سؤال للخبراء في الاسهم: اشتري الاسهم النازلة والا؟؟؟

[STAR]

السلام عليكم ورحمة الله وبركاته

انا وحدة مو لين اهناك في سوالف الاسهم والبورصة...

وحبيت آخذ رايكم في شراء الاسهم النازلة (الهابطة)

مثل ما انتم شايفين ان اسعار الاسهم هابطة من قلب.. فمادري تنصحوني اشتريهم والا لا؟؟؟

وهل راح ترتفع والا لا؟؟؟

واي الاسهم اللي تنصحوني اشتريها؟؟؟

ابنتظار راايكم

وشكرا

[الصاروخ2003]

الأسعار الحالية اسعار إكتتاب ومادون الإكتتاب فهل في السابق كنت تخافين من الاكتتابات وعندك الخليج الدولية للخدمات البترولية الحين معروضة بسعر المكرمة الأميرية فهى فرصة لا تعوض وتوكلي على الله (إذا كنت ذا رأي فكن ذا عزيمة فإن فساد الرأي أن تتردد)

[Bin Hood]

وانا نفس الحالة بغيت الراي من اهل الاختصاص

[مساهم عادي]

والله بروة اذا انزلت عن الـ 15 ريال...بيكون السهم مغري..

[مواش]

من ناحية منطقية يتم التفكير في شراء الأسهم ، ولمرحلة طويلة قد تمدد إلى سبع سنوات .

تقارن قيمة مصروفات للكماليات ، وتشتري بها , مثلا كوب شاي في فندق درجة أولى = 35 ريال حلو وفره

واشتري سهم به . كماليات أخرى لديك مثلها لاتجددها واشتر بها أسهم وأنساها .

هذه الحدود وطريقة شراء الأسهم حاليا . وعليك بالصبر .

[eXpert*]

الاسهم كلها ما منها خوف ، وكل شي في الحياة له دورة يبدأ منها ويعود من حيث بدأ والمؤشر مثل ماوصل فوق الـ 10000 راح يرجع حق هالرقم بعد فترة ..

ونفس الحاصل مع العقار طلع والحين ينهار وراح يطلع مرة ثانية وهذه سنة الحياة .

انا افضل ما قل سعره وكبر فعله .

واللبيب من الاشارة يفهمُ .

بالتوفيق للجميع ..

[ولد الخال]

قطر وعمان سهم جيد للشراء

سعره تحت سعر الاكتتاب

بس يبي له صبر لمدة ثلاث سنوات أو أكثر

[المشتاقه الى الجنه]

أنا رأيي الأسهم كلها مغريه للشراء وخصوصا الإسلاميه

[مضارب دوسري]

انا اقول انتظروا بداية العام الجديد

راح تجدون اسعااااااااار افضل من هذه الاسعار

وشكرا