*** قناة الكاس والتقييم لمستوى المنتخب ***

[*فارس قطر*]

السلام عليكم ورحمة الله وبركاته ،،،،،

حبيت أتحدث عن تحليل وتقييم أداء المنتخب فى التصفيات المؤهلة لكاس العالم ،وطبعا كانت نتيجة المباراه مخيبه للأمال من أداء ونتيجه وروح فى الملعب،

بس لفت أنتباهي عدم ذكر الاجانب ومستواهم الضعيف جدا فى المنتخب ،وتم مناقشة أسباب وجود قطريين يشجعون الفريق الياباني!!! نعم شى يفشل وما كان الواحد وده يشوف هالمنظر الغريب !!! بس ليش ماتتم دراسة الاسباب التى أدت الى هذة الظاهره الغير مبرره ؟ هل هو فقدان الروح الوطنية فى المنتخب مثلا،أو مرحلة اليأس من الانجازات والتأهل لكأس العالم،

،مانقول الا (( الله المستعان)) ،وفى أعتقادى الشخصى أصرار المسوؤليين على أنجاح فكرة تجربة
المحترفين وأدخالهم المنتخب ،وأقتداء الدول المجاوره لهذه الفكرة ،أهم من الروح الوطنيه
ومن اللاعب القطري!!!!
نعم هذ هى الحقيقه وأن كانت مره وثقيله؟ وصرنا أضحوكة للأخرين نتيجة هذا التخبط
والقرارات الغير مدروسه،والدهى وألامر هو ألاصرار عليه وعلى قولة المثل (( عمك أصمغ))
نرجع للتاريخ شوي

بدت هذه التجربه فى تصفيات كأس العالم فى فرنسا
وتم أدخال عبدالله كونى وكميل واللا عب المغربي ،وكانت النتائج خسائر متتاليه فى القسم
الاول،بعد التذمر والاحتجاج على المدرب واللاعبين تم أستبعاد اللاجانب وتم تغير المدرب
وكنا قاب قوسين من التأهل ،ولكن الله ماأراد ،وبعد هذه التجربه الفاشله ،
تم أرجاع الاجانب ،وبصوره أكبر وأدخال لاعبين من دول مجاوره ،وصار حلم اللعب مع
المنتخب،حلم يراود الجميع من الخليج للمحيط وبدون أستثناء ،شى غريب
كأن دخول المنتخب مفتوح للجميع بدون أستثناء ، وتقولى ليش مافى روح فى المنتخب
شوف الروح عند المنتخب المصرى فى كأس أفريقيا ،اللاعب يلعب بأقصى مايملك وبروح
عاليه ،هذى الروح صراحة مب موجوده عندنا والسبب معروف عند أتحاد كرة القدم؟؟؟
أتمنى من الله ان تتم مراجعة هذى التجارب وتقييم الوضع الحالى ؟ ومعرفة الاسباب اللى أدت
الى هبوط مستوى الكرة القطريه مقارنة مع الامكانيات الهائله الموجوده،
وماسكين علينا سالفة فرنسا واليابان ،بس بدخول لاعب او لاعبين مب معظم الفريق اذا مب الفريق
كله أجانب وبخصوص المشجعين ،أقول الله يهديهم مهما كان هاي منتخب بلادى ولايمكن أشجع غيره
ولكم كل التقدير ،،،

[الكواري]

حلاة الثوب رقعته منه وفيه
ومايصح الا الصحيح
ونسبة التجنيس في منتخبنا وصلت 80%

وهذا مؤشر واضح
لعجز المسئولين وعدم وجود اي خطة مستقبليه لإعداد منتخب ناجح

وشغل قص ولصق بالمنتخب اثبت فشله

[ابن قطر]

ما يحك ظهرك غير ظفرك

[أمير المحبه]

متعووووده داااااايما هالخساير
خلاص تعبنا مانبي انعور راسنا هالكثر اكفايه دمعتنا انزلت في المباراه
استحلت لهم الخساره ولايبون يفوزون مع استراليا (يبأ أبلني )
لاروح ولا محاربين ولايبون يفوزون اصلا
فشيله ياخي لاعب ياباني يرقص 3 و4 لعيبه ليش
برازيل قاعده تلعب خيطوهم ياريال
بس بس عورو اقلوبنا والله
ومشكور على الموضوع اللي جا عالعوق

[ابـو مــحــــمـــــد]

المشكله ان الاخوان اصحاب القرار يبون يوصلون كاس العالم بقصر الطرق
ويعتقدون ان المال هو الوحيد الي ممكن ينجح افكارهم

تعتقدون لو الصرف الي يصرف على منتخبنا يصرف على منتخب الاردن الشقيق وين كان ممكن يوصل

شوفو منتخبات الاردن وعمان وسوريا
وانديه مثل الكرامه والقادسيه والمحرق
كيف تلعب وتقدم مستويات خرافيه مع امكانية الدعم عندهم

وشوفو منتخبنا وانديتنا كيف مستواهم مع الامكانيات الهائله والدعم الا محدود لهم

قارنو الاخرين وراح تعرفون كيف نقيم مستوانا والى اين وصلنا

[سداوي&مدريدي]

التجنيس مب عيب أخوي

والمسؤولين عندنا بالغو في التجنيس كل من هب ودب جنسوه

80% من المنتخب مجنسين ليش والله حرام المفروض يجنسون لاعبين

في مراكز المنتخب محتاج لها مب كل من هب ودب يتم تجنيسه

والله عندنا لاعبين قطريين ما شاء الله بس مب معطينهم فرصه

4 محترفين في الدوري و 2 خليجيين شلون القطري ياخذ فرصته

اكاديميه سباير الي فيها اكثرهم اجانب عيل ليش فاتحين الاكاديميه؟

ياريال خلها على الله بس

[طارق]

4 محترفين في الدوري و 2 خليجيين شلون القطري ياخذ فرصته

اكاديميه سباير الي فيها اكثرهم اجانب عيل ليش فاتحين الاكاديميه؟

ياريال خلها على الله بس

بيض الله وجهك
هذا الكلام الصح

[السيف872]

شوف اخوي مستحيل نتأهل الى كاس العالم في هالفريق .
وبعدين عندك الدوري 6 محترفين وين الفرصة للقطريين وكابتن الفريق طبعاً من المحترفين بعد.
ولعيبة المنتخب موفرين لهم كل طلباتهم واحتيجاتهم ومدللينهم اخر دلال وين العقاب في حالة الخسارة لازم اذا فية ثواب فية عقاب .
واغلبية المنتخب الحين تم تجنيسهم وين تلقى الروح القتالية والاصرار على الفوز الله يذكر ايام (منصور مفتاح وعلي زيد وخالد سلمان وغيرهم )بالخير ومتى ترجع ايامهم.
وبخصوص اكاديمية سباير انا حضرت بعض التمارين واغلبية الموجودين اجانب والاهتمام فيهم اكثر .

[العـوا]

كلام رياضي

[*فارس قطر*]

أشكركم على المشاركة والمرور ،بس أبى أعرف منه اللى مقتنع بسالفة

تجنيس المحترفين ،وهل رأى الشارع الرياضى مب مهم لدى المسؤولين

عيل وين الديمقراطيه اللى يتكلمون عنها ،أذا القرارت تفرض فرض

الله كريم

[m_taha123]

شوف اخوي مستحيل نتأهل الى كاس العالم في هالفريق .
وبعدين عندك الدوري 6 محترفين وين الفرصة للقطريين وكابتن الفريق طبعاً من المحترفين بعد.
ولعيبة المنتخب موفرين لهم كل طلباتهم واحتيجاتهم ومدللينهم اخر دلال وين العقاب في حالة الخسارة لازم اذا فية ثواب فية عقاب .
واغلبية المنتخب الحين تم تجنيسهم وين تلقى الروح القتالية والاصرار على الفوز الله يذكر ايام (منصور مفتاح وعلي زيد وخالد سلمان وغيرهم )بالخير ومتى ترجع ايامهم.
وبخصوص اكاديمية سباير انا حضرت بعض التمارين واغلبية الموجودين اجانب والاهتمام فيهم اكثر .

انا كمقيم عايش على ارض قطر الحبيبة على قلبي حسيت بالقهر والله حرام المنتخب يخسر صرانا ناخد بالثلاثة والاربعة حرام منتخب مسخر له كل امكانيات محد يحلم فيها .
في اتحادات تحلم بالدعم الموجود هنا .
ما ادري متى منتخب قطر يتأهل لكاس العالم . !

[الخفي]

طالما ان النتيجه وحده وهي عدم التاهل لماذا لانلعب بالمواطنين ونخرج بشرف

افضل من اجنس منتخب كامل ومع ذلك بعد اخرج من كاس العالم واجعل نفسي اضحوكه للعالم

احنا لعبنا على نهائي كاس العالم للشباب بلاعبين قطريين ومع ذلك تعامل معاهم الكل كانهم ابطال

جنسنا لين الغينا هويه قطر من المنتخب والنتيجه

1- الاخير في كاس الخليج الاخيره

2- الاخير في كاس اسيا الاخيره

3- على اعتاب الخروج من تصفيات كاس العالم

وبالنسبه لبطوله كاس الخليج 17 اللي في الدوحه فقد احرزها الجمهور وليس المنتخب

وحتى لو نفترض ان احنا قلنا المجنسين جابوا لنا خليجي 17 اعتقد ان قبل خليجي 17

جابوا لنا القطريين خليجي 11 اذا المجنسين لم يضيفوا للمنتخب شي الطموح كاس العالم

وكاس العالم بعيد عن شارب حرمه الله وفوساتي وماركوني ولن نتأهل لكاس العالم الا في حاله

وحده فقط (( ان نستضيف كاس العالم هنا نكون لعبنا في كاس العالم ))

[قلب صادق]

المشكله ان الاخوان اصحاب القرار يبون يوصلون كاس العالم بقصر الطرق
ويعتقدون ان المال هو الوحيد الي ممكن ينجح افكارهم

تعتقدون لو الصرف الي يصرف على منتخبنا يصرف على منتخب الاردن الشقيق وين كان ممكن يوصل

شوفو منتخبات الاردن وعمان وسوريا
وانديه مثل الكرامه والقادسيه والمحرق
كيف تلعب وتقدم مستويات خرافيه مع امكانية الدعم عندهم

وشوفو منتخبنا وانديتنا كيف مستواهم مع الامكانيات الهائله والدعم الا محدود لهم

قارنو الاخرين وراح تعرفون كيف نقيم مستوانا والى اين وصلنا

:victory::victory:

[*فارس قطر*]

وبعد هذى الردود ،،،،أتمنى من قناة الكاس وأتحاد كرة القدم

أنهم مايلومون المشجعين ،،،،أذا شجعوا الفريق الخصم !!!!!

وان كنت انا مابسوي هالشى ،بس أعتقد فى ناس وصل فيهم الحد

لهدرجه اللى شفتوها ،،،ومانقول (( لاحول ولا قوة الا بالله ))

[غناتي1]

يا جماعة كل السالفة ببساطة انه ما فيه احساس بالمسؤلية

لأنه ما فيه وطنييييييييييييييييييييييييييييييييييييييييييييييي ييييية

[شاهيناز]

المشكله البعض مايتابع مباريات المنتخب ولا الدوري القطري

لما ينهزم العنابي ماعندهم الا سالفه الاجانب والتجنيس

وهذي مب مشكلتنا

مشكلتنا اكبر من جذيه الاجانب يلعبون بروح اكثر من القطريين
والي يشوف سبستيان شلون يلعب بقلب

لكن وش نقول
اذا العنابي ضايع بين فهد الكواري وحرمه الله

وااتحاد كره ماهمه الا انديه معينه

وضارب بعرض الحائط مصلحه الكره القطرييه

[دنيا الاسهم]

المسؤولين عن الرياضة هم المستفيدين من خزينة المخصصة لتمويل الرياضة واشبعوا وهم يبوقون لاحسيب ولا رقيب بحجة المنتخب والمنتخب وهذا اللاعب بملايين اليورووات وهذاااك مثلة واكثر وشلون تبون نفوز
وطوول ما الاتحاد القطري لكرة القدم نفس المسؤولين ولا يتغيرون ماراح نشوف الفوز لمنتخبنا وطوول ما هالاجانب اللي يصرفون عليهم بالهبل ماراح حتى نفوز على اقل نادي لان منتخبنا الفوز عندة فقط محلي بين الاندية فقط وطوول ما هالاعيبة الاجانب كل واحد يعطونة سيارة همر ولا سيارة اقل شي قيمتها 300 الف وفيلا وراتب خيالي
لو حاطين هالملايين لعلاج المستحقين المواطنين القطريين بالخدمات اللي تقدمها المستشفيات الخاصة حق الاجانب كان اهل قطر بخير ولو حاطينها لدفع الديون المتراكمة على اهل قطر كان افضل للتنمية وبدل مايصرفونها على الممثلين في قناة المجلس اللي كل يوم ياخذون على الحلقة مبلغ وقدرة ...ولا احنا مستفدين من تحليلاتهم شي مجرد كل واحد يخربط وياخذ الاف صج فسق وتبطر على النعمة
حسبي الله ونعم الوكيل

[الكواري]

المسؤولين عن الرياضة هم المستفيدين من خزينة المخصصة لتمويل الرياضة واشبعوا وهم يبوقون لاحسيب ولا رقيب بحجة المنتخب والمنتخب وهذا اللاعب بملايين اليورووات وهذاااك مثلة واكثر وشلون تبون نفوز
وطوول ما الاتحاد القطري لكرة القدم نفس المسؤولين ولا يتغيرون ماراح نشوف الفوز لمنتخبنا وطوول ما هالاجانب اللي يصرفون عليهم بالهبل ماراح حتى نفوز على اقل نادي لان منتخبنا الفوز عندة فقط محلي بين الاندية فقط
لو حاطين هالملايين لعلاج المستحقين المواطنين القطريين بالخدمات اللي تقدمها المستشفيات الخاصة حق الاجانب كان اهل قطر بخير ولو حاطينها لدفع الديون المتراكمة على اهل قطر كان افضل للتنمية وبدل مايصرفونها على الممثلين في قناة المجلس اللي كل يوم ياخذون على الحلقة مبلغ وقدرة ...ولا احنا مستفدين من تحليلاتهم شي مجرد كل واحد يخربط وياخذ الاف صج فسق وتبطر على النعمة
حسبي الله ونعم الوكيل

كلام من ذهب :nice::nice::nice:

[قلب الدوحة]

والله المفروض يخصمون من رواتبهم هاللعيبه او حتى وقف صرفه عشان يحس شلون تكون الروح الوطنية جربوا يااتحاد الكرة وعاقبوا اللعيبه وشوفوا النتايج ،،،وفي شي ثاني لو تحطون محمد صقر شوي في الاحتياط وتعطون عبدالعزيز علي فرصة بس حتى يثبت وجوده

[الرميله]

اشكر طارح الموضوع وانت قلت واصبت
والمشكله عارف ايش
ان احنا نبي ننقز الى الطابق العاشر من الطابق الاول

[راعي البيرق]

اااااااااااااااه يالقهر محمد العنزي طالبهم عقد زي المحترفين الاخرين يامن مستقبله فيه لانه ماعنده مصدر
دخل غير لعب الكرة وقالوا له ماعندك انتماء ووطنية والحين جاهم اميرسون واكل الاخضر واليابس وطلع بالاخير مزور وللحين ماخذينه بالاحضان ...............
الله يرحم ايامك يا سلطان ياسويدي

[HENRY]

لو العنابي يخطي خطى اليابان مثل ما تشارك في كاس كوبا امريكا والصين وايران اضن راح نطلع بصوره مشرفه والمشكله ان تغيير المدربيين بين كل فتره يأثر على المنخب الامكانيه ضخمه والمنشاات تعادل اوروبا واكثر بس الثغره في اللاعبين الكلمه الاوله والاخيره للاعبيين

[الألماسي]

لـو نوصل لمستوى تفكير اليابانيين 50% إحنا بخير . .

الإتحاد يدار من هواه . . كل شئ صار محترف " الا " العقول " منحرفه " . .

أول الحلول . . استقاله الاتحاد . .

ثاني الحلول . . تقليل عدد المحترفين في الدوري القطري الى 3 . .

ثالث الحلول . . جنّس ماقلت لك لا تجنّس بس جنــّـس من في فصيله " سباستيان " مؤقتاً الى ان يثمر الدوري لاعبين قطريين و بالتالي تستغني عن المجنسين خطوه بــ خطوه . .


المدرسه الفرنسيه اثبتت فشلها وهـاهو الزمن يعيد نفسه بقياده الخبير " حرمه الله " و لا اعلم هل الدكتوراه اللي أخذها مطبّقه على أرض الواقع ام فقط على أجهزه البلاي ستيشن . .
لأن فعلاً " طفح الكيل " من المدعو حرمه الله و لو نرجع للوراء قليلاً لرأينا المنتخب كان أصلا ماشي " صح " و لكن من أجل عيون حرمه الله أقُيل المسكين فوساتي . . لأنه رفض و بكل بساطه وجود " حرمه الله " في الجهاز الفني . .

حرمه الله هو من ضيّع المنتخب مؤخراً و الدليل أكثر من لاعب لا يستحقون ان يلعبوا حتى ولو احتياط ولكن رعونته في التدخل و الاختيار هي من تفوقت على العقل . .

[*فارس قطر*]

ما سمعنا أى تصريح لرئيس الاتحاد بعد الهزيمة المدويه

وللعلم أول مرة تفوز اليابان على منتخبنا فى تاريخ كرة القدم والقهر فى أرضه وبين جمهوره

مااقدروا علينا بلعيبة العنابي وأقدروا علينا بالأجانب !!!!!!