استفسار :)

[قـطـvipـرية]

السلام عليكم اخواني وخواتي ..

انا شريت غرض من وحده فالامارات وقالت لي بطرشها ع الامبوست

طيب انا وين استلمه هني ؟ قالبريد العادي او الممتاز او وين؟

** عطيتها صندوق البريد ورقمي واسمي :shy:

يعطيكم العافيه

[MLAAS]

في البريد الممتاز .. هم بنفسهم بيتصلون فيج او بيجيبونه لين باب بيتكم .. بس ساعات يطنشون :) يعني يوم الاحد او الاثنين محد اتصل فيج خذي رقمهم من البداله واتصلي..

واظن دوامهم لين 4 ونص

[انيقه]

والله ما ادري ان شاء الله اخوانا وخواتنا في المنتدى يفيدونج

[ba7rainia]

يوصلج عن طريق البريد الممتاز

[عيد823]

مرحبا فيج اختي قطرية والنعم

أختي , أنا دايماً آخذ أغراض من الإمارات ويطرشونها لي بالبريد الممتاز وتاخذ لها من 3الى4 أيام تقريباً , اهم شي تعطينهم رقم التليفون ورقم صندوق البريد .

نصيحة لا يطرشونها لج عن طريق الشحن (المطار) لأنج بتدفعين مبالغ مالها داعي (مخلص جمركي ومادري أيش ...)

وبالتوفيق ان شاء الله

[قـطـvipـرية]

يعطيكم الف عافيه ع الرد :)

اخووي عيد والله انا مب عارفه اذا طرشوها عالمطار بس هي قالت لي طرشتها عالامبوست !!!

وهي تطرشت من يوم الثلاثا ولحد اليوم ماردوا علي ..

طيب الامبوست شنو هل راح ادفع شي ؟

[دمي قطري]

اذا ماكنت غلطانة انا مرة وحدة طرشت لي واستلمتها من عند مبنى عند السنت اتصلي كيوتل وطلبي الامبوست يمكن لهم فرع صغير مثل الشقة في الدوحة

[قـطـvipـرية]

اتصلت مافي امبوست فالدوحه :(

[غناتي1]

في البريد الممتاز .. هم بنفسهم بيتصلون فيج او بيجيبونه لين باب بيتكم

[Love143]

اختي مش امبوست اسمه كيوبوست ومكانه مقابل المطار الدولي بعد الخطوط القطريه وقبل وكالة السزوكي الي بطريق المطار .