أصحاب الاراضي اللي عليهم التزامات بنكية ،، الحل موجود ، موضوع للنقاش [الأرشيف]

مشاهدة النسخة كاملة : أصحاب الاراضي اللي عليهم التزامات بنكية ،، الحل موجود ، موضوع للنقاش

جاسم3456

22-11-2008, 04:06 PM

أولاً : مما دعاني إلى أن اكتب هذا الموضوع في منتدى الأسهم القطرية ، هو الإقبال الكبير من المواطنين على هذا المنتدى الرائع ، وإيماناً مني بأن كثير من أصحاب العقارات سوف تتطلع على موضوعي وتتفهم إن شاء الله المقصود منه .
السبب الي خلاني اكتب هذا الموضوع هو تورط كثير من المواطنين في تمويلات بنكية لشراء اراضي والمشكلة حان موعد السداد والارض مافيه من يشتريها ولو لقيت الشراي بتطلع خسران اذا بعت ، لكن الحل موجود اقراء الموضوع بالكامل وارجو التعليق
الكل عارف بالهبوط اللي حصل لأسعار العقار ، وكثير ناس متضررة من هذا الهبوط ، وأنا من ضمنهم ، لكن ماذا يحصل لو كل واحد عنده ارض امتنع عن البيع ، ادري البعض بيقول انا علي التزامات بنكية ، وارجع واقول انا بعد من ظمنكم ، لان علي التزامات بنكية وحل موعد السداد والمشكلة انا القسط واحد يعني المبلغ كاااااامل لازم ادفعة ، ولكن قبل موعد السداد ذهبت الى الشركة المموله واجتمعت معاهم وتكلمنا بخصوص اسعار الاراضي والنزول اللي صاير بالعقار في قطر تحديدا ، واللي ماله اي مبرر ، وكانوا الجماعة متفهمين ومقدرين الوضع السيء للسوق ، وقلت لهم ياجماعة انا جيتكم قبل موعد السداد وحاب اتفاهم معاكم على تاجيل القسط او اي حل ثاني مرضي للطرفين ، وكان جوابهم لي على النحو التالي :
1 - تأجيل القسط لمده شهر بدون أي أرباح وهذا شيء بسيط نقدر نسويه بدون اي مشكلة .
2 - سوف تقوم الشركة بدراسة الموضوع لتأجيل المعاملة لمدة سنة إضافية ، لاني انا كنت شاري ارض وموعد السداد قسط واحد بعد سنة ، ولنفرض كانت الارباح 100.000 ريال ، فإذا مددوا لي سنة اضافية بتكون الارباح 200.000 الف ، وهذا الموضوع تحت الدراسة .
وكان كلامهم لي طيب جداً ، حيث قالوا لي إحنا كشركة تمويل يهمنا العميل يكون راضي عنّا وربحان مش خسران ، واحنا مقدرين هذه الضروف اللي يمر بها سوق العقار .
ترى ياجماعة البنوك او شركات التمويل ممكن انك تاخذ وتعطي معاهم بالكلام وتتفاهم ، مش مثل ما يتصور الواحد ان هذا بنك واهم شي يربح ، لالالالالالا انا معاكم لازم يربح ، لكن اذا راح لهم الواحد وتفاهم معاهم ووصل لهم وجهة نظرة وحسن نيته تراهم متفاهمين ، وهو يعرفون ان الوقت الحالي لو تبي تبيع محد بيشتري اصلا ، فأضمن لحقهم انهم يمددون سنة ، لان بيضمن ارباح اكثر ، وبيضمن قيمة المديونية .

ومن الأمور التي أدت إلى نزول العقار في قطر امور كثرة سبقني الاخوان في طرحها لكن عندي سبب اعتقد لم يتطرق اليه أحد .
وهو مايسمى في الإقتصاد بسياسة القطيع ، وهي سياسة الجاهل الذي لايفهم إلى اين هو ذاهب ، شاف الناس تشتري اراضي راح شرى اراضي ، شاف الناس تبيع اراضي باع اراضي ، بدون ما يعرف ليش يشتري وليش يبيع ، وهذا هو اللي مدينا في 60 داهية والامثله على هذا كثيرة
مثل سوق التريلات دخلوا فيه واخربوه واطلعوا منه
وايضا سوق الاسهم دخلوا فيه واخربوه واطلعوا
المشكله ان الجهل في الامور يؤدي الى التهلكة ، والمشكله انهم مايتعلمون ، مع ان هذا رزقهم المفروض يسألون شنسوي لو صار كذا وكذا ....... ؟ لكن الله المستعان

اسمحولي على الإطالة وأتمنى أتمنى بعد هذا الكلام
أن كل واحد عنده أرض معروضة للبيع يسحبها من السوق ويمتنع عن البيع
لان اذا كل واحد قال انا مالي شغل رحنا في داهية . ياجماعة إحنا الحين كلنا في سفينة وحده فإذا فيه واحد قال انا بفتح فتحة في السفينه وهذا مكاني الخاص ومحد له شغل فيني بتغرق السفينه كلها .
أتمنى ان الصورة وصلت
تحياتي

سوق واقف

22-11-2008, 04:12 PM

أخوي الغالي كلام جميل وجزاك الله الف خير
ولكن المشكلة أكبر يالغالي ....المشكله تحصل الشخص مبهدل نفسه بالديون من أكثر من جهة ..
يعني تحصله ماخذ عن طريق الأولى عقار وماخذ عن طريق بنكه عقار وتحصل ماخذ عن طريق الجزيرة عقار ... أعرف وايد بهذي الطريقة ...ومتبهدلة ..... والله يا خوي بدون شماته أهم الي جابوها حق نفسهم من طمعهم الزايد ...وربي يوفق الجميع ...

سوق واقف

22-11-2008, 04:16 PM

أخو يالغالي بعطيك مثال في شخص باني عماره عن طريق البنك ومتفق أنه يعطيهم أو ل قسط بعد سنتين ..والحين راحت السنتين ومب لاقي مأجرين بالسعر الي يغطي القسط الشهري شفت هنا تكمن المشكله بارك الله فيك والحين عارض العماره للبيع من عشرين مليون الى 13 مليون قريب من مسجدأبو بكر الصديق.. والى الآن لم يجد مشتري ...والله العظيم لا أريد لهم الخسارة ولكن هم السبب ...

خالـــــد

22-11-2008, 09:08 PM

النسر الذهبي

23-11-2008, 09:30 AM

يا جماعة! العقار يمرض وما يموت. نصيحتي لملاك العقار ذو الدخل المحدود ان لا يبيعواعقاراتهم الا بالسعر الذي يعينهم على مواجهة الغلاء المعيشي. الصبر الصبر يا اصحاب العقارات ذو الدخل المحدود. بلادنا ان شاء الله بخير وما راح يسير ان شاء الله الا كل خير. سدد القسط واتحمل ولا تفكر اتبيع ترى اليوم نازل وبكره نار ان شاء الله

واخيرا العقار مثل الاكل والشرب والنوم وبلادنا ان شاء الله بخير فلحد يبيع بخساره ترى الخساره عاقبتها مراره.

أحساس

23-11-2008, 04:42 PM

جاسم3456

24-11-2008, 04:51 AM

اخوي مع احترامي لطرحك الراقي

لكن اذا كان الخطأ في البدايه اخذ قروض ربويه فليس الحل هو الاستمرار فيها وزيادة الفوائد البنكيه

الحل يا اخي العزيز هو التخلص من الربا باسرع وقت والاستغفار والتوبه

اما اذا كان البيع عن طريق البنوك الاسلاميه فهذا الحل غير وارد لان البيع بسعر ثابت لا يزيد وينقص مع الوقت واي زياده على التاخير فهذا يعتبر ربا

اما اذا وافق البنك بالتاجيل من غير زيادة فهذا امر جيد

بالتوفيق باذن الله
اخوي الغالي خالد
فيه شي في التمويل الاسلامي العقاري اسمه الإجارة واتوقع لايخفى عليك
هذا النوع من المعاملة من الممكن البنك او الشركة المموله ان تراعيك فيها ، أما اللي انت تقصده فيسمونه في الشريعة المرابحة اللي هو البيع والشراء العادي ، واذا كان العميل معاملته مرابحة فممكن بالتنسيق مع البنك او الشركة تحويل المعامله من مرابحة الى اجارة .
اتمنى اني وصلت لك المعلومة المرجوة
وتقبل تحياتي اخوي خالد

جاسم3456

24-11-2008, 04:59 AM

مشكور أخوي جاسم 3456 على موضوعك
عندي سؤال ؟
لو كل شخص عمل مثلك وأجل القسط وأتفق مع البنك . وأكيد بفايدة كبيره
وأكيد الجماعه في البنك متفاهمين (قلت أكيد قالوا بدون فايده )
تخيل الاسعار نزلت أكثر من 80% ( أقول تخيل ممكن 50% وممكن 60% وممكن 100%
أيش بيكون وضعك ؟ بصراحه
وعقارك ما يساوي ديونك ؟ لا يكون تفكر أن الدوله بتدفع
للعلم أنا أملك عقارات عليها تمويل
لا تضللون الناس ؟ هذا الواقع وعلى الناس تقبله بحلوه ومره ( بالربح أو الخساره)
وشكرا

شكرا اخوي أحساس على الرد
لكن لنتكلم بواقعية
وبكلام اقتصادي ومنطقي ، لو 60% من ملاك العقارات سحبو أراضيهم من السوق ، ووقفوا عمليات البيع ، تتوقع ايش اللي بيصير ؟؟؟؟؟؟
تدري وش بيصير ؟
انا اقول لك بالضبط
اول شي البورصة بترتفع لان الناس عندها كاش ومش محصلين اراضي يشترونها بالتالي بيتوجهون على سوق الأسهم على طووووول
واذا دخلت الفلوس في سوق الاسهم طبعا بيرتفع
واذا ارتفع السوق بترتفع الاراضي
حط هاذي القاعدة في بالك
اذا نزلت البورصة نزوول جامد مثل اللي صار هاليومين على طول تنزل الاراضي واذا ارتفعت يصير العكس .
وبالنسبة للدولة ، ترى الدولة فاهمه وعارفه شلون تدعم الاقتصاد ، بالعربي لو تبي ترفع اسعار الاراضي بتدخل في البورصة وبترفعها واذا ارتفعت البورصة بيقابله ارتفاع في سعر الاراضي
اتمنى رديت على أسألتك يالالي

جنيه ذهب

24-11-2008, 11:36 AM

باختصار بقول لك هالمثل وهو يشرح نفسه

يقولك (( مافي طير طار وارتفع الا كما طار وقع ))

تقبلوا تحياتي وارضوا بالي صاير وهذا مصير كل شيء يرتفع بسرعه ينزل بسرعه

MLAAS

25-11-2008, 03:01 PM

السلام عليكم .. اخوي بس حبيت اعلق على كم نقطه .. اول شي هي النقطه رقم 2 الي ذكرتها

انت قلت لازم ندرس الموضوع وانحط كل الاحتمالات في اخر كلامك .. مو كل من هب ودب يشتري ويبيع ( مع الخيل يا شقرا )

بس اخوي انت حط احتمال ( اذا انت اجلت القصد او الدفعه ) وكان ربح البنك 100000 وصار 200000 ومازال السعر ينزل او ثبت على سعر معين في النزول ..

وش راح تسوي ؟

انا بقولك .. راح تبيع بخساره وفوق هذا البنك بيجبرك تدفع 100000 زياده .. يعني انت خسران في الحالتين ..
واذا عن لو 60% من التجار اسحبو اراضيهم وبيوتهم .. اصلن مابيوصلون 15% لانه اكثر الاراضي ملك للمحلات العقاريه .. وهذي المحلات تبيع وتشتري لانه هذي شغلتهم ومابيوقفون عن البيع ..

ترى كلمه لو هذي ماتأكل خبر
اخوي انصحك عصفور في اليد ولا عشره على الشجر .. وشوف العروض من الشركات الكبيره شمسويه في السوق علشان اتنزل من سعر السوق .. اراضي لوسيل 145 او 165 سعر الفوت .. بس انا ماشتركت فيها لانه اصلن طريقتها حرام .. الا وهو انك تدفع 100 ريال .. والي بيطلع اسمه في السحب بيدفع سعر الفوت بالكامل .. بس هم من الاساس باعو الارض بأكثر من 250 للفوت .. 100 قسيمه اشتراك × 200 الف قطري = 30000000 الربح المبدئي .. ومن غير 145 للفوت وعندك ازدان شغاله اجارات للعالم

وشركه بروه شغاله على التجار وصغار المستثمرين .. الي هو الايجارات وبيع اراضي الارجوان .. وفي كم مشروع الله يعين بعد وشو راح يسوون .. اسف ترى ماعندي خلفيه في السوق العقاري ويمكن كلامي مايقنع الكثير .. بس الحمدلله انا مقتنع .. تقبلو مروري

jassim_9

25-11-2008, 06:03 PM

ترى كلمه لو هذي ماتأكل خبر
اخوي انصحك عصفور في اليد ولا عشره على الشجر .. وشوف العروض من الشركات الكبيره شمسويه في السوق علشان اتنزل من سعر السوق .. اراضي لوسيل 145 او 165 سعر الفوت .. بس انا ماشتركت فيها لانه اصلن طريقتها حرام .. الا وهو انك تدفع 100 ريال .. والي بيطلع اسمه في السحب بيدفع سعر الفوت بالكامل .. بس هم من الاساس باعو الارض بأكثر من 250 للفوت .. 100 قسيمه اشتراك × 200 الف قطري = 30000000 الربح المبدئي .. ومن غير 145 للفوت وعندك ازدان شغاله اجارات للعالم

ليش 200 الف قطري ياخي لا تنسى ان القرعة للي اعمارهم فوق 18 سنة + ان في ناس قالوا نفسك حرام

MLAAS

25-11-2008, 06:10 PM

لا مانسيت بس علشان جذي عطيتك 200 الف شخص .. كحد ادنى

anything99

25-11-2008, 07:46 PM

يعين الله

26-11-2008, 09:25 AM

اسال الله العلي القدير ان يهون على الناس مصائبهم ويعوض عليهم ان شاء الله

السهم الثابت

27-11-2008, 01:57 AM

اخوي مع احترامي لطرحك الراقي

لكن اذا كان الخطأ في البدايه اخذ قروض ربويه فليس الحل هو الاستمرار فيها وزيادة الفوائد البنكيه

الحل يا اخي العزيز هو التخلص من الربا باسرع وقت والاستغفار والتوبه

اما اذا كان البيع عن طريق البنوك الاسلاميه فهذا الحل غير وارد لان البيع بسعر ثابت لا يزيد وينقص مع الوقت واي زياده على التاخير فهذا يعتبر ربا

اما اذا وافق البنك بالتاجيل من غير زيادة فهذا امر جيد

بالتوفيق باذن الله

اخوي اوكي انا خذت قرض من بنك ربوي والحين ان شايررر بدين كبير مع البنك الحل بنظرك اني اتخلص وازيد الدين واهلك نفسي ومستقبل عيالي معاي لا لا لا لا اخوي مو حل
وفية انسان علية قرض وقال لاحد المشايخ انة يبي يطلع من البنك الربوي لان القرض حرام بس اذا طلع بيزيد علية الدين دبل خصوصا اذ مع البنوك الاسلامية الي بس اسم والهي كفررروالعياذ باللة من كلمة كفررر افادة الشيخ قال لاتطلع وخلك بالبنك الربوي ليين اللة يفرجهاااا معاك اهم شي ان نيتك خيررر ابتعاد عن الربااااااااء

السهم الثابت

27-11-2008, 02:03 AM

الاخ جاسم 3456 اعتقد الحل الذي طرحته سيفاقم المشكلة ولن يحلها .. لاننا بذلك سنتبع سناريو الازمة التي عصفت بالولايات المتحدة وذهبت باقتصادها .. تأجيل السداد .. زيادة الفوائد .. في احال استمرار نزول اسعار العقارات .. فستظهر الازمة بعدم القدرة على السداد.. ستعرض العقارات المرهونة للبيع .. ولن يشتري احد .. وفي كل الاحوال يجب على اي شخص ان يستخير الله قبل الشروع في اي قرار يتخده ويسأل اهل الخبره ويبتعد كل البعد عن الحلول المرتبطة بالفوائد الربوية .. وجزاك الله خير على محاولة مساعدة الناس بطرح هالفكرة .. لكن اتمنى دراستها جيدا ..

اوافق الرأي اخووووي والوضع في امريكااااا حاليا الي مطلوب لبنك بدين عقاري حول موضوعة لمحامي وفي الاخير البنك اخذ العقاررر وطلع المسثمررر خسران والبنك خسران دبل
الحل عند اللة بس الي بياكلهاااا عدل هم الكباااااااار مو الصغاررر والعلم عند اللة

خالـــــد

28-11-2008, 08:56 PM

اخوي اوكي انا خذت قرض من بنك ربوي والحين ان شايررر بدين كبير مع البنك الحل بنظرك اني اتخلص وازيد الدين واهلك نفسي ومستقبل عيالي معاي لا لا لا لا اخوي مو حل
وفية انسان علية قرض وقال لاحد المشايخ انة يبي يطلع من البنك الربوي لان القرض حرام بس اذا طلع بيزيد علية الدين دبل خصوصا اذ مع البنوك الاسلامية الي بس اسم والهي كفررروالعياذ باللة من كلمة كفررر افادة الشيخ قال لاتطلع وخلك بالبنك الربوي ليين اللة يفرجهاااا معاك اهم شي ان نيتك خيررر ابتعاد عن الربااااااااء

سبحان الله تاخذ قرض ربوي ومش عاجبك

يا اخي العزيز انا قلت باسرع وقت ممكن

وركز على اسرع وقت ممكن

بعدين اذا الدين ربوي ودفعت قبل الموعد سيتم خصم بعض الفوائد وليس زيادنها

ولكن المصيبه انك تاجل والفوائد تزيد وسعر العقار ينخفض بزياده هنا تكمن المصيبه

اخيرا اخي العزيز من يتق الله يجد له مخرجا ويرزقه من حيث لا يحتسب

تاجرمتميز

07-12-2008, 11:09 PM

الله المستعان

الراعي

13-12-2008, 01:52 PM

دين + دين + ( نزول في الاسعار) = خساره + خساره + خساره
دين + بيع بخساره سعر اليوم = خساره
دين هم في الليل ومذله بالنهار
الله يكفينا معاك الهم والمذله

سهم اكتتاب

21-12-2008, 06:18 PM

تلسكوب

25-12-2008, 09:33 AM

الخساره من رايي أحسن من الديون
لي متى واحنا من ديون في ديون الواحد يبيع بخسارة شي بسيط ويشتري شي مربح احسن من انه ينطر لين ترتفع الاسعار وما يندرى ترتفع ولا ما ترتفع
الخساره خسارة الروح

مجرد وهم

27-12-2008, 11:40 PM

انا اعتقد انه النزول كبير اكثر مما انا كنت اتوقع انه يصل في بعض المناطق الى 70 في المئه لاكن انا ودي اسالكم سوال بسيط .. سهم الصناعات وصل في يوم من الايام 250 وكان مردوده السنوي 3.5 ريال وبعض الفلل الصغيره اوصلت في الفتره الى 4 مليون فوق وفي النهايه الي بيشتريها بياجرها في النهايه ما بين 15 الف الى 18 الف طيب انا كمستثمر عقاري كم سنه يبيلي عشان اطلع راس مالي يا جماعه ... يا جماعه لازم تفهمون انه حتى لو ما صارت الازمه الاقتصاديه العالميه راح يكون فيه نزول بس ماراح يكون بهاذا القدر ... الناس اعرفت لعبة الاسهم واسعارها والنزول الي حصل لمعض الاسهم قياسا بمردودها السنوي والدليل هبوط كثير من الاسهم وبقاء القليل مثل سهم الوقود الذي وزع 9 ريال الذي ادى قفزه في سعره .. والان بدت لعية العقارات وراح تعرفون معنى كلامي في النهايه لانه كل تجاره له خطه ومن خلالها يعرف المستثمر متى راح يرجع راس ماله ((المده الزمنيه )) والمستثمر العقاري دايما تكون خطته المرسومه ما بين 8 الى 10 سنوات ومن خلالها يقيس المشتري قيمة العقار ... اعتقد ياخوي خالد الناس بالغت في اسعار كثير الشي الي ما يتناسب معى مدخول العقار .. وتقبلو مروري مع انه عارف كلامي يمكن ما يعجب الكثير

QTR TV

02-01-2009, 12:37 AM

السلام عليكم اول شي الله يهون عليكم وعلينا مشاكلنا ياجماعة ثرا الي يقول ان النزول مصيبه غلطان ثرا الي يستوي لعبه بس كبيره ستغلها الهوامير لكبار وطاحوا لصغار اخوي جاسم اذا انت تكلم على دين عليك فناس غرقانه ديون والحل اني اجل ودفع فوايد اكثر لا لا لا بسنا فوايد ومص دماء اخوي تبغي نصيحه متواضعه من اخوك اصغير التاجر ياخوي جاسم الي يخسر في بضاعه عند يصفيها لو بخساره 50 % احسن من خسارة 100% خسارة نزول وخسارة فوايد فاياخوي جاسم حاول انك تشوف بنظره اوسع لاتخلي انظره محصوره على العقار فقط ثرا احسن وقت لتجاره الحين وبدا من الصفر وبتعوض خسارتك ان شالله وبترتاح

مجرد وهم

08-01-2009, 01:35 AM

ياجماعه بصراحه انا ما كنت متوقع انه فيه ناس ماخذه قروض كبيره بهالحجم بس الي اتضح لي موخرا اذا تم السوق حتى الاسعار الي موجوده حاليا انه في ناس كثيره بتفلس وفيه ناس ممكن تنسجن بسبب هالقروض .. انا شخصيا صديقي شاري اراضي عن طريق التمويل ب 45 مليون تقريبا وتبون الصج الحين اهو ما حسب حجم الخساره لاكن في النهايه مضطر يبيع ومضطر انه يكمل باقي المبلغ من حسابه الشخصي وبالعربي يمكن يفلس .. وفيه ناس بعد غير ماخذه تمويل وعندها ملايين تدرون ايش يقولون الان يقول حتى لو افلس مهب مشكله بس ما يطالبني البنك بشي من عقب الملايين الي كان يملكها ... تبون الصج انا يمكن كنت ماخذ المساله ببساطه شوي بس يوم قعدت اشوف التجارب خفت والله وتحمدت ربي انه ما كنت من اصحاب الملايين ولا اخذت قروض على الاقل خسران في عقاري بس الحمدلله ما اخذت اي تمويل عقاري .. هاذيك الايام كنى نشوف بحسره وما نقدر نشتري والان والله انا عن نفسي اقول ساعات الفقر نعمه والحمدلله على كل حال .. وبالتوفيق والله يبعد عن كل انسان نيته طيبه الخساره

لوردغاليري

08-01-2009, 01:40 AM

أغيثوا أهلنا في غزة بإرسالكم حرف غ الى الرقم 2438
قيمة الرسالة عشرة ريالات
صندوق الزكاة

لا تتأخروا يا رجال ونساء قطر ومقيميها لنصرة أهلنا في غزة أرض العزة!

فلقد بشرنا رسول الله بالنصر في هذه الحرب
( صلى الله عليه وسلم )
انشروااااااااااااا

الدال على الخير كفاعله

boalia

08-01-2009, 07:22 PM

الاخ Lord جزاك الله خير ومشكور على التذكير

bo_hamad

08-01-2009, 08:28 PM

تم ارسال عشرة رسائل وبارك الله فيك

أعمار

17-01-2009, 07:38 AM

تأجير القرض مش حل،، بالعكس يعقدها اكثر،، مشكلتنا متعلقين بأسعار مبالغ فيها،، وعندنا امل ان الاسعار بترجع!!

الحل الوحيد = عيش الواقع
رتب امورك بيع بأي سعر تحمل جزء من الخساره،، الان التجارة ربح وخساره
حتى دبي الي نضرب فيها المثل،، سمحو لـ 3 بنوك اجنبيه بفتح فروع لجلب السيوله
الابراج في دبي اخسرت 50% من قيمتها اثناء الطفره ،، وحنا انردد لا لا الدوحه غير

اي اخوي الدوحه غير ولله الحمد ... قطر انتاجها من الغاز الحالي 33 مليون طن اضربها في 870 دولار للطن سعر شهر نوفمبر = 28710000000 ( 29 مليار دولار تقريبا ) وفي سنة 2010 بيكون الانتاج 77 مليون طن وعليك الحسبه يعني الدخل فوق ال 70 مليار دولار بذن الله .. غير البترول وغير البتروكيماويات ... واذا بترجع للميزانيه قطر تعد اضخم ميزانيه في تاريخها والانفاق الحكومي بيزيد والمشاريع شغاله الحمدلله .. لكن للأسف في ناس وهم معروفيين في قطر استفادوا من بيع اراضي المشاف وعندهم سيوله وهم شغاليين بقوه عشان تنزل الاسعار ويردون يشترون من الناس الخايفه ...ذابحهم الجشع.. والامور بذن الله طيبه وكلها شهور ويرجع يتحرك السوق

Doha-Index

25-02-2009, 05:34 PM

STOP LOSS

السيل

13-04-2009, 05:58 PM

اذا كنت متضرر من هذا الوضع

فهناك الالاف الذين يحمدون ربهم على هذا الوضع ويتمنون الزيادة

ماجستك

06-05-2009, 11:53 AM

اقترح الغاء تثبيت هذا الموضوع ..

حيث انه اخر مشاركه فيه كانت من حوالي الشهر والمشاركه الي قبلها كانت من حوالي الشهرين

السيل

18-05-2009, 09:21 PM

اقترح الغاء تثبيت هذا الموضوع ..

حيث انه اخر مشاركه فيه كانت من حوالي الشهر والمشاركه الي قبلها كانت من حوالي الشهرين

وانا مؤيد لكلام الاخ ( ماجستك)
حيث ان تثبيت هذا الموضوع يدل بصورة واضحة على تأييد ادارة المنتدى للاحتكار

فإذا كان كاتب الموضوع منزعج من انخفاض الاسعار .. فانا ابشرك ان كثير من الناس من يرفعون ايديهم شكرا لله على انفراج الازمة

واذا كان صاحب الموضوع في الفترة الماضية كان ينام هانئاً مطمئناً قرير العين في بيته .. فليعلم ان هناك اناسا لا يمر عليهم شهرا الا وهم - يقفضون - اغراضهم وعفشهم للانتقال الى بيت اخر ارخص من سابقة

وروي عنه صلى الله عليه وسلم: ((والله لا يؤمن. قالوا: من يا رسول الله؟ قال: من بات شبعان وجاره جائع))

المريش

02-06-2009, 04:21 PM

مشكور على الموضوع

ملكة البورصة

21-06-2009, 10:02 AM

اللهم اقضي عنا الدين واغننا من الفقر

bo_hamad

21-06-2009, 10:06 AM

اسال الله العلي القدير ان يهون على الناس مصائبهم ويعوض عليهم ان شاء الله

المزاجي قطر

11-07-2009, 08:06 PM

اييد الغاء الموووضوع ماله دااااهي ـــــــــــــــــــــــــــــــــــــــــ

ابومحمد س

13-07-2009, 01:57 PM

الغالبية الكبيرة استفادت من الانخفاض
والتجار هم المتضررين

الله لا يضر مسلم