مشاريع أشغال : خيركم في كفاية شركم!

[حبر سري]

السلام عليكم

بصراحة مب عارف من وين ابتدي

احنا صار لنا كم سنة بادين في مشاريع البنية التحتية
بس يااخوان هل في تطور فعلا؟

هل مانراه فعلا تطوير؟
الشارع يتسكر بالسنين , واول مايفتحونه نلقى فيه الف علة ويسكرونه مرة ثانية؟؟؟!!!

مشاريع كلفت الدولة مئات الملايين , وظلت بالسنين ومادري شعليه! ومع هذا اول مافتحوها اكتشفوا فيها عيوب وسووا لها صيانة مرة ثانية !!

وغير جذيه , الواحد ينام فليل , يقعد الصبح يلقى له شارع مسكر بدون اي سابق انذار , ياجماعة الواحد صار يضيع حتى في فريجهم!!!!

والمشكلة الكبرى لما يسكرون شارع معين , ويخلونه سيد واحد بس , ويصير ازدحام مروري خانق ولا يطاق بس من هامه؟؟

ادري ان مثل هالمشاريع ضرورية , بس والله بالطريقة اللي هم ماشين بها , اعتقد ان خيرهم في كفاية شرهم

ياما شفنا شوارع وشزينها (ظاهريا على الاقل ) وفجاة لقيناها مسكرة , والزحمة لاتطاق فيها , ولما يفتحونها مانلاقي اي تغيير!!!يظل الشارع مثل ماهو من ناحية التعرج اللي فيه , والرفعات والنزلات الغربية اللي عندنا في الشوارع (اللي بصراحة اتخلي الواحد يظن ان في زلزال صاير قبل ومخلي الشارع جذيه)
, كل التغيير انهم صبوا طبقة جديدة!معقولة؟؟ دولة فوايضها المالية بالمليارات ولله الحمد ومافيها ولا شارع عدل؟ ولا شارع واحد؟؟؟؟؟؟؟؟؟؟؟؟؟؟؟؟
طيب وبعدين؟؟

[بوحارب]

صح السانك اخوي حبر سري على هالكلام الطيب

وياريت نلقى حل نهائي لمثل هالمشاريع اللي شرها اكثر من خيرها

[أمير المحبه]

صح السانكم والله العضيم ان كلامكم عين العقل خلاص متنا من هالشوارع الامكسره
انتو جربتو اتجون الوكره الله لايراويكم في شوارع تتحسف انك دشيت هالشارع
ولو عندك موتر اصغير اي شي لامبر غيني لغزز cls اتحداك اطب هالشارع ماتقدر
والله ثم والله انا فرويل وحس الموتر يناقز من الحفر العوده بس الله يعين
بنصبر شنسوي بعد

[الخفي]

دبي بنت مطار ثاني جنب المطار الاول واسمته مطار دبي ( 2 )

في الوقت اللي لازالت اشغال تعبث وما خلصت طريق سلوى اللي مايتعدى طوله 90 كيلو

شلون لو بيشيدون مترو العالم يفتحون انفاق وجسور واحنا مازلنا نركب اشارات على الدوارات

[فتى الجود]

أشغال
ودي أبين شي بس أخاف الكثير يزعل

ترة أشغال
شاطرة تودي موظفينها كل شهر
دورة خارجية (( عمان))
انعقاد مؤتمرات((مصر والأردن))
دورة تدريبية (( بريطانيا))

وفي الدوحة مايشتغلون
مادرى يودنهم هناك يصلحون الشوارع ؟؟؟؟؟؟؟؟؟؟؟؟؟

[مساهمة بسFresh]

في الصميم ياحبر سري
قلم جرئ ومحد يقدر عليه
وكلامك صح , ماعندنا ولا شارع مثل الناس , وكل يوم يخربون شارع

تسلم يدك على الموضوع

[وحيد-الشوق]

مايضحكني الا طريق سلوى الدولي ( بوسمره )

مايمر اسبوع الا محفرين ويرقعون الشارع من جديد وين يقولون صيف 2008 راح ينتهي المشروع

الصيف خلص والشتاء بعد بيخلص وبنشوف الفقع طالع ان شاء الله :eek5:

الله يعنيهم عالمطر بيطلع عيوب الشارع كلها :eek5:

هيئة فاشله بكل المقاييس حسبي الله ونعم الوكيل

يعطيك العافية اخوي حبر سري

[وحيد-الشوق]

صح السانكم والله العضيم ان كلامكم عين العقل خلاص متنا من هالشوارع الامكسره
انتو جربتو اتجون الوكره الله لايراويكم في شوارع تتحسف انك دشيت هالشارع
ولو عندك موتر اصغير اي شي لامبر غيني لغزز cls اتحداك اطب هالشارع ماتقدر
والله ثم والله انا فرويل وحس الموتر يناقز من الحفر العوده بس الله يعين
بنصبر شنسوي بعد


هي جات عالوكرة بس مافي منطقة في قطر الا وفيها شارع مكسر وحفر :tease:

[الطيبة كلها]

ااااااااااه والدفنه مافيها شارع الا مكسرينه واذ شافوا شارع نظيف يموتون من القهر وما ينامون الليل الا لما يكسونه ولما يخلصون من التصليح اقصد الترقيع يرتاحون شنقول بس عجزنا من الكلام بس مافي فعل

[حبر سري]

صح السانك اخوي حبر سري على هالكلام الطيب

وياريت نلقى حل نهائي لمثل هالمشاريع اللي شرها اكثر من خيرها
يامرحبا بو حارب
مااظن بنلقى حل على المدى القريب
وهذا مهب تشاؤم يابوحارب
والشاطر يفهم:nice:

صح السانكم والله العضيم ان كلامكم عين العقل خلاص متنا من هالشوارع الامكسره
انتو جربتو اتجون الوكره الله لايراويكم في شوارع تتحسف انك دشيت هالشارع
ولو عندك موتر اصغير اي شي لامبر غيني لغزز cls اتحداك اطب هالشارع ماتقدر
والله ثم والله انا فرويل وحس الموتر يناقز من الحفر العوده بس الله يعين
بنصبر شنسوي بعد
هي جات عالوكرة ياامير المحبة؟
قطر كلها تشتكي , والمشكلة الوضع من سئ الى اسوأ
قبل لما كنا نسمع ان في مشروع جديد كنا نفرح , ونقول ان شا الله بيكون في تحسن , الحين اتجينا الرّقالة لما يقولون مشروع جديد او صيانة شارع !


دبي بنت مطار ثاني جنب المطار الاول واسمته مطار دبي ( 2 )

في الوقت اللي لازالت اشغال تعبث وما خلصت طريق سلوى اللي مايتعدى طوله 90 كيلو

شلون لو بيشيدون مترو العالم يفتحون انفاق وجسور واحنا مازلنا نركب اشارات على الدوارات
خلها على الله يبن الحلال
اخبر دوار الخريطيات لما قالوا انهم بيرصفونه او مادري وشيبون يهببون فيه , قالوا يومين او 3 ايام , وخذ له اسبوع!!!
اول مرة في حياتي اشوف الشارع واقف على خط الشمال!
السيد كله واقف على خط الشمال؟؟؟!!!
لاحول ولا قوة الا بالله

أشغال
ودي أبين شي بس أخاف الكثير يزعل

ترة أشغال
شاطرة تودي موظفينها كل شهر
دورة خارجية (( عمان))
انعقاد مؤتمرات((مصر والأردن))
دورة تدريبية (( بريطانيا))

وفي الدوحة مايشتغلون
مادرى يودنهم هناك يصلحون الشوارع ؟؟؟؟؟؟؟؟؟؟؟؟؟
مااعتقد يودونهم يصلحون الشوارع
لانهم اذا صلحوا الشوارع برع , بتلاقي شوارع العالم كلها حفر!

في الصميم ياحبر سري
قلم جرئ ومحد يقدر عليه
وكلامك صح , ماعندنا ولا شارع مثل الناس , وكل يوم يخربون شارع

تسلم يدك على الموضوع
للاسف ان ماعندنا ولا شارع مثل الناس , واحنا من الدول الغنية ولله الحمد
قمة التناقض

مايضحكني الا طريق سلوى الدولي ( بوسمره )

مايمر اسبوع الا محفرين ويرقعون الشارع من جديد وين يقولون صيف 2008 راح ينتهي المشروع

الصيف خلص والشتاء بعد بيخلص وبنشوف الفقع طالع ان شاء الله :eek5:

الله يعنيهم عالمطر بيطلع عيوب الشارع كلها :eek5:

هيئة فاشله بكل المقاييس حسبي الله ونعم الوكيل

يعطيك العافية اخوي حبر سري
طريق سلوى وغيره وغيره , والمشاريع في الدفنة , وغيرها


هي جات عالوكرة بس مافي منطقة في قطر الا وفيها شارع مكسر وحفر :tease:
:nice::nice:

ااااااااااه والدفنه مافيها شارع الا مكسرينه واذ شافوا شارع نظيف يموتون من القهر وما ينامون الليل الا لما يكسونه ولما يخلصون من التصليح اقصد الترقيع يرتاحون شنقول بس عجزنا من الكلام بس مافي فعل

الدفنة حتى فرجانها صارت تضّيع
اذا دخلتي ماتعرفين تطلعين , واذا طلعتي ماتعرفين ترجعين!!!
والله يستر من اللي جاي



مشكورين ياجماعة على المرور والتعليق

[وطن]

ياريتها على أشغال بس
كهرماء بعد مو مقصرة
ترجع بيتكم تلاقي الباب مسكرينه بحفرة
:rolleyes2:

وياريتهم لين خلصوا سكروها
يطمونها تراب
ويخلونها للزمن يردها!!!






أشغال
ودي أبين شي بس أخاف الكثير يزعل

ترة أشغال
شاطرة تودي موظفينها كل شهر
دورة خارجية (( عمان))
انعقاد مؤتمرات((مصر والأردن))
دورة تدريبية (( بريطانيا))

وفي الدوحة مايشتغلون
مادرى يودنهم هناك يصلحون الشوارع ؟؟؟؟؟؟؟؟؟؟؟؟؟


لا اخوي
الدورات بالحسرة
الموظف له دورتين خارجتين فقط
وما يعطونه اياهم الا بالحسرة
وبتمنن بعد

اسأل مجرب

[Qa6ar]

والله لو فيه ناس تتحاسب ونبعد عن المحاباه والواسطه وشركات فلان بن فلان

ومانقدر عليه وواصل للحكومه ومانقدر نوقف حساباته الى مايعدل اللي هو خرب


كان امور كثيره متعدله

[OTOsan]

يبقى الوضع على ماهو عليه .. واللي مب عاجبه يشتري هيلوكبتر !!

[حبر سري]

ياريتها على أشغال بس
كهرماء بعد مو مقصرة
ترجع بيتكم تلاقي الباب مسكرينه بحفرة
:rolleyes2:

وياريتهم لين خلصوا سكروها
يطمونها تراب
ويخلونها للزمن يردها!!!








لا اخوي
الدورات بالحسرة
الموظف له دورتين خارجتين فقط
وما يعطونه اياهم الا بالحسرة
وبتمنن بعد

اسأل مجرب
صدقتي ياوطن
الواحد بيلقاها من وين ولا من وين


والله لو فيه ناس تتحاسب ونبعد عن المحاباه والواسطه وشركات فلان بن فلان

ومانقدر عليه وواصل للحكومه ومانقدر نوقف حساباته الى مايعدل اللي هو خرب


كان امور كثيره متعدله
تعجبني ياقطر
هذا اللي قصدته لما قلت:

والشاطر يفهم:nice:

[/B][/SIZE]



يبقى الوضع على ماهو عليه .. واللي مب عاجبه يشتري هيلوكبتر !!

على هالوضع يمكن يكون احسن حل هو الطيران
بس المشكلة كل واحد لازم يبني مهبط طائرات على سطح بيتهم:omen2:

[PathFinder]

متى بيفتح نفق العسيري؟

[حبر سري]

متى بيفتح نفق العسيري؟

المشكلة مب متى بيفتح
المشكلة اذا فتح , كم علة بتطلع فيه؟ ومتى بيسكرونه مرة ثانية!

تدري اخوي وشتذكرت؟
تذكرت شركة سيارات عندنا , اتطول على ماتجيب لك السيارة , وان جابتها , خدمة مابعد البيع عندهم تعبانة من قلب

مادري ليش تذكرتها الحين!
يمكن لان نفس الشي يصير مع اشغال
مشاريع تطول ومصاريفها بالهبل , ولما يفتحونها يسكرونها مرة ثانية ويرقعون فيها!