آخر أخبار حجوزات تويوتا ... يا غافلين لكم الله

[همر]

أمس العصر في الليل كنت واقف مع واحد من الربع قاعدين نشيّش واذا بي...

يقول: ما تبي في اكس ار ؟!!

قلت: فال الله ولا فالك ... لا ليش ؟!!

يقول: في كم سياره عند راعي معرض وقاعدين نوزع...

قلت: كرتون بيض هو توزعونه !!! السيارات من برع ؟!!

يقول: لا ... وارد عبدالغني ...

قلت: اه اوكي ... يعني حاجزهم وقاعد "يوزع" ؟!!

يقول: لا ... الشركه متصلين فيه وبيعطونه سيارات اذا عنده زباين :eek5:

قلت: والعالم اللي حاجزين وينطرون وكل ما تروح يقولون مافي سيارات ... حجز ... 15 سنه؟!!!!!! ... قاعدين يوزعون على المعارض يبون يروون الناس ان الطلب اكثر من العرض ؟!! ولا ياخذون كمشن من المعارض ؟!! ولا عشان ماتطلب دسكاونت من باب احمد ربك ان سيارتك وصلت ؟!!! :anger1:

يقول: .......... :secret:..............

وهنا بانت سعادُ .... قصدي بانت الحقيقه ...


انا ماتحسف على المرتزقه اللي شغالين في الوكاله...

اتحسف على عيال هالبلد اللي مب عارفين ياخذون موقف من هالشركه الدكتاتوريه !!!

لو كل واحد كنسل حجزه .. وكل اللي يبي سياره ينطر شوي بدون مايحجز...

مدة شهرين او 3 بالكثير... عقب يروح الوكاله ويطلب سياره... وان حد بطل حلجه بكلمة "حجز" حتى لو "ح" بس عطه ظهرك واطلع ...

اتحداكم اذا ماتعلموا الادب وعقبها تروح الشركه وتحط رجل على رجل ويسلمونك السياره وانت واقف...

متى بتصير لنا كلمه مثل السعوديين لما رفعوا شعار:

"دعوها تخيس"

[قطر501]

والله ياخوي انا حاجز من 29 / 6 / 2008 وامس متصلين يقولون سيارتك وصلت وطبعا انا مانطرتهم خذيت سيارة من برى اوكيه دفعت اكثر لكن مابغي عبدالغني يذلني

[hxamad]

المشكلة تكمن فى الوكالة تعبانة من قلب وفيها محسوبيات والمخزن بغص من السيارات بس عشان تبين الوكالة للناس أن فية طلب على التويوتا عشان السعر

[سفيرالاحزان]

لا تعليق!!!!

[honey_uk]

اول اقول تعبنا واحنا نقول ونردد دعوها تخيس على قولتك :)
لكن وين اللي يسمع .. انا من شماليهم ترى .. ابي سياره وابيها بالسعر اللي ببالي بسعر الوكاله ..
حست حست مني مناك مافي امل اقل شي تلاقي واحد طيب يبي فيها 3 الاف زياده ..
المهم قلت خلني اجرب شغله ... رحت الشركه وحجزت قالي 5 شهور وبتوصل السياره لان لونها مميز ومانجيب منها وايد . قلت خير وبركه .. مميز مميز ننطر

طلعت من الشركه واتصلت حق اخوي ابشره يابوفلان ابشرك حجزت سياره الا يقولي اخيراً رضخت للامر الواقع خخخخخخ ورحت الشركه " كنت معند وراسي يابس مابي احجز "

المهم على الغدى اسولف مع الوالد اقوله انه حجزت امس سياره وجي الا اخوي الكبير ينقز ليش ماقلت لي ومادري وشو .. الزبده علشان ماعور راسكم

طلع الاخ يعرف واحد من عيال عبدالغني وماتكلم ومخليني متلته ههههه

اتصل له ورد عليه قاله عطني خمس دقايق وبارد اكلمك ... والله العظيم يالربع 3 دقايق الا الرجال رد اتصل حق اخوي يقوله سيارة اخوك جاهزه خله يروح يستلمها اليوم :)

عيوني شوي وبتطيح فالصحن شلووووووووون يقولون 5 شهور واللون مميز و و وو و و و ؟؟؟
وييييييين الحجز يعني لازم واسطه علشان تطلع السياره ...

ادري عورت راسكم .. بس قلت اوصل لكم الفكره كامله

ان عبدالغني عنده اولويات وقلناها من قبل احنا كزباين بوسياره وحده مهب من اولوياته والدليل اللي صار معاي.

أولويات عبدالغني .. التصدير للخارج + المعارض + تنشيف السوق علشان يرفع السعر ويستفيد من الزبون بوسياره وحده قد مايقدر :)

ولا في ذمتكم
Vxr من 190 لـ 235 وزياده بعد
Gxr من 165 لـ 182 زياده " 6 سلندر طبعاً "
Gx من 145 لـ 168
G من 120 لـ 150 الحين

اسعاري تقريبيه " ادري في واحد بينقز بيقول من قالك ومن قالك " لكن لاحظو قيمه التغيير في كم سنه

والله حرام والله حرام ...

والسلام ختام .. واسمحولي مره ثانيه طولت عليكم :)

[bu hadi]

وكالة النصب عدي بهم من خمس سنوات
ولا اتنزل لهم بعد
اشتري من برى على كيفي مواصفات افضل وسعر اقل
قالك ضمان ؟
اي ضمان الله يهديك انت لو ماتغير الزيت عندهم طااااااح ضمانك وراح
عجل اي ضمان الي يتكلمون عنة ولو اخترب عندك شي بيقولون لك سؤ استخدام
وبعد بيدفعونك ماراح يخلونك جذية
كلة استغلال في استغلال فلوسك كاش ويذلونك بعد
جربو وارد با زرعة في اليمن ولا وارد باهوان في عمان وشوفو فرق السعر والمواصفات
انا مع شعار "دعوها تخيس"

[بوبندر]

امس كنت في وكاله ..عندهم شكثرسيارت يتصلون على الحجزين يبغونهم يستلمون سياراتهم
بس اكثرهم كنسل الحجز بعد ماسمعو راح تنزل اسعار السيارات....والموظف في شركة التويوتا
والله بسمع اذني وشوفي.يقول حق الحاجز عندك عند موهله 4 ايام وراح نبيع السياره على عميل غيرك اذا
ماجيت تستلم السياره....(انا اقول لحد يستعجل ويشتري راح تنزل الاسعار قصب عنهم....والله شكثر اوراق حجز قدام الموظف بس يبقون اصرفون مواترهم قبل ماتنزل.....

[عنيــــد]

في اكس ار فل اوبشن وارد عبداللطيف جميل على 225 الف

منة الله ولا منة خلقه

[Q1933]

ياشباب وانا في الوكاله سمعت الموظف المسؤول وهو يقول حق الثاني شيل ذي الاسم وحط ذي قبله واجله الي الشهر الجاي ويوم قلت له ليش قالي انه الاول مش محتاج السياره الحين
ولا ازيدكم من الشعر بيت قالي سيارتك ماوصلت بعد بس في سياره مدعومه شوي من ورى اذا تبيها بنراعيك ويوم رحت الحوطه الا معضم السيارات مدعومه الي من الباب او الصدام مزلوق اوزلق الرفرف يعني يعدلون السياره في القراج عندهم ويبيعونها لنا والله شي

[النعيمي***]

صباح الخير

وكلامكم يا إخوان صحيح وما عليه ذرة غبار

عندي واحد من الشباب يشتغل في الميناء ، يقول اسبوعياً توصلهم باخره لتيوتا لا وتتأخر السيارات و يدفعون عليها ارضيه و بعد عندهم إعادة تصدير .

و هذا معناه ان مخازنهم مليانه

سبحان الله

مخافة الله نعمه

يعطيكم العافيه

و

دعوها

دعوها

دعوها تخيس

[sahari]

دعوها تخيس

وبتشوفون الاسعار والخدمه اللي ترضيكم

[mohammedhm]

والله أنا ريحت راسي وشريت تاهو
مميزات أكثر
خدمة أفضل
َضمان أطول
سعر أقل

[Q1933]

والله أنا ريحت راسي وشريت تاهو
مميزات أكثر
خدمة أفضل
َضمان أطول
سعر أقل
والله ونعم الاختيار الشيخ والله يعطيك خيره ويكافيك شره

[زمن الغدر]

الشيخ انا اعلمك شي والله كلها واسطه وخاصه بشركه التضامن
انا اعرف واحد من الربع يعرف ولد شيوخ وهو يعرف المفتاح مدير
التضامن كلم ولد الشيخ وراح كلم احمد مفتاح
والله باسبوع خذوا 3 مواتر
منهم موترين جي اكس
وموتر في اكس ار
وانا والله حاجز من شهر عشره من رمضان بالاصح
جي اكس ومشيك من فتره قالولي بشهر واحد بيوصل
الله المستعان والله مذله
كانهم يتمننون عليك بالشركه ولا تطر من عندهم

[همر]

الشيخ انا اعلمك شي والله كلها واسطه وخاصه بشركه التضامن
انا اعرف واحد من الربع يعرف ولد شيوخ وهو يعرف المفتاح مدير
التضامن كلم ولد الشيخ وراح كلم احمد مفتاح
والله باسبوع خذوا 3 مواتر
منهم موترين جي اكس
وموتر في اكس ار
وانا والله حاجز من شهر عشره من رمضان بالاصح
جي اكس ومشيك من فتره قالولي بشهر واحد بيوصل
الله المستعان والله مذله
كانهم يتمننون عليك بالشركه ولا تطر من عندهم


ياخي كنسل حجزك

انا مادري اشحدكم تنطرون !!

و بين فتره وفتره روح اسأل.. في اخذ.. مافي عطهم ظهرك !!

ليش تخلونهم يحطونكم في زاويه وتعطونهم الافضليه والراحه النفسيه ؟!!

هم ضامنين فلوسهم دام اللسته طويله

لكن لو مافي لسته ؟!!

بيتصلون فيكم في بيوتكم تعالوا عندنا سيارات ....

[ALRAYYAN]

والله ياجماعه انا اداوم في ميناء الدوحه .. ياجماعه كل يوم باخره توصل وتنزل لها حوالي 600 الى 700 سيارة تويوتا

بين لكزس فورويل وصالون وكل انواع التويوتا من فورويل وصالون

والله سيارات بدون عدد ياجماعه .. وكل ذي ويقولك احجز وانتظر .. والله مب عارف هالسيارات وين تروح
وليش يخزنونها ويذلون الناس

والله ياجماعه ان اكثر الشباب مدوا 3000 ريال من تحت الطاوله ويستلمون الموتر ثاني يوم

خربوا الوكاله الله حسبي الله عليهم

[q6ri_vip]

امس متصلين لي وقالي الموظف ان الموتر وصل ....vx-r لؤلؤي جلد بيج حد له خاطر في الموتر .

[زمن الغدر]

والله ياجماعه انا اداوم في ميناء الدوحه .. ياجماعه كل يوم باخره توصل وتنزل لها حوالي 600 الى 700 سيارة تويوتا

بين لكزس فورويل وصالون وكل انواع التويوتا من فورويل وصالون

والله سيارات بدون عدد ياجماعه .. وكل ذي ويقولك احجز وانتظر .. والله مب عارف هالسيارات وين تروح
وليش يخزنونها ويذلون الناس

والله ياجماعه ان اكثر الشباب مدوا 3000 ريال من تحت الطاوله ويستلمون الموتر ثاني يوم

خربوا الوكاله الله حسبي الله عليهم

وين يروح للمعارض يعطيهم كمشن
ويروح للي لهم مصلحه عندهم الشيوخ مدراء الشركات
وهاي هي السالفه

[بوحمندي]

وانا وياااااااااك اخوي همر
"دعوها تخيس"

[قوت القلوب]

[QUOTE=همر;3424367][SIZE="5"]أمس العصر في الليل كنت واقف مع واحد من الربع[COLOR="Red"] قاعدين نشيّش واذا بي...


قاعد اتشيش ؟؟؟!!!

أستغفر الله العظيم اتجاهر الله بالمعصيه !!!

الله يستر عليك وانت تفضح نفسك
قال النبي صلى الله عليه وسلم " كل أمتي معافاً يوم القيامة إلا المجاهرون "

[GPC]

دعوها تخيس ويتصير دليفري بعد

[abdulla999]

عبدالغني ملعوزنا حتى في سيرفس في واسطة في سيرفس وكية
مش بس في البيع اصلاً شركة معروفة في البقشيش والكوميشنن

[مليت]

أمس العصر في الليل كنت واقف مع واحد من الربع قاعدين نشيّش واذا بي...

يقول: ما تبي في اكس ار ؟!!

قلت: فال الله ولا فالك ... لا ليش ؟!!

يقول: في كم سياره عند راعي معرض وقاعدين نوزع...

قلت: كرتون بيض هو توزعونه !!! السيارات من برع ؟!!

يقول: لا ... وارد عبدالغني ...

قلت: اه اوكي ... يعني حاجزهم وقاعد "يوزع" ؟!!

يقول: لا ... الشركه متصلين فيه وبيعطونه سيارات اذا عنده زباين :eek5:

قلت: والعالم اللي حاجزين وينطرون وكل ما تروح يقولون مافي سيارات ... حجز ... 15 سنه؟!!!!!! ... قاعدين يوزعون على المعارض يبون يروون الناس ان الطلب اكثر من العرض ؟!! ولا ياخذون كمشن من المعارض ؟!! ولا عشان ماتطلب دسكاونت من باب احمد ربك ان سيارتك وصلت ؟!!! :anger1:

يقول: .......... :secret:..............

وهنا بانت سعادُ .... قصدي بانت الحقيقه ...


انا ماتحسف على المرتزقه اللي شغالين في الوكاله...

اتحسف على عيال هالبلد اللي مب عارفين ياخذون موقف من هالشركه الدكتاتوريه !!!

لو كل واحد كنسل حجزه .. وكل اللي يبي سياره ينطر شوي بدون مايحجز...

مدة شهرين او 3 بالكثير... عقب يروح الوكاله ويطلب سياره... وان حد بطل حلجه بكلمة "حجز" حتى لو "ح" بس عطه ظهرك واطلع ...

اتحداكم اذا ماتعلموا الادب وعقبها تروح الشركه وتحط رجل على رجل ويسلمونك السياره وانت واقف...

متى بتصير لنا كلمه مثل السعوديين لما رفعوا شعار:

"دعوها تخيس"



خوش عصر هذا الي يجي فليل
:nice:

[بـــاروود]

دعوهااا تخيس

[MLAAS]

السلام عليكم .. حبيت اني اايد صاحب هذا الموضوع جزاه الله خير :)

وحبيت ازيد على موضوعه .. كم نقطه يمكن انتو ماتعرفونها .. اظن الحجز ب 5000 ريال صحيح ولا الرقم غلط ؟ المهم انا ماعرف لاني من عرفت اسوق ماحطيت رجلي على عبدالغني واذا حطيتها يعني راح اشتري سياره حق اجار او مشاوير شيل جت ونزل خرفان ههههه

الله يسلمكم طريقتهم في التعامل مع فلوس الحجز .. هم يقولون انه ماعندنا سيارات واذا تبي احجز .. الله يسلمكن تجيهم سيارات ويوزعونها على المعارض فلان وفلان وعلان ابن عدوان هههه شدخل .. المهم سعر السياره اصلن 220 الف .. يقولون لصاحب المعرض انت بيعها بس نحنا نبي منك 225 او 230 واذا في فايده خذها لك .. هذي حيله ..

والحيله الاكبر .. افلوسكم يا جماعه ال 5000 ريال .. يجمعونها ومابقولكم وشو يسوون فيها ههههه

المهم اما انهم يضاربون فيها .. او فتح ودائع عن طريقها .. فأنتو احسبوها 5000 ريال حجز × 5000 مشتري كحد ادنى بس انا اتوقع المزيد = 25000000 .. انتو شرايكم في هذا الرقم الحلو الي تستفيد الشركه من وراكم .. وبتقولكم تبون مو مشكله خذو فلوس الحجز بس بنخصم منها 2000 لانه طلبنالك وانخاف اطيح السياره في جبدنا ..

انا اعرف واحد اسبوعيا يشتري لكزس فورويل والبقشيش 4000 عن كل سياره :) الله يستر علينا وعليه

تحياتي لكم

[بوعلي-Qtr]

^^

الشيخ تحجز بدون فلوس ..

[kakashi]

دعوها تخيس

[MLAAS]

^^

الشيخ تحجز بدون فلوس ..


والله اول مره اسمع عن حجز بدون فلوس -.- بس قلتلك انا ماتعاملت نهائيا :) ومشكور على التوضيح لاني بحجز 100 سياره وبطنش ههههه

[سمو انسان]

انا ريحت بالي من عوار الراس مع عبدالغني وخذت لي بورش

وانا اول من يقول دعوها تخيس والله يخلي الفي اكس ار 2003 مشاي ومن افضل ما يكون

[q6r99]

اي شركه كبيره وضامنه البيع وصارت الحين مايهمها الشخص العادي
يعنى اعتمادها على :-
1- الجيش والشرطه
2- البترول
3- الوزارت والهيات
4- المعارض والناس الى تشتري بكميات

فصارات من اخر الاشياءالى تفكر فيها االشخص العادي

واكبر دليل حتى بتعملهم في الصيانه مع العلم ان شغل الوكاله بالصبغ والسمكره والله الله بالخير يعنى فيه الف كراج وكراج يصبغ ويسمكر احسن من والكاله

[المستقل]

ياجماعه متى عجزت الشركه عن توفير السلعه أم لم توفرها بشكل منتظم ومــــانعه غيرها لايورد من الشركه الأم

فـــــــــــــــــــهذا يــــــــــــــــطلق علــــــــــيه ((إحتكار))

والإحتكار ممنوع شرعاً وقـــانونـــاً


بس أحنا طيبين مانقاضي أحد ونشترى راحت بالنا


رأيي

[بوعلي-Qtr]

والله اول مره اسمع عن حجز بدون فلوس -.- بس قلتلك انا ماتعاملت نهائيا :) ومشكور على التوضيح لاني بحجز 100 سياره وبطنش ههههه

شوف اخوي .. اول شي كان الحجز ب 20 الف .. هاي قبل ماينزل ال 2008 .. وبعد مانزل بشهرين سار الحجز بدون فلوس ..

واذا ماتصدق روح وشوف

[MLAAS]

شوف اخوي .. اول شي كان الحجز ب 20 الف .. هاي قبل ماينزل ال 2008 .. وبعد مانزل بشهرين سار الحجز بدون فلوس ..

واذا ماتصدق روح وشوف

ماكذبتك ياخوي :) .. بس والله ماعندي خلفيه عن شركة التيوتا

[بوغانم]

يالربع عندي في اكس ار مخمل 2009 لؤلؤي توه واصل الشركة ..اللي له خاطر بالموتر.. ياخذه براس ماله
وماابي منه ولا ريال؟؟

للتواصل ع الخاص

[بسعود]

انا معاكم نرفع شعار
دعوها تخيس

[المخفي]

دعوها تخيس

[التيما]

بااااااااااال والله ذالينكم من قلب ههههههههههههههههههه اشحادكم ؟؟

[بوحماني]

وش الي حادك يالمسمار قال المطرقة

[ابن قطر]

الله يستر علينا من القراصنة الصوماليين

[_بوشهاب_]

الله يستر علينا من القراصنة الصوماليين

عاد حلاته القراصنه الصوماليين يبوقون الناقله ويكشخوون بالفيكسارات واللكزس

[وطن]

ما أدري ليش ما تطبقون مقولة دعوها تخيس



بعدين ليش محد منكم خاطب الشركة في اليابان واشتكى عليهم ؟؟

ترى محد بيسمعكم ولا حد بيسوي شي حق عبدالغني اذا بس كلامكم هني في المنتدى

عندكم مشكلة معاهم
روحوا خاطبوا شركة التيوتا

وشوفوا شلون بيتصرفون معاهم

:)

[qatar25]

انا اقول نكتب موضوع , نطالب فيه بالمقاطعه
والكل يقاطع الشركه ليما تتادب ,

وتحترم الناس

وانصح بان يكتب الموضوع صاحب هذا الموضوع, او احد الذين مرو بتجربه مريره مع تيوتا

شخصيا , ودي اكتب لكن للحين ماتعرضت لاي مشكله وماشريت من الكروزرات الجديده

[الجوكر90]

السلام عليكم
يالربع انا بقولكم شصار معاي مع اول دفعه وصلت طبعا 2008
انا والوالد وعمي رحنا الوكاله عشان اخذلي لكزس فورويل عاد فالوكاله المدير اللبناني قعدنا معاه ونساله عن المواتر فابوي قاله ولدي يبي لكزس وانا اشوف ان اللكزس مب حقه هو توه صغير ولو ياخذله تويوتا احسن قاله خلاص اذا له خاطر في فكسار 2008 واي لون يبي واي مواصفات نقدر نعطيه بعد يومين بس طبعا مب كرم منهم لان ابوي يعرفهم يعني بالواسطه بس انا ماحب التويوتا فخذيتلي لكزس ابوي موديل 2002

بس كل مادخل الموتر الوكاله عشان التشيك او اصلح اي شي ماشوف اي تاخير غير 3 ايام يعني هاي اكثر شي الموتر يتم فالوكاله ولا اشوف تاخير مثل الشباب يقولون طبعا انا ما كذبهم لا محشومين بس انا قلت الي يصير معاي يعني مره الفتحه عندي اخربت صلحوها فيومين وترى لازم يفتحون التندا يعني سالفه واشوف خدمتهم اوكي والله يالربع ترى انا مب متحيز معاهم بس هاي الي صار والسموحه

[The Blade]

كرهت شئ اسمه تويوتا والسبة شركة عبدالغني:(
خلنا ناخذ لنا نيسان ابرك

[كش ملك]

لا تعليق

ودعوها تخيس

[محمد_ قطر]

الله لا يبارك في شركت عبد الغني ولا راعيها

[BEng]

انا اقول نكتب موضوع , نطالب فيه بالمقاطعه
والكل يقاطع الشركه ليما تتادب ,

وتحترم الناس

وانصح بان يكتب الموضوع صاحب هذا الموضوع, او احد الذين مرو بتجربه مريره مع تيوتا

شخصيا , ودي اكتب لكن للحين ماتعرضت لاي مشكله وماشريت من الكروزرات الجديده

خلها تخيس مع مواترها التعبانه :nice:

[مدور الصداقة]

بتخيس انشاء الله مع الأزمة المالية اللي طالت الكل

[MLAAS]

كرهت شئ اسمه تويوتا والسبة شركة عبدالغني:(
خلنا ناخذ لنا نيسان ابرك

اايدك في هذا الشي :)

[قطري 22]

انا حاجز جي اكس ار من 21/8 رحت لهم امس قالوا لي موترك بيوصول نص 12

[عذايب قطر]

اقولكم
خلوها اتخيس

[القارمن]

القصه لاهي دعوها تخيس ولا شي

القصه ان الازمه الماليه طاليتنا جميع

من جهه ماعندنا سيوله

ومن جهه ثانيه الاسعار العالميه بدت تنزل من تاثيرات الازمه

فقمنا نغرد ( دعوها تخيس )

ونا معاكم دعوها تخيس :)

[همر]

القصه لاهي دعوها تخيس ولا شي

القصه ان الازمه الماليه طاليتنا جميع

من جهه ماعندنا سيوله

ومن جهه ثانيه الاسعار العالميه بدت تنزل من تاثيرات الازمه

فقمنا نغرد ( دعوها تخيس )

ونا معاكم دعوها تخيس :)


السالفه مب يوم ما صادتنا الازمه قمنا نغرد

السالفه هي انهم مع الازمه اللي طالتهم اكثر منا ... لين الحين آخذتهم العزه بالاثم

وبدال ما يوزعون السيارات اللي في ذمتهم للناس قاعدين يصرفونها بطرق ملتويه

ومن اللي مساعدهم في هذا الشي ؟!!

نحنُ ... إحنا ... حنّا ... نحنا

لذلك فقط ... احنا نقول دعوها تخيس لين يتربون وراعي المال يصحى وتصير حركة تفنيشات واسعه

وبعدها اشتروا ... عليكم بالعافيه...

بس لا تخلون لهم الافضليه ... عنبو فلوس الناس ويتحكمون فيها !!!!

[b0-7amad]

خلوووهاااا تخييييس

:nice::nice::nice::nice:

[QAT2020]

"دعوها تخيس"

شعارنا وانا اول واحد يبدأ فيكم ..

[marrih]

لاحول ولا قوة إلا بالله

[keep calm]

بس انا مريت اليوم الصبح الساعه 7 فلليل وحصلت كروزرات 6 سلندر متوفره

[قطري 22]

انا عندي حجز حق جي اكسر 8 من شهر 8 وللحين ماوصل واللي يقول متوفر ياخذ حجزي ويخلصه اذا هو صادق