شالات ترمه + سوبر ترمه + سوبريم + شاتوش + بشمينا

[ABC]

السلام عليكم ورحمة الله وبركاته,

كل الشالات أصلية ومن الهند مباشرة و بعضهن موجودات عندنا في مخزن الوالد الله يحفظة من سنين و بعضهم يداد انا اطلبهن من الهند.

يتوفر عندي شالات حصرية غير متوفرة في الاسواق (مر و شوف في بوظبي)

ضمان اي شال عندي شرط يكون ارخص من اي مكان في الامارات او الهند لو مب مصدق تفضل وشوف وقارن.

ملاحظة : الشالات تباع بعد المعاينه يعني المشتري لازم يتفضل عندي و يشوف الشالات و يقارن مع شرح الفروقات او يرسل شخص من معارفه للمعاينه و المقارنة.

الشال الي ينباع يقدر المشتري يرجعه لو حصل بسعر اقل فالسوق او عند اي شخص بنفس النوعية والسعر اقل.

بعض الصور (ما بتنحط ا لانها حصرية و منعا للتقليد لان صارت معاي في بضائع اخرى)


http://www.up.6y6y.com/uploads/1247317f3f.jpg
http://www.up.6y6y.com/uploads/535d0f805f.jpg
http://www.up.6y6y.com/uploads/8ee39c5cc3.jpg
http://www.up.6y6y.com/uploads/b87b7031aa.jpg
http://www.up.6y6y.com/uploads/5fd8ae772f.jpg
http://www.up.6y6y.com/uploads/295eb2ff15.jpg
http://www.up.6y6y.com/uploads/376861e799.jpg
http://www.up.6y6y.com/uploads/e521e2c3e4.jpg
http://www.up.6y6y.com/uploads/cc9ecb015d.jpg
الابيض النادر
http://www.up.6y6y.com/uploads/8fd79c42e9.jpg
http://www.up.6y6y.com/uploads/bb7bdeb587.jpg
http://www.up.6y6y.com/uploads/8da2c282c2.jpg

كما يتوفر افضل انواع قطع الصوف الكشميري و الانجليزي و الايطالي بأسعار ارخص من السوق بكل تأكيد و كلها مستورده من جدة من محلات العامودي (بخصم خاص)
http://www.up.6y6y.com/uploads/8e8593e6b7.jpg

ايضا يتوفر غتر بيضا (حصرية) من صناعتي انا .. حيث اشتري اجود انواع الاقمشة اليابانية و افصلها و الغتر تبدا من 22 ريال الى 55 ريال (حسب النوع)

ايضا يتوفر جميع شماغات البسام و بأسعار ارخص من كل المحلات باذن الله.

للتواصل هذا ايميلي :

alain_team@msn.com

[شورت تايم]

هلا اخوي ياريت تعرض لي الشاتوش اللي عندك
مع الاسعار يالغالي

وبالتوفيق

[jassim_007]

اخوي ياريت تعطينه فكرة عن الاسعار لو سمحت !

[ABC]

هلا اخوي ياريت تعرض لي الشاتوش اللي عندك
مع الاسعار يالغالي

وبالتوفيق

اهلين ياخوي

الشاتوش عندي الابيض (مكس 50% شاتوش) و التطريز ازرق و الشغل عدل 100%
عندي شاتوش ساده من دون تطريز اللون بني

الاسعار تتفاوت مثلا الابيض عندي 3700 درهم ولا بتحصل نفس الشغل في اي محل (طلبية خاصة)

البني السادة بي 2250 درهم

عندي بني مع تطريز بس الشغل عدل و كل قطعة ناس اشتغلوا عليه يعني ماشي كوبي منه و السعر 3550

و عندي نوعية نفس الشاتوش (مكس سوبريم مع سوبر ترمه) محد يقدر يفرق بينهم والسعر 2550 وهذا الي ماشي هالوقت و يشترونه الشيوخ و الناس من عندي لان الشغل غير عن الترمه.

عندي سوبر ترمه ابيض نفس الشاتوش بسعر 1850

عندي الترمة و الشغل عدل يبدا بي 600 درهم لين 1550 درهم

الوالد الله يطول في عمره في هذه الشغلة من الستينات و انا اشتغلت معا في نهاية الثمانينات لين ما سكروا السوقين الجديم و اليديد في ابوظبي ولكن والحمدلله المخزن متروس من البضاعة الزينه و العلاقات الي تربطنا بالتجار سواء في الهند او السعودية طيبة و مستمرة والحمدلله.


للعلم اي شي يخص الملابس الرجالية عندنا و اقدر اوفره بارخص الاسعار (جرب وشوف)


هذا ايميلي و تواصل معاي و فالك طيب.

alain_team@msn.com

[ABC]

الشاتوش الكامل غالي ياخوي لكن متوفر عندي باللون البني و شاتوش 100%

[شورت تايم]

يعطيك العافيه اخوي بس ممكن صورته
او لازم اشوفه بنفسي افضل من الصوره

لانه في بعض الاغراض لازم تاخذها علي
عينك وعلى الملمس

عينك ميزانك يالغالي

[أقتصادي]

بالتوفيق ممكن ترسل رقمك على الخاص

[Love143]

اخوي انت في الامارات ولو حبيت اشتري منك وانا من قطر وش الطريقه لهذا الشيء .

[Time trading]

بالتوفيق في البيعة

[Er7m 3IoNy]

حسستني بالشتــا ..

موفق في البيعه اخوي

[ABC]

يعطيك العافيه اخوي بس ممكن صورته
او لازم اشوفه بنفسي افضل من الصوره

لانه في بعض الاغراض لازم تاخذها علي
عينك وعلى الملمس

عينك ميزانك يالغالي

ربي يحفظك لو تلاحظ انا حاط شرطين الاول لازم تشوف الشال و تقارنه باي شال فالسوق (السعر و النوعية و الشغل)
و الثاني اذا ما عجبك او حصلت نفس النوعية بس ارخص تقدر ترده و تسترجع المبلغ :)

انا معاك الشالات لازم تشوفها و تلمسها و تشوف الشغل بعينك و تقارن بغيرها الا اذا تثق في ذوقي و انا اختار لك :)

وفقك الله

[لورا محمد]

مرحبا أخوي
لوسمحت القماش الرجالي شنو الالوان اللي عندك منه
وشلون طريقة التوصيل ..؟؟؟

[ABC]

اخوي ياريت تعطينه فكرة عن الاسعار لو سمحت !

فالك طيب
شوف ردي الاول :):victory:

[ABC]

مرحبا أخوي
لوسمحت القماش الرجالي شنو الالوان اللي عندك منه
وشلون طريقة التوصيل ..؟؟؟


جميع الالوان الشتوية

الكشميرية تكون جميع درجات البني من الغامج الى الفاتج

الانجليزية جميع الالوان

الايطالية جميع الالوان

الاندونسية جميع الالوان

الصينية جميع الالوان (مانصح بها لان بس تاكل شكل صوف)

الهندية جميع الالوان (لكن سميكة)

طريقة التوصل عن طريق شركات الشحن او البريد او اذا عندج حد في الامارات يستلمهن.

وفقك الله

[واحد ثقة]

بغيت التليفون عالخاص بارك الله فيك ووسع لك في رزقك ،،

[ABC]

بغيت التليفون عالخاص بارك الله فيك ووسع لك في رزقك ،،

السلام عليكم

السموحة ماعندي صلاحية ابعث رسائل خاصة و السبب عدد مشاركاتي قليلة مع اني قديم في المنتدى من سنة 2006 :)

[ABC]

بالتوفيق اخوي

ربي يوفق الجميع ياخوي

[بن مسلم]

اخوي انا في قطر شلون اقدر اشوف الشالات الي عندك ؟

[ABC]

اخوي انا في قطر شلون اقدر اشوف الشالات الي عندك ؟

واخير قدرت اطرش رسالة خاصة :) شوف الخاص وانا اخوك:victory:

[الدانه2009]

بالتوفيق

[al-buainain]

يا الشيخ انت في الدوحه ولا برا

اذا كنت في الدوحه ممكن رقمك على الخاص

[ABC]

انا في الامارات العربية المتحدة :)

[Most Wanted]

ما رديت علي يالغالي

[ABC]

تم بيع اول شال "الشماغ" والحمدلله على عضو فالمنتدى

ملبوس العافيه


وفقكم الله

[ABC]

ما رديت علي يالغالي

رديت عليك عالخاص وانا اخوك

باذن الله بفتح موضوع جديد عن الغتر و الشماغات و القطع الصوف الاصليات في اقرب وقت ممكن

[ABC]

شال شاتوش بني انباع على اخ قطري يعله ملبوس العافية

شوفوا الشغل و احكموا !!
شغل يد 100% و الميزة من الشالات الشاتوش ما يشتغلون عليها غير الحرفية عكس الترمة :)

http://www.up.6y6y.com/uploads/fe6d6a8a94.jpg

[ABC]

بالتوفيق

ربي يوفق الجميع و شكرا على المرور

[ام المهدي]

بالتوفيق

[البهتري]

أعتقد أخوي الشاتوش ممنوع وغير مسموح تصديره

[ABC]

يا الشيخ انت في الدوحه ولا برا

اذا كنت في الدوحه ممكن رقمك على الخاص

انا في بوظبي ياخوي و حياك عندنا :)

[لوردغاليري]

بالتوفيق يارب
اسعارك مناسبه

[ABC]

حسستني بالشتــا ..

موفق في البيعه اخوي

ياخوي خلاص دخلنا فالشتاء :) طايح ثلج البارحة عندنا في الفجيرة و امطار في دبي :)

ربي يوفقك وشكرا على الاطراء الجميل :victory:

[ABC]

أعتقد أخوي الشاتوش ممنوع وغير مسموح تصديره

وانا اعتقد انك فاهم :)
نعم الشاتوش ممنوع تصديرة بشكل علني وفي غرامة و سجن فالهند للتجار.

الي عندي مال الوالد من زمانات (السبعينات و الثمانينات) :) و اليداد بتحصل لكن بعضها مكس مع ترمه او يخفون كمية التمرة والشغل بالمكينة و تبين كأنها شاتوش :)

الغش في الشاتوش ببيزة لكن كل واحد و ضميرة ياخوي وخوفه من رب العباد.


وفقك الله

[ABC]

بالتوفيق في البيعة

ربي وفق الجميع و شكرا على المرور

[ABC]

بالتوفيق يارب
اسعارك مناسبه

مشكور ياخوي وربي يوفق الجميع

[سيد الهوى]

بالتوفيق

[ABC]

بالتوفيق

الله يوفق الجميع

[مضارب دبلوماسي]

لو سمحت رقمك على الخاص

[بنت ذياب]

احم

الله ايوفقك اخوي !

بس عندي فضول ..؟؟

ابي اعرف ليش ممنوع :shy:

كله الا شال وخلق .. شالمانع...؟؟؟؟؟

سجن وغرامه وحاله

ليش كل هاي ؟؟:secret:

[اشدعوه]

السلام عليكم
بصراحة شغل عدل وغتر رائعة جدا
ممكن رقمك لوسمحت يمكن امر الامارات هاليومين ،،،،
في اي امارة محلك لوسمحت

[ABC]

احم

الله ايوفقك اخوي !

بس عندي فضول ..؟؟

ابي اعرف ليش ممنوع :shy:

كله الا شال وخلق .. شالمانع...؟؟؟؟؟

سجن وغرامه وحاله

ليش كل هاي ؟؟:secret:

شو سبب وضع تعويذة اولمبياد الصين بحيوان الشاتوش ؟

[بنت ذياب]

شو سبب وضع تعويذة اولمبياد الصين بحيوان الشاتوش ؟

اهاااا ولو اني مافهمت شسالفه

بس مشكور ع التوضيح ,,


للرفع ^^^ :nice:

[ABC]

لو سمحت رقمك على الخاص

فالك طيب ياخوي

[ABC]

السموحة ياخوان على التأخير و السبب وصول كمية كبيرة من الشالات السوبريم + الشاتوش (اكبر كمية فالامارات) ويالس اوزعهن.

هذا الايميل للي يبي يتواصل عن طريق الايميل او المسنجر

alain_team@msn.com

وفقكم الله

[ابو تركي]

بالتوفيق اخوي ممكن رقمك على الخاص

[راشد1980]

يعطيك العافيه اخوي
ممكن رقمك يالشيخ

[م الكواري]

http://www.up.6y6y.com/uploads/1247317f3f.jpg

ممكن اعرف وشو نوعها الي عندك مثل هاي الشال هل ترمه ولا ساتوش

وعلى كم اخوي

وبغيت ساتوش اخوي اذا عندك وشنو الاشكال الموجوده وعلى كم واذا عندك صور زين

وبغيت اعرف اسعارهم الشالات السوبريم وممكن صور اخوي

[Fendi]

الشيخ طرش لي رقم ع الخاص الله لايهينك

[Fendi]

اخوي رقمك ع الخااااص الله يخليك

[المخفي]

ايش الفرق بين الشاتوش و الترمة و السوبريم يعني يا ريت تعطينا فكرة عنهم عشان الواحد يعرف الفرق بينهم و ليش يستاهلون هذي المبالغ الكبيرة و ايش القياسات الي عندك الي عرفته انه اكبر قياس يجي من الشال هو 56 الا اذا بتطلب قياس اكبر بطلب خاص و في عندك خلق خاص مثل البتو مال البتان

[ABC]

الشيخ طرش لي رقم ع الخاص الله لايهينك

ان شاءالله

[ABC]

يا الشيخ انت في الدوحه ولا برا

اذا كنت في الدوحه ممكن رقمك على الخاص

السموحة عالتأخير

انا من الامارات ومن بوظبي تحديدا

و الشالات الي عندي جدام و نادرات وموجودات في الاستور و بعضهن ايبهن من كشمير عن طريق تجار كشميريين معروفين اصدقاء الوالد عكس "البعض" يشترونهن من دبي من سوق مرشد ومن محلات معروفة و مكشوفة (شغل مكينة اي كلام و البعض شالات صينية) ويبيعونهن بأسعار خالية

[بوخالد2]

اخوى انا من قطر وبغيت اشوف واعاين علشان اشتري

شلون الطريقه !!

[ABC]

اخوى انا من قطر وبغيت اشوف واعاين علشان اشتري

شلون الطريقه !!

انا من بوظبي ياخوي :)

[بوخالد2]

اخوى طرشتلك رساله ومارديت على

لاانه اخوى في الامارات وبكره بيرجع

ياريت تستعجل شوي علي

[ABC]

اخوى طرشتلك رساله ومارديت على

لاانه اخوى في الامارات وبكره بيرجع

ياريت تستعجل شوي علي

السلام عليكم ورحمة الله وبركاته

رديت عليك و شكرا على التواصل,,,, باذن الله بتلاقى معاه اليوم لكن يعتمد حسب الظروف لان انا في بوظبي وهو في دبي :)

وفقك الله

[ABC]

بالتوفيق اخوي ممكن رقمك على الخاص

ان شاءالله و فالك طيب

هذا الايميل للي يبي يتواصل عن طريق الايميل او المسنجر

alain_team@msn.com

وفقكم الله

[القلم الصريح]

الشيخ الشال اللي نفس الشماغ كم سعرها

[رياني75]

بالتوفيق

[غير عنهم]

ممكن اطرش رقمك على الخاص

[الامارات]

الشيخ ممكن اطرشلي رقمك
انا طرشتلك ايميل مادري وصلك ولا لا