يالربع شسالفة الحوادث هالسنة ؟؟

[boooooon]

..
....


يالربع

كل يوم حادث وكل يوم وفيات .. اتوقع هالسنة راح تكون اعلى نسبة وفيات بسبب الحوادث

امس واحد من الربع توفى بحادث وهالسنة يمكن 11 من الي اعرفهم توفو بحوادث غير الحوادث

الي نسمع عنها كل يوم في سيلين والحوادث الثانيه

بس حد يقدر يعرف او عنده احصائيه بعدد الوفيات سنة 2008 ؟؟

وشوي شوي يا شباب السالفة زادت عن حدها ..:(:(

[Arab!an]

اتوقع 2008 هي الاقل .. مقارنه بالسنوات الماضيه.. خصوصا في الحوادث المميته ..

[Abu Deeb]

السالفه زادت لان اعداد السيارات والسائقين زادت بشكل غير معقول وبصورة غير طبيعيه
والتعليم سيء لقيادة السيارات خصوصا اللي يطلعون من المدارس قيادتهم تبط الجبد غير المتهورين اللي فعلا عاثو فساد بالشوارع
الله يحمي الجميع من الطريق ومخاطرة صراحه عن نفسي أخاف أطلع بالسيارة وايد خففت طلعات
من الزحمه والحوادث

[&بوشهد&]

والله عوار قلب
لاحظ زادوا البنات وقلوا الشباب من كثر الحوادث
الله يحفظنا

[boooooon]

اتوقع 2008 هي الاقل .. مقارنه بالسنوات الماضيه.. خصوصا في الحوادث المميته ..

اخوي من اول هالسنة وكل يوم اسمع عن حادث وارح ضحيته شخص او اكثر

وكل يوم فالمنتدى خبر عن حادث في سيلين ما ادري بس انا اتوقع ان العدد كبير

الله واعلم :(

[::.Silent.::]

..-_ سيليــــن _-..


الداخل مفقود .. و .. الخارج مولود

[بوخالد911]

الغلط من بعض الشباب المستهترررر

بسبب السرعة المجنووونة

:omg::eek5::omg:

[بنت المنتدى]

والله عوار قلب
لاحظ زادوا البنات وقلوا الشباب من كثر الحوادث الله يحفظنا




علامه من علامات يوم القيامه :)

[مهاجر]

الله يستر علينا ويحفظنا بحفظه

لكن اللوم وكل اللوم على الشوارع وتخطيطها الفااااااشل والسيء جدا

يعني الحين كل الشباب والعالم كلهم في سيلين راس مالنا والشارع اللي هناك خط واحد ؟؟ ليش يعني
ليش مايكون اكثر من خط وجزيره بينهم وليتات ؟ ايش ينتظرون يعني

خط النقيان نفس الشي خط واحد ؟؟ ولا ليتات ولا شي

يعني مادري ايش المطلوب يعني مالنا غير سيلين والعديد وبعد مافي اي نوع من الاهتمام والحوادث تصير من اي شخص قطري او مب قطري كبير ولا صغير اي شخص ممكن يرتكب خطا والكل بيتحمل والله يستر

الصراحه انا احمل قطر للبترول اللي متبنيه مدينه ام سعيد وسيلين جزء منها المفروض تكبر الشوارع وتنورهم وتهتم اكثر فيهم .... مفروض بس من يسمع ؟


والله يحفظنا ويحفظ ربعنا وعيالنا وقطر واهلها .

[الخفي]

انا اتذكر عام 97 كان اعلى نسبه وفيات من عشرات السنين وهالسنه اكيد الوفيات واجد لكن

مادري كم الاحصائيه لكن الله المستعان

[&بوشهد&]

علامه من علامات يوم القيامه :)

اكيد من علامات الساعة
بس الحوادث لها سبب شوفي من سنة 2000لين الحين

[شويهينــه]

الاسباب في اعتقادي هي:
1- كثره الوافدين الاجانب الى البلاد اللي على طول يحصلون على سياره وليسن وعدم فهمهم لقوانين المرور.
2- المراهقين اللي عندهم سيارات فورويل وقاعدين يستعرضون فيها.
3-سوء حال بعض الشوارع والتاخير في الانجاز.

[بوخالد911]

انا اتذكر عام 97 كان اعلى نسبه وفيات من عشرات السنين وهالسنه اكيد الوفيات واجد لكن

مادري كم الاحصائيه لكن الله المستعان



:nono::nono::nono:

في سنة 2006

عدد الوفيات بلغ 260 أو 270 حالة

[boooooon]

:nono::nono::nono:

في سنة 2006

عدد الوفيات بلغ 260 أو 270 حالة



اي صح هاي الي اعرفه ان 2006 اعلى سنة

[الخفي]

:nono::nono::nono:

في سنة 2006

عدد الوفيات بلغ 260 أو 270 حالة





بس عام 97 تعتبر النسبه كبيره بالنسبه لعدد السكان انذاك

بس عام 2006 العدد تضاعف للالاف ومع ذلك النسبه عاليه

[ALKUWARI-90]

هو صح الشباب مستهترين بس بعد الاجانب مثل الانقليز والهنوود مايعرفون ايسوقون ويتجاوز على خط المصانع واييك شاب مسرع ويدعمه وايحطون كل الحادث ع الشاب

انا اكثر من مره كنت بدعم بسبة هنود واجانب

واذا يتجاوز يمشي 60

لازم ايشوفون حل حق المسرعين والي يتجاوزوون

[مهاجر]

الاسباب في اعتقادي هي:
1- كثره الوافدين الاجانب الى البلاد اللي على طول يحصلون على سياره وليسن وعدم فهمهم لقوانين المرور.
2- المراهقين اللي عندهم سيارات فورويل وقاعدين يستعرضون فيها.
3-سوء حال بعض الشوارع والتاخير في الانجاز.

وين بعض قولي معظم الشوارع حتى اللي في امسعيد وانت رايح سيلين الشارع مكسر ممكن شخص يلف عليك ويصير حادث

المشكله اول شي يصلحون الشواااااااااااااااارع وعقب يصير خير

[ABDALAZiZ]

اللوم كله على السائقين المتهورين .. السالفه مب سالفة شوارع

اذا الشارع مب أوكي !! ليش يمشي فيه بسرعه جنونيه ؟؟؟؟؟؟؟؟؟؟

الله يهديهم بس ويحفظ شبابنا

[المركزي]

الله يستر

[الكولونيل]

المشكلة إن الشاب وهو مسرع أو يستعرض عنده إحساس ويقين بأن الموت بعيد عنه ولا يجي في باله إن الموت مايفرق بين صغير وكبير ولا نقعد نلوم أحد في الموضوع السبب هو السايق نفسه

[المستقل]

البركه في أشغال

لاتحويلات مثل الناس ولا إشارات للتحويلات مثل الناس فجأه وقدامك حفرة تبلع السيارة كامله

والناس ماتعرف حقوقها لو كل واحد يصيده حادث يرفع قضية والله راح يعيدون النظر في كثير من الطرق إلي يستخدمونها في الصيانه والإنشاءات

[فلفل حار]

لحد يلقي الاهمال كامل علي الشوارع المكسره والحفر

محد ينكر انه شوارع قطر مكسره وكل بلاد فيها مشاكلها واشغال قاعدين يشتغلون ويطورون البلاد وان شاء الله نتطور للأحسن

السبب اولا واخيرا هو التنعنتر ألي صاير في سواقة شبابنا

كل واحد يحسب نفسه ملك وفرعون في سيارته يتجاوزون ويلفون علي بعض والله يضحكوني لي شفتهم واقفين ويتهاوشون مع بعض هههه:secret:

كل واحد يسوق بعقل وراحه والسرعه خلوها للخطوط السريعه علي حسب سرعة الشارع :victory:

[فهد111]

الشبااب والله طايشيين

كل واحد يبي يوري انه فناان ويدفع ثمن فنه حيااته
ومره تصييب ومره تخييب

[hxamad]

الداخلية تقول مافى وفيات وايد من القطرين بسبب القانون الجديد

[jajassim]

الاسباب في اعتقادي هي:
1- كثره الوافدين الاجانب الى البلاد اللي على طول يحصلون على سياره وليسن وعدم فهمهم لقوانين المرور.
2- المراهقين اللي عندهم سيارات فورويل وقاعدين يستعرضون فيها.
3-سوء حال بعض الشوارع والتاخير في الانجاز.

كلامك صحيح ،، ماهى الآلية لحد من الحوادث ،، ولو بشكل مؤقت ،، للحين الانتهاء من المشاريع،، :)

[الامل القديم]

الغلط من بعض الشباب المستهترررر

بسبب السرعة المجنووونة

:omg::eek5::omg:

لا تنسى قطع الاشاره

[وطن]

مره يتم القاء اللوم على قانون المرور
ومره على تخطيط الشوارع

لكن السائقين واستهتار البعض منهم
وجهل البعض منهم
ما يسبب ضحايا ؟؟

[{ آلكــــآدي ~]

من علامات يوم القيامه

كثرة الموت والموت الفجأه والموت الجماعي

وكثرة النساء على الرجال

وظهور النساء مائلات مميلات برؤوس كأسنمة البخت المائله

والله يستر من اللي جاي

ويالله حسن الخاتمه

[!قطريـة بنت القمـر!]

الاعضاء كفوا و وفوا والله .... والسبب الرئيسي السرعة والقيادة المتهورة للغاية .... مادري لو وفروا ارواحهم حق الجهاد مو كان ابرك من الشوارع :) .... ويذبحون ناس ابريا معاهم بسبب السرعة .... او يسببون لهم عاهات مدى الحياة .... ما كان وفر النفس لشي اكبر احسن له ولغيره .... واضف الى ذلك ما يسببونه من العصبية للناس بسبب سياقتهم يعني يجيبون الامراض النفسية بالغصب للي مافيه شي ؟؟؟؟ ويخلون الواحد يفضل قعدة البيت بدال لا يتعب اعصابه برى مع هالنوعية ومنها يتجنب الحوادث اللي قامت تتكاثر علينا من كل صوب .... ماقول الا اللهم اهدي المتهورين بس :anger1:....

[شاهيناز]

استهتار الشباب له دور

اليوم على الدوار سياره فيها اربع شباب على الدوار ييمشي بتايريين
وبعدين شخط بسرعه كنت ابي اخذ الرقم وبلغ عنه العضيد
اذا مب هامه روحه معاه ارواح ومبين عليهم شباب صغار في السن

لو انقلبت السياره وش بيكون حالهم

الله يهدي الشباب