تم العثور على محفظه

[فهد111]

ارجو من ضاع عليهم محفظه فلووس يذكرلي شكلها من برى ولونها و فيها حرف يقولي الحرف كل واحد يسأل اهله لني اعتقد انها نسائيه المحفظه لقيتها في محطه مدينه خليفه الي على طريق مجمع الاند مارك ويليت الاقي راعيها لني ماحب ادخل مراكز الشرطه :nice:

[شاي كرك]

اخوي دور يمكن تلاقي فيها شي يدل على صاحب المحفظة .. وجزاك الله خير ..

بس لو تسلمها للمركز يكون احسن لان اكيد راعي او راعية المحفظة بلغت عنها .. وتبعد نفسك الشبهه ..

[زقرتي ومزاجي]

الله يجزيك خير .. والحمد لله لين الحين الناس فيها خير


الله يجعلك لكل ضيق مخرج .. قول امين

[eXpert*]

الله يجزاك خير

نصيحة مر على أدارة المحطة ، وعطهم خبر ان لقيت محفظة من غير لاتقولهم أي مواصفات وحط رقمك عندهم ..

جايز اللي ضيع المحفظة يرجع المحطة ويسأل عنها هناك .

[فهد111]

اخوي دور يمكن تلاقي فيها شي يدل على صاحب المحفظة .. وجزاك الله خير ..

بس لو تسلمها للمركز يكون احسن لان اكيد راعي او راعية المحفظة بلغت عنها .. وتبعد نفسك الشبهه ..


انا اليوم لقيتها الساعه الساعه 10 ونص تقريبا وهلي معي ولا كنت بوديها بس بكره بوديها انشالله بس المحفظه مافيها الى فلوس وبطاقات صحيه حق يهال صغاار واشيااء ثانيه واوراق مالقيت دليل تلفونات او رقم يدل على صاحبه

[eXpert*]

انا اليوم لقيتها الساعه الساعه 10 ونص تقريبا وهلي معي ولا كنت بوديها بس بكره بوديها انشالله بس المحفظه مافيها الى فلوس وبطاقات صحيه حق يهال صغاار واشيااء ثانيه واوراق مالقيت دليل تلفونات او رقم يدل على صاحبه


عزيزي اتصل 180 واطلب اسم والد الطفل الموجود في البطاقة الصحية . واتصل عليهم

[بوخالد911]

مشكووور اخووي فهد 111

الدنيا للحييين بخييير

[اعالي الجنان]

الله يجزاك خير ماقصرت

[زقرتي ومزاجي]

عزيزي اتصل 180 واطلب اسم والد الطفل الموجود في البطاقة الصحية . واتصل عليهم


والله انك :nice:

[اعالي الجنان]

عزيزي اتصل 180 واطلب اسم والد الطفل الموجود في البطاقة الصحية . واتصل عليهم

ونعم الراي والله

[فهد111]

جزاك الله الف خير وبتصل الحين بس اجيب المحفظه من السياره

[قطريه ماركه]

جزاك الله خيير ...

[شاي كرك]

عزيزي اتصل 180 واطلب اسم والد الطفل الموجود في البطاقة الصحية . واتصل عليهم




يصير؟؟؟؟؟

[بوخالد911]

يصير؟؟؟؟؟



:yes::yes::yes:

[alwahesh]

جزاك الله خير اخوي فهد

هذا العشم في موظفين كيوتل ولا بلاش

تحياتي

ننتظر اخر الاخبار

[فهد111]

الاسماء الي عندي تحمل اسمين اسم ابو الاطفال والعائله وطلع اكثر من 20 واحد في قطر يحمل نفس الاسم ومافي الى بكره امر المحطه واشوف اذا راعي البوك ترك رقمه وعقب بروح اي مركز شرطه وبالمره الي يعرف اي حد اسمه علي السليطي يسأله عن بووك ويقولي المواصفات الي ذكرتها والسموحه على ذكر الاسم

[زقرتي ومزاجي]

الاسماء الي عندي تحمل اسمين اسم ابو الاطفال والعائله وطلع اكثر من 20 واحد في قطر يحمل نفس الاسم ومافي الى بكره امر المحطه واشوف اذا راعي البوك ترك رقمه وعقب بروح اي مركز شرطه وبالمره الي يعرف اي حد اسمه علي السليطي يسأله عن بووك ويقولي المواصفات الي ذكرتها والسموحه على ذكر الاسم



مسموح وان شاء الله يعرفونه

[فلفل حار]

جزاك الله خير

الدنيا للحين بخير والله

[أمير المحبه]

والله الدنيا لين الحين بخيييير
ولو دوله ثانيه جان راحت على صاحب البوك
جزاك الله خير اخوي

[بورصجي_جديد]

جزاك الله الف خير

فعلا هذي قطر وذيله شباب قطر

تقبلو تحياتي

[بوحمد111]

ونعم الرجال
بارك الله فيك ويرحم والديك والدليل على حرصك بتوصيل المحفظه لراعيها هذا دليل على حسن تربية اهلك لك ويعطيك الف صحة وعافية

[فهد111]

مشكورين على الردود وهذا واجب كل مسلم لني مريت في نفس الموقف وضاعت علي اشيااء وتمنييت للي يلقاها يردها وشي اكبر من فلوس وغيره والحمدلله اليوم الصبح حطيت رقمي عند المحطه والعصر اتصلتلي وعطيته البووك وارجو على كل من يعثر على اي شي حتى لو كان شي بسييط يمكن راعيه يعتبره شي غالي وثاني مره اشكركم على الردود وتقبلو مروري

[الرايــق]

بارك الله فيك يافهد
رحم الله والديك
وجزاك الله خيرا
وهذا دليل ان الشباب الصالح موجوود الى الان بمجتمعنا .

[ابوالجازي]

اللى عنده اي معلومه عن صاحب البوك

يراسل صاحب الموضوع على الخاص