شرايكم بالتداول عن طريق النت ؟؟

[المسكين]

السلام عليكم ورحمته الله وبركاته


شخباركم انشاء الله تمام مع نزول السوق وانشاء الله رابطين الاحزمه



شباب ماعندكم خبر متى بيسوون التداول عن طريق النت احنا اللي انحط الاوامر مو الوسيط ؟؟؟


واشرايكم بالتداول عن طريق النت ؟

[الآفاق]

انا ناطر الراي هذا على ناااار

[احمد]

اليوم حطيت طلب بيع المواشى بسعر السوق بالفاكس الساعة 0910 ولم يتنفذ.
العرض كان أقل من 30000 و المنفذ كان 50000 وعند الأغلاق كان 200000.

الوسيط هو التجارى.

[سهم طايش]

التداول بالنت يبي له ناس سنعة تديره

ذيلا بتلفون و فاشلين تبون النت بعد حق اللعبه

الا اذا يجيبون شركه خارجيه تديره

[المراقب]

بالنت يحتاجله وقت وما أظنه يصير في القريب العاجل.

[ولد الهلال]

والله ما اعتقد الله ايعين

[احمد]

أيقولون خايفين من الفايروسات و الهاكرز ولأنه الوايرات مب ديجيتال.
بسيطة أجبار الوسيط زيادة عدد موظفيه
أذن نحتاج:
موظف يستقبل الفاكس.....المؤهل أبتدائية
5-10 موظفين يملئون البيانات فى الكمبيوتر ... المؤهل أعدادية+ خبرة 3 أسابيع لملأ البيانات فى الكمبيوتر.
موظف يبعث مسج لصاحب الحظ السعيد...المؤهل أبتدائية

[الجزيرة]

....................... والله الكل يشكو من الوسيط .......... محد سالم منهم

............... وياريت يمنع استعمال الهاتف النقال وخاصه الى قاعد يدخل الطلبات للمستثمرين

................ لانى اشوف اشياء غلط

............ ويحاسب من يتعدى على القانون .......... وجعله عبره

[شرقاوي]

جاك يامهنا ماتمنى

ادخل على هالرابط وتعرف


هنا (http://www.qatarshares.com/vb/showthread.php?p=16668#post16668)

[الدانة عنود]

والله تخلف

اعرف ناس يتاجرون في اسهم امريكيه اول ما جانا النت ولا قالو فيروس ولا غير
ناس وايد يتاجرون من الشرق الاوسط والعالم في سوق امريكا دون جونس ونسداك

ما قول الله يعينا على التخلف

[بيـــزات]

هي المشكلة في التنافس

يعني انت عندك تقريبا عشر شركات وساطه

وين التنافس بينهم في تقديم الافضل...

الحين ما جات فكرة النت وصارت ملحه الا يوم الناس ما لقت فرصة تبيع وتشتري وقت ما تبي

كيف اذا صار بالنت عجل يمكن الموظف يطالع البيانات ولا يعتمدها الا بعد ما تروح الصفقة عليك

وربك كريم

[بروكر]

فكرة حلوة بس بالزيد عندنا البطالة المقنعة...