ان تقف في معرض والكل يشوفهه,

ويجونك بعض الشباب الصيّع ويخزونهم ويرقمونهم و يرمون عليهم كلمات وووووو

شرف المرأة أغلى من اي منصب او فلوس

والمرأة اذا اختلطت بالرجاجيل واعتادت الكلام معاهم فقد قل حيائها وطمع فيها اصحاب

القلوب المريضة

وسلامتكم


صادق يااخوي ، وبخصوص الدورات والامتيازات ترى سمعناها من قبل وماشفنا شي

عموما اقول لصاحب الموضوع زين سوه ابركها من ساعه اخبر الشاي والقهوه ببلاش والغده والعشه ببلاش مدري شلون صار بفلوس .
الله يعينك شتبي بعوار الراس

[яέέⓜ]

معروف اصلا الفشخره الكذابه قدام الضيوف
ربك المستعان

[الخيااال]

طلب مسئول كبير من مؤسسة خيرية

ان يشارك قسم النساء في التطوع لأفتتاح المتحف الأسلامي

والي بشارك يحصل على دورات ومكافئات وووووووووووووووووووووو

وجائتني المدام

تستأذني علشان بنتي تشارك في التطوع لافتتاح المتحف

فلما سمعت كلامها غضبت وقلت للأهل

بناتي ليسوا للبيع

وليس هم معرض ينظر إليهم الي يسوه والي مايسوه

البنات عيب عندنه نحن القبائل والعرب من هل قطر ان تقف في معرض والكل يشوفهه,

ويجونك بعض الشباب الصيّع ويخزونهم ويرقمونهم و يرمون عليهم كلمات وووووو

شرف المرأة أغلى من اي منصب او فلوس

والمرأة اذا اختلطت بالرجاجيل واعتادت الكلام معاهم فقد قل حيائها وطمع فيها اصحاب

القلوب المريضة

وسلامتكم




اررررررررررررفع لك العقال والحين اقدر ا قول الدنيا بخير اللي للحين فيها غيرررررره::nice:nice:

[اسعاف]

اررررررررررررفع لك العقال والحين اقدر ا قول الدنيا بخير اللي للحين فيها غيرررررره::nice:nice:

:nice:

[وطن]

شـ هالمعاملة هذي !!!

شدعوه !!!

ماخذينكم السجن

ولا متطوعين!!

[وطن]

اووه طلعت ويانا يالحبيب

غلطان انك طلعت راحت عليك المكأفاه

معوض خير فديت خشمك

شنو فايدة المكافأه على هالسجن !!

[مالك أمل]

أختيار صائب والله يعوضك

[أمير المحبه]

اووه طلعت ويانا يالحبيب

غلطان انك طلعت راحت عليك المكأفاه

معوض خير فديت خشمك

ياخوي وش فايدة المكافئه على هالمذله يالغالي
اروح اقط اغزولي ابركلي
وذا السالفه جذي عيل ياحي الباوره والبويه وايد ابرك من هالمذله
مر علي خذ يدام للبيت باجر :victory:

[الخفي]

((( الجماعه مسويين عبوديه والعبوديه لله وحده ))))

[الطيبة كلها]

احسن شي سويته ونعم القرار

خلهم يحسون شوي والله لو الي معاك سوو نفس الشي

كان جوكم يترجونكم

خوش تطوع هذا الي يكلف 500 ريال في اليوم

اصلا الهدف من التطوع هو تغيير جو والاحساس بالمسؤليه وتفريغ الطاقات المهدوره

اويد كل كلمة قالها اخي

[فتى الجود]

ياخوي وش فايدة المكافئه على هالمذله يالغالي
اروح اقط اغزولي ابركلي
وذا السالفه جذي عيل ياحي الباوره والبويه وايد ابرك من هالمذله
مر علي خذ يدام للبيت باجر :victory:


الله يعيظك خير ياصاحب الموضوع


والبحر مافي أحلى منه
اخوى / أمير

[سيزن]

شرف المرأة أغلى من اي منصب او فلوس

والمرأة اذا اختلطت بالرجاجيل واعتادت الكلام معاهم فقد قل حيائها وطمع فيها اصحاب
القلوب المريضة

وسلامتكم




ياااااااا سلام عليك يا اسعاف ... روح الله يرحم شيبانك :)

والله يكفينا شر الدياثة.

[ورقــة أمــل]

انا أحترم الإنسان اللي عنده مبدأ


ارفع لك القبعه والله

:nice:

:nice:

اخوي زين سويت
مايسوى عليك

[ام الحلوين]

احيي صاحب الموضوع على طرحه للموضوع
لكن اعترض معك في بعض الشي

المتطوع له امتيازات منها جميع الوجبات والشاهي والقهوه

انت مثل ماقلت شفت ليل!!
المفروض انك تكون متواجد في استقبال الضيوف وممكن تريح ساعه او ساعتين
واعتقد وقت الراحه ماتبي انترنت وغيره
وبعدين احنا في خدمة الوطن وواجهه لقطر نتحمل شوي ونضغط على انفسنا شوي
تنسحب وقت الضيق؟؟
عرفتوا ليش يجيبون شركات من برا ؟؟
كلنا تعبانين ومضغوطين لكن لاجل قطر نتحمل والله نبي نشرف بلادنا ونحسن استقبال ضيوفنا
وهي كم يوم والضغط بس الجمعه والسبت وباقي الايام سهالات
بارك الله فيك

[الثاقب]

وين التطوع حاضرين حتى اذا اطلبو تبرع هذي قطر فدوه لجل قطر

شيخ ربعه في المواجيب حاضر ما يغيب

[أبو عبدالله]

وين التطوع حاضرين حتى اذا اطلبو تبرع هذي قطر فدوه لجل قطر

شيخ ربعه في المواجيب حاضر ما يغيب


تبقى رمزا للوطنية ويجب ان يصنع لك تمثال لتفانيك منقطع النظير والى الامام :victory:

[الثاقب]

تبقى رمزا للوطنية ويجب ان يصنع لك تمثال لتفانيك منقطع النظير والى الامام :victory:

على رسلك يا ابا عبدالله ما انفضت حتى نشبت

ولا تستحقرن شئ من الواجب وان قل

[Affable Lady]

تبقى رمزا للوطنية ويجب ان يصنع لك تمثال لتفانيك منقطع النظير والى الامام :victory:



أهكذا تقاس الوطنية ؟!!!!

[eastqatar]

شكلهم ربعان يبون يبدلون الستاف بستاف لبناني

متأثرين ابهم , ولو كان استاف لبناني لكان مب الانترنت والمني بار لكان الفندق كله يرخص لهم

[Revamp]

احيي صاحب الموضوع على طرحه للموضوع
لكن اعترض معك في بعض الشي

المتطوع له امتيازات منها جميع الوجبات والشاهي والقهوه

انت مثل ماقلت شفت ليل!!
المفروض انك تكون متواجد في استقبال الضيوف وممكن تريح ساعه او ساعتين
واعتقد وقت الراحه ماتبي انترنت وغيره
وبعدين احنا في خدمة الوطن وواجهه لقطر نتحمل شوي ونضغط على انفسنا شوي
تنسحب وقت الضيق؟؟
عرفتوا ليش يجيبون شركات من برا ؟؟
كلنا تعبانين ومضغوطين لكن لاجل قطر نتحمل والله نبي نشرف بلادنا ونحسن استقبال ضيوفنا
وهي كم يوم والضغط بس الجمعه والسبت وباقي الايام سهالات
بارك الله فيك

:eek5::eek5::eek5:

[ام الحلوين]

:eek5::eek5::eek5:



مافهمت؟؟؟؟؟؟؟؟

[اسعاف]

ياااااااا سلام عليك يا اسعاف ... روح الله يرحم شيبانك :)

والله يكفينا شر الدياثة.

مشكور على هالدعاء

خشمك

[Affable Lady]

السلام عليكم..

انقل لكم سبب خروجي من التطوع فالمتحف الاسلامي بعد يومين فقط ..
التطوع كان فقط للقطريين ويصعب على المقيمين لانه كان يتطلب حسن سيرة وسلوك وامور اخرى .. فكان التطوع في احد الفنادق وكان شفتي من الساعه 11 ليلاً وحتى السابعه صباحاً الجماعه ماقصروا وعطوني غرفة للمنام .. وفجأة تأتيني الأوامر وبأسلوب متعجرف بأنه سوف يتم اغلاق الهاتف في الغرفة ويمنع عنك الاتصالات والميني بار وممنوع تطلب أي شي على الغرفة ويمنع عليك استخدام الانترنت فالغرفة وحتى فاللوبي لأنه فاللوبي يتم الدفع على الانترنت .. وأي شي تطلبه يسجل عليك حتى القهوه والشاي طول الليل تسجل عليك واذا بغيت تاكل عندك البوفيه قلت لهم المطابخ فالفندق تسكر الساعه 10 ونص وانا دوامي 11 قالوا تعال قبل وتعشى .. قلت انا دوامي 11 يعني اذا جيت الساعه 10 بدوام 9 ساعات قالوا والله هذا عندك قلت .. الضيوف الي جايبينهم منهم سويتات وكل شي مفتوح من التنقل لين الطيران وكلنا نعرف التكلفه الكبيره على المتحف الله يوفقهم ان شالله بس جات علينا احنا الشباب الي حابين نخدم وطنا من غير مقابل ندفع حق كل شي وغيرنا ميسره عليهم.
الانترنت تكلفة 100 ريال فاليوم اذا كان مفتوح 24 ساعه يعني 500 ريال فهل 5 ايام ليش تسكره علينا مع العلم انه لازم نستعمله لمعرفه وقت وصول الناس قالوا احنا بندفع على النت.
فأول يوم جلسته تكلفة 500 ريال بين عشا وانترنت فهل هذا يعقل ان يحصل وانا متطوع؟
اداوم من 11 لين 7 الصبح.. والله الشباب يكسرون الخاطر الي شفتهم مداومين من الليل لين الصبح كل هذا في حبهم لوطنهم ولمساهمة في تحقيق انجاز مهم للدولة ان تبخلو على الناس الي تطعوا ماحبيتهم منهم كلش .. بس لأنهم شباب قطريين ستقويتوا عليهم .. احنا ماندور مقابل ولا شي .. بس تقدير لهذا العمل الخيري الي قمنا فيه فجأة ينقال لنا بالحرف ( ترى الانترنت ممنوع والمكالماات من الغرف ممنوعه و الميني بار مسكر واي شي يندفع غير اجار الغرفة انتوا تحملونه انتوا ) هل هذا جزاء المتطوع ؟؟؟؟

والسلام


من اللي ذكرته أخوي يبين لك نظرة القائمين للتطوع بعيونهم !!
معناه خدمة مجانية لا تنتظر أن يكون لك أي حق ، وتقليص تكاليف واتباع سياسة التقشف على المتطوعين القطريين ..
في حين إنك أنت ياقطري خذتك الوطنية والحمية ودقيت سدرك وقلت انا لها يابلادي!!!

مفارقة صعبة بصراحة ... وأصبحت كلمة التطوع رداء لابتزاز عاطفي سمج .. وأحسه غبي ..
ولاتنطلي علينا مثل هذه المسميات.

أنت تطالب بوجبات ومابينهما << تبل ريقك يعني .. ومناحرينك عليه
بس لما تحويلات المبالغ تروح لتونس عن طريق الويسترن يونيون وتقدر بـ 3 ملايين ريال .. عادي مافيها مشكلة .. تندرج تحت تحويل مالي !!!!!!!!!!!!!!!!!!!!!!! والله العالم قيمة المبالغ المحولة أصلاً !!!!!!!!!


أحييك على موقفك صراحة ومعوض خير إن شاءالله ......... ورايتك بيضاء

والسموحة على نظرتي التشاؤمية..

[Riku3]

مع احترامي ..

متطوع وتاكل بـ 400 ريال بالفندق ليش ؟ .... وتبي انترنت تشاتي بالليل ؟ .

لاتقولي الانترنت للقوائم .. ترى تقدر تتصل بأي وقت بالجهاز يرسلونه لك بالفاكس من مراسم المطار ..

لو كنت " مواصلات " فبتكون مشغول طول الليل مع السيارات والي جايين من المطار او المسافرين وماراح تحصل وقت تدخل الغرفة اصلاً .. والغرفة مكان للراحة البسيطة مب مكان للسهر والاكل في الميني بار وغيره .. ولو مافي مكان للاكل ممكن تطلب "بدل اكل" وتجيب اكلك وتحطه بالسيارة لو ماتقدر تستحمل كم ساعة من 11 لين 7 !! .. وهالفترة اصلاً مافيها وجبات وبتكون متعشي وشبعان وبتطلع 7 تتريق بالبيت او بالطريق .. والا لازم يفتحونلك المطعم الايطالي وتسهر هناك ؟

شاركت في اكثر من 20 الى 30 مؤتمر وبطولة ماعمري شفت متطوعين جايين يطلبون انترنت بالغرفة وميني بار مفتوح ^^" ..

سوري اشوف انك مبالغ واااايد ورد المسئولين صحيح وماعليهم قصور .

[اسعاف]

مع احترامي ..

متطوع وتاكل بـ 400 ريال بالفندق ليش ؟ .... وتبي انترنت تشاتي بالليل ؟ .

لاتقولي الانترنت للقوائم .. ترى تقدر تتصل بأي وقت بالجهاز يرسلونه لك بالفاكس من مراسم المطار ..

لو كنت " مواصلات " فبتكون مشغول طول الليل مع السيارات والي جايين من المطار او المسافرين وماراح تحصل وقت تدخل الغرفة اصلاً .. والغرفة مكان للراحة البسيطة مب مكان للسهر والاكل في الميني بار وغيره .. ولو مافي مكان للاكل ممكن تطلب "بدل اكل" وتجيب اكلك وتحطه بالسيارة لو ماتقدر تستحمل كم ساعة من 11 لين 7 !! .. وهالفترة اصلاً مافيها وجبات وبتكون متعشي وشبعان وبتطلع 7 تتريق بالبيت او بالطريق .. والا لازم يفتحونلك المطعم الايطالي وتسهر هناك ؟

شاركت في اكثر من 20 الى 30 مؤتمر وبطولة ماعمري شفت متطوعين جايين يطلبون انترنت بالغرفة وميني بار مفتوح ^^" ..

سوري اشوف انك مبالغ واااايد ورد المسئولين صحيح وماعليهم قصور .

رد يا صاحب الموضوع على هل الكلام

فنحن بالأنتظار

[طارق]

انا عن نفسي تطوعت , في اكثر من مناسبه كبيره , ومرات كنت اشتغل فوق 12 ساعه
اهم شيئ , ان يوفرون أكل لنا , وخلاص , مابيغينا غرفه ننام فيها ولا مني بار ولا انترنت
لكن
اذا كان المتطوع غير القطري , يحظى بهذه الامتيازات , فمن حق المتطوع القطري , ان يمتلكها من باب المساواه
اما اذا كان الجميع سواسيه , وانت طالب امتيازات , عندها للكلام يختلف

[aljuri]

جزاك على الله اخوي

[ديمقراطي]

انا رايح اشتغل بس لاوازم الشغل لازم تتوفر واذا ماتوفرت وسائل العمل ماتقدر تشتغل .. اذا في ناس تقدر تعمل من غيرة شرفة ماي في ناس ماتقدر واذا كان متطلب العمل يحتاج انترنت لازم يتوفر واذا كان يحتاج وسائل اتصال كالتلفون او اللاسكي لازم تتوفر .. اما خذوه فغلوه ودبر عمرك مايجوز لا وسائل اتصال ولا اكل كل فالبيت وتعال والانترنت اشترك فيه على حسابك عشان استقبل ايميلات مواعيد وصول الناس .. هذا مايناسبني ولا يرقى بهم هذا التعامل.
اذا في ناس جاز لهم هذي وجهة نظر وفي ناس تتفق معاي من ردودهم انه مايجوز بالاخير هذي وجهـــات نظـــر

[الرايــق]

لعله خير يا صاحب الموضوع لعله خير

[غناتي1]

تدري ليه الاوامر

لأن بعض الأخوان الله يهديهم مب ماخذين موضوع التطوع جد

يجيك الواحد بس يبي ياكل وينام 00 ويسوي ويسهر طول الليل

على الموبايل يهذر ويسلي نفسه

وهاذي كلها محسوبة على الفندق 000

عشان هالشئ قاموا يدققون ويقللون وسائل التسلية والراحة

اللي خسرتهم

[التيما]

ابرك لك ..

[بندرصالحي]

اهم شي المني باااااااااااااااااااااااااااااااااار

[PoBox]

مع احترامي ..

متطوع وتاكل بـ 400 ريال بالفندق ليش ؟ .... وتبي انترنت تشاتي بالليل ؟ .

لاتقولي الانترنت للقوائم .. ترى تقدر تتصل بأي وقت بالجهاز يرسلونه لك بالفاكس من مراسم المطار ..

لو كنت " مواصلات " فبتكون مشغول طول الليل مع السيارات والي جايين من المطار او المسافرين وماراح تحصل وقت تدخل الغرفة اصلاً .. والغرفة مكان للراحة البسيطة مب مكان للسهر والاكل في الميني بار وغيره .. ولو مافي مكان للاكل ممكن تطلب "بدل اكل" وتجيب اكلك وتحطه بالسيارة لو ماتقدر تستحمل كم ساعة من 11 لين 7 !! .. وهالفترة اصلاً مافيها وجبات وبتكون متعشي وشبعان وبتطلع 7 تتريق بالبيت او بالطريق .. والا لازم يفتحونلك المطعم الايطالي وتسهر هناك ؟

شاركت في اكثر من 20 الى 30 مؤتمر وبطولة ماعمري شفت متطوعين جايين يطلبون انترنت بالغرفة وميني بار مفتوح ^^" ..

سوري اشوف انك مبالغ واااايد ورد المسئولين صحيح وماعليهم قصور .


مية مية
واتفق معاك ،

فعلا استغرب المقارنة بين الضيوف ان عندهم سويتات و و والمتطوع ماعنده :rolleyes2:
ياناس المؤتمر او الافتتاح مسوينه للضيوف ولا للمتطوعين ؟؟
مقارنة غريبة الصراحة:rolleyes2:

لازالت وجهة النظر الاخرى غائبة للحكم
قد تكون فقأت عيناه :rolleyes2:

[ANONYMOUS]

:nice:

اخوي زين سويت
مايسوى عليك



لالالالا

انا مش صاحب الموضوع

بس انا أبدي إعجابي للناس اللي عندهم مبدأ.. ويمشون عليه.. سواء صح أو غلط

هذا كان تعليقي لموضوع المبدأ


اما بخصوص التطوع من عدمه فهذا امر راجع له

[hamoor4ever]

على قوله اللي يقول مكافئه كلها كم الف ريال ماتستاهل العنوه وماتطلع لك الا عقب طلعه روح

[OTOsan]

السلام عليكم..

التطوع كان فقط للقطريين ويصعب على المقيمين لانه كان يتطلب حسن سيرة وسلوك وامور اخرى ..

والسلام

اعتقد والعلم عندالله انك تقصد ورقة حسن سيرة وسلوك .. مب حسن السيرة والسلوك نفسه !!

[البرونزي]

احيي صاحب الموضوع على طرحه للموضوع
لكن اعترض معك في بعض الشي

المتطوع له امتيازات منها جميع الوجبات والشاهي والقهوه

انت مثل ماقلت شفت ليل!!
المفروض انك تكون متواجد في استقبال الضيوف وممكن تريح ساعه او ساعتين
واعتقد وقت الراحه ماتبي انترنت وغيره
وبعدين احنا في خدمة الوطن وواجهه لقطر نتحمل شوي ونضغط على انفسنا شوي
تنسحب وقت الضيق؟؟
عرفتوا ليش يجيبون شركات من برا ؟؟
كلنا تعبانين ومضغوطين لكن لاجل قطر نتحمل والله نبي نشرف بلادنا ونحسن استقبال ضيوفنا
وهي كم يوم والضغط بس الجمعه والسبت وباقي الايام سهالات
بارك الله فيك


والله يا اختي مب كل مطوع يقدر يدفع 400 ريال او 500 ريال
في اليوم وترا في ناس على قد حالها وفي ناس اصلا متطوعه
وماتشتغل لعلمك بس فكيف بتدبر فلوس حق كم يوم ؟؟؟؟
وسمحي لي اقولك انك اخطأتي في ردك وقلتي انهم
ينسحبون في وقت الضيق الي اهي راجعه ( للوطن )

[قطريه ماركه]

زين سويت ..

[ام الحلوين]

والله يا اختي مب كل مطوع يقدر يدفع 400 ريال او 500 ريال
في اليوم وترا في ناس على قد حالها وفي ناس اصلا متطوعه
وماتشتغل لعلمك بس فكيف بتدبر فلوس حق كم يوم ؟؟؟؟
وسمحي لي اقولك انك اخطأتي في ردك وقلتي انهم
ينسحبون في وقت الضيق الي اهي راجعه ( للوطن )

اخوي ليش يدفع اصلا المتطوع مايدفع ريال واحد؟؟
وصح المفروض ماينسحب وقت الضيق بسبب انترنت وغيره
عموما انا اشوفها بنظري(( كل شي لاجل قطر يهون)) نتحمل شوي ترى الضيف ماله الا الظاهر
وبالااخير وجهات نظر

[أنا]

تدري ليه الاوامر

لأن بعض الأخوان الله يهديهم مب ماخذين موضوع التطوع جد

يجيك الواحد بس يبي ياكل وينام 00 ويسوي ويسهر طول الليل

على الموبايل يهذر ويسلي نفسه

وهاذي كلها محسوبة على الفندق 000

عشان هالشئ قاموا يدققون ويقللون وسائل التسلية والراحة

اللي خسرتهم


:nice:

[أنا]

مع احترامي ..

متطوع وتاكل بـ 400 ريال بالفندق ليش ؟ .... وتبي انترنت تشاتي بالليل ؟ .

لاتقولي الانترنت للقوائم .. ترى تقدر تتصل بأي وقت بالجهاز يرسلونه لك بالفاكس من مراسم المطار ..

لو كنت " مواصلات " فبتكون مشغول طول الليل مع السيارات والي جايين من المطار او المسافرين وماراح تحصل وقت تدخل الغرفة اصلاً .. والغرفة مكان للراحة البسيطة مب مكان للسهر والاكل في الميني بار وغيره .. ولو مافي مكان للاكل ممكن تطلب "بدل اكل" وتجيب اكلك وتحطه بالسيارة لو ماتقدر تستحمل كم ساعة من 11 لين 7 !! .. وهالفترة اصلاً مافيها وجبات وبتكون متعشي وشبعان وبتطلع 7 تتريق بالبيت او بالطريق .. والا لازم يفتحونلك المطعم الايطالي وتسهر هناك ؟

شاركت في اكثر من 20 الى 30 مؤتمر وبطولة ماعمري شفت متطوعين جايين يطلبون انترنت بالغرفة وميني بار مفتوح ^^" ..

سوري اشوف انك مبالغ واااايد ورد المسئولين صحيح وماعليهم قصور .

تسلم يمناك هذا هو الكلام الصحيح

[ناصر العمادي]

يعطيك الصحه والعافيه أخوي على أبدأ وجهة نظرك بالنسبه للتطوع ..

الموضوع ماكنت حاب أدخل فيه ..ولكن أمس أخر الليل جاني أتصال من المسؤول عن الفنادق والمتطوعين .. وكنا نتكلم في أمور عاديه وثم تطرقت لهذا الموضوع معه من باب معرفة الحقيقه ..
وكان رده بأنهم موفرين الشاي والقهوه وغيره طول اليوم في مكان خاص للمتطوعين ..
بالنسبه للمطعم تستطيع أن تذهب قبل أن يغلق المطعم بربع ساعه وتجلس وتطلب ماتريد ولن تخرج الا وأنت شبعان ومرتاح أن شاء الله
بالنسبه للنت ..هم شافوا أن النت لن يخدمهم بشي وتكلفته عاليه في الفندق وأغلب المتطوعين غير محتاجين للنت لأن عندهم واجب يؤدونه لذلك من منطلق الحرص على المال العام فضلوا أغلاق النت لأن الأستفاده منها قليله جدا ..
بالنسبه للمني بار ..هناك من يستغل توفر المني بار ويأخذ أشياء كثيره دون مبرر ( مثل الرد بول والمشروبات الغاليه ) علما ان المشروبات متوفره كما ذكرت في أماكن خاصه للمتطوعين فلماذا نترك ماهو متوفر لنا ومدفوع الأجر ونأخذ ماليس لنا ..؟؟؟؟

الهدف من التطوع خدمة الوطن ويكون للمتطوع حب التطوع لأجل الخدمه دون النظر للرفاهيات وماشابه ذلك ..
لقد تم توفير غرف للمتطوعين من أجل راحتهم علما بأنه في البدايه لم يكن توفير الغرف في الحسبان ..ولكن من أجل راحة المتطوعين تم توفير الغرف ..

سوف يتم صرف مكافأت للمتطوعين بعد الأنتهاء من العمل ..

لذلك أخي الفاضل أجد أن الأسباب التي دعتك لترك التطوع كان يمكن التغلب عليها بشي من المرونه والتساهل من جانبك .. وتفهم الدور الذي يقوم به المتطوع والهدف من تطوعه ..

مع خالص تمنياتي لك بالتوفيق

[ام الحلوين]

بيض الله وجيهكم اخوي العمادي + انا

وياليت الكل يعرف هدف التطوع

[!الشايمه!]

بيض الله وجيهكم اخوي العمادي + انا

وياليت الكل يعرف هدف التطوع


وانا وياج يا ام الحلوين :) ...
اقولها بصراحة.....نرى الكثيرين عندنا في الجامعة من الغير قطريين....بكل شئ يشاركون
اي بادرة للتطوع يغتنمونها......يقولون نكتسب خبرة.....نحتك بشخصيات....نتعلم امور جديدة
التطوع فرصة لاتعوض......

بينما القطريين.....بشكل عام ولا اتكلم عن حد معين.......يحسبونها بمقدار
كم راح يعطونا؟ ......مقدار الراحة والوناسه اللي راح يحصلون عليها.......!!!:secret:
وييييييهه شنبي بالتعب.....فاضيين ذيلا <<<ردود القطريين.

البعضضضضضضضضضضضضضضضضضضضض
وليس الكل

تحية

[alfaqeer]

يبدو أن لدينا قصور فهم في معنى التطوع وربطه بالوطنية, اذا فُتح باب التطوع فللوهلة الأولى يتبادر الى الذهن العمل بدون مقابل, ما يعني لا يجب التعويل على التعويض المادي مقابل أي عمل أؤديه مهما عظم شأنه, ولكن أُطالب بدفع مبلغ لقاء تطوعي بحجة الوطنية, فهذا أمر لم أسمع به من قبل في دولة يفترض أن تدفع لمواطنيها كونها قادرة على ذلك. فحتى الجمعيات الخيرية عندما تطرح عمل ما للتطوع , تكافأ المتطوعين يطريقة أو بأخرى دون التزام .

أما بالنسبة لتأمين الغرف وغيره, فهذا خاضع لظروف التطوع, فاذا كنت قادر على التطوع وفق رؤيتهم, فلا حق لك بالمطالبة, اما اذا كان لديك شروط مسبقة فالأفضل ان لا تتطوع, لأن التطوع مراده كسب الأجر وليس اضافة جديد في السيرة الذاتية كما يروق للبعض.

أبوعبدالرحمن

[hich]

يبدو أن لدينا قصور فهم في معنى التطوع وربطه بالوطنية, اذا فُتح باب التطوع فللوهلة الأولى يتبادر الى الذهن العمل بدون مقابل, ما يعني لا يجب التعويل على التعويض المادي مقابل أي عمل أؤديه مهما عظم شأنه, ولكن أُطالب بدفع مبلغ لقاء تطوعي بحجة الوطنية, فهذا أمر لم أسمع به من قبل في دولة يفترض أن تدفع لمواطنيها كونها قادرة على ذلك. فحتى الجمعيات الخيرية عندما تطرح عمل ما للتطوع , تكافأ المتطوعين يطريقة أو بأخرى دون التزام .

أما بالنسبة لتأمين الغرف وغيره, فهذا خاضع لظروف التطوع, فاذا كنت قادر على التطوع وفق رؤيتهم, فلا حق لك بالمطالبة, اما اذا كان لديك شروط مسبقة فالأفضل ان لا تتطوع, لأن التطوع مراده كسب الأجر وليس اضافة جديد في السيرة الذاتية كما يروق للبعض.

أبوعبدالرحمن

لا فوض فوك يأخي

بغض النظر عن موضوع المزايدة في الوطنية من بعض الأخوة والاخوات


اما موضوع التوفير فالله المستعان تركنا الحمار وتشاطرنا على البردعه

[بوعبدالله77]

ممكن تجاوبني بس على هالاسئلة :
1- هل استخدامك للانترنت له علاقة بالشغل اللي جاي تتطوع فيه ولا بوبلاش كثر منه ؟
2- جاي الساعة 11 وتبيهم يعشونك ؟ ليش ما تتعشى وتجي للشفت ؟ أعتقد للحين احنا بخير ومحد راح يموت من الجوع
3- شسالفة المكالمات اللي تبها بنص الليل ؟ما اعتقد لها علاقة بالشغل
4- وأصلا انت شنو مقعدك في الغرفة وانت جاي تداوم وشنو فايدة جيتك
5- ما تبي بعد شيشة يجيبونها لك ؟
بصراحة انا ادعوك للتطوع في المؤتمر العالمي للدلع يمكن يصلح لك

اسمح اي اقولك انت مالك علاقة بشي اسمه تطوع واحسن شي سويته انك طلعت عشان ما تكون محسوب عليهم متطوع بالاسم

قريت الكلامك 100 مرة قلت يمكن تتغشمر بهالطلبات وحاولت ارقع لك لكن الشق اكبر من الرقعة

[السد]

انت جاي اخوي متطوع مش ضيف !!
استحمل كم يوم لخدمة الوطن

[m&m &Qatar]

لا تعليق

[أم جابر]

الله يعينكم