المساعد الشخصي الرقمي

مشاهدة النسخة كاملة : موقف غريب وعجيب !!!!


لـؤلـؤة الـخـلـيـج
06-12-2005, 07:15 AM
امس كنت في عيادة الدكتور مهند ولدي كانت فيه سخونه خفيفه المهم انتظرت 40 طفل وطبعا كان رقمي الـــ 42 وقبلي واحد جايب ولده كان تعبان كلش وحتى انه ما يقدر يقعد من التعب والسخونه المهم زوجته كانت جالسه عنده وفي حاله يرثى لها من خوفها على ولدها .. المهم كنت انتظر في غرفه السيدات ومليت جان اروح الرسبشن واسأله متى بادخل جان يجيني بلوتوت بنك نيم $ قطر $ استغربت العيادة تصفر ما فيها احد الا انا واهل الطفل المهم رديت وواستقبلت البلوتوت من دافع الفضول الا اشوف مسج " دقات قلبي سريعه من يوم شفتج " وهاي رقمي بليز اتصلي تصدقون اني تفاجأت وطلعت اتأكد برع اذا في احد غيرنا في العياده جان يبتسم لي الحبيب الي شال ولده في يده وطبعا مو حاس بالدنيا والله اني انصدمت من السالفه زوحته جنبه وولده تعبان حيل وهو يتغزل بكلام حلو والله غريبه وعالم غريب وايد الله يكافينه شر التكنولوجيا الفاسده ( طبعا فاسده للي يستعملها لاشياء فاشله ) :anger1:
شرقاوي
06-12-2005, 07:58 AM
يمكن متوهق باللي عنده :D

ويبي يتزوج الثانية :deal:



بس اكيد اسلوبه مرفوض









.
مغروور قطر
06-12-2005, 08:03 AM
لاحول ولاقوة ألا بالله
لـؤلـؤة الـخـلـيـج
06-12-2005, 08:09 AM
شرقاوي + مغرور قطر يشرفني مروركم
الرميحي
06-12-2005, 08:27 AM
الله المستعان..,,, بس اختي ليش انتي البلوتوث يشتغل عندج ؟؟؟ وليش استقبلتية؟؟؟

بدون زعل اختاه
القبقب
06-12-2005, 09:19 AM
يمكن موب ولده يمكن هذا السواق

صج شي غريب
اكيد السواق
The Edge
06-12-2005, 10:09 AM
لا حول ولا قوة الا بالله
والله الواحد مادري شيقول؟؟؟
abo rashid
06-12-2005, 12:22 PM
المفروض انتى مالك شغل بالبلوتوث المفروض انة يكون مبند عنك انتي خلتية ايسويها لو كان البلوتوث مصكر عندك ما سواها

اسمحيلني لان كلامي جارح لان فية رجال ما ينعطون وجهة

انتي السبب
كش ملك!!
06-12-2005, 12:56 PM
انتي غلطانه اختي :)


يعني لو ما كان معاه زوجته وولده بيكون عادي عندك :con2:
جود
06-12-2005, 01:11 PM
الله المستعان..,,, بس اختي ليش انتي البلوتوث يشتغل عندج ؟؟؟ وليش استقبلتية؟؟؟

بدون زعل اختاه

:court: :court: لازم تسكرين البلوتوث في الأماكن العامة :court: :court:
عزيز
06-12-2005, 02:01 PM
أول شي أقولج الحمدلله علي سلامه الولد وبشرينا أن شاء الله صحته أحسن ألحين ؟!

وثاني شي أنتي الغلطانه وبلا زعل لأنه ماكان مفروض تفتحين البلوتوث من الأساس فما بالج بأنج أستقبلتيه !! يعني لاتلومينه علي هالحركات ولاتلومينه أذا خذ فكره عنج وأسمحيلي الشيخه اذا كان كلامي قوي عليج بس ذي الحقيقه وبنفس الوقت مانقدر نطلعه من السالفه وأنه هو برئ هو بعد .....(( أكمل الفراغ :anger1: )) لانه المفروض ينتبه لمرته وأعياله ويترك سوالف المبزره عنه بس ذي بصراحه مب ويه زواج والمره حرام عليه والله :anger1:

بس لو بلوتوثج مسكر ماتجرأ حتي يبتسم لج ويسوي لج هالحركات الله يهديج ويهدينا جميعا أختي

وأتمني ماتحطين بخاطرج علي بس ذي الصراحه :court:

أخوج عزيز :)
عزيز
06-12-2005, 02:07 PM
:court: :court: لازم تسكرين البلوتوث في الأماكن العامة :court: :court:

أسمحيلي علي التدخل واللقافه أختي !! (( عادي شي طبيعي مني :eek2: )) خخخخخخخخ :p

بس بالأماكن العامه ولا بالأماكان الخاصه مالكم شغل بالبلوتوث خير شر :court: وأنا بنظري البنت تنسي شي أسمه بلوتوث لانه مابيسبب لها الأ دمارها وخراب بيتها يعني مثلا لو أخوج ولا أختج ولا أي حد من أهلج شاف جوالج وشاف أنج مستقبله صور ولا نغمات من ناس غرب شبيكون موقفهم ؟! تهقين بيسكتون ولا بيرقعونج بطراقات :court: والمفروض ماتستخدمونه أصلا بس لو مثلا قاعده مع رفيجاتج وفلانه عندها نغمه وعلانه عندها صوره مب مشكله أفتحيه دقيقه وأخذي ألي تبينه وردي سكريه :court: أدري عطيتكم محاضره سريعه بس كلمه الحق تنقال وأنا بصراحه أذا شفت شله بنات وكل وحده فيهم ماسكه الجوال ودز في هالبلوتوث بأخذ فكره عنها (( وأتحدي أي شاب يقولج هالبنت محترمه )) حتي لو صج كانت محترمه بس لاتلومون الشباب في تفكيرهم ذي لانه هالسوالف ذي ماتجي من وراها خير :court: مع قمه أحترامي لكم يابنات المنتدي :) (( عشان محد يطب فيني :eek2: )) خفت علي عمري صح :p عادي سهلات الدنيا :D خخخخخخ

وآسف علي الأطاله (( ماجني كاتب لكم ستين سطر :eek2: )) لكم أجمل تحيه أخوكم (( الي بيشرد ألحين :D )) عزوز :looking:
الرميحي
06-12-2005, 07:45 PM
أول شي أقولج الحمدلله علي سلامه الولد وبشرينا أن شاء الله صحته أحسن ألحين ؟!

وثاني شي أنتي الغلطانه وبلا زعل لأنه ماكان مفروض تفتحين البلوتوث من الأساس فما بالج بأنج أستقبلتيه !! يعني لاتلومينه علي هالحركات ولاتلومينه أذا خذ فكره عنج وأسمحيلي الشيخه اذا كان كلامي قوي عليج بس ذي الحقيقه وبنفس الوقت مانقدر نطلعه من السالفه وأنه هو برئ هو بعد .....(( أكمل الفراغ :anger1: )) لانه المفروض ينتبه لمرته وأعياله ويترك سوالف المبزره عنه بس ذي بصراحه مب ويه زواج والمره حرام عليه والله :anger1:

بس لو بلوتوثج مسكر ماتجرأ حتي يبتسم لج ويسوي لج هالحركات الله يهديج ويهدينا جميعا أختي

وأتمني ماتحطين بخاطرج علي بس ذي الصراحه :court:

أخوج عزيز :)



:nice: :nice: :nice: :nice: :nice: :nice: :nice: :nice:
بدور
06-12-2005, 08:53 PM
اختي لؤلؤة الخليج الردود كلها جا تج انتي السبب لوصول الرساله لج
اولا انتي حره تفتحين البلوتوث اولا هذي حريه شخصيه محد يتدخل بتصرفج بالنسبه لي انا
فعلا ما افضل البلوتوث للبنت لان هناك اشخاص يسيئون التصرف باستعمال البلوتوث
اما النقطه المهمه للرجال اللي حامل طفله المريض اللي تجرد من الأبوه بتلك اللحظه وتفرغ
للمغازل صج ما يستحي على وجهه ومثله كثير والله يعين ياليتج احرجتيه عند زوجته مع انه تصرف
خطأ والموقف ما يسمح بس يمكن يكون له درس يوعيه من حياته الساذجه
انتبهي اختي من البلوتوث واتمنى تسكرينه ولا تفكرين تفتحينه مره ثانيه
لمصلحتج انتي ومصلحة حياتج الزوجيه
واشكرج حبيبتي على هالموضوع
جود
07-12-2005, 03:06 PM
أسمحيلي علي التدخل واللقافه أختي !! (( عادي شي طبيعي مني :eek2: )) خخخخخخخخ :p

بس بالأماكن العامه ولا بالأماكان الخاصه مالكم شغل بالبلوتوث خير شر :court: وأنا بنظري البنت تنسي شي أسمه بلوتوث لانه مابيسبب لها الأ دمارها وخراب بيتها يعني مثلا لو أخوج ولا أختج ولا أي حد من أهلج شاف جوالج وشاف أنج مستقبله صور ولا نغمات من ناس غرب شبيكون موقفهم ؟! تهقين بيسكتون ولا بيرقعونج بطراقات :court: والمفروض ماتستخدمونه أصلا بس لو مثلا قاعده مع رفيجاتج وفلانه عندها نغمه وعلانه عندها صوره مب مشكله أفتحيه دقيقه وأخذي ألي تبينه وردي سكريه :court: أدري عطيتكم محاضره سريعه بس كلمه الحق تنقال وأنا بصراحه أذا شفت شله بنات وكل وحده فيهم ماسكه الجوال ودز في هالبلوتوث بأخذ فكره عنها (( وأتحدي أي شاب يقولج هالبنت محترمه )) حتي لو صج كانت محترمه بس لاتلومون الشباب في تفكيرهم ذي لانه هالسوالف ذي ماتجي من وراها خير :court: مع قمه أحترامي لكم يابنات المنتدي :) (( عشان محد يطب فيني :eek2: )) خفت علي عمري صح :p عادي سهلات الدنيا :D خخخخخخ

وآسف علي الأطاله (( ماجني كاتب لكم ستين سطر :eek2: )) لكم أجمل تحيه أخوكم (( الي بيشرد ألحين :D )) عزوز :looking:


كلامي كان مختصر وواضح قلت الأماكن العامة (مستشفى ,سوق,مطار....إلخ)

والأماكن الخاصة مفهومة انها في بيتها بيت جدتها رفيجتها اللي هو والتطرش مع الأخوان والأهل ..

وهالكلام للبنت والولد يعني الرجال شيبي فاتح البلوتوث في الأماكن العامة :anger2: ؟ شينتظر :anger1: ؟

غير الخرابيط والمشاكل واذا عاد مب فيروس يخبط تلفونه

__________________________________

ما كان ودي أرد عليك يا أخوي لولا إنك قلت


بس لو مثلا قاعده مع رفيجاتج وفلانه عندها نغمه وعلانه عندها صوره مب مشكله أفتحيه دقيقه وأخذي ألي تبينه وردي سكريه

وهو اللي مقصود من كلامي اما انت شكلك ما فهمتني :court:

ولك الشكر الجزيل :nice:


(((مب كانه انقلب الموضوع عن البلوتوث :con2: )))
h2004
07-12-2005, 03:24 PM
وياترى اين ذهبت لولوة الخليج ؟ ولماذا اختفت ؟ هل الردود كانت قاسية ؟ ام انها ندمت على ماكتبت ؟ ولكن سؤالي لها واتمنى ان ترد هل تستقبل البلوتوث اذا كان زوجها بقربها في ذلك الوقت ام لاء !
relaax
07-12-2005, 09:43 PM
مو شرط الطريقة .. بالبلوتوث ..... قدام عيني .. واحد مع زوجته ... ويغازل وحده ثانية ...
المسأله مش تكنولوجيا ... المسأله اخلاق واحترام ... ورفع قدر الزوجه والمحافظة على كرامتها .. مش تقليل من قدرها ...
The Edge
07-12-2005, 11:01 PM
اعتقد ان نقطتكم و صلت من تلك الناحية
انا لا ادافع عن لؤلؤة الخليج شخصيا
و لكن اقول احسنوا الظن و التمسوا العذر
صحيح ان الأخت استقبلت البلوتوث , و يمكن معظمكم القوا اللوم عليها , لكن قد يكون ذلك من باب الفضول او احيانا الواحد يتخذ قرار في جزء من ثانية من غير ان يفكر او يقصد او يفكر في عواقب ذلك الشي
استقبال رسالة بلوتوث شئ و ارسال رسائل بلوتوث للناس و مغازلتهم شئ مختلف تماما
اتمنى ان تكون النقطة و صلت
و اتمنى الا يزعل احد , سأقوم بأقفال الموضوع الآن لأنه أخذ حقه و زيادة ,, و لن افتحه الا اذا طلبت مني صاحبة الشأن