الى متى يا طوارئ الأطفال

[سمو]

حدث معي هذا الموقف في فجر يوم الاحد

وعيت الفجر على انين ولدي ( اربع سنين ) يشتكي ويتوجع من اذنه والله كان يصرخ كأنه وحده بتولد ,,,خذناه على طول للطوارئ كانت الساعه حول الثلاث ودخلنا على طول عند الدكتور لأن ما كان فيه زحمه والله كشف الدكتور ما خذ 5 دقايق ويمكن اقل وخصوصا للأذن اقل من ثانيه لكل أذن انا لما شفت نظرته خاطفه للأذن السليمه قلت لا الرجال بيطول في فحص الي يشتكي منها ولدي ,,,,للأسف نفس الشي قال عنده احتقان وبس اقوله اذنه فيها شي ما رد علي ولا كان له بارض للشغل ...كانت مناوبه دكتوره اغلب اظن انها قطريه عور قلبها شكل ولدي كان ودي اقول لها تكشف عليه بس الدكتور الي كشف كان واقف معاها سألت الممرضه قامت تتكهن اتقول احتمال بيطلع له ضرس جديد او اسنانه مسوسه المهم خذنا العلاج من ضمنها مضاد بس خفيف وحالته تحتاج اقوى

المهم ما لكم بطويله الصبح زاد الالم عنده وما نفع معاه لا بروفين ولا غيره مع ان الدكتور يدوب كاتب له ادول ,, قلت اصبره لين العصر اوديه اختصاصي وفجأة بدت تنزل اشياء من اذنه ماي بني وشمع

خذته العصر عند اخصائي وقال عنده التهاب شديد في اذنه (( وواضح )) اي حد ممكن يشخصه ..وطبعا غير له المضاد وادويه ثانيه

بس عقب هالقصه الي طولت فيها عليكم عندي استفسار الأطباء الغربتيه(( البعــــــــــــــــض)) بدون تحديد جنسيات من ضربهم على يدهم علشان يجون يشتغلون عندنا ؟؟؟؟
وايش مصير القسم الي اقسموه انهم يخلصون في مهنتهم اذا اضعف الايمان الاطفال مب قادرين يتعاطفون مع مشكلتهم ,,, اظن حتى الاطباء البيطرين مع احترامي لهم يتعاملون مع الحيوانات برقه اكثر

هذي رسالة لمدير طوارئ الاطفال اتمنى انها توصل له ...

[قطريه ماركه]

نفس الشي ولدي امس يصيح من اذنه بس طبيب المركز عرف له وعطاه مضاد قوي اوقمانتين ..

و مسكن للألم و قطره .. الله يعين اليهااااال على تغيير الجو ..

اما طوارئ الاطفااال فقصصهم لا نهائية .. الله المستعاااااان ..

[الوعد2016]

يالغاليه تشخيص الدكتور السابق صحيح ولكن الادوو يه لها تاثيرها وهم يصرفون نوع معين من المضاد المتوفر (طبعآ العادي درجه 10) وعندهم نوع ممتاز يتم صرفه للحالات القويه والتهاب الاذن بسيط ويحتاج للمضاد وقطره ونزول الشي من الاذن شي صحي لتنظيف الاذن والاعيال كلهم يمرون بهذا الشي والمستشفي له ادويه مخصصه
ومايشوف شر الولد
والحمدالله على سلامته

[سمو]

يالغاليه تشخيص الدكتور السابق صحيح ولكن الادوو يه لها تاثيرها وهم يصرفون نوع معين من المضاد المتوفر (طبعآ العادي درجه 10) وعندهم نوع ممتاز يتم صرفه للحالات القويه والتهاب الاذن بسيط ويحتاج للمضاد وقطره ونزول الشي من الاذن شي صحي لتنظيف الاذن والاعيال كلهم يمرون بهذا الشي والمستشفي له ادويه مخصصه
ومايشوف شر الولد
والحمدالله على سلامته

على اي اساس اختي قلتي تشخيصه صحيح انا سئلته عنده التهاب بأذنه ما رد واشر براسه انه ما عنده وبعدين كان ممكن يصرف له مهدئ اقوى من الادول ومضاد اقوى لأن على حسب ما شفت اصرفو للي قدامي اقمنتين يعني عندهم ,,,والدكتور الاخصائي وافتخر انه من عيال قطر قال الالتهاب في اذنه شديد
بعدين اسمحيلي على اي اساس اعتمتدي كلامج ان التهاب الاذن بسيط وهو ممكن يأثر على الطبله وبعدها يحتاج الطفل لعمليه وضع انبوب ,,وممكن يأثر على السمع ويكفي لألم الغير مستحمل للأذن
ما فيه مجال اختي تدافعين عن طوارئ الاطفال لأن الي كتبته فيض من غيض ومشاكلهم وتشخيصاتهم ما عادت تستحمل وهذا واقع الكل يشتكي منه
الشر ما يجيج

[سمو]

نفس الشي ولدي امس يصيح من اذنه بس طبيب المركز عرف له وعطاه مضاد قوي اوقمانتين ..

و مسكن للألم و قطره .. الله يعين اليهااااال على تغيير الجو ..

اما طوارئ الاطفااال فقصصهم لا نهائية .. الله المستعاااااان ..

ما يشوف شر ولدج يا قطرية في رايي اطباء المراكز يهتمون اكثر من واقع تجربتي

تسلمين ع الرد لا هنتي

[الوعد2016]

على اي اساس اختي قلتي تشخيصه صحيح انا سئلته عنده التهاب بأذنه ما رد واشر براسه انه ما عنده وبعدين كان ممكن يصرف له مهدئ اقوى من الادول ومضاد اقوى لأن على حسب ما شفت اصرفو للي قدامي اقمنتين يعني عندهم ,,,والدكتور الاخصائي وافتخر انه من عيال قطر قال الالتهاب في اذنه شديد
بعدين اسمحيلي على اي اساس اعتمتدي كلامج ان التهاب الاذن بسيط وهو ممكن يأثر على الطبله وبعدها يحتاج الطفل لعمليه وضع انبوب ,,وممكن يأثر على السمع ويكفي لألم الغير مستحمل للأذن
ما فيه مجال اختي تدافعين عن طوارئ الاطفال لأن الي كتبته فيض من غيض ومشاكلهم وتشخيصاتهم ما عادت تستحمل وهذا واقع الكل يشتكي منه
الشر ما يجيج

على اي اساس يعطيج مضاد حيوي وفيه نوه من الادون يكون خافض للحراره ومسكن

[بنت المنتدى]

الله يعينكم بصراحه

[سمو]

الله يعينكم بصراحه

خخخخخخخخ الله يكتب لج نصيب قريب مب في المرض لا اسم الله عليج في العرس والعيال ان ما كنتي معرسه

تسلمين ع الرد يا الغلا

[سمو]

على اي اساس يعطيج مضاد حيوي وفيه نوه من الادون يكون خافض للحراره ومسكن

سوووووري ما فهمت اش كااااااتبه يا الوعد ؟؟؟؟؟؟؟

[قطر501]

هذول ماعندهم شي ولا يعرفون البصله من قشرتها انا وديت بنتي من فترة وكان عنها كحه مع بلغم وحتقان ويوم الطبيب اسمحولي الغبي حط السماعه على صدر بنتي قال عندها صوت في القلب شافني مستغرب قال لا تخاف انا متاكد مافيه شي لكن بعطيك تحويل حق مستشفى حمد ( المقصب الرئيسي ) تراجع دكتور القلب ياخذ صورته علشان يتاكد فما تدريت اضحك والا ابكي اضحك يقول القلب فيه صوت اكيد لازم يكون للقلب صوت والا ابكي خوف من كلامه المهم طلعت من عنده وشقيت ورقة التحويل وقطيتها في الزبالة وانتو بكرامه وخذيت بنتي حق طبيب اطفال مختص وقعد يضحك يوم قلت له السالفة قال البنت عندها صوت ازيز في الصدر بسبب التهاب الشعب الهوائية والقلب الحمد الله مافيه شي لكن مرات في الليل اذا حد تعب من عيالك مالك الا الطوارئ اسال الله ان يشفي جميع مرضى المسلمين

[الوعد2016]

سوووووري ما فهمت اش كااااااتبه يا الوعد ؟؟؟؟؟؟؟

نوع من الادول

[سمو]

هذول ماعندهم شي ولا يعرفون البصله من قشرتها انا وديت بنتي من فترة وكان عنها كحه مع بلغم وحتقان ويوم الطبيب اسمحولي الغبي حط السماعه على صدر بنتي قال عندها صوت في القلب شافني مستغرب قال لا تخاف انا متاكد مافيه شي لكن بعطيك تحويل حق مستشفى حمد ( المقصب الرئيسي ) تراجع دكتور القلب ياخذ صورته علشان يتاكد فما تدريت اضحك والا ابكي اضحك يقول القلب فيه صوت اكيد لازم يكون للقلب صوت والا ابكي خوف من كلامه المهم طلعت من عنده وشقيت ورقة التحويل وقطيتها في الزبالة وانتو بكرامه وخذيت بنتي حق طبيب اطفال مختص وقعد يضحك يوم قلت له السالفة قال البنت عندها صوت ازيز في الصدر بسبب التهاب الشعب الهوائية والقلب الحمد الله مافيه شي لكن مرات في الليل اذا حد تعب من عيالك مالك الا الطوارئ اسال الله ان يشفي جميع مرضى المسلمين

الله يعافي بنتك وكل عيال المسلمين من كل شر

[سمو]

نوع من الادول

ماعليه اختي الي فهمته من ردك انه على اي اساس عطى ولدي مضاد وما اكتفى بأي نوع من الأدول ان شاءالله فهمت صح ..
اختي هو اقصد طبيب الطوارئ عطاه مضاد خفيف على اساس انه لاحظ وجود التهاب في الحلق
اضافه للأدول او بالاحرى باناكير الي تأثيره جدا خفيف مع اللآلام الشديدة ما ينفع
والتهاب الحلق هذا شافه الاختصاصي بس انا وديت ولدي يصرخ من اذنه وهو ما شخص شي بفي الاذن واحمد الله اني وديته لاختصاصي لان اكيد ما كان بيأثر مضادهم مع الالتهاب الي فيه

اتمنى وضحت لج السالفه

[darkuae]

الله يعينك اختي

انا وبناتي تخصص آلام أذن

وبصراحة بفضل الله أولا وآخرا كنت أستفيد من المراكز الصحية للمسكنات وليس للعلاج

وبخصوص طواري السد بشكل عام ممتاااازيييين ولكن أي عمل بشري لابد له من أخطاء، ولكن هاي ما يمنع إن لازم يجتهدون ويخلصون فعملهم لتقليل الأخطاء

وأنصحك بخصوص ولدك اللي طلع الغي من إذنه وديه إما للدكتور جنيشن (في العيادة الخارجية لحمد) وإذا ما لك بارض في المواعيد والنطره روحي للدكتور عبدالعزيز الجفيري

بصراحة الدكتورين قالولي نفس الكلام لبناتي

وحدة منهم اقترحوا لها علاج بأدوية، والثانية اقترحوا لها عملية زرع أنبوب

وبما إن كلامهم كان متطابق، وأنا مالي بارض مواعيد وروح وتعال فتوكلت على الله وسويت العملية لبنتي عند الدكتور الجفيري

بس أأكد عليك لاااازم تروحين لاختصاصي أنف وإذن وحنجرة ولا تكتفين بالمسكنات (البروفين أو أدول أو مضاد أو أي شي ثاني)
و عليك بعلاج المرض وليس علاج العرض

[سمو]

الله يعينك اختي

انا وبناتي تخصص آلام أذن

وبصراحة بفضل الله أولا وآخرا كنت أستفيد من المراكز الصحية للمسكنات وليس للعلاج

وبخصوص طواري السد بشكل عام ممتاااازيييين ولكن أي عمل بشري لابد له من أخطاء، ولكن هاي ما يمنع إن لازم يجتهدون ويخلصون فعملهم لتقليل الأخطاء

وأنصحك بخصوص ولدك اللي طلع الغي من إذنه وديه إما للدكتور جنيشن (في العيادة الخارجية لحمد) وإذا ما لك بارض في المواعيد والنطره روحي للدكتور عبدالعزيز الجفيري

بصراحة الدكتورين قالولي نفس الكلام لبناتي

وحدة منهم اقترحوا لها علاج بأدوية، والثانية اقترحوا لها عملية زرع أنبوب

وبما إن كلامهم كان متطابق، وأنا مالي بارض مواعيد وروح وتعال فتوكلت على الله وسويت العملية لبنتي عند الدكتور الجفيري

بس أأكد عليك لاااازم تروحين لاختصاصي أنف وإذن وحنجرة ولا تكتفين بالمسكنات (البروفين أو أدول أو مضاد أو أي شي ثاني)
و عليك بعلاج المرض وليس علاج العرض



بالفعل الدكتور الي خذت ولدي له د . عبدالعزيز الجفيري الله يجزيه الف خير ولدي من فضل الله تحول من حاله لين حاله ثانيه والدكتور عبدالعزيز علم وثقافه وحسن تعامل الله يبارك فيه ومن قبل ما يفتح العيادة مب مثل باقي الدكاتره الي تعاملهم زي الزفت وسوري على الكلمة قبل ما يفتحون العيادات الخاصة وبعد ما يفتحونها يعاملون المريض يا دهينه لا تنكتين :omg:

شكرا ع النصيحة و يسلمووو ع المرورdarkuae الله يبعد كل مرض عنك وعن بناتك

[brent]

أنا لو مكانج أخذ تقرير طبي من الأخصائي و أروح أشتكي
على دكتور الطوارئ:eek5:
. عشان يتعلم يشخص عدل:tease:

[*Baby Dior*]

صراحه في دكاتره عندهم اوكي واغلبيتهم خربوطه

[hxamad]

الله يشافى ولدك
والمفروض أخوى تودية خاص من قبل لأن مستشفياتنا صارت للأجانب مب للقطريين خصوصا مستشفى الأطفال تحصل الكاونترين كله أجانب المفروض يخلوون كاونتر للقطريين وكاونتر لللأجانب أحنا فى بلادنا المفروض نتعامل باحسن من هالشى
وليش ماقدمت فية شكوة عشان يتأدبوون وتكون سويت خير فى عيالنا عشان مايجى مثل هاى الدكتور ألى يسمى نفسه دكتور ويتشرط علينا منرز ومعزز ومكروم أحسن من القطرى

[سمو]

أنا لو مكانج أخذ تقرير طبي من الأخصائي و أروح أشتكي
على دكتور الطوارئ:eek5:
. عشان يتعلم يشخص عدل:tease:

في هذي انا غلطانه على الاقل حتى ما تتكرر لطفل ثاني...بس تدري اصلا مب هامهم اشتكينا ولا سكتنا الي اعرفه انهم يشتطون علشان يحصلون عقد عمل ولما يجون وما يعجبهم الوضع يتصرفون بطناش وودهم بالفنش

يسلمووو ع المرور



صراحه في دكاتره عندهم اوكي واغلبيتهم خربوطه

اكيد بيبي ديور فيه اطباء :victory: وفيه :rolleyes2:الله بالخير

تسلمين ع المرور


الله يشافى ولدك
والمفروض أخلادوى تودية خاص من قبل لأن مستشفياتنا صارت للأجانب مب للقطريين خصوصا مستشفى الأطفال تحصل الكاونترين كله أجانب المفروض يخلوون كاونتر للقطريين وكاونتر لللأجانب أحنا فى بلادنا المفروض نتعامل باحسن من هالشى
وليش ماقدمت فية شكوة عشان يتأدبوون وتكون سويت خير فى عيالنا عشان مايجى مثل هاى الدكتور ألى يسمى نفسه دكتور ويتشرط علينا منرز ومعزز ومكروم أحسن من القطرى

ويعافيك من كل شر,,والله ما حدني لهم الا نصايف الليل والخاص في هالحزه من عندنا الاهلي خلني ساكته افضل مب من زين استشاري الاذن الي عندهم اظن اسمه حنتوشه نهبه ع الفاضي ...

اعترف بخطئي اني ما قدمت عليه شكوى بس ان احتديت لهم مرة ثانيه والله زهلوه لا يلدغ مؤمن من جحر مرتين وعساني ولانتم ما نحتاجهم

يسلمو ع الرد