نصيحه اخويه اللي عنده نيه بيبيع سيارته يبعها قبل اسبوعين

[mbsaad]

سوف تنزل الاسعار الي 40%

[قطري 22]

ممكن تفيدنا على اي اساس جبت هالمعلومه

[oqbah]

عقبال مانشتري الهدد جديد 95 الف ودون

قولو آمين

[The Blade]

هذا الي سمعناه بس نبي مصدر رسمي يالغالي:)

[mbsaad]

هلا قطري 22 حياك الله بعت شي من السيارات اللي انت تعرضها السوق نايم ويبي ينام وانا غدا لناظره قريب وبالنسبه لاصحاب المكاتب اكيد بيقولون مو صحيح الخبر شوف اسواق العالم للسيارات كلها خسرانه وبالمليارات وشوف السعوديه اقرب مثال الجميح يبيعك سياره تدفع 50% من القيمه والباقي بعد سنتين وراح انشوق يأخي في الله اسعار ارخص من ذلك قول امين والا انت ماتبيها تنزل

[ولد الانصاري]

والله اعتقد ان كل هاااي اشاعات ..... ويمكن يكووون مصدرها اشريطيه

مع احترامي لك

لان هااااي كله بعلم الغيب

يعني شلووون يعرفون ان السوق بيطيح عقب اسبوعين

واسمح لي على المداخله

[mbsaad]

مشكور يا ولد الانصاري مقبوله مداخلتك بس اذكرك بعدين لا نزلت الاسعار سوف ارسلك رساله واقول لك وحق الاخ العزيز قطري 22 وشرايكم صار صحيح والا لا والله يوفقكم ويرزقكم رزق حلال

[BEng]

شكلي ببيع المواتر وباخذ سيكل, بس هل سعره بينزل بعد؟ خخخخخ

اتغشمر :)

[ابونوف]

كلامك اخوي فيه نوع من الصحه لبعض انواع السيارات مثل الفورد والجمس .

اسعار هذه السيارات في السعودية نزلت بشكل قوي خلال العشر ايام الماضية ، وكذلك

العروض والتنافس بين الشركات في تصريف الكميات الموجودة لديها في المخازن .

عموما بالنسبة لي فقد صرفت جزء من السيارات المعروضة لدينا في المعرض برغم ان

بعضها بعته برأس المال .

ثانيا : المستعمل لجميع السيارات هنالك انخفاض ملحوظ في الاسعار . والمتابع لاسواق السيارات يلحظ ذلك .

اتوقع ان القادم سيكون اكثر واشد تأثير .

كلمة اخيره الله لا يخسر مسلم
دمتم بخير

[ابوجواهر]

والله ودي اصدق انها ماهي اشاعه
يعني الكابرس 2009 قيمته ب 100000 ريال بيصير ب 60000 ريال عيل كم بيكون سعر موديل 2005 يمكن ب 5000 ريال شئ مايخش المخ اتوقع لعبة شريطية خصوصا اني سمعت بالعربية ان شركات السيارة بتستغني عن كثير من عمالتها وتقلص انتاجها الى النص ففي هالحال السيارات بترتفع اكثر مثل ماصار ب 2003 يوم قلصوا الانتاج

مثل ماقال احد اخواننا الله لا يخسر مسلم

[mbsaad]

انا اتكلم على السيارات الجديده 2008 و2009 والمستعمل الله واعلم واللي يسلم على رأس ماله نعمه يابو نواف واللي ما يخسر ما يربح وهذه التجاره والله يرزق اخوانا المسلمين من خيره في الدنيا ومن نعيم الجنه في الأخره قولوا امين ويكفينا شر الحاسدين ويمنا في اوطاننا نعمه الايمان

[خريج اعلام]

نزول اسعار السيارات في قطر بسبب البورصة فقط
اما الوكالات فالنزول بسيط جداً
بيكون النزول فالسيارات الامريكية بنسبة 40 %
اليابانية 10%
الالمانية والبريطانية 10 %
والقصد ( البنتلي - الروزرايز - البي ام - المرسيدس - لاندروفر ورنج روفر )
والوكلاء بطرانين مستحيل ينزل من سعر السيارة
مافيه الا انقاطع المنتجات اليابانية والالمانية عشان ينزلون مثل الامريكي

[mbsaad]

ارجو من الاخوه المشرفين اغلاق الموضوع وشكرا لكل من شارك