احرص على بطاقتك الشخصيه

[قطري 22]

اذا رحنا مبنى او اداره او برج او مجمع سكني يطلبون من عندنا البطاقه الشخصيه ويخليها عنده لين تطلع ...... على اي اساس يسوى هالحركه وين امن الدوله من هالموضوع ليش انا اسلمه بطاقتي واذا انا رفضت يقول لي ماتدخل ..
طيب فرضا انا عطيته بطاقتي وصور عليها وراح كيوتل ولا اي اداره من الاداره وخذا اي خدمه من اللي بينفعني وقتها واذا اشتكيت بيقولون لي انت مسؤل عن بطاقتك.......
ولاحد يقول مايقدر يسوي شي بصورة البطاقه او يمكن هو في نفس الوقت يكون موظف في كيوتل مثلا وخذا بطاقتي الاصليه وخذا خط جديد ورجع وحط البطاقه على الدسك ولا كانه صار شي .

الله لايغير علينا احنا مانتصور ومانتخيل شقد الاجانب او العمال ممكن يستفيدون من بطاقتك الشخصيه القطريه
ننتظر تعليقاتكم الحلووووووووه

[كاتم الاسرار]

مرحباا

الصراحه يالغالي صدقت وسارت لي مشكله في كيوتل عن الموضوع هاي خاطري اعرف ليش بطاقتك الشخصيه خلاص ياخذ معلومات عنك اوتعطيه انت المعلومات اشدعوه رايح اتسوي شي

ان شاءالله بس يفكوونه من هاي السالفه سارت مشاكل وايد والله يستر

ويعطيك العافيه

[غناتي1]

صادق القطري في كلامه

واللي قاله صار بالفعل !!!

[همر]

عطه الليسن !!

:nice:

[alwahesh]

فعلا

عطه الليسن او الرخصه بالأصح
لان الهدف من هالحركه هو التأكد من خروج الشخص للمبنى

نترك الكوره في ملعب اخونا المختفي جاجاسم عسى المانع خير

[hamoor4ever]

اعتقد المفروض انه ياخذ بيانات البطاقه فقط وماله حق بأي شكل انه يخلي البطاقه عنده ، لكن الوضع اللي يصير يقول همه عايزين كده ، ذكرني بسالفه بغيت مره استأجر سياره قال لي عطني شيك على بياض ومريت على اغلب المحلات قالوا لي نفس الشي لدرجه قلت لهم ان هالشي ممنوع وراح اشتكي عليهم ، قالوا لي روح عادي ، يااخوي القوانين هاذي نسمعها بس مانشوف تطبيقها على الواقع ، واللي يتطبق فقط هي القوانين اللي تضر المواطن فقط اما شي لمصلحته انسى يتنفذ والدليل عندك قانون الانتقال من شغل لين اخر لحد الحين موجود لكن تم نفيه فقط لاجل عيون حقوق الانسان لا اكثر يعني موضوع شكلي ، وكثير من القوانين شكلي وبعضها يمشي علي وعليك فقط وانت فاهم

سلام عليكم

[شيخ الشباب]

ملاحظة مهمة جداً وأشكرك على الطرح ياقطري22

واتمنى من الجهات المسؤولة دراسته ووقف هذا الأمر الشائع

[شيخ الشباب]

اعتقد المفروض انه ياخذ بيانات البطاقه فقط وماله حق بأي شكل انه يخلي البطاقه عنده ، لكن الوضع اللي يصير يقول همه عايزين كده ، ذكرني بسالفه بغيت مره استأجر سياره قال لي عطني شيك على بياض ومريت على اغلب المحلات قالوا لي نفس الشي لدرجه قلت لهم ان هالشي ممنوع وراح اشتكي عليهم ، قالوا لي روح عادي ، يااخوي القوانين هاذي نسمعها بس مانشوف تطبيقها على الواقع ، واللي يتطبق فقط هي القوانين اللي تضر المواطن فقط اما شي لمصلحته انسى يتنفذ والدليل عندك قانون الانتقال من شغل لين اخر لحد الحين موجود لكن تم نفيه فقط لاجل عيون حقوق الانسان لا اكثر يعني موضوع شكلي ، وكثير من القوانين شكلي وبعضها يمشي علي وعليك فقط وانت فاهم

سلام عليكم


نقطة حساسة جداً وقد تخرب حياة أشخاص بسبب جهل بالقانون او ثقة زائدة وفي النهاية يقال لهم وبكل برود : (القانون لايحمي المغفلين)

فلماذا لايتم سن قوانين صارمة لهذه المكاتب ومن يريد ضمان حقوقه فلا يهضم حقوق الاخرين بالطلبات الغير القانونية

وأكرر مرة أخرى اتمنى من الجهات المسؤولة دراسة الموضوع واتخاذ قرار صارم لمثل هذا الاستبزاز ( فالوقاية خير من العلاج )

اعتذر عن الدخول للموضوع مرة أخرى :shy:

[بوخالد911]

كلامك منطقي جدا

[boooooon]

نقطة حساسة جداً وقد تخرب حياة أشخاص بسبب جهل بالقانون او ثقة زائدة وفي النهاية يقال لهم وبكل برود : (القانون لايحمي المغفلين)

فلماذا لايتم سن قوانين صارمة لهذه المكاتب ومن يريد ضمان حقوقه فلا يهضم حقوق الاخرين بالطلبات الغير القانونية

وأكرر مرة أخرى اتمنى من الجهات المسؤولة دراسة الموضوع واتخاذ قرار صارم لمثل هذا الاستبزاز ( فالوقاية خير من العلاج )

اعتذر عن الدخول للموضوع مرة أخرى :shy:

هلا يالغالي

اخوي انا عندي مكتب تاجير

قلنا نبي جواز سفر قلتو ممنوع قلنا شيك قلتو ممنوع


بس ابيك تمر عندي المكتب واخليك تشوف كم نبي من العالم وكم لنا فلوس بره

والله لا جواز ولا شيك نافع معاهم يجون ياخذون السيارة وما يرجعون

واخوي الحين المخالفات سوتلنا مشكلة يعني يجيك واحد يبي السيارة يوم يرجعها عليها مخالفة 6 الاف

يعني شلون تضمن حقك ؟ وبالنهاية لو قدمنا الشيك وحطينا مبلغ من على كيفنا يقدر يروح ويشتكي

واحنا مسؤولين كل شي مكتوب ومسجل عقد السيارة وتاريخ المخالفة وكل شي
ما نقدر ناخذ الشيك ونحط مليون وعادي شنه العيد في قانون وكل شي بالاوراق والاثباتات

وصدقني في ناس شيك على بياض ما يفرق معاهم ماخذين الموتر ولا على بالهم 5 او 6 شهور ويرجع الموتر يقولك ما عندي فلوس بقسطلك .. ما تقدر تقوله شي .. ولا نبي نضر العالم

بس قولي شالضمان الي ممكن يضمن حقي وحق المستاجر وانا راح اطبقه :nice:

[شيخ الشباب]

هلا يالغالي

اخوي انا عندي مكتب تاجير

قلنا نبي جواز سفر قلتو ممنوع قلنا شيك قلتو ممنوع


بس ابيك تمر عندي المكتب واخليك تشوف كم نبي من العالم وكم لنا فلوس بره

والله لا جواز ولا شيك نافع معاهم يجون ياخذون السيارة وما يرجعون

واخوي الحين المخالفات سوتلنا مشكلة يعني يجيك واحد يبي السيارة يوم يرجعها عليها مخالفة 6 الاف

يعني شلون تضمن حقك ؟ وبالنهاية لو قدمنا الشيك وحطينا مبلغ من على كيفنا يقدر يروح ويشتكي

واحنا مسؤولين كل شي مكتوب ومسجل عقد السيارة وتاريخ المخالفة وكل شي
ما نقدر ناخذ الشيك ونحط مليون وعادي شنه العيد في قانون وكل شي بالاوراق والاثباتات

وصدقني في ناس شيك على بياض ما يفرق معاهم ماخذين الموتر ولا على بالهم 5 او 6 شهور ويرجع الموتر يقولك ما عندي فلوس بقسطلك .. ما تقدر تقوله شي .. ولا نبي نضر العالم

بس قولي شالضمان الي ممكن يضمن حقي وحق المستاجر وانا راح اطبقه :nice:


لاننكر بأن على مكاتب تأجير السيارات عبء ثقيل وأضرار كثيرة مثلما لها ارباح طائلة :)

واقتراحي ان يكون نظامهم متطور مثل الفنادق او مكاتب التأجير العالمية وهي بحجز مبلغ معقول من الكريدت + الضمانات كالعقود والجواز وغيره

فليس كل من يستأجر لايدفع حتى تعاملوا الكل بشيك على بياض :)

وليس كل اصحاب مكاتب التأجير عندهم ذمة وضمير اذا كان الشيك على بياض بحوزته :)

فأقل القليل ولو خدش احداهم بالسيارة خدشاً قليلاً لايقدر بثمن . . طلبوا منه مبلغ باهض وقدره (......) او دفع قيمة التأمين ليصلحه وقدره (......)

وهذا حاصل في ارض الواقع :)

واتمنى ان تتقبل وجهة نظري بصدر رحب :)

[boooooon]

لاننكر بأن على مكاتب تأجير السيارات عبء ثقيل وأضرار كثيرة مثلما لها ارباح طائلة :)

واقتراحي ان يكون نظامهم متطور مثل الفنادق او مكاتب التأجير العالمية وهي بحجز مبلغ معقول من الكريدت + الضمانات كالعقود والجواز وغيره

فليس كل من يستأجر لايدفع حتى تعاملوا الكل بشيك على بياض :)

وليس كل اصحاب مكاتب التأجير عندهم ذمة وضمير اذا كان الشيك على بياض بحوزته :)

فأقل القليل ولو خدش احداهم بالسيارة خدشاً قليلاً لايقدر بثمن . . طلبوا منه مبلغ باهض وقدره (......) او دفع قيمة التأمين ليصلحه وقدره (......)

وهذا حاصل في ارض الواقع :)

واتمنى ان تتقبل وجهة نظري بصدر رحب :)

والله يالغالي والي ما عنده كريدت ؟ وايد ناس ما عندهم كرديت وشيكات

شنسوي معاه .. وانت تعرف احنا لو نبي نشتكي على حد المرور والا امن العاصمة يقولونلك روح المحكمة المدينة وانطر عاد ..

وبالنسبة حق الدعمات والتامين .. تامين الشامل حق مكاتب التاجير غير الافراد

يجيبك فيه نسبة تحمل يعني كل حادث لازم تدفع 1500 والمفروض يتحملها المستاجر

وبالنسبة للشمخ يعني انت موترك 2008 وانا خذته ورجعته مشخمخ من وره فالصدام

ترضى يتصل تصليح اي كلام ؟ ولاتنسى ان الموتر راح يوقف اقل شي 4 ايام

وعندك مشوار الصناعية روحة ورجعة وعندك ورقة الشرطة ..

وفالنهاية لاتخاف عالمستاجرين ما يقصروون فينا

والسموحة من راعي الموضوع ملغنا عليك بس شدني موضوع التاجير

لان الكل ماخد فكرة انا احنا اعلى طبقة في قطر وانصب ناس المشكلة اني ابي ابيع المكتب واريح نفسي .. علينا مخالفات 30 الف ريال والمخالفت تنزل متاخر والمستاجر يكون رجع بلاده وحالة .. الله يعين

[!قطريـة بنت القمـر!]

والله هاي نقطة جدا جدا هامة كانت في غياب عن بالنا الصراحه .... وبصراحة مالهم حق الاحتفاظ بالبطاقة الشخصية وخصوصا انها اثبات رسمي جدا حساس وممكن يجر وراه بلاوي كبيره ....

[واقع]

انا افضل استخدام الكردت كارد واللي ماعنده يطلع بلا شيك بياض بلا ......

[الوعد2016]

فعلا

عطه الليسن او الرخصه بالأصح
لان الهدف من هالحركه هو التأكد من خروج الشخص للمبنى

نترك الكوره في ملعب اخونا المختفي جاجاسم عسى المانع خير

قانونين لا يجوز رهن البطاقه الشخصيه او اي اثبات مهما كان

[blackjacket]

اخوي لا تحاتي حتي لو صور بطاقتك و طلع رقم باسمك تقدر تجيبه لانه الحين في كيوتل اذا معاك بطاقة غير بطاقتك راح يعطونك خط تلفون بس ياخذون صورة بطاقة شخصية مقدم الطلب

[قطري 22]

في امريكا واوربا ودبي بعد ..اذا ماعندك بطاقة فيزا مب كردت كارد فيزا لازم فيزا والا يقول لك توكل على الله
اذا جيت تأجر سياره
حتى لو سلمتها وجات مخالفت عقبها يسحبها من فيزتك
وبالعكس هذا حق ... ولا حد يزعل من الحق

[قطري 22]

اخوي لا تحاتي حتي لو صور بطاقتك و طلع رقم باسمك تقدر تجيبه لانه الحين في كيوتل اذا معاك بطاقة غير بطاقتك راح يعطونك خط تلفون بس ياخذون صورة بطاقة شخصية مقدم الطلب



هههههههههه اشكرك
بس ليش انا احط نفسي في مثل هذا الموقف

[فهد111]

يوم تعطيهم البطااقه اخوي تعطي الامن عشان يعطونك بطااقه الي تخليك تروح للطابق الي انت تبيه وتفتح الباب من خلالها يعني لو ماعطيته شي مهم مثل البطاقه او الليسن مايضمن انك بترجع البطاقه الي دخلت من خلالها وتكون السالفه (سايبه ) واي وقت عندك معامله دشيت بالبطااقه نفرض حصل حريق في المبنى ويكون حريق مفتعل من شخص من بيكون المسؤول ومن بيحاسبوون ؟؟
بيشوفون من دخل ومن صاحب رقم البطاقه الفلانيه والساعه كم دخل والساعه كم طلع وهذا شي امني ومستحيل يصور بطاقتك ويسوي فيها شي لن اي مكان مايقبل معامله من اي شخص الى بطاقه الشخص الاصليه تكون موجوده اذا الشخص مب موجود وتوقيعه موجود على المعامله اقرب مثال كيووتل مايقبلون يعطونك رقم بأسم شخص ثاني بمجرد ان عندك صوره من البطااقه لازم يكون صاحب البطاقه او البطاقه الاصليه معا توقيعه واتمنى اني افدتك اخوي

[هام السحاب]

عمري ماحطيت بطاقتي الشخصيه عند اي سيكيورتي يكتب رقمي الشخصي و الوقت الي دشيت فيه المبنى
وانتهت السالفه :)
اما بخصوص مكاتب التأجير وسالفه الشيك على بياض انه مب مقتنع فيها بس المضطر بيسوي هالشي
والله لايحوجنا لهم

[mohammedhm]

اذا رحنا مبنى او اداره او برج او مجمع سكني يطلبون من عندنا البطاقه الشخصيه ويخليها عنده لين تطلع ...... على اي اساس يسوى هالحركه وين امن الدوله من هالموضوع ليش انا اسلمه بطاقتي واذا انا رفضت يقول لي ماتدخل ..
طيب فرضا انا عطيته بطاقتي وصور عليها وراح كيوتل ولا اي اداره من الاداره وخذا اي خدمه من اللي بينفعني وقتها واذا اشتكيت بيقولون لي انت مسؤل عن بطاقتك.......
ولاحد يقول مايقدر يسوي شي بصورة البطاقه او يمكن هو في نفس الوقت يكون موظف في كيوتل مثلا وخذا بطاقتي الاصليه وخذا خط جديد ورجع وحط البطاقه على الدسك ولا كانه صار شي .

الله لايغير علينا احنا مانتصور ومانتخيل شقد الاجانب او العمال ممكن يستفيدون من بطاقتك الشخصيه القطريه
ننتظر تعليقاتكم الحلووووووووه


عطهم بطاقة العمل أنا أسويها في جميع الأدارات ... عادي

[mohammedhm]

هلا يالغالي

اخوي انا عندي مكتب تاجير

قلنا نبي جواز سفر قلتو ممنوع قلنا شيك قلتو ممنوع


بس ابيك تمر عندي المكتب واخليك تشوف كم نبي من العالم وكم لنا فلوس بره

والله لا جواز ولا شيك نافع معاهم يجون ياخذون السيارة وما يرجعون

واخوي الحين المخالفات سوتلنا مشكلة يعني يجيك واحد يبي السيارة يوم يرجعها عليها مخالفة 6 الاف

يعني شلون تضمن حقك ؟ وبالنهاية لو قدمنا الشيك وحطينا مبلغ من على كيفنا يقدر يروح ويشتكي

واحنا مسؤولين كل شي مكتوب ومسجل عقد السيارة وتاريخ المخالفة وكل شي
ما نقدر ناخذ الشيك ونحط مليون وعادي شنه العيد في قانون وكل شي بالاوراق والاثباتات

وصدقني في ناس شيك على بياض ما يفرق معاهم ماخذين الموتر ولا على بالهم 5 او 6 شهور ويرجع الموتر يقولك ما عندي فلوس بقسطلك .. ما تقدر تقوله شي .. ولا نبي نضر العالم

بس قولي شالضمان الي ممكن يضمن حقي وحق المستاجر وانا راح اطبقه :nice:

كلام منطقي جدااااا.........

لكن الشركات العالمية في تأجير السيارات تدعمها قطاعات التأمين يعني التامين يغطي أضرار السياره بالكامل من أثر الحوادث والمستأجر ما عليه شي وعقد الأجار ينص على المستأجر تحمل مخالفات المرور وتخصم من بطاقة الكريدت كارد بعد تسليم السياره ويدزلك المخالفة على صندوق بريدك أو بالأميل للتأكيد
وأذا عجز المكتب عن أخذ قيمة الأجار للسياره لأي سبب أيضا التأمين يغطي الأضرار وتكون على البلاك لست بموجب صوره من جوازك وقيمة المبلغ اللي دفعة التأمين للشركة و بعدين دور مكتب يأجرك

[سهم بن سهم]

البطاقة الشخصية هي وثيقة رسمية لايجوز تسليمها لاي شخص أو رهنها أو إستخدامها في أشياء مخالفة للقانون

انا اطالب المسؤؤلين باعادة النظر في هذا القرار ... تسليم البطاقة لرجل الامن والدخول لاي وزارة !! :anger1:

رجل الامن المفروض فيه ان يسجل بياناتك الشخصية على ورقة جانبية او سجل خاص ويتاكد من شخصيتك ويرجع لك بطاقتك الشخصية

[خشوف]

عطه الليسن !!

:nice:

زوجي دوم يعطيهم الليسن

[بوخالد911]

أفكررر

إني أعطيهم البطااقة الصحية

تمشي ؟؟


:rolleyes2::rolleyes2::rolleyes2:

[q6r99]

الى اعرفه ممنووع ترهن بطاقتك بمحطه البترول خخخخخخخخخخخخ

يعنى اكيد ممنوع تعطيها اي احد او ترهنها

[تاجر البواخر]

هلا يالغالي

اخوي انا عندي مكتب تاجير

قلنا نبي جواز سفر قلتو ممنوع قلنا شيك قلتو ممنوع


بس ابيك تمر عندي المكتب واخليك تشوف كم نبي من العالم وكم لنا فلوس بره

والله لا جواز ولا شيك نافع معاهم يجون ياخذون السيارة وما يرجعون

واخوي الحين المخالفات سوتلنا مشكلة يعني يجيك واحد يبي السيارة يوم يرجعها عليها مخالفة 6 الاف

يعني شلون تضمن حقك ؟ وبالنهاية لو قدمنا الشيك وحطينا مبلغ من على كيفنا يقدر يروح ويشتكي

واحنا مسؤولين كل شي مكتوب ومسجل عقد السيارة وتاريخ المخالفة وكل شي
ما نقدر ناخذ الشيك ونحط مليون وعادي شنه العيد في قانون وكل شي بالاوراق والاثباتات

وصدقني في ناس شيك على بياض ما يفرق معاهم ماخذين الموتر ولا على بالهم 5 او 6 شهور ويرجع الموتر يقولك ما عندي فلوس بقسطلك .. ما تقدر تقوله شي .. ولا نبي نضر العالم

بس قولي شالضمان الي ممكن يضمن حقي وحق المستاجر وانا راح اطبقه :nice:


الكردت كارد ، وكل المحلات التأجير العالميه تتعامل فيه ، ومحلكم مب احسن منهم

[boooooon]

الكردت كارد ، وكل المحلات التأجير العالميه تتعامل فيه ، ومحلكم مب احسن منهم

لا مب احسن

ولو ما عنده كردت كارد

[بويوسف]

انزين شرايكم اني بغيت اخذ سيارة يهال من اللي تحط فيها الياهل وتمشي في المجمع مرة وقال لي الهندي عطني البطاقة ظمان !! قلت له شنووووو ليش يبه ماخذ سيارة صجية .. قال لي انزين مافي مشكل ممكن بطاقة صحية او ليسن .. قلت له روووووح زين .. بتعطيني السيارة ووخذ رقم تلفوني او رقم بطاقتي شي ثاني لا .. ومارضى .. طبعا ماخذت منه السيارة ..

[بويوسف]

لا مب احسن

ولو ما عنده كردت كارد

مافي حد ماعنده .. ولو ماعنده ذيج الحزة اطلب شيك .. بس الظاهر ان انتوا ماعندكم ماكينة سحب ونظام للكريديت كارد.

[boooooon]

مافي حد ماعنده .. ولو ماعنده ذيج الحزة اطلب شيك .. بس الظاهر ان انتوا ماعندكم ماكينة سحب ونظام للكريديت كارد.

لا عندنا موجودة بس مغبره

بس الاغلب ما عندهم

اغلب المستاجرين من الوافدين وما عندهم حساب فالبنك يحطون جوازهم ويستاجرون

بعدين اشوف نظرتكم لنا كان احنا نصابين

الي يبي ياجر والي مب عاجبه الشروط يروح مكتب ثاني

ما ادري شلون تبوني اعطي سيارة ب 100 الف لواحد غريب وما بتاخذ منه شي والكردت تحجز مبلغ معين لمدة اسبوعين ويروح الحجز

زين لو الحبيب عليه مخالفتين قطع اشاره شسوي ؟ انطركم تدفعونها ؟


فالنهاية ما حد يقدر ياكل جق احد والقانون موجود والعقد والوصل موجودين عند المستاجر والمؤجر وسلامتكم ..

اي ونسيت اقولك اغلب المرات الي رحنا نشتكي فيها فالعاصمة يجيك الشرطي يقول ليش مب ماخذ شيك منه ؟؟ لازم تاخذ

[ولد الرياان]

يوم تعطيهم البطااقه اخوي تعطي الامن عشان يعطونك بطااقه الي تخليك تروح للطابق الي انت تبيه وتفتح الباب من خلالها يعني لو ماعطيته شي مهم مثل البطاقه او الليسن مايضمن انك بترجع البطاقه الي دخلت من خلالها وتكون السالفه (سايبه ) واي وقت عندك معامله دشيت بالبطااقه نفرض حصل حريق في المبنى ويكون حريق مفتعل من شخص من بيكون المسؤول ومن بيحاسبوون ؟؟
بيشوفون من دخل ومن صاحب رقم البطاقه الفلانيه والساعه كم دخل والساعه كم طلع وهذا شي امني ومستحيل يصور بطاقتك ويسوي فيها شي لن اي مكان مايقبل معامله من اي شخص الى بطاقه الشخص الاصليه تكون موجوده اذا الشخص مب موجود وتوقيعه موجود على المعامله اقرب مثال كيووتل مايقبلون يعطونك رقم بأسم شخص ثاني بمجرد ان عندك صوره من البطااقه لازم يكون صاحب البطاقه او البطاقه الاصليه معا توقيعه واتمنى اني افدتك اخوي

كلام صحيح اخووي فهد
وعلى فكره ما المطلوب البطااقه الشخصيه بضبط مطلوووب اي اثباات عليه صورتك لتاكد من صاحب البطاقة والبياناات



البطاقة الشخصية هي وثيقة رسمية لايجوز تسليمها لاي شخص أو رهنها أو إستخدامها في أشياء مخالفة للقانون

انا اطالب المسؤؤلين باعادة النظر في هذا القرار ... تسليم البطاقة لرجل الامن والدخول لاي وزارة !! :anger1:

رجل الامن المفروض فيه ان يسجل بياناتك الشخصية على ورقة جانبية او سجل خاص ويتاكد من شخصيتك ويرجع لك بطاقتك الشخصية


اخووي سهم صح كلاامك يسجل البيانات من البطااقة ويرجعها بس لاتنسى انها تااخذ وقت اذا دخل قول 100 وااحد معاا بعض شلوون راح يخلصهم

الطريقه انه يعطيهم كرت فزتر ويسمح لهم بالدخول ويسجل البيانات عنده بدون تعطيل الاشخااص

وهذي عشاان رااحت المرااجع ما بعشاان كرت هلاا بسمك ولا يستفيد منها في اي شي

اخوي اي مكان تستخدم بطااقة ماهي بطااقتك يااخذون صورة من بطاقة مقدم الطلب

يعني ماايحتااج تكبروون السالفه والمستفيد الاول والاخير المرااجع

لو بسجل بيانات كل وااحد بدل ماتخلص معاملتك في نص سااعه راح تاخذ ساعتين على الاقل

وماشاء الله عليكم غيرتو الموضووع خليتوه اجار سيارات

واسمحو لي على الاطاله

[قطري 22]

لا مب احسن

ولو ما عنده كردت كارد


اذا ماعنده كردت كارد هذي مشكلته هو مب مشكلتك انت
وبعدين كل البنوك تعطي كردت كرد وفلنفرض انك رهنت جوازه واجر الموتر من عندك ورجع لك الموتر ودفع حسابه وسافر وبعد شهرين جاتك مخالفة رادار (صارت معي جاتني رادارات بتواريخ قديمه)عليه شلووون بتدفعها ..
رهن الوثيقه مش حل بل طريقه بدائيه وغير حضاريه

[لاداعي]

كلام سليم الله يعطيك العااافيه

[hxamad]

صج والى ماعندة ليسن شسوى
وينكم ياوزارة الداخلية