استشارة

[ضوى]

السلام عليكم ورحمة الله وبركاته


اخواني الافاضل

عندي سيارة برادو جديدة موديل 2008 توني مطلعتها من خمس شهور تقريبا / صادها شمخ

مدري حك مدري وش يسمونه بس انه مع الحك ظهر سواد ولا ندري احد خابطنا والا الدريول

داعم بها وما يبي قول والصراحة سمعت انه ممكن يسوون لها بولش اعتقد اسمه جذي ويروح

السيارة مأمنة شامل بس سوالف التأمين طويلة واذا دخلت الوكالة مدري اشكثر بتتم هناك

تويوتا وسوالفها وانا الصراحة مااقدر استغني عن السيارة ولا يوم واحد عدا يوم السبت

عشان المدارس وما ابي اتعطل ، وزوجي مصمم عالوكالة عشان الضمان وانا معية لاني

باتعطل :(والحين امتحانات :rolleyes2:

ممكن احد يقدر يفديني ؟

شاكرة لكم

[ĆŇĀǬ]

اإختي عآدي اذا يعني شمخ بسيط يبيلها بولش جرٍبي روحي اي مغسله وجوفي اذا يقدرون يطلعونه طبعآ اذا ماقدرو يطلعونها معناتها ان سياره تشمخـت وطارت الصبغه وياها وممكن اي كراج يخلصج يعني اذا الشمخ مو طويل عادي يمكن ساعتين او 3 بالكثـير ويصبغها لج بـس انا اقول احسن لج يعني اذا ماقدرو يطلعونها ببولش ووديها الوكآله احسن ..

اتمنى اني قدرت افيدج بـشي..

تحيآتي ..

[فلفل حار]

اختي ضوى الفرق بين الشمخ والزلق انه الشمخ ممكن يروح بالباليس لانه هو بيكون صبغ من السياره الثانيه لاصق بسيارتج

بس الزلق هي الضربه ألي أنحفرت بالصدام ولازم صبغ

وديها أي محل باليس يشوفونها لج أو صوريها وحطي الصوره عشان نعرف نحكم ؟

واذا كان زلق الله يعينج شووي بس الموضوع بسيط ، دام تأمين شامل الحين طنشي وخلج علي امتحانات اليهال وعقب المسأله بسيطه

بعد ماتخلصين الامتحانات وأي وقت أنتي فاضيه روحي المرور قسم التحقيق وبيشوفون الصدام وبيعطونج ورقه تصليح علي اساس ( حادث مجهول )

وعقب روحي التأمين يصورون السياره حق التصليح وقطوها الوكاله وكلها ثلاث أو اربع ايام بتاخذونها مصلحه جاهزه

والضمان شدخله لا ينلغى ولا شي

والله يوفق أعيالج يالغاليه :)

[على نياته]

بالنسبة للوكالة ( تويوتا ) شغلهم في الصبغ والسمكرة الله بالخير فلذلك بولش عند احد المغاسل اسهل وافضل اما اذا الشغلة محتاجة صبغ فاحد الكراجات الممتازة افضل من الوكالة وفق الله الجميع .

[بوحارب]

وديها اي مغسله وقولي له يسوي باليس للزلق

وأذا ما راح فيه كراج في الغرافة بيخلص لج الموتر وانتي واقفة اذا كان الشمخ بسيط

[واقع]

اختي ضوى في محل في محطة بترول المسيله جدا متمكن في الصبغ ( المعالجة ) او البوليش وهو راح يقولج صبغ او بولش اسم المحل paint technic
وبالتوفيق

[Gxr_2000]

قوطي بولش من اي جمعيه ويروح السواد
وبالتوفيق

[..er..]

راح يروح بالبولش جربي في اي مغسله سيارات وان شاء الله بيروح مع البولش

[ضوى]

والله انكم ما قصرتوا

مشكووووووووورين

حاولت انزل الصور من الجوال ما عرفت ، باحاول اصور من الكاميرا الديجتال وانزلهم حتى يكون الموضوع اوضح

بارك الله فيكم والله انكم فكيتوني من هم كبير

[بوعلي2]

اختي ضوى في محل في محطة بترول المسيله جدا متمكن في الصبغ ( المعالجة ) او البوليش وهو راح يقولج صبغ او بولش اسم المحل paint technic
وبالتوفيق

اتفق معاك اخوي

[ضوى]

اتفق معاك اخوي



احد يعرف الساعة كم يفتحون ؟؟ ورقم تلفونهم ؟؟

[ahmed jasim]

جربى محطة بترول التيسير على شارع سلوى
مفتوح الى الليل

[qatar.1995]

جربى محطة بترول التيسير على شارع سلوى
مفتوح الى الليل

جربي كلامه صح :nice::nice::nice::nice:

[ضوى]

http://www9.0zz0.com/2008/11/22/12/863914596.jpg (http://www.0zz0.com)



http://www5.0zz0.com/2008/11/22/12/663488632.jpg (http://www.0zz0.com)


هاي الصور مدري واضحة والا لا ؟

[ضوى]

http://www.gulfup.com/files/jpg/GhD57035.jpg (http://www.gulfup.com/)

http://www.gulfup.com/files/jpg/i1X57035.jpg (http://www.gulfup.com/)

[برشلوني قطر]

مابي احطمج اختي...بس شكل الصبغ طاير...وماعتقد بالبوليش يطير..


الله يسهل امورج

[ضوى]

مابي احطمج اختس...بس شكل الصبغ طاير...وماعتقد بالبوليش يطير..


الله يسهل امورج


:(:(:(:(

يعني لازم صبغ ؟:(

[برشلوني قطر]

اتوقع صبغ :(

وبينزل من سعر الموتر واايد ومحد يضبط لج الصبغ وبيتأخر لين يخلص من الكراج ..

الله يعينج.. << كرهتج فالموتر هااا ..<< هههههههههه امزح..

الموضوع بسيط ان شاءالله..بس شوفي حد يضبط الصبغ

الله يوفقج

[..er..]

اول شغله جربي تحطين يدج على المكان الاسود وشوفي اذا الصبغ رايح او بيكون زياده على الصبغ

اذا كان الصبغ رايح لازم ينصبغ وماعتقد مهمه لهدرجه اما اذا كان زياده بيروح بالبولش

[ضوى]

اول شغله جربي تحطين يدج على المكان الاسود وشوفي اذا الصبغ رايح او بيكون زياده على الصبغ

اذا كان الصبغ رايح لازم ينصبغ وماعتقد مهمه لهدرجه اما اذا كان زياده بيروح بالبولش


:(مدري شسالفة حطيت ايدي وما فهمت :(

بكرة ان شاء الله بنشوف المسيلة والتيسير وربي ييسر ان شاء الله

[ANONYMOUS]

اذا يروح بالبولش.. زين

اما اذا لا.. ويبيله شغله

خليه مثل ماهو..

قبل لاتخلص البيمه.. ودوها الوكاله تتصلح

[qatar25]

اختي,

الي اسود على الرفرف هذا غالبا شمخ ومايطير مع الباليس
اما الرصاصي,, غالبا يجير,, حتى لو تحكينه بصبعج بالقوه,, مع شوية تفال ,, المفروض يطير,, او بالظفر شويه,,

[qatar25]

اختي,

الي اسود على الرفرف هذا غالبا شمخ ومايطير مع الباليس
اما الرصاصي,, غالبا يجير,, حتى لو تحكينه بصبعج بالقوه,, مع شوية تفال ,, المفروض يطير,, او بالظفر شويه,,

اسف اختي توي شايف الصور عدل,, الشموخ كلها نفس بعض,

جربي حركة التفال مثل ماقلت لج,, عقبها بتعرفين يطير ببوليش ولا لا

[Q1933]

اختي الفاضله
مافي الا حل واحد وانا دايمن اسويه مع الوكاله شفت الصور والواضح انه الصبغ طاير المهم سوي كل اجرات المرور والتامين وروحي الوكاله وخليهم يشوفون المطلوب من السياره بدون مايدخلونها الوكاله وعلي معتقد انه الصدام بس وخذي موعد منهم علي تركيب الصدام في يوم ثاني وجذي بتم عندج السياره تستعملينها لين يجهزنا وتروحين وتركبين القطعه احسن ماتم السياره عندهم بدون فايده وانتي محتاجه السياره

[عيد823]

أختي ضوى ,

نصيحة مجرب , عندك المحل اللي ذكروه لج بعض الأعضاء(الله يجزيهم خير) وهو المحل الموجود في محطة المسيلة .

عندي vxr-2008 لؤلؤي , أنضرب الصدام الأمامي وكنت باروح الشركة , قلت خلني أجرب واشوف هالمحل , والله سوى الموتر ولا كنه فيه شي وب300ريال , صبغ لي نص الصدام

جربي مري عليه وشوفي , مب خسرانه شي

[قطري كيووت]

اختي روحي اي كراج في الصناعيه والا روحي المحل اللي في التيسير وبيضبيطه لج (( بقلم الصبغ )) << خاص في المواتر .,’

اذا عنده وهذي الشموخ مايحتاي انج تصبغين فيها الصدام كامل على مااظن.,’

الأفضل يتضبط مكان الشمخ فقط ومايكلفج شي ابد .,’

واذا تبين الصبغ نفسه بيطلعون لج رقم الصبغ وموجود عادة في الباب أو في الدرج رقم الصبغ للسياره .,,

وتشترينه من اي محل اصباغ في الصناعيه بـ 20 ريال بس .,,’

والله يوفقج اختي .,’

والسالفه سهله ان شاء الله .,’

والأفضل طبعا تبديل الصدام لكن مااظن ان الصدام بيبدولنه حتى لو على التأمين والوكاله بيسوون لج نفس ماقلت لج أو بيصبغون الصدام كامل :(

[khalid 87]

أختي ضوى ,

نصيحة مجرب , عندك المحل اللي ذكروه لج بعض الأعضاء(الله يجزيهم خير) وهو المحل الموجود في محطة المسيلة .

عندي vxr-2008 لؤلؤي , أنضرب الصدام الأمامي وكنت باروح الشركة , قلت خلني أجرب واشوف هالمحل , والله سوى الموتر ولا كنه فيه شي وب300ريال , صبغ لي نص الصدام

جربي مري عليه وشوفي , مب خسرانه شي

اوافقك الرأي تماما ونفس التجربة مريت فيها وضبطوا السياره وماخذت عندهم 24 ساعه

[ضوى]

اخواني الافاضل

بارك الله فيكم والله رايتكم بيضا ماقصرتوا

الحمد لله ودينا السيارة التيسير اللي بشارع سلوى وضبطها واظن اسم المحل جلاس حسب ماقال بو عيالي

وماشاء الله السيارة ولا كأنها مزلقة ولله الحمد والمنة ، حبيت اضيف انه السيارة ماخذت ساعتين عندهم

طبعا هذا كله بفضل الله ثم فضلكم بارك الله فيكم وجزاكم الله الف خير فكيتونا من التويوتا ووسوالفها الماصخة

عساها بميزانكم يوم القيامة

شكرا لكم فردا فردا الشكر الجزيل والشكر لاخوي انتعاش واقول له جزاك الله خير وماقصرت